16,17 ጾሳ ማጻፋ ኡባን ጾሳ አያናይ ደኤ። ቃይ ሄ ማጻፋቱ ጾሳዉ ኦያ አሳይ ኩመንነ ሎኦ ኦሱዋ ኡባዉ ጊጌዳዋ ግዳና ማላ፥ ቱማተ ታማርሳናዉ፥ ባላ ሴራናዉ፥ ባይዙዋ ሱርሳናዉነ ጽሎተ ደኦ ዞርያ እማናዉ ማዲኖ።

15 ኔን ጉ ናአተፐ ዶማደ ክርስቶስ የሱሳ አማናደ፥ አቶተይ ቤትያ አዳ ኤራ እማናዉ ዳንዳይያ ጌሻ ማጻፋቱዋ ኤራዳ። 16,17 ጾሳ ማጻፋ ኡባን ጾሳ አያናይ ደኤ። ቃይ ሄ ማጻፋቱ ጾሳዉ ኦያ አሳይ ኩመንነ ሎኦ ኦሱዋ ኡባዉ ጊጌዳዋ ግዳና ማላ፥ ቱማተ ታማርሳናዉ፥ ባላ ሴራናዉ፥ ባይዙዋ ሱርሳናዉነ ጽሎተ ደኦ ዞርያ እማናዉ ማዲኖ።

20 ኡባፐ ካሰቲደ፥ ሀዋ ኤርተ፤ ጾሳ ማጻፋን ጻፈቴዳ ትምቢትያ ኦዴዳዋ ኦንነ ባረካ ብላናዉ ዳንዳየና። 21 አያዉ ጎፐ፥ ትምቢትያ ኦዴዳዌ ኡባይ ጌሻ አሳቱ ጌሻ አያናይ ካለና፥ ጾሳ ቃላ ሃሳዬድኖፐ አትን፥ አሳ ሸንያን ሃሳየትቤና።

15 ኔን ጾሳ ቱማተ ቃላ ሱረተን ኦድያዋነ ቃይ አ ኦሶ ዬላተና ኦሳንቻ ግዳደ፥ ጾሳይ ሳቢያ አሳዳን፥ ነ ሁጲያ ጾሳዉ እማናዉ ምና።

2 ቃላ ኦዳ። ዎዲ እንጀትና እንጀታና ይና፥ ምናደ ኦዳ። ዳሮ ዳንዳያን አሳ ታማርሳደ ሱርሳ፥ ሴራነ ዞራ።

13 ታን ያና ጋካናዉ አሳዉ ጾሳ ማጻፋ ናባብያዋን፥ ጾሳ ቃላ ኦድያዋንነ ታማርስያዋን ምና።

12 አያዉ ጎፐ፥ ጾሳ ቃላይ መናዉ ደእያዋኔ ኦያዋ፤ ላኡ ባጋና ሌፈቴዳ ማሻፐካ አደ ኩሴ። ሄ ቃላይ ሸምፑነ አያናይ፥ ኩሪነ ኮልዚ እትፐ ጋከትያሳ ሻካና ጋካናዉ ጫዴ። ቃይ አሳ ዎዛናን ደእያ ኮሻነ ቆፋ እ ሻኬ።

35 ሳሉነ ሳአይ አና፤ ሽን ታ ቃላይ ኡባካ አና።

4 ሽን የሱስ ዛሪደ፥ "ጾሳ ማጻፋን፥ ‘አሳይ ጾሳይ ሃሳይያ ቃላ ኡባን ደአናፐ አትን፥ ኡክ ጻላላን ደኤና’ ያገት ጻፈቴዳ" ያጌዳ።✝

10 እራይነ ሱፓ ሻቻይ ሳሉዋፐ ዎደ፥ ቢታ አሊደ፥ ሞካናዳንነ አይፋናዳን ኦያዋዳን፥ ቃይ ዘርያዎ ዘረ፥ ምያዋዉካ ካ እመናን ጉየ ሳሉዋ ስመናዋዳን፥✝ 11 ታ ዶናፐ ከስያ ቃላይካ ሄዋ ማላ። እ ታን ሀልቼዳዋ ፖላና፤ ቃይ ኪቴዳዋ ኦናፐ አትና፥ ታኮ ጮ ስመና።

17 ኔን ቱማተን ኡንቱንታ ነዋንታ ኦ፤ ነ ቃላይካ ቱማተ።

39 "ጾሳ ማጻፋቱዋፐ መና ደኡዋ ደምያዋ ህንተዉ ማላትና፥ ኡንቱንታ ብዲታ፤ ኡንቱንቱካ ታባ ማርካትያዋንታ።

25 ሽን ጎዳ ቃላይ መናዉ ደኤ" ያጌ። ሀዌ ህንተንቶ ጎዳይ ኦዴዳ ምሽራቹዋ ቃላ።

9 ያላጋይ ባረ ኦግያ ጌሻ ኦደ

ዎት ናጋናዉ ዳንዳዪ?

ነ ቃላይ ግያዋዳን ደኦፐ ዳንዳዬ።

160 ነ ቃላይ ኮይሮፐካ ቱማ፤

ነ ጽሎ ፕርዳይ ኡባይካ መናዉ ደኤ።

ሺን

11 ቤርያ አሳቱ ተሰሎንቀን ደእያ አሳቱዋፐካ አ ዶየቶ ዎዛናይ ደእያ ድራዉ፥ "ጳዉሎስ ጌዳዌ ቱመንቶነ" ያጊደ፥ ኡባ ጋላስ ጾሳ ማጻፋቱዋ ታማሪደ፥ ቃላ ኩመን ላሞታን አኬድኖ።

2 ጳዉሎስ ባረ ዶያዳንካ ያ ገሌዳ፤ ሄዋን ሄዙ ሳምባታ ጋላሳቱዋን ጾሳ ማጻፋቱዋፐ አሳና ሃሳዬዳ፤ 3 ክርስቶስ ዋይያ አካናዉነ ሀይቁዋፐ ደንዳናዉ በስያዋ ኡንቱንቶ ብሊደ ኦዲድነ ቱማ ግዴዳዋካ ኡንቱንታ ኤርሲደ፥ "የሱስ ሀ ታን ህንተንቶ ኦድያዌ ክርስቶሳ" ያጌ።

30 ፕልጶስ ዎጽ ዪደ፥ ናብያ ኢስያሳ ማጻፋ ሹፋይ ናባብሽን ስሲደ አ፥ "ኔን ናባብያዋ አኬካይ?" ያጌዳ።

31 ሹፋይ፥ "ታዉ ኦዲደ አኬክስያ አሳይ ባይናን ዋኒደ አኬከቲ?" ያጌዳ፤ ቃይ ባረናና ጋርያን ከሲደ ኡታና ማላ፥ ፕልጶሳ ዎሴዳ። 32 ሹፋይ ናባብያ ማጻፋይ፥

"ዶርሳዳን እ ሹከታናዉ ላገቴ።

ዶርሳ ማራይ ባረ እስክያ

ቃንጽያዋ ስንን ጮኡ ግያዋዳን፥

እካ ባረ ዶና ፖክቤና።

35 ፕልጶስ ዛሪደ፥ ጾሳ ማጻፋ እ ናባብያሳፐ ዶሚደ፥ የሱሳባ ምሽራቹዋ ቃላ አዉ ኦዴዳ።

10 ሄዋ ጻላላ ግደናን እዝር መና ጎዳ ህግያ ጻናያናዉነ ኦናዉ፥ ቃይ እስራኤልያን አ ዎጋነ አ ፕርዳ ታማርሳናዉ ባረ ዎዛና ጊግስ ዎዳ።

25 የሱስ ኡንቱንቶ፥ "ህንተኖ፥ አኬከና አሳቶ፥ ህንተንቱ ዎዛናን ናባቱ ኦዶዋ ኡባ ኤለ አማነናዋንቶ፤ 26 ክርስቶስ ሀ መቱዋ አካናዉነ ባረ ቦንቹዋኮ ገላናዉ በሰኔ?" ያጌዳ። 27 ሄዋፐ ስሚደ የሱስ ሙሴ ማጻፋቱዋፐነ ናባቱ ጻፌዳ ማጻፋቱዋፐ ዶሚደ፥ ጾሳ ማጻፋቱዋ ኡባን ጻፈቴዳ ባረባ ኡንቱንቶ ብሊደ ኦዴዳ።

18 የሱስ ኡንቱንቱኮ ሺቂደ፥ ኡንቱንታ ሀዋዳን ያጌዳ፤ "ማታይ ኡባይ ሳሉዋንነ ሳኣን ታዉ እመቴዳ። 19 ሄዋ ድራዉ፥ ህንተንቱ ቢደ፥ አሳ ኡባ ታና ካልያዋንታ ኦተ፤ አዉዋ ሱንን፥ ናኣ ሱንንነ ጌሻ አያና ሱንን ኡንቱንታ ጻማቅተ።✝ 20 ታን ህንተንታ አዛዜዳባ ኡባ ኡንቱንቱ ናጋና ማላ፥ ኡንቱንታ ታማርስተ፤ ታን ዎድያ ዉርሰይ ጋካናዉካ ኡባ ዎደ ህንተንቱና ደእያዋ አኬክተ" ያጌዳ።

7 ቢደ፥ ‘ሳሉዋ ካዉተይ ማቴዳ’ ያጊደ ኦድተ።✝

8 ሄዋፐ ጉይያን መና ጎዳ ቃላይ ኤላሳኮ ዪደ፥ አ ሀዋዳን ያጌዳ፤

1 ፑቱኤላ ናኣ ኢዩኤላኮ መና ጎዳይ ኪቴዳ ቃላይ ሀዋ።

19 መና ጎዳ ቃላይ ኤርማሳኮ ዬዳ።

1 መና ጎዳይ ሚልክያሳ ባጋና እስራኤልያ አሳ ቦላ ኦዴዳ ትምቢትያ ኪታይ ሀዋ።

8 መና ጎዳ ቃላይ ቃይካ ዛካራሳኮ ሀዋዳን ያጊድ ዬዳ፤

4 ሄዋፐ ጉይያን፥ መና ጎዳ ቃላይ ኢስያሳ ኮ ሀዋዳን ያጊድ ዬዳ።

1 ኡባ ሞድያ መና ጎዳ አያናይ ታ ቦላን ደኤ፤✝✝ አያዉ ጎፐ፥ ቆሄቴዳዋንቶ ሎኦ ምሽራቹዋ ኦዳና ማላ፥ ጾሳይ ታና ኦኬዳ። እ ታና ዎዛናይ መኤዳዋንቶ ኮለትያዋነ ኦሞደቴዳዋንቶ ኦሞዱዋፐ ከስያዋ አዋያና ማላነ ቃሸቴዳዋንቶ ብለ አዋያና ማላ ኪቴዳ። 2 መና ጎዳይ ዶሬዳ ላይነ ኑ ጾሳይ ሀሉዋ ከስያ ጋላሳ አዋያና ማላነ ካዮትያዋንታ ኡባቱዋ ምንና ማላ፥ ታና ኪቴዳ።✝ 3 ሄዋዳንካ ቃይ፥ ጽዮነን ካዮትያዋንቶ፥ ብድን ድራዉ ካላቻ፥ ካዩ ድራዉ ናሸቻ ዛይትያ፥ ላባና አያና ድራዉ ጋላታ ቁማዩዋ እማና ማላ፥ ታና ኪቴዳ። ኡንቱንቱ መና ጎዳይ ባረ ቦንቾ ቶኬዳ ጽሎ ም ጌተቲደ ጼሰታና።

5 ጾሳይ ኦድያ ቃላይ ኡባይ ቱማ፤ ባረኮ ባቃቲደ ብያ ኡባዉ እ ጎንዳለ። 6 አ ቃላ ቦላ አያነ ጉጆፓ፤ ጉጆፐ እ ኔና ሴራና፤ ኔን ዎርዳንቻ ግድያዋካ እ ቆንጭሳና።

18 ታን ሀ ማጻፋን ጻፈቴዳ ሀናና ጌዳ ቃላ ስስያ ኦናነ ዞራይ። ኦንነ ሀ ቃላ ቦላ እትባ ጉጆፐ፥ ጾሳይ ሀ ማጻፋን ጻፈቴዳ ቦሻ አ ቦላ ጉጃና። 19 ኦንነ ማጻፋን ደእያ ትምቢትያ ቃላፐ አያነ ፓጭሶፐ፥ ሀ ማጻፋ ግዶን ቆንጭሴዳ ደኡዋ ም አይፍያፐነ ጌሻ ካታማፐ አ ጋክያ ግሹዋ ጾሳይ ፓጭሳና።✝

6 ክርስቶሳ አ ኬካተን ህንተንታ ጼሴዳ ጾሳ አጊደ፥ ሀራ ዎንጋላኮ፥ ህንተ ኤሌሊደ፥ ዎት ስሜድተንቶ ታዉ ኦራባ ግዴዳ። 7 ህንተንታ ቡልአክያዋንቱነ ክርስቶሳ ምሽራቹዋ ቃላ ጌላያናዉ ኮይያ አማሬዳ አሳቱ ደኢኖፐ አትን፥ ቱሙፐ ሀራ ምሽራቹዋ ቃላይ ባዋ። 8 ሽን ሀራይ አቶ ኑና ግድና፥ ዎይ ሳሉዋፐ ኪታንቻ ግድና፥ ኑን ህንተንቶ ካሰ ኦዴዳ ምሽራቹዋ ቃላፐ ዱማትያዋ ህንተንቶ ኦድያዋ ግዶፐ፥ እ መናዉ ሸቀቴዳዋ ግዶ። 9 ካሰ ኑን ጌዳዋዳን፥ ሀእካ ላኤንዋ ታን ኦዳይ፤ ህንተ አኬዳ ምሽራቹዋ ቃላፐ ዱማትያዋ ኦንነ ህንተንቶ ኦዶፐ፥ ሄ ኡራይ መናዉ ሸቀቴዳዋ ግዶ።

15 ጎዳ ዳንዳያይ አቶተ ግድያዋ ህንተ ዎዛናን ቆፕተ፤ ሄዋዳን ቃይ ኑ ሲቆ እሻይ ጳዉሎስ፥ ጾሳይ ባረዉ እሜዳ አዳ ኤራተን ህንተንቶ ጻፌዳ። 16 ባረ ጻፍያ ዳብዳቢያን፥ ሄ የዉዋባ ጻፍያ ዎደ፥ ታማርቤና አሳቱነ ምንቤና አሳቱ ሀራ ጾሳ ማጻፋቱዋ ጌላይያዋዳንካ፥ ሄ ዳብዳቢያ ግዶን ደእያ አኬካናዉ ዋይስያ የዉዋ ጌላዪኖ። ኡንቱንቱ ሄዋ ኦያዋን ባረንቱ ቦላ ባሻ አሂኖ።

4 ጾሳ ማጻፋይ ኑዉ እምያ ገንጫንነ ምኖታን ኑን ደማና ጊደ ናሸቻን ናግ ኡቴዳዌ ደአና ማላ፥ ጾሳ ማጻፋን ጻፈቴዳ ኡባባይ ኑና ታማርሳናዉ ጻፈቴዳ።

14 ያትና፥ ኡንቱንቱ አ አማንቤናዋንታ ግዶፐ፥ ዎት አ ጼሳናዉ ዳንዳዪኖ? ቃይ ቃላ ስስቤናዋንቱ ዋን አማናናዉ ዳንዳዪኖ? ቃላ ኦድያዌ ዮፐ፥ ኡንቱንቱ ዋን ስሳናዉ ዳንዳዪኖ? 15 ቃይ ቃላ ኦድያዋንቱ ኪተተናን አጎፐ፥ ኦሱ ዎት ኦደታናዉ ዳንዳዪ? አያዉ ጎፐ፥ ጾሳ ማጻፋይ፥ "ናሸችያ ምሽራቹዋ ኦድያዋንቱ ዩሳይ ዎት ሎኢ!" ያጌ።✝

16 ሽን ኡንቱንቱ ኡባይ ዎንጋላዉ አዛዘትበይክኖ፤ አያዉ ጎፐ እስያስ፥ "ታ ጎዳዉ፥ ኑን ማርካቴዳዋ ኦን አማኔዴ?" ያጌዳ።✝ 17 ስም አሳይ ቃላ ስሲደ አማኔ፤ ቃይ እት ኡራይ ክርስቶሳ ቃላ፥ ኦድና ስሴ።

16 ምሽራቹዋ ቃላይ ታና ዬላየና፤ እ አማንያ ኡባ፥ ካሰቲደ አይሁዳ አሳ ቃይ አይሁዳ ግደና አሳ አሻናዉ ጾሳፐ ይያ ዎልቃ። 17 አያዉ ጎፐ፥ ጾሳ ማጻፋይ፥ "ጽሉ ጾሳን አማነቲደ ደአና" ያግያዋዳን፥ ጾሳይ አሳ ኮይሮፐ ዉርሰ ጋካናዉ፥ አማኑዋን ጽልስያዋ ምሽራቹዋ ቃላይ ቆንጭሴ።✝

12 ኑን ጾሳይ ኑዉ እሜዳባ ኡባ ኤራናዉ እ ኑዉ የዴዳ አያና አኬዶፐ አትን፥ አላምያ አያና አክበይኮ።

13 ኑን አያና የዉዋ* አያና የዉዋና ጋደ፥ ጌሻ አያናይ ኑና ታማርሴዳ ቃላን ሀዋ ሃሳዬቶፐ አትን፥ አሳ አ ኤራተይ ኑና ታማርሴዳ ቃላን ሃሳዮኮ። 14 ሽን ጌሻ አያናይ ባይና አሳይ ጾሳ አያና የዉዋ አከና፤ አያዉ ጎፐ፥ ሄዌ አዉ ኤያተ። የዉ ጌሻ አያናን ፓጨትያ ድራዉ፥ እ ኤራናዉ ዳንዳየና።

21 አያዉ ጎፐ፥ አሳይ ባረ ሁጰ አ ኤራተን ባረና ጾሳ ኤረና ማላ፥ ጾሳይ ባረ አ ኤራተን ድጊደ፥ ኑን ኦድያ ኤያ ቃላን አማንያዋንታ አሻናዉ ቆፔዳ።

22 አይሁዳቱ ማላታ ኦቺኖ። ቃይ ግሪከ አሳቱ አ ኤራተ ዎልቃማ ኮሻ ኮዪኖ። 23 ሽን ኑን ማስቃልያ ቦላ ምስማርያን ሸቲደ ካቀቴዳ ክርስቶሳባ ኦዴቶ። ሄዌ አይሁዳቶ ቦ፤ ቃይ አይሁዳ ግደናዋንቶ ኤያተ። 24 ሽን ጾሳይ ጼሴዳዋንቶ አይሁዳቶካ ግሪካቶካ ኑን ኦድያ ጾሳ ዎልቃይነ አ አ ኤራተይ ክርስቶሳ።

17 አያዉ ጎፐ፥ ክርስቶስ ታና ምሽራቹዋ ቃላ ኦዳና ማላ ኪቴዳፐ አትን፥ ጻማቃና ማላ ኪትቤና፤ ቃይ ክርስቶስ ማስቃልያ ቦላ ሀይቄዳዌ መላ ግደና ማላ፥ ታን አሳ አዳ ኤራተ ቃላን ታማርስከ።

9 ሽን ጾሳይ ማፐ ማላልስያ ባረ ፖኦ ህንተና ጼሴዳ፤ ህንተ አ ኦራ ኦሱዋ ኦዳናዉ ዶረቴዳ ዛረ፤ ህንተ ካትያ ቄሳቱዋ፤ ጌሻ አሳነ ጾሳዉ ቡዞ አሳ።✝