Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
सारा पवित्र शास्त्र परमेश्वरके ओहोँरसे हो। मनैनहे सच्चा सिद्धान्त सिखाइक लग, गलत काम करुइया मनैनहे चेतावनी देहक लग, मनैनके नेंग्ना गलत डगरहे सुधारक लग, एकथो मजा जीवन कसिके जिए परत कहिके मनैनहे देखाइक लग हम्रे यी पवित्र शास्त्रमे लिखल बातके प्रयोग करे सेक्थी। ताकि परमेश्वरके सेवा करुइया मनैया सक्कु मेरके मजा काम करक लग तयार और सिपार हुई सेके।
जब तुँ छुटिमुती लौँदा रहो, तब्बेहेँसे तुँ पवित्र शास्त्रहे पहरलो, जिहिसे तुहिन्हे यी बुझक लग सहायता हुइत कि जब तुँ ख्रीष्ट येशूमे विश्वास करथो, तब परमेश्वर तुहिन्हे बँचैथाँ। सारा पवित्र शास्त्र परमेश्वरके ओहोँरसे हो। मनैनहे सच्चा सिद्धान्त सिखाइक लग, गलत काम करुइया मनैनहे चेतावनी देहक लग, मनैनके नेंग्ना गलत डगरहे सुधारक लग, एकथो मजा जीवन कसिके जिए परत कहिके मनैनहे देखाइक लग हम्रे यी पवित्र शास्त्रमे लिखल बातके प्रयोग करे सेक्थी। ताकि परमेश्वरके सेवा करुइया मनैया सक्कु मेरके मजा काम करक लग तयार और सिपार हुई सेके।
पर यी बुझ्ना एकदम जरुरी बा कि पवित्र शास्त्रमे तुहुरिन्के पहरना अगमवक्तनके अपन विचार नै हुइतिन। काकरेकी कौनो फेन अगमवाणी मनैनसे नै आइल। पर पवित्र आत्मा अगमवक्तनके मनहे चलैलिन, और ओइने परमेश्वरके सन्देशहे मनैनहे बतैलाँ।
तुँ जतरा कर्रा मेहनत करे सेक्थो ओत्रेहे करो। ताकि परमेश्वर तुहिन्हे एकथो असिन कामदारके रुपमे पूरा रुपसे स्वीकार करे सेकिँत, जोन कामदारहे अपन कामके कारण लजाई नै पर्थिस, और जे सच्चा सन्देशहे सही तरिकासे सिखाइत।
कि तुँ परमेश्वरके वचन प्रचार करो। और चाहे परस्थिति मजा रहे, चाहे खराब रहे परमेश्वरके वचन प्रचार करक लग तुहिन्हे हर समय तयार रहे परी। तुँ मनैनके गल्तीहे बतादेऊ, और ओइने पाप कर्लक कारण ओइन्हे दाँतो। पर तुँ मनैनहे उत्साहा फेन देहे परी, और तुँ यी सक्कु चिज धिरजतासे करहो, और ध्यानसे सिखैहो।
जबसम मै वहाँ नै पुगम तबसम तुँ विश्वासीनके लग पवित्र शास्त्रहे जोरसे पह्रक लग, उत्साहा देहक लग और पवित्र शास्त्रक मतलब बुझाइक लग समय निकारो।
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
परमेश्वरके वचन ते काम कर्ती रना और जित्ती बा। यी दुनु ओहोँर धार रहल तरवालसे फेन चोखुर बा। यी भित्तर जाके प्राण और आत्माहे अलग करदेहत, अथवा गाँठीगुँथा और हड्डीहे फेन काट्देहत। परमेश्वरके वचन मनैनके मनके विचार और चाहनाहे फट्कारसे जाँचत।
आकाश और पृथ्वी नाश होजाई, पर जोन मै कनु ऊ सदादिन पलिरही।"
पर येशू जवाफ देलाँ, "पवित्र शास्त्रमे लिखल बा,
‘मनैया रोटीसे किल नै,
पर परमेश्वरके कहल हर वचनहे मानके जित्ती रहत।’"
तोरिक वचन सच्चा बा। तबेकमारे ओइन्हे तैँ सच्चाइसे पवित्र बनादे।
तुहुरे पवित्र शास्त्रमे मनन करथो, काकरेकी तुहुरे यी सोँच्थो कि ओम्ने तुहुरिन्हे सदाकालके जीवन मिली। और यी वहे पवित्र शास्त्र हो, जे मोरिक बारेमे गवाही देहत।
पर प्रभुक वचन सदासर्वदा पलिरहत।"
और तुहुरिन्हे प्रचार करगिलक खुशीक खबरके वचन यहे हो।
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
यहाँक मनै थेसलोनिके शहरके यहूदिनसे धेउर मजा रहिँत। काकरेकी यने पूरा उत्सुक्तक संग वचन ग्रहण करलाँ। और उ बात ठिक्के बा कि नै हो कहिके रोज पवित्र शास्त्रमेसे छानबीन करिँत्।
पावल अपन चलन अनुसार यहूदिनके बैठक भवनके भित्तर गैल। और तीन हप्तासमके बिसैना दिनसम पवित्र शास्त्रमेसे ओइन्के संग बहस कर्तिरहल।
"ख्रीष्टहे जरुर दुःख भोगे परना रहिन, और मुअलमेसे जित्ती हुई परना रहिन। और यहे येशू, जेकर विषयमे खुशीक खबर मै अप्निन्हे सुनाइतुँ, वहे ख्रीष्ट हुइताँ" कना बातके मतलब खोलके ऊ ओइन्हे व्याख्या कर्ती साबित करदेहल।
फिलिप दौरके रथके लग्गे पुगल और उहिहे परमेश्वरके अगमवक्ता यशैयक किताब पह्रत सुनके ऊ उहिहे पुँछल, "अप्नि ज्या पह्रती, का उ अप्नि बुझती?" तब् ऊ कहल, "यदि केऊ महिन्हे नै बुझादी कलेसे मै यिहिहे बुझे नै सेकम।" तब् ऊ फिलिपहे अनुरोध करल कि ऊ रथमे चहुँरके ओकर थेन बैठ्जाए। और फिलिप ओकर थेन जाके बैठगिलस। आब ओकर पहर्लक पवित्र शास्त्र मनिक खण्ड यी रहे।
"जसिके भेँरवा काटक लग लैजागिल रहत।
या पठ्वा ऊन कटुइयनके थेन चिमचाम रहत।
ओस्तेके जब मनै हुँकिन्हे दुःख देलाँ ते।
ऊ फेन अपन मुह नै खोल्लाँ।
तब् फिलिप बोल्ना सुरु करल, और पवित्र शास्त्रक यहे खण्डमेसे सुरु करके उहिहे खुशीक खबर सुनाइल। तबेकमारे उ अधिकारी बुझगिलस, और येशू ख्रीष्टकेमे विश्वास करलेहल।
तब येशू उ दुनु चेलनहे कलाँ, "ए मूर्ख मनै, जोन परमेश्वरके अगमवक्तन पवित्र शास्त्रमे लिखल रहिँत, उ बातमे विश्वास करना तुहुरिन्हे बहुत कर्रा लागता! यी जरुरी रहे कि ख्रीष्ट यी सक्कु दुःख उठाए, तब अपन महिमामे जाए।" येशू ओइन्हे पूरा पवित्र शास्त्रमे मोशासे सुरु करके परमेश्वरके सक्कु अगमवक्तनके माध्यमसे अपन बारेमे कहिगिलक बात सम्झैलाँ।
तब् येशू ओइन्के थेन आके कलाँ, "स्वर्ग और पृथ्वीक सारा अधिकार महिन्हे देगिल बा। तबेकमारे जाऊ, और सक्कु देशके जातिनहे चेला बनाऊ। परमेश्वर बाबा, मै, छावा और पवित्र आत्मक नाउँमे ओइन्हे डुब्कि देऊ, मै तुहुरिन्हे जोन आज्ञा देहल रहुँ, उ सक्कु आज्ञा पालन करे ओइन्हे सिखाऊ। हेरो, युगके अन्त्यसम सदादिन मै तुहुरिन्के संग बतुँ।"
‘स्वर्गक राज लग्गेहेँ आगिल बा,’ कती प्रचार करो।
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
मै यूहन्ना हुइतुँ, और मै तुहुरिन सक्कु जहनहे यी चेतावनी देहतुँ। जेने सुनल बताँ कि यी किताबमे का भविष्यवाणी हुइल: यदि कौनो मनैया यम्ने लिखल बातमे कुछु थपी कलेसे परमेश्वर उहिहे देना दण्डहे बह्रादिहीँ। जोन दण्डक बारेमे यहाँ बतागिल बा। और यदि तुहुरे यी किताबके अगमवाणीक सन्देशमेसे कुछु फेन निकर्बो कलेसे परमेश्वर तुहिन्से उ आशिष लैलिहीँ, जेनके व्याख्या यी किताबमे करगिल बा। परमेश्वर जीवन देना रुख्वक फाराहे खैना और पवित्र शहरमे रना तुहुरिन्के अधिकार फेन छिनालिहीँ।
मै निराश बतुँ, कि जोन परमेश्वर तुहुरिन्हे ख्रीष्टके अनुग्रहसे बलैलाँ, हुँकिन्हे अतरा झत्ति छोरके तुहुरे एकथो दोसुर मेरिक शिक्षाहे स्वीकार करलेलो, जिहिहे कौनो-कौनो मनै खुशीक खबर हो कहिके कथाँ। एक्केथो किल सच्चा खुशीक खबर बा। पर कौनो-कौनो मनै तुहुरिन्हे भ्रममे पारे चहथाँ, और ख्रीष्टके खुशीक खबरहे बिगारे चहथाँ।
पर यदि हमारमेसे कौनो एक जाने या स्वर्गमेसे एकथो स्वर्गदूत फेन आके हमार सुनैलक खुशीक खबर बाहेक कौनो दोसुर मेरिक खुशीक खबर सुनाई कलेसे परमेश्वर ओइन्हे सदाकालके दण्ड दिँत। जसिके मै तुहुरिन्हे पहिले फेन कहिसेकल बतुँ। ओस्तेहेँके मै फेनदोस्रे तुहुरिन्हे कहतुँ कि जोन खुशीक खबरहे तुहुरे स्वीकार कर्ले बतो। ओकर उल्टा केऊ तुहुरिन्हे दोसुर मेरिक खुशीक खबर सुनाई कलेसे परमेश्वर उहिहे सदाकालके दण्ड दिँत।
यकर बारेमे सोँचो, हमार प्रभु धैर्यवान बताँ, ऊ तुहुरिन्हे मुक्ति भेटैना और अइना न्यायसे बँच्ना मौका देहतताँ। हमार प्रिय विश्वासी भैया पावल फेन परमेश्वर उहिहे देना बुद्धिक प्रयोग करके यी बात तुहुरिन्हे एकथो चिट्ठीमे लिखल रहे। ऊ विश्वासीनहे लिख्लक ओकर सक्कु चिट्ठीमे, ऊ वहे बात लिखल, जोन बात ऊ तुहुरिन्हे लिखल रहे। पर ओकर चिट्ठीमे लिख्लक कौनो-कौनो बात बुझ्ना कर्रा बा। जोन मनै पह्रललिखल नै हुइँत, और जेने विश्वासमे पक्का नै हुइँत। ओइने यी बातहे फेन ओस्तेहेँके गलत तरिकासे व्याख्या करथाँ, जसिके ओइने पवित्र शास्त्रमे रलक दोसुर खण्डहे व्याख्या करथाँ। असिके ओइने अप्निहीँ परमेश्वरसे नाश हुइना कारण बन्थाँ।
जतरा बात पैलेहेँसे पवित्र शास्त्रमे लिखल बा, उ हमारे शिक्षाके लग लिखगिल बा। ताकि पवित्र शास्त्रसे मिल्ना स्थिरता और उत्साहासे हम्रे उ आशा भेटाई सेकी जोन आशा परमेश्वर हम्रिहिन्हे देहम कहिके वाचा कर्ले रहिँत।
पर मनैनहे परमेश्वरसे सहयोग मंग्नासे पहिले हुँकारमे विश्वास करे परत। और हुँकारमे विश्वास करनासे पहिले हुँकार बारेमे सुने परल। और यदि मनै येशू प्रभुहे विश्वास करना बारेमे नै सुनल हुइँत कलेसे सुनक लग केऊ ओइन्हे हुँकार बारेमे बताई परल। और ओइन्हे जाके बतैनासे पहिले बताइक लग केऊ उहिहे पठाई परल। जसिके पवित्र शास्त्रमे लिखल बा, "खुशीक खबर प्रचार करुइयनके गोरा कतरा सुग्घुर बतिन!"
पर सक्कु जाने उ खुशीक खबरहे स्वीकार नै करलाँ। जसिके यशैया अगमवक्ता कहत, "हे प्रभु, बहुत कम मनै हमार सुनैलक खुशीक खबरमे विश्वास करलाँ।" तबेकमारे जब तुहुरे खुशीक खबर सुन्थो, तब तुहुरे विश्वास करथो। और यी खुशीक खबर ख्रीष्टके वचन हो।
काकरेकी ख्रीष्टके खुशीक खबरमे महिन्हे गर्व बा। काकरेकी परमेश्वर अपन शक्तिसे खुशीक खबरमे विश्वास करुइया प्रत्येक जहनहे बँचैथाँ। सुरुवात ओहोँर परमेश्वर यहूदी मनैनहे मुक्ति देलाँ, और आब सक्कु मनैनहे मुक्ति देथाँ। काकरेकी खुशीक खबरमे परमेश्वर यी प्रकट करथाँ, कि हुँकार थेन मनैनहे धर्मी घोषणा करना अधिकार बतिन। उ धार्मिकता जोन पूरा रुपसे हुँकारमे विश्वास कर्लक कारणसे आइत। जसिके पवित्र शास्त्रमे लिखल बा, "जिहिहे परमेश्वर विश्वाससे धर्मी बनैले बताँ, ऊ जीई।"
हम्रे ओसिके नै सोँच्थी जसिके संसारके दोसुर मनै सोँच्थाँ; बेन हम्रिहिन्हे परमेश्वरके देलक वरदान हम्रे बुझे सेकी कहिके परमेश्वर हम्रिहिन्हे पवित्र आत्मा देले बताँ। तबेकमारे हम्रे निउतरह्यन यी बातहे दोसुर मनैनहे बतैथी। हम्रे मनैनके ज्ञानसे सिखाईल शिक्षा नै बोल्थी। पर पवित्र आत्मक सिखाइल अनुसार पवित्र आत्मक ज्ञानसे हम्रे आत्मिक बातके बयान कर्थी।
पर जोन मनैयकमे परमेश्वरके आत्मा नै हुइतिस, उ मनैया पवित्र आत्मक शिक्षाहे स्वीकार नै करत। और यी बात ओकर लग मूर्खता भरल हस लग्थिस, काकरेकी ऊ उहिहे बुझे नै सेकत। काकरेकी पवित्र आत्मा किल एकथो बा, जे मनैनहे परमेश्वरके बात बुझ्नामे सहयोग करत।
मै असिके यी कारणसे कहतुँ, काकरेकी परमेश्वर अपन बुद्धिसे यी निर्णय लेलाँ कि यी संसारके मनै अपन ज्ञानसे परमेश्वरहे चिन्हे नै सेक्हीँ। तबेकमारे परमेश्वर उ मनैनहे बँचैना सोँच बनैलाँ जोन मनै हमार सुनैलक खुशीक खबरमे विश्वास करथाँ। पर जोन मनै विश्वास नै करथाँ ओइने कथाँ कि हमार प्रचार कर्लक कौनो फाइदा नै हो।
यी बात यहूदिनहे मूर्खता भरल बा कना हस लग्थिन, काकरेकी ओइने यी बात सच्चा बा कना साबित करक लग स्वर्गमेसे एकथो चिन्हा मंग्थाँ। और गैर-यहूदिनके फेन मानविय ज्ञानके खोजिमे बताँ। पर हम्रे ते ख्रीष्ट हम्रिहिन्हे हमार पापमेसे बँचाइक लग क्रूसमे मुलाँ कहिके प्रचार कर्थी, और यी यहूदिनके लग ठेस लग्ना बात होगिलिन, और गैर-यहूदिनके लग मूर्खता भरल बात होगिल।
पर जोन मनैनहे परमेश्वर अपन मनै बनाइक लग बलैले बताँ, ओइने चाहे यहूदि हुइँत या गैर-यहूदी हुइँत। ओइन्के लग यहे परमेश्वरके शक्ति और परमेश्वरके ज्ञान ख्रीष्ट हुइतिन।
काकरेकी ख्रीष्ट महिन्हे डुब्कि देहक लग नै होके खुशीक खबर प्रचार करक लग नियुक्त कर्ले बताँ। खुशीक खबर प्रचार करेबेर मै मनैनके ज्ञान अनुसार नै कर्नु, नै ते मनै मोरिक मानवीय बुद्धिक कारणसे मोरिकमे विश्वास करहीँ। और ओइने क्रूसमे रहल ख्रीष्टके बलिदानके शक्ति पता नै पैहीँ।
पर तुहुरे ओसिन नै हुइतो, काकरेकी तुहुरे परमेश्वरके रोजल मनै हुइतो। तुहुरे उ परमेश्वरके पुजारी हुइतो, जे एकथो रज्वा हुइँत। तुहुरे परमेश्वरके सेवा करक लग समर्पित हुइलक मनै और परमेश्वरके नेजी जनता हुइतो। ऊ तुहुरिन्हे अंधारमेसे अपन अचम्मक ओजरारमे रोजल बताँ, ताकि तुहुरे परमेश्वरके अचम्मक कामके घोषणा करे सेको।