Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
ବାରେ ଦାର୍ମୁ ସା଼ସ୍ତେରିତା ରା଼ସ୍କି ଆ଼ହାମାନି ବାରେ ବ଼ଲୁ ମାହାପୂରୁ ଜ଼ଲିତାୟି, ଅ଼ଡ଼େ ଜା଼ପ୍ନାୟି, ଲା଼ଗିନାୟି, ତୀରିକିନାୟି, ଅ଼ଡ଼େ ଦାର୍ମୁତା ନୀଡାଲି ସା଼ୟେମି କିନାୟି, ଏ଼ନିକିଁ ମାହାପୂରୁତି ଲ଼କୁ ତୀର୍ପୁ ଆ଼ହାଁ ବାରେ ନେହିଁ କାମାତା ଜ଼ଗେ ଗାଟାରି ଆ଼ନେରି ।
ଅ଼ଡ଼େ ଆମିନି ଦାର୍ମୁ ସା଼ସ୍ତେରି କ୍ରୀସ୍ତ ଜୀସୁ ତା଼ଣା ନାମୁଟି ନିଙ୍ଗେ ଗେଲ୍ପିକିନି ବୁଦି ହିୟାଲି ଆ଼ଡାନେ, ଏ଼ଦାଆଁ ନୀନୁ ଊଣା ୱେ଼ଡ଼ାଟିଏ ପୁଞ୍ଜାମାଞ୍ଜି । ବାରେ ଦାର୍ମୁ ସା଼ସ୍ତେରିତା ରା଼ସ୍କି ଆ଼ହାମାନି ବାରେ ବ଼ଲୁ ମାହାପୂରୁ ଜ଼ଲିତାୟି, ଅ଼ଡ଼େ ଜା଼ପ୍ନାୟି, ଲା଼ଗିନାୟି, ତୀରିକିନାୟି, ଅ଼ଡ଼େ ଦାର୍ମୁତା ନୀଡାଲି ସା଼ୟେମି କିନାୟି, ଏ଼ନିକିଁ ମାହାପୂରୁତି ଲ଼କୁ ତୀର୍ପୁ ଆ଼ହାଁ ବାରେ ନେହିଁ କାମାତା ଜ଼ଗେ ଗାଟାରି ଆ଼ନେରି ।
ମୀରୁ ବାରେତି କିହାଁ ତଲିଏ ଈଦାଆଁ ପୁଞ୍ଜୁ, ଦାର୍ମୁ ପତିତା ରା଼ସ୍କି ଆ଼ହାମାନି ମାହାପୂରୁ ବ଼ଲୁତି ଜାହାରା ବୁଦିତଲେ ତେଲ୍ହାଲି ଆ଼ଡାଆୟି । ଇଚିହିଁ ଆମିନି ମାହାପୂରୁ ଅଣ୍ପୁତି ବ଼ଲୁ ୱେହ୍ନାରି ୱାର୍ଇ ତା଼ମ୍ବୁ ମାଣ୍ସି ଅଣ୍ପୁଟି ଆମ୍ବାଆସି ଜିକେଏ ୱେ଼କ୍ହା ହିଲଅରି, ସାମା ମାହାପୂରୁ ପାଣ୍ତିତି ମାଣ୍ସିୟାଁ ସୁଦୁଜୀୱୁଟି ସା଼ଲୱି ଆ଼ହାଁ ଏ଼ୱାରି ଅଣ୍ପୁତି ବ଼ଲୁ ୱେସାମାଚେରି ।
ସାତା ବ଼ଲୁ ଟିକାଣା ତଲେ ଲେ଼ମ୍ବାହାଁ, ଆମିନି କାମାକିନାସି କାମାତା ଏ଼ନିକିଁ ଲାଜା ଆ଼ଅସି, ଏ଼ୱାଣିଲେହେଁ ମାହାପୂରୁ ନ଼କିତା ଜାହାରାଇଁ ତାୟିପାରିତା ଜୀଣା ଆ଼ହାମାନି ଲେହେଁ ତ଼ସାଲି ଜାତ୍ନୁ କିମୁ ।
ମାହାପୂରୁ ବ଼ଲୁ ୱେ଼କ୍ମୁ, ନେହିଁ ବେ଼ଲାତା କି ଲାଗେଏତି ବେ଼ଲାତା ବ଼ଲୁ ୱେ଼କହାଲି ତିୟାରା ଆ଼ହା ମାନାମୁ, ନୀନୁ ବାରେ କସ୍ତ ଅ଼ର୍ହାନା ଜା଼ପ୍ହିହିଁ ଲା଼ଗାମୁ, ଅ଼ଡ଼େ ଦାକା ହୀହାଁ ସା଼ସା ବା଼ର୍ସୁ ହୀମୁ ।
ନା଼ନୁ ନୀ ତା଼ଣା ୱା଼ଆ ପାତେକା ନୀନୁ ଦାର୍ମୁ ପତିଇଁ ପ଼ଡ଼ୱି ଆ଼ହାଁ, ମାହାପୂରୁ କାତା ୱେ଼କ୍ମୁ, ଇଞ୍ଜାଁ ଜା଼ପ୍ନି ତା଼ଣା ମ଼ନ ହୀହାଁ ମାନାମୁ ।
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
ଇଚିହିଁ ମାହାପୂରୁତି ବ଼ଲୁ ଜୀୱୁଗାଟାୟି ଅ଼ଡ଼େ କାମା କିନାୟି ଇଞ୍ଜାଁ ରିକୱାକି ଦା଼ରାଗାଟି ୱାହ୍ନି କାଣ୍ତା କିହାଁ ହା଼ରେକା ୱାସ୍ତାୟି, ଅ଼ଡ଼େ ହିୟାଁ ଅ଼ଡ଼େ ଜୀୱୁ ଇଞ୍ଜାଁ ହାନ୍ଦୁଲି ଅ଼ଡ଼େ ଡୁମ୍କାତି ନିଜେଡ଼ି ପାତେକା ହ଼ଡାଲି ଆ଼ଡିନେ । ଏ଼ ବ଼ଲୁ ମାଣ୍ସିତି ଡ଼ୁଗାମାନି ଅଣ୍ପୁତି ବାରେ ନୀହାଁୟି କିନାୟି ।
ହା଼ଗୁପା଼କା ଦାର୍ତି ବାରେ ମେଣ୍ଙ୍ଗିନେ, ସାମା ନା଼ ବ଼ଲୁ ଏଚେଲାୱା ମେଣ୍ଙ୍ଗେଏ ।"
ସାମା ଜୀସୁ ଏଲେଇଚେସି, "ଦାର୍ମୁ ସା଼ସ୍ତେରିତା ରା଼ସ୍କି ଆ଼ହାମାନେ ମାଣ୍ସି ୱାର୍ଇ ରୂଟି ତିଞ୍ଜାହାଁ ନୀଡଅସି, ସାମା ମାହାପୂରୁ ଗୂତିଟି ହ଼ଚିମାନି ବ଼ଲୁ ତଲେ ନୀଡିନେସି ।"
ଏ଼ନିଇଚିହିଁ ଏ଼ନିକିଁ ପିୟୁ ଅ଼ଡ଼େ ପେଣ୍ତି ହା଼ଗୁଟି ଡ଼଼ଇ ୱା଼ନେ ଅ଼ଡ଼େ ଏମ୍ବାଆଁ ୱେଣ୍ତା ହାଲେଏ,
ସାମା ବୂମିତି ଊତ୍ନେ, ଇଞ୍ଜାଁ ପା଼ଡ଼େୟି ଅ଼ଡ଼େ ଜା଼ଡ଼ା ନେୟିଁ କିହାଁ ମାଟିନାଣାକି ବିଚା ଅ଼ଡ଼େ ତିନାରାକି କା଼ଦି ହୀନେ;
ନା଼ ଗୂତିଟି ହ଼ତି ବ଼ଲୁ ଏଲେକିହିଁ ଆ଼ନେ;
ଏ଼ଦି ଉଜେଏ ଆ଼ହାଁ ନା଼ ତା଼ଣା ୱେଣ୍ତା ୱା଼ଏ,
ସାମା ନା଼ନୁ ଏ଼ନାଆଁ ମ଼ନ କିଇଁ, ଏ଼ଦାଆଁ ପୂରା କିନେ
ଅ଼ଡ଼େ ଏମିନି କାମା ତାକି ନା଼ନୁ ପାଣ୍ତାମାଇଁ, ଏ଼ଦି ପୂରା ଆ଼ନେ।
ସାତା ତଲେ ଏ଼ୱାରାଇଁ ସୁଦୁ କିମୁ, ଇଚିହିଁ ନୀ ବ଼ଲୁଏ ସାତା ।
ମୀରୁ ଦାର୍ମୁ ପତିତି କାତା ପାରିମାଞ୍ଜେରି, ଇଚିହିଁ ଏମ୍ବାଆଁ କା଼ଲାକା଼ଲାତି ଜୀୱୁ ବେଟାଆ଼ହାମାନମି ଇଞ୍ଜିଁ ଅଣ୍ପିମାଞ୍ଜେରି ଅ଼ଡ଼େ ଏ଼ ଦାର୍ମୁ ପତି ନା଼ ୱାକିଟି ସା଼କି ହୀହିମାନେ ।
ସାମା ମାହାପୂରୁତି ବ଼ଲୁ କା଼ଲାକା଼ଲାତାକି ଡ଼ୟିନେ ।" ଈଦି ଏ଼ ନେହିଁ କାବ୍ରୁତି ବ଼ଲୁ, ଆମିନି ଗାଟାୟି ମୀ ତା଼ଣା ୱେ଼ପ୍କି ଆ଼ହାମାଚେ ।
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
ତେସଲନିକିତା ମାନି ଜୀହୁଦି ଲ଼କୁ କିହାଁ ଈୱାରି ସାତାପା଼ଣା ଗାଟାରି ମାଚେରି, ଈୱାରି ହା଼ରେକା ରା଼ହାଁତଲେ ମାହାପୂରୁ କାତା ୱେଚେରି, ଅ଼ଡ଼େ ପା଼ୱୁଲ ୱେସ୍ତି କାତା ସାତା କି ଆ଼ଏ ଏ଼ଦାଆଁ ପୁଞ୍ଜାଲି ବାରେଦିନା ଦାର୍ମୁ ପତି ପ଼ଡ଼ୱି ଆ଼ହିମାଚେରି ।
ଅ଼ଡ଼େ, ପା଼ୱୁଲ ତାନି ମେ଼ରା ଲେହେଁ ଜୀହୁଦି ଲ଼କୁତି କୁଟମି ଇଲୁତା ହାଚେସି, ଇଞ୍ଜାଁ ତୀନିଗଟା ଜ଼ମିନି ଦିନା ପାତେକା ଦାର୍ମୁ ପତିତି କାତା ଆସାହାଁ ଲ଼କୁତଲେ ଜ଼ଲ୍କି ଆ଼ତେସି, ଦାର୍ମୁ ସା଼ସ୍ତେରି ତେଲ୍ହି କିହାଁ ଏ଼ କାତା ଈଦି ଇଞ୍ଜିଁ ଇଚେସି, ମସିହା ସା଼ସ୍ତି ପା଼ଣ୍ନାୟି ଅ଼ଡ଼େ ହା଼କିଟି ନିଙ୍ଗିନାୟି ଲ଼ଡ଼ାମାନେ । ପା଼ୱୁଲ ଏଲେଇଚେସି, "ଆମିନି ଜୀସୁତି କାତା ୱେସିମାଞ୍ଜାଇଁ, ଏ଼ୱାସି ଏ଼ ମସିହା ।"
ଏଚେଟିଏ ପିଲିପ ହଟି ହଟି ହାଜାହାଁ ଜିସାୟତି ପତି କାଜା ଗିୟାଁତଲେ ମାହାପୂରୁ ଅଣ୍ପୁତି ବ଼ଲୁ ପ଼ଡ଼ୱି ଆ଼ହିମାନାଣି ୱେଞ୍ଜାହାଁ ୱେଚେସି, "ନୀନୁ ଆମିନିଗାଟାଣି ପ଼ଡ଼ୱି ଆ଼ହିମାଞ୍ଜି ଏ଼ଦାଆଁ ପୁଞ୍ଜାଲି ଆ଼ଡିମାଞ୍ଜି କି ?"
ପେଜୁ ଏଲେଇଚେସି, "ଆମ୍ବାଆସି ନାଙ୍ଗେ ୱେସ୍ତାଆସାରେ ନା଼ନୁ ଏ଼ନିକିଁ ପୁଇଁ ?" ଇଞ୍ଜାଁ ଏ଼ୱାସି ପିଲିପଇଁ ରାତାତା ହ଼ଚାହାଁ ତାନିତଲେ କୁଗାଲି ଏଲେଇଚେସି । ଏ଼ୱାସି ଦାର୍ମୁ ପତିତା ପ଼ଡ଼ୱି ଆ଼ହିମାଚି କାତା ଈଦି;
"ଏ଼ୱାସି ପା଼ୟିୱିଆ଼ନି ମେ଼ଣ୍ତା ଡା଼ଲୁ ଲେହେଁ ଅ଼ୱିଆ଼ତେସି,
ଇଞ୍ଜାଁ ମେ଼ଣ୍ତା ଡା଼ଲୁ ବା଼ଣାୟାଁ ଦା଼ଃନି ବେ଼ଲାତା ମେ଼ଣ୍ତା ଡା଼ଲୁ ଏ଼ନିକିଁ ଡ଼ୀଆନା ପାଲେଏ ଡ଼ୟିନେ,
ଏଲେକିହିଁଏ ଏ଼ୱାସି ତାନି ଗୂତି ଏ଼କ୍ଆତେସି ।
ଏମ୍ବାଟିଏ ପିଲିପ ଗୂତି ଦେଚାହାଁ ଦାର୍ମୁ ସା଼ସ୍ତେରିଟିଏ ମା଼ଟ୍ହାଁ ଏ଼ୱାଣି ତା଼ଣା ଜୀସୁତି ନେହିଁ କାବ୍ରୁ ୱେସ୍ତେସି ।
ଏଜ୍ରା ପ୍ରବୁତି ମେ଼ରା ପାରାଲି ଅ଼ଡ଼େ ମା଼ନୱି ଆ଼ହାଲି ଇଞ୍ଜାଁ ଇସ୍ରାୟେଲ ବିତ୍ରା ପା଼ଣା ପା଼ଟୁ ଅ଼ଡ଼େ ମେ଼ରା ଜା଼ପ୍ହାଲି ତାନି ମ଼ନ ହୀହାମାଚେସି।
ଏମ୍ବାଟିଏ ଜୀସୁ ଏ଼ୱାରାଇଁ ଏଲେଇଚେସି, "ଆଡ଼େ ବୁଦି ହିଲାଆଗାଟାତେରି, ଅ଼ଡ଼େ ମାହାପୂରୁ ଅଣ୍ପୁତି ବ଼ଲୁ ୱେହ୍ନାରି ବାରେ କାତାତି ନାମାଲି ଆ଼ଡାଆଲେହେଁତି ହିୟାଁ ଗାଟାତେରି, କ୍ରୀସ୍ତ ଈ ବାରେ କସ୍ତ ବେଟାଆ଼ହାଁ ତାନି ଗା଼ୱୁରମିତା ହ଼ଡ଼ନାୟି ହିଲାଆତେ କି ?" ମ଼ସା ଇଞ୍ଜାଁ ବାରେଜା଼ଣା ମାହାପୂରୁ ଅଣ୍ପୁତି ବ଼ଲୁ ୱେହ୍ନାରି ତା଼ଣାଟି ମା଼ଟ୍ହାଁ ଦାର୍ମୁ ସା଼ସ୍ତେରିତା ତାନି ତାକି ରା଼ସ୍କି ଆ଼ହାମାନି ବାରେ କାତା ଏ଼ୱାସି ଏ଼ୱାରାଇଁ ପୁଣ୍ମ୍ବି କିତେସି ।
ଇଞ୍ଜାଁ ଜୀସୁ ଏ଼ୱାରି ଡାଗେ ୱା଼ହାଁ ଏଲେଇଚେସି, "ଲାକପୂରୁ ଅ଼ଡ଼େ ଦାର୍ତିତି ଅଦିକାରା ନାଙ୍ଗେ ମେ଼ଡ଼ା ଆ଼ହାମାଞ୍ଜାନେ । ଏ଼ଦାଆଁତାକି ମୀରୁ ହାଜାହାଁ ବାରେ କୂଡ଼ାତି ଲ଼କୁଣି ଆ଼ବା, ମୀର୍ଏସି ଅ଼ଡ଼େ ସୁଦୁଜୀୱୁ ଦ଼ରୁଟି ବାପ୍ତିସ୍ମ ହୀହାଁ, ନା଼ନୁ ମିଙ୍ଗେ ହୀହାମାଞ୍ଜାନି ହୁକୁମି ବାରେ ମା଼ନୱି ଆ଼ହାଲି ଜା଼ପ୍ହାନା ଏ଼ୱାରାଇଁ ନା଼ ସୀସୁୟାଁ କିଦୁ; ମେହ୍ଦୁ ଜୁଗୁ ରା଼ନି ପାତେକା ନା଼ନୁ ବାରେବେ଼ଲା ମୀ ତଲେ ମାଞ୍ଜେ ମାଞ୍ଜାଇଁ ।"
ଏ଼ୱାରିତା଼ଣା ହାଜୁ ଅ଼ଡ଼େ ୱେ଼କ୍ଦୁ ଲାକପୂରୁ ରା଼ଜି ଏଗାୱା଼ହିମାନେ ।
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
ଏଚିବେ଼ଲା ଜିସାୟ ତା଼ଣା ପ୍ରବୁତି ବ଼ଲୁ ୱା଼ତେ।
ଗେଲ୍ପିନି ନେହିଁ କାବ୍ରୁ
ପ୍ରବୁ ମାହାପୂରୁତି ଜୀୱୁ ନା଼ ତା଼ଣା ମାନେ;
ଇଚିହିଁ ସୁଦୁ ସୁୱାଲା ଲ଼କୁ ତା଼ଣା ନେହିଁ କାବ୍ରୁ ୱେ଼କ୍ହାଲି ତାକି ପ୍ରବୁ ନାଙ୍ଗେ ବ଼ର ହୀହାମାଞ୍ଜାନେସି;
ଏ଼ୱାସି ଡୀତି ହିୟାଁଗାଟି ଲ଼କୁ ତା଼ଣା ହିତ୍ଡ଼ି ହୀହାଲି,
ଦସ୍ପି ଆ଼ହାମାନି ଲ଼କୁଣି ଗେଲ୍ପାଲି
ଅ଼ଡ଼େ କାୟିଦିତା ମାନି ଲ଼କୁଣି କାୟିଦିଟି ଗେଲ୍ପିଆ଼ନି କାତା ୱେ଼କ୍ହାଲି;
ପ୍ରବୁତି ଅ଼ପିନି ବାର୍ସା ଅ଼ଡ଼େ ମା଼ ମାହାପୂରୁତି ବାଦୁଲି ଅ଼ନି ଦିନା ୱେ଼କ୍ହାଲି;
ଡ଼ୀହିମାନି ଲ଼କୁଣି ସା଼ସା ହୀହାଲି;
ସିୟନତି ଡ଼ୀହିମାନି ଲ଼କୁ ତା଼ର୍ୟୁଁତି ଦାର୍ମ୍ବୁ ବାଦୁଲି ନେହିଁ ଟ଼ପେରି,
ଦୁକୁତି ବାଦୁଲି ସୁକୁତି ନିୟୁଁ, ନୀରାସା ବାଦୁଲି ରା଼ହାଁତି ହିମ୍ବରି ହୀହାଲି
ଏ଼ୱାସି ନାଙ୍ଗେ ପାଣ୍ତାମାଞ୍ଜାନେସି;
ଏଚେଟିଏ ପ୍ରବୁ ଏ଼ନିକିଁ ଗା଼ୱୁରମି ବେଟାଆ଼ନେସି,
ଈଦାଆଁତାକି ଏ଼ୱାରି ଦାର୍ମୁତି ମା଼ର୍ନୁ ଅ଼ଡ଼େ ତାନି ବା଼ଡ଼ା ଇଞ୍ଜିଁ ୱେ଼ଙ୍ଗିନେରି।
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
ମାହାପୂରୁତି ବାରେ ବ଼ଲୁ ତାୟିପାରି କିୱିଆ଼ହା ପୂରା ଆ଼ହାମାନେ; ଏମିନିଗାଟାରି ଏ଼ୱାଣାଇଁ ବା଼ର୍ସୁ କିନେରି, ଏ଼ୱାସି ଏ଼ୱାରି ଆଡୁ। ତାନି ବ଼ଲୁତା ଆଟ୍ଆଦୁ, ଆଟ୍ହିସାରେ ଏ଼ୱାସି ନିଙ୍ଗେ ଦାକା ହିୟାନେସି, ଇଞ୍ଜାଁ ନୀନୁ ମିଚିଗାଟାତି ଆ଼ଦି।
ରା଼ନି କାତା
ଆମ୍ବାଆରି ଈ ପତିତା ମାନି ଡା଼ୟୁ ଗଟୱି ଆ଼ନି କାତାତି ୱେନେରି, ନା଼ନୁ ଏ଼ୱାରାଇଁ ଜାଗ୍ରାତା କିହିଁ ୱେସିମାଇଁ, ଆମ୍ବାଆସି ଈ ପତିତା ଏ଼ନାଆଁ ଆଟ୍ନେସି, ଆତିହିଁ ମାହାପୂରୁ ଈ ପତିତା ରା଼ସ୍କି ଆ଼ହାମାନି ଡଣ୍ତୟାଁ ଏ଼ୱାଣାକି ହୀନେସି; ଅ଼ଡ଼େ ଆମ୍ବାଆସି ଈ ପତିତି ବ଼ଲୁତି ମ୍ଣେକ୍ନେସି, ଆତିହିଁ ମାହାପୂରୁ ଈ ପତିତା ରା଼ସ୍କି ଆ଼ହାମାନି ଜୀୱୁତି ମା଼ର୍ନୁ, ଅ଼ଡ଼େ ସୁଦୁ ଗା଼ଡ଼ାତି ତାନି ବା଼ଗା ମ୍ଣେକ୍ନେସି ।
ରଣ୍ତିଏ ନେହିଁ କାବ୍ରୁ
କ୍ରୀସ୍ତିତି କାର୍ମାତଲେ ଆମ୍ବାଆସି ମିଙ୍ଗେ ହା଼ଟା ମାଞ୍ଜାତେସି, ଏ଼ୱାଣାଇଁ ମୀରୁ ଗା଼ଡ଼େକେଏ ପିସାହାଁ ଏଟ୍କାତି ନେହିଁ କାବ୍ରୁତି ଆସାମାଞ୍ଜେରି, ଏ଼ଦାଣିତାକି ନା଼ନୁ କାବା ଆ଼ହିମାଇଁ । ସାତାତଲେ, "ଏଟ୍କାତି ନେହିଁ କାବ୍ରୁ" ଆ଼ଏ, ସାମା ଏଚରଜା଼ଣା ମିଙ୍ଗେ ତୀରି ମାଞ୍ଜାଲି ହୀଆନା, କ୍ରୀସ୍ତତି ନେହିଁ କାବ୍ରୁତି କିଲିବିଲି କିହାଲି ଅଣ୍ପିମାନେରି । ସାମା ଆମିନି ନେହିଁ କାବ୍ରୁ ମା଼ମ୍ବୁ ମୀ ତା଼ଣା ୱେ଼କ୍ହା ମାଚମି, ଇଞ୍ଜାଁ ମା଼ମ୍ବୁ କି ଲାକପୂରୁତି ଦୂତୁ ଜିକେଏ ଏ଼ଦାଣି ପିସ୍ପେ ଏଟ୍କାତି ନେହିଁ କାବ୍ରୁ ୱେ଼କ୍ନେସି, ଆତିହିଁ ଏ଼ୱାସି ବା଼କା ବେଟାଆ଼ପେସି । ଏ଼ନିକିଁ ମା଼ମ୍ବୁ ତଲିଏ ୱେସାମାନମି, ନୀଏଁ ଜିକେଏ ନା଼ନୁ ଏଲେକିହିଁଏ ଅ଼ଡ଼େ ୱେଣ୍ତେ ୱେସିମାଞ୍ଜାଇଁ, ଆମିନି ନେହିଁ କାବ୍ରୁଇଁ ମୀରୁ ଆସାମାଚେରି, ଏ଼ଦାଣି ପିସ୍ପେ ଆମିନି ଲ଼କୁ ଏଟ୍କାତି ନେହିଁ କାବ୍ରୁ ମୀ ତା଼ଣା ୱେ଼କ୍ହାନେସି ଏ଼ୱାସି ବା଼କା ବେଟାଆ଼ପେସି ।
ଅ଼ଡ଼େ, ମା଼ ପ୍ରବୁତି ହା଼ରେକା ଅ଼ର୍ହିନାୟି ଗେଲ୍ପାନାୟି ଇଞ୍ଜିଁ ଅଣ୍ପାଦୁ, ମା଼ ଜୀୱୁତି ତାୟି ପା଼ୱୁଲ ଜିକେଏ ମାହାପୂରୁ ହୀହାମାନି ବୁଦିତଲେ ମିଙ୍ଗେତାକି ଏଲେକିଁ ରା଼ଚା ମାଞ୍ଜାନେସି । ଏ଼ୱାସି ତାନି ରା଼ଚାମାନି ବାରେ ଆ଼କୁତା ଈ ବାରେ କାତା ରା଼ଚାହାଁ ଏଲେକିଁ ୱେସାମାନେସି; ଏ଼ ବାରେ ଆ଼କୁତା ଏଚେକା କାତା ମାନେ, ଏମିନିଗାଟାଣି ତେଲ୍ହାଲି ଆ଼ଡାଆୟି, ଇଞ୍ଜାଁ ପୁନାଆଗାଟି ଇତାଲା ଆତାଲା ଅଣ୍ପୁଗାଟି ଲ଼କୁ, ତା଼ମ୍ବୁ ନା଼ସା ଆୟାଲି ଏଟ୍କାତି ସା଼ସ୍ତେରିତା ଏ଼ନିକିଁ ରା଼ସ୍କି ଆ଼ହାମାନେ, ଏ଼ ବାରେ ତା଼ଣା ଜିକେଏ ଏଲେକିଁ ଉଜେଏତି କାତା ୱେହ୍ନେରି ।
ସା଼ସ୍ତେରିତି ଜା଼ପ୍ନାଇ ବାରେ ମା଼ ନେହେଁତାକି ଲ଼ଡ଼ା ଆ଼ନୁ । ବା଼ର୍ସୁ ତଲେ ତୀରିଆ଼ହାଁ ଡ଼ୟାଲି ତାକି ସା଼ସ୍ତେରି ମାଙ୍ଗେ ସା଼ସା ଇଞ୍ଜାଁ ରା଼ହାଁ ହୀହିମାଞ୍ଜାନେ ।
ସାମା ଆମ୍ବାଆରାଇଁ ନାମା ହିଲଅରି ଏ଼ନିକିହିଁ ଏ଼ୱାରି ଏ଼ୱାଣି ତା଼ଣା ପ୍ରା଼ତାନା କିନେରି ? ଇଞ୍ଜାଁ ଏ଼ୱାଣି ନେହିଁ ବ଼ଲୁ ୱେନାଆନା ଏ଼ୱାରି ଏ଼ନିକିହିଁ ନାମିନେରି ? ୱେ଼କ୍ନାରି ୱେ଼କ୍ଆସାରେ ଏ଼ ବ଼ଲୁ ଏ଼ୱାରି ଏ଼ନିକିହିଁ ୱେନେରି ? ଅ଼ଡ଼େ ବ଼ଲୁ ୱେ଼କ୍ହାଲି ତାକି ପାଣ୍ତ୍ୱି ଆ଼ଆସାରେ ରଅସି ଏ଼ନିକିହିଁ ବ଼ଲୁ ୱେ଼କ୍ନେସି ? ଈ କାତା ସା଼ସ୍ତେରିତା ରା଼ସ୍କି ଆ଼ହାମାନେ, "ଆମିନି ଗାଟାରି ନେହିଁ ବ଼ଲୁତି କାବ୍ରୁ ତାନେରି ଏ଼ୱାରି କଡାୟାଁ ଏଚେକା ଅ଼ଜିତାଇ ।" ସାମା ବାରେଜା଼ଣା ଏ଼ ନେହିଁ ବ଼ଲୁ ଆ଼ବା ହିଲଅରି, ଏ଼ଦାଆଁତାକି ଜିସାୟ ଏଲେଇଞ୍ଜି ମାନେସି, "ପ୍ରବୁ ମା଼ ହା଼ଡା ୱେଞ୍ଜାହାଁ ଆମ୍ବାଆସି ନାମା ମାନେସି ?" ଏ଼ନିଇଚିହିଁ ନାମୁ ୱେନି ତା଼ଣାଟି ୱା଼ନେ, ଅ଼ଡ଼େ ୱେନାୟି କ୍ରୀସ୍ତତି ନେହିଁ ବ଼ଲୁଟି ।
ନେହିଁ କାବ୍ରୁତି ବା଼ଡ଼୍ୟୁ
ଇଚିହିଁ ନା଼ନୁ ନେହିଁ କାବ୍ରୁ ୱେ଼କ୍ହାଲି ଲାଜା ଆ଼ଅଁ, ଏ଼ଦି ନାମିମାନି ବାରେ ଲ଼କୁତାକି ଗେଲ୍ପି ଆ଼ହାଲିତାକି ମାହାପୂରୁତି ବା଼ଡ଼୍ୟୁ, ମୂଲୁଏ ଜୀହୁଦି ଅ଼ଡ଼େ ଡା଼ୟୁ ଜୀହୁଦିଆ଼ଆତି ନାମିତି ଲ଼କୁତାକି । ମାଣ୍ସି ଏ଼ନିକିହିଁ ମାହାପୂରୁ ନ଼କିତା ଦାର୍ମୁଗାଟାସି ଇଞ୍ଜିଁ ତ଼ଞ୍ଜାଆ଼ନେସି, ଏ଼ ଊପେୟି ଏମ୍ବାଆଁ ତ଼ସ୍ପି ଆ଼ହାମାନେ । ମୂଲୁଟିଏ ରା଼ନି ପାତେକା ଗେଲ୍ପିଆ଼ନାଣି ବେଟାଆ଼ନି ଊପେୟି ନାମୁ । ଦାର୍ମୁ ସା଼ସ୍ତେରିତା ରା଼ସ୍କି ଆ଼ହାମାନେ, "ଦାର୍ମୁଗାଟାସି ନାମୁତଲେ ନୀଡିନେସି ।"
ଏ଼ନିକିଁ ମାହାପୂରୁ ତା଼ଣାଟି ମାଙ୍ଗେ କାର୍ମାମେହ୍ନି ତା଼ଣାଟି ହୀପ୍କି ଆ଼ହାମାନି କାତା ବାରେ ମା଼ର ପୁଞ୍ଜାଲି ଆ଼ଡିନାୟି, ଏ଼ଦାଆଁତାକି ମା଼ର ଦାର୍ତିତି ଜୀୱୁ ପ୍ଣାଃଆନା ମାହାପୂରୁତି ଜୀୱୁ ବେଟା ଆ଼ହାମାନାୟି ।
ଏ଼ ବାରେ କାତା ଜିକେଏ ମା଼ର ମାଣ୍ସିତି ବୁଦିଟି ଜା଼ପାମାନି ବ଼ଲୁ ତଲେ ୱେସିହିଲାଆୟି, ସାମା ସୁଦୁଜୀୱୁତି କାତା ବାରେ ସୁଦୁଜୀୱୁତି କାତାତଲେ ତେଲ୍ହି କିହାଁ ସୁଦୁଜୀୱୁ ତଲେ ଜା଼ପାମାନି ବ଼ଲୁ ତଲେ ୱେସିମାନାୟି । ସାମା ଦାର୍ତିତି ମାଣ୍ସି ମାହାପୂରୁତି ସୁଦୁଜୀୱୁତି କାତା ବାରେ ଅ଼ପଅସି, ଏ଼ନାଆଁତାକି ଇଚିହିଁ ଏ଼ ବାରେ ତାନି ନ଼କିତା ଉଜେଏତାୟି, ଅ଼ଡ଼େ ଏ଼ୱାସି ଏ଼ ବାରେତି ତେଲ୍ହାଲି ଆ଼ଡଅସି, ଇଚିହିଁ ଏ଼ ବାରେ ସୁଦୁଜୀୱୁ ତଲେ ନୀହାଁୟି କିୱିଆ଼ନେ ।
ଇଚିହିଁ ମାହାପୂରୁତି ବୁଦି ତ଼ଞ୍ଜାଆ଼ହାମାଚି ଜିକେଏ ଦାର୍ତି ଜାହାରା ବୁଦିତଲେ ମାହାପୂରୁଇଁ ପୁନାଆତାକି ମା଼ମ୍ବୁ ୱେ଼କ୍ହାମାନି କାତା ଉଜେଏତାୟି, ଆ଼ତିଜିକେଏ ନାମୁ ଗାଟାରାଇଁ ଗେଲ୍ପାଲିତାକି ମାହାପୂରୁ ଅଣ୍ପିତେସି ।
ଇଚିହିଁ ଜୀହୁଦିଙ୍ଗା ସିନା ପାରିନେରି, ସାମା ଗ୍ରିକ୍ ଲ଼କୁ ବୁଦିତି ପାରିନେରି । ସାମା ମା଼ମ୍ବୁ ପା଼ସି ମୁଣ୍ତାତା ହା଼ତି କ୍ରୀସ୍ତତି କାତା ୱେ଼କ୍ହି ମାନମି, ଏ଼ୱାସି ଜୀହୁଦି ଲ଼କୁତାକି ସାତ୍ରୁ ଲେହେଁତାସି ଅ଼ଡ଼େ ଜୀହୁଦିଆ଼ଆତି ଲ଼କୁତାକି ବୁଦି ହିଲାଆଲେହେଁ । ସାମା ଜୀହୁଦି ଆ଼ପାରି କି ଜୀହୁଦିଆ଼ଆତାରି ଆ଼ପାରି, ଆମ୍ବାଆରି ହା଼ଟ୍କି ଆ଼ତାରି, ଏ଼ୱାରାକି କ୍ରୀସ୍ତ ମାହାପୂରୁତି ବା଼ଡ଼୍ୟୁ ଅ଼ଡ଼େ ମାହାପୂରୁତି ବୁଦି ଲେହେଁ ।
ଇଚିହିଁ କ୍ରୀସ୍ତ ନାଙ୍ଗେ ବାପ୍ତିସ୍ମ ହୀହାଲିତାକି ପାଣ୍ତାମାଞ୍ଜଅସି, ସାମା ନେହିଁ କାବ୍ରୁ ୱେସାଲି ପାଣ୍ତାମାଞ୍ଜାନେସି; ଏ଼ଦି ଜିକେଏ ବ଼ଲୁତି ରା଼ହାଁ କିନି ତା଼ଣା ଆ଼ଏ, ଏଚେ଼ତା ପାଟେ କ୍ରୀସ୍ତତି ପା଼ସିମୁଣ୍ତା ଉଜେଏ ଆ଼ନେ ।
ସାମା ଆମ୍ବାଆସି ମିଙ୍ଗେ ଆନ୍ଦେରିଟି ତାନି କାବାଆ଼ନି ଉଜେଡ଼ିତା ହା଼ଟାମାଞ୍ଜାନେସି, ମୀରୁ ଏ଼ନିକିଁ ଏ଼ୱାଣି ଗୂଣୁ ପା଼ଚିଦେରି, ଏ଼ଦାଆଁତାକି ମୀରୁ ମାହାପୂରୁ ଆ଼ଚାମାଞ୍ଜାନି କୂଡ଼ାତେରି, ରାଜାତି ସେ଼ବାକିନି ପୂଜେରାଙ୍ଗା, ମାହାପୂରୁ ସେ଼ବାତାକି ଏଟ୍କା ଆ଼ହାମାନି ସୁଦୁ କୂଡ଼ାତେରି, ଇଞ୍ଜାଁ ମାହାପୂରୁତି ଲ଼କୁତେରି ଆ଼ହାମାଞ୍ଜେରି ।