Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
ୱିଜୁ ଦାର୍ମୁସାସ୍ତ୍ର ମାପୁରୁଦି ମାଣାନ୍ ସିଆୟ୍ଆତା ମାନାତ୍ ମାରି ସତ୍ ବାକ୍ୟ, ସିକ୍ୟା, ମିଚ୍ତି ବିରୁଦ୍ କିଜି ମାରି ବୁଲ୍ତିଙ୍ଗ୍ ଟିକ୍ କିନି ଉଣ୍ତିଙ୍ଗ୍ ୱେର୍ସି, ସତ୍ ଜିଦେଙ୍ଗ୍ ଦାର୍ମୁସାସ୍ତ୍ର ସାହାଜ୍ୟ କିନାତ୍, ଏଣ୍ତେସ୍ ମାପୁରୁଦି ଲୋକୁ ପୁରା ଆଜି ୱିଜୁ ନେଗି ପାଣି ଉଣ୍ତିଙ୍ଗ୍ ଜଗ୍ ପୟ୍ଦେଙ୍ଗ୍ ଆଟ୍ନାନ୍ ।
କ୍ରିସ୍ତ ଜିସୁଦିମାନୁ ବିସ୍ବାସ୍ କିଜି ରକିୟା ପୟ୍ନି ବୁଦି ଆମା ପବିତ୍ର ଦାର୍ମୁସାସ୍ତ୍ରଦୁ ସୁଡ଼ିତିମାନିଦେର୍, ମିର୍ କଡ଼ୱାଲେରାନ୍ ଆୟାୱିଜୁ ସାସ୍ତ୍ର ପଡ଼ାଜି ବୁଜାତିମାନିଦେର୍ । ୱିଜୁ ଦାର୍ମୁସାସ୍ତ୍ର ମାପୁରୁଦି ମାଣାନ୍ ସିଆୟ୍ଆତା ମାନାତ୍ ମାରି ସତ୍ ବାକ୍ୟ, ସିକ୍ୟା, ମିଚ୍ତି ବିରୁଦ୍ କିଜି ମାରି ବୁଲ୍ତିଙ୍ଗ୍ ଟିକ୍ କିନି ଉଣ୍ତିଙ୍ଗ୍ ୱେର୍ସି, ସତ୍ ଜିଦେଙ୍ଗ୍ ଦାର୍ମୁସାସ୍ତ୍ର ସାହାଜ୍ୟ କିନାତ୍, ଏଣ୍ତେସ୍ ମାପୁରୁଦି ଲୋକୁ ପୁରା ଆଜି ୱିଜୁ ନେଗି ପାଣି ଉଣ୍ତିଙ୍ଗ୍ ଜଗ୍ ପୟ୍ଦେଙ୍ଗ୍ ଆଟ୍ନାନ୍ ।
ମିର୍ ପୁରା ନିସ ନେସ୍ତୁ ଜେ, ଦାର୍ମୁସାସ୍ତ୍ରଦୁ ରାସାତିମାନି ଇନି ବାବବାଣି ଏନ୍ ନିଜେଦି ବୁଦିଦାନ୍ ବୁଜାଦେଙ୍ଗ୍ ଆଟ୍ଏର୍ । ବାବବାଣି ଏସ୍କାଙ୍ଗ୍ବା ଲୋକାଦି ବଦାଦାନ୍ ତିଆର୍ ଆଏତ୍, ମାତର୍ ମାପୁରୁ ପୋକ୍ତାତିମାନି ଦାସ୍କୁ ପବିତ୍ରଆତ୍ମାଦି ମାଣୁକୁ ସାଲାଜି ମାପୁରୁଦିମାଣାନ୍ ପୟ୍ତିମାନି କାବୁର୍ ୱେର୍ତାମାନାର୍ ।
ମିର୍ ସେମାର୍ ଆଏଣ୍ଗା ବୁଲ୍ସିଲେଏଣ୍ଗା ମାପୁରୁଦି ସତ୍ବାକ୍ୟ ୱେର୍ତୁ; ଆର୍ତିଙ୍ଗ୍, ଅରେନ୍ ବିସ୍ବାସ୍ତି ଲୋକୁ ୱାଜା ମିର୍ ମାପୁରୁଦି ପୁରା ପରିକାଦୁ ଜିଣାନି ବିସୟ୍ ପୟ୍ନିଦେର୍ ।
ବାକ୍ୟ ପ୍ରଚାର୍ କିଦୁ, ବେଡ଼ା ଅବେଡ଼ାଦୁ ବିସାର୍ କିଏଣ୍ଗା, ମିର୍ ସବୁୱାଲେ ଆୟା ବିସୟ୍ ମୁସ୍କୁ ନେସ୍ନି ୱାଜା ବୁଜାକିନିଦେର୍; ସାହାସ୍ତାନ୍ ସିକିୟା ସିଜି, ଏସ୍ତିୱାଲେ ଆଦ୍ରିସ୍ କିଜି ଏସ୍ତିୱାଲେ ମାରି ୱେଡ଼ିକା କିଜି ଆଇୱାରି ମୋନ୍ତୁ ଆୟାଉଣ୍ତିଙ୍ଗ୍ ୱେଡ଼ିକା ପିରିସ୍ନାତ୍ ।
ନାନ୍ ନି ଲାକ୍ତୁ ୱାନି ସାନ୍ଦି ନିନୁ ଦାର୍ମୁସାସ୍ତ୍ର ପଡ଼ାନିକା, ଉପଦେସ୍, ସିକିୟାସିନି ପାଣି କିଜିମାନ୍ଆ ।
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
ମାପୁରୁଦି ବାକ୍ୟ ଜିବନ୍ ମାରି ସାକ୍ତିମାନିକା । ଆକା ରିୟାଙ୍ଗାଁଦି ଦାରା କାଣ୍ତା ବାଦ୍ଲୁ ନାଣ୍ତ ଦାରା; ଆମାମାନୁ ଆତ୍ମା ନି ଜିବନ୍ ମାରି ସିରେଙ୍ଗ୍ଁ ନି ପେଡେନ୍ରସ୍ ଲୋଇ, ମାରି ଲୋକା ଜିବନ୍ତି ଆସା ମାରି ଚିନ୍ତାଦି ବିଚାର୍ କିନିକା ।
ବାଦଡ଼ ନି ପୃତିବି ମାରାଗ୍ନାତ୍; ମାତର୍ ନା ବାକ୍ୟ ଏସ୍କାଙ୍ଗ୍ ମାର୍ଗେଏତ୍ ।"
ମାତର୍ ଜିସୁ ଇର୍ହାନ୍, "ଦାର୍ମୁସାସ୍ତ୍ରଦୁ ରାସାତାମାନାତ୍, ଲୋକୁ ଆବ୍କା ରୁଟିଦାନ୍ ଜିଏନ୍ । ମାତର୍ ମାପୁରୁଦି ୱେୟୁଦାନ୍ ସନି ୱିଜୁ ବାକ୍ୟ ୱାନି ଜିବନ୍ତି ଉଣ୍ତିଙ୍ଗ୍ ଦର୍କାର୍ ।"
ଏନ୍ଦାଇର୍ରିଙ୍ଗ୍ ଆମାଜାକୁ ପିରୁ ମାରି ମାସୁ ବାଦଡ଼୍ତାନ୍ ଆଡ୍ଗି ୱାନାତ୍ ମାରି ଆବେନୁ ଡ଼େସି ସଲ୍ଏତ୍, ମାତର ବୁମିଦିଙ୍ଗ୍ ଉଦିସ୍ କିନାତ୍, ମାରି ପଲ୍ ମାରି ଲାଟା ନେରିସ୍ କିଜି ୱିତ୍ନିୱାନିଙ୍ଗ୍ ୱିତୁ ମାରି ଉଣି ଲୋକାଙ୍ଗ୍ କାଦି ସିନାତ୍; ନା ୱେୟୁଦାନ୍ ସତି ବାକ୍ୟ ଆୟାୱାଜା ଆନାତ୍; ଆକା ସେଇକା ଆଜି ନା ଲାକ୍ତୁ ଡ଼େସି ରେଏତ୍, ମାତର୍ ନାନ୍ ଆମାକା ବଦା କିନା, ଆକା ସତ୍ କିନା ମାରି ଆମା ପାଣି ଉଣ୍ତିଙ୍ଗ୍ ନାନ୍ ପୋକ୍ତାମାନା, ଆବେନୁ ପାଣି ପୁରା ଆନାତ୍ ।
ସତ୍ତାନ୍ ୱାରିଙ୍ଗ୍ ପବିତ୍ର କିଦୁ; ନି ବାକ୍ୟନେ ତୋ ସତ୍ ।
ମିର୍ ଦାର୍ମୁସାସ୍ତ୍ର ପୟ୍ଜିନିଦେର୍, ଇରିଙ୍ଗ୍ ଆବେଟ୍ ଏସ୍କାଙ୍ଗ୍ୱିଜ୍ଇ ଜିବନ୍ ପୟ୍ନାପ୍ ଇଜି ଅଡ଼୍ବିଜିନିଦେର୍, ମାରି, ଆୟା ଦାର୍ମୁସାସ୍ତ୍ର ନା ବିସୟ୍ତାନ୍ ସାକି ସିଜିନାତ୍ ।
ମାତର୍ ମାପୁରୁଦି ବାକ୍ୟ ୱିଜୁଦିନ୍ତିକା ।"
ଇୟା ନେଗିକାବୁର୍ ଆମାକା ମି ଲାକ୍ତୁ ପ୍ରଚାର୍ ଆତାମାନାତ୍ ।
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
ତେସଲନିକିୟାଦି ଲୋକା ବାଦ୍ଲୁ ଆବେଣି ଲୋକୁ ନାଣ୍ତ ନେସ୍ତେଙ୍ଗ୍ ୱେଡ଼ିକା ମାର୍ହାର୍ । ୱାର୍ ନାଣ୍ତ ୱେଡ଼ିକାଦାନ୍ ସିସୁରି ବାକ୍ୟ ୱେର୍ଆର୍ ମାରି ପାଉଲଦି ମାଟାଦି ସତ୍ ମାଟା ନେସ୍ତେଙ୍ଗ୍ଁ ଇଜି ୱିଜୁଦିନ୍ ଦାର୍ମୁସାସ୍ତ୍ର ପଡ଼ାଜି ୱେନ୍ବାଜି ମାର୍ହାର୍ ।
ପାଉଲ ୱାନି ରିତି ଇସାବ୍ତାନ୍ ପାର୍ତନା ଇଲ୍ତୁ ସର୍ହାନ୍ । ଆବେ ପାକାପାକି ମୁନ୍ଣ୍ତ୍ରି ରମ୍ନି ଦିନ୍ ସାନ୍ଧି ଦାର୍ମୁସାସ୍ତ୍ରଦି ବାକ୍ୟ ଅସି ୱାନ୍ ଲୋକାଙ୍ଗ୍ ୱେର୍ତାନ୍, ଦାର୍ମୁସାସ୍ତ୍ର ୱେର୍ସି ମାରି ବୁଜାକିଜି ସତ୍ ତର୍ତାନ୍ ଜେ, ମସିହଦି ଦୁକୁ ବଗାନିକା ମାରି ସାତି ମାଣାନ୍ ନିଙ୍ଗିଁକା ଦର୍କାର୍ ମାର୍ହାତ୍ । ପାଉଲ ଇର୍ହାନ୍, "ଏମେ ଜିସୁଦି ବିସୟ୍ ନାନ୍ ୱେର୍ସିନା, ୱାନ୍ ଆୟା ମସିହ ।"
ଆବେଟ୍ ପିଲିପ୍ପ ଉର୍ସି ସଲ୍ସି ୱାନ୍ ଜିସାୟ ବାବବାଦିଦି ବଇ ପଡ଼ାନିକା ୱେର୍ଆନ୍ । ୱାନ୍ ୱାନିଙ୍ଗ୍ ୱେନ୍ବାତାନ୍, "ନିନ୍ ଆମାକା ପଡ଼ାଜିନି, ଆକା ବୁଜାଦେଙ୍ଗ୍ ଆଟ୍ସିନିନୋ ?"
ପାଣିକିନିକାନ୍ ଇର୍ହାନ୍, "ଅରେନ୍ ଏନ୍ ନାଙ୍ଗିଁ ଇକା ବୁଜା କିଜ ସିଏତିଙ୍ଗ୍, ନାନ୍ ଏଣ୍ତେସ୍ ବୁଜାଦେଙ୍ଗ୍ ଆଟ୍ନା ?" ୱାନି ୱାଲେ ରତଦୁ ବାସ୍ତେଙ୍ଗ୍ ଇଜି ୱାନ୍ ପିଲିପତିଙ୍ଗ୍ କୁକ୍ତାନ୍ । ୱାନ୍ ଦାର୍ମୁସାସ୍ତ୍ରଦି ଇୟା ବାଗ୍ ପଡ଼ାଜି ମାର୍ହାନ୍ :
"କାତ୍ତେଙ୍ଗ୍ ଇଜି ଅଆୟ୍ଆଜିମାନି ମେଣ୍ତା ୱାଜା,
ବୁର୍ବୁସେଙ୍ଗ୍ କୟ୍ନିୱାଲେ ଆଲେନିମାନି ମେଣ୍ତା ୱାଜା
ୱାନ୍ ପଦ୍ ବା ମାଟା ଇନ୍ଏତାନ୍ ।
ପିଲିପ ଦାର୍ମୁସାସ୍ତ୍ରଦି ଇୟା ବାଗ୍ତାନ୍ ଆରାମ୍ କିଜି ଜିସୁଦି ବିସୟ୍ତାନ୍ ରାସାତି ୱିଜୁ ନେଗିକାବୁର୍ ୱାନିଙ୍ଗ୍ ୱେର୍ତାନ୍ ।
ଏଜ୍ରା ପ୍ରବୁଦି ନିୟମ୍ ସୁଡ଼ୁଜି ମାରି ମାନାଦେଙ୍ଗ୍, ମାରି ଇସ୍ରାଏଲ ଲୋଇ ବିଦି ନି ସାସନ୍ ସିକିୟା ସିଦେଙ୍ଗ୍ ନିଜେଦି ମନ୍ ସିତାମାର୍ହାନ୍ ।
ଆବେଟ୍ ଜିସୁ ୱାରିଙ୍ଗ୍ ଇର୍ଆନ୍, "ଏ କାବାଦିକାର୍, ବାବବାଦିରି ମାଣ୍କୁ ୱେର୍ତିମାର୍ଇ ୱିଜୁ ବାକ୍ୟଦିଙ୍ଗ୍ ବିସ୍ବାସ୍ କିଦେଙ୍ଗ୍ ଦିରେ ବୁଜାନିଲୋକ୍, ଇୟାୱିଜୁ ଦୁଃକ୍ କାସ୍ଟୁ ବୋଗାଜି ନିଜେଦି ମହିମାଦାନ୍ ସୋନିକା ଇନିକା କ୍ରିସ୍ତଦିଙ୍ଗ୍ ଦର୍କାର୍ ସିଲେତାତ୍ ?" ମାରି, ମୋସା ମାରି ୱିଜେରି ବାବବାଦିରିମାଣୁକୁ ଆରାମ୍ କିଜି ୱିଜୁ ଦାର୍ମୁସାସ୍ତ୍ରଦୁ ନିଜେଦି ବିସୟ୍ତି ମାଟା ୱାନ୍ ୱାରିଙ୍ଗ୍ ବୁଜାକିତାସିତାନ୍ ।
ଜିସୁ ୱାରି ଲାକ୍ତୁ ୱାଜି ଇର୍ହାନ୍, "ମୁସ୍କୁପୁର୍ ନି ଆଡ୍ଗିପୁର୍ ୱିଜୁ ଅଦିକାର୍ ନାଙ୍ଗିଁ ସିଆୟ୍ଆତାମାନାତ୍ । ମିର୍ ୱିଜୁ ବାସାଦି ଲୋକା ଲାକ୍ତୁ ସୋଲ୍ସି ୱାରିଙ୍ଗ୍ ନା ସିସୁ କିଦୁ । ମାରି ବୁବା, ମାରିନ୍ ମାରି ପବିତ୍ର ଆତ୍ମାଦି ଦର୍ତାନ୍ ୱାରିଙ୍ଗ୍ ଡୁବନ୍ ସିଦୁ, ମାରି ନାନ୍ ଆମା ୱିଜୁ ଆଦେସ୍ ସିତାମାନା, ଆୟାୱିଜୁ କିଦେଙ୍ଗ୍ ୱାରିଙ୍ଗ୍ ସିକିୟା ସିଦୁ । ମାରି ମନେଇଡ଼୍ଦୁ, ଜୁଗ୍ସେସ୍ ଆନିସାନ୍ଦି ୱିଜୁୱାଲେ ନାନ୍ ମି ୱାଲେମାନା ।"
ୱାରିମାନୁ ପ୍ରଚାର୍ କିଜି ଇନ୍ଡ୍ରୁ, ମୁସ୍କୁପୁର୍ ଇଗା ୱାତାତ୍ !
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
ନାସ୍ତିୱାଲେ ଜିସାଇୟଦି ଲାକ୍ତୁ ସଦାପ୍ରବୁଦି ମାଟା ଇତାତ୍ ।
ମାପୁରୁ ପ୍ରବୁଦି ଆତ୍ମା ନାବାନୁ ମାନାତ୍; ଇର୍ରିଙ୍ଗ୍ ସାନ୍ତିଦି ଲୋକା ଲାକ୍ତୁ ନେଗିକାବୁର୍ ୱେର୍ତେଙ୍ଗ୍ ପ୍ରବୁ ନାଙ୍ଗି ଦାଇତ୍ ସିତା ମାନାନ୍; ଦୁକ୍ତି ଜିବନ୍ତି ଲୋକାଦି ଗାଉ ତର୍ତେଙ୍ଗ୍, ତରାତିମାନି ଲୋକା ଉଣ୍ତିଙ୍ଗ୍ ମୁକ୍ଡ଼ାକିନିକା ମାରି ଜଇଲ୍ତୁ ମାନି ଲୋକା ଉଣ୍ତିଙ୍ଗ୍ ଜଇଲ୍ତାନ୍ ମୁକୁଡ଼ା ଆନିକା ମାଟା ୱେର୍ତେଙ୍ଗ୍; ପ୍ରବୁଦି ୱାଜିନି ଦିନ୍ ମାରି ମା ମାପୁରୁଦି ବାଦ୍ଲୁ ଅନି ନାଣ୍ତିଙ୍ଗ୍ ୱେର୍ନି ଉଣ୍ତିଙ୍ଗ୍; ଆଡ଼୍ବାନି ଲୋକାଙ୍ଗ୍ ୱିଜେରିଙ୍ଗ୍ ସାନ୍ତି ସିଦେଙ୍ଗ୍; ସିୟୋନଦି ଆଡ଼୍ବାନି ଲୋକା ତାଲେକ୍, ନିରୁଦି ବାଦ୍ଲୁ ଟପି, ଦୁକ୍ତି ବାଦ୍ଲୁ ୱେଡ଼ିକାଦି ନିୟୁ, ଦୁକ୍ତି ଆତ୍ମାଦି ବାଦ୍ଲୁ ପ୍ରସଂସା ୱାଜା ଆଙ୍ଗିଁ ସିଦେଙ୍ଗ୍ ୱାନ୍ ନାଙ୍ଗିଁ ପୋକ୍ତାମାନାନ୍; ଆବେନୁ ପ୍ରବୁ ଏଣ୍ତେସ୍ ଗୌରବ୍ ଆନାନ୍, ଇୟା ଉଣ୍ତିଙ୍ଗ୍ ୱାର୍ ଦାର୍ମୁଦି ଅଲନ୍ ମାରାନୁ ମାରି ୱାନି ଡଡି ଇଜି ୱିଙ୍ଗିଁନାର୍ ।
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
ମାପୁରୁଦି ୱିଜୁ ମାଟା ପରିକା ଆଜି ପୁରା ଆତାମାନାତ୍; ଆମାକାର୍ ୱାନିଙ୍ଗ୍ ଆସା ଇଡ୍ନାର୍, ୱାନ୍ ୱାରି ସନ୍ୟରି ଆଙ୍ଗ୍ନି ସାଜୁ ୱାଜା ଆନାନ୍ ।
ୱାନି ମାଟାଦୁ ମିସା କିମାଟ୍, କିତିଙ୍ଗା ୱାନ୍ ନିଙ୍ଗିଁ ୱେର୍ନାନ୍, ମାରି ନିନୁ ମିସ୍ ମାଟା ଇନି ଲୋକ୍ ଇଜି ଜାଣାପଡ଼ାନାତ୍ ।
ନାନୁ ଜୋହନ । ଏମେକାର୍ ଇୟା ବଇଦି ବବିସ୍ୟତ୍ମାଟା ୱିଜୁ ୱେନାର୍, ୱାରିଙ୍ଗ୍ ନାନୁ ସାକି ସିଜିନା : ଜଦି ଇବେନୁ ଏନ୍ ଇନିକା ମିସା କିନାନ୍, ଆର୍ତିଙ୍ଗ୍ ଇୟା ବଇଦୁ ରାସାତିମାନି ମର୍ଡିଦାନ୍ ମାପୁରୁ ୱାନିଙ୍ଗ୍ ସାସ୍ତି ସିନାନ୍ ମାରି ଇୟା ବଇଦି ବବିସ୍ୟଦ୍ମାଟାଦାନ୍ ଏନ୍ ଜଦି ଇନି ବାଦା କିନାନ୍, ଆର୍ତିଙ୍ଗ୍ ମାପୁରୁ ୱାନିଙ୍ଗ୍ ଇୟା ବଇଦୁ ରାସାତି ଜିବନ୍ ମାରାନ୍ତି ପଲ୍ତାନ୍ ମାରି ପବିତ୍ର ଗାଡ଼୍ତାନ୍ ପେର୍ନାନ୍ ।
କ୍ରିସ୍ତଦି ଦୟାଦାନ୍ ଜେ ମିଙ୍ଗିଁ କୁକ୍ତାମାର୍ହାନ୍, ନିସା ବେଗି ମିର୍ ୱାନିଙ୍ଗ୍ଁ ଡ଼ିସ୍ସି ଆଇ ଉନ୍ଣ୍ତ୍ରି ସୁସମାଚାର୍ ତରିନ୍ ମୋନ୍ଦିୟାନ୍ ସିଜିନିଦେର୍, ଆୟାଉଣ୍ତିଙ୍ଗ୍ ନାନ୍ କାବା ଆଜିନା । ସତ୍ତାନ୍ "ଆଇ ଇନି ସୁସମାଚାର୍" ସିଲେତ୍ । ମାତର୍ ନାନ୍ ଇୟାୱାଜା ଇଜିନା, ଇରିଙ୍ଗ୍ଁ ଏସଲୋକ୍ କ୍ରିସ୍ତଦି ସୁସମାଚାର୍ତିଙ୍ଗ୍ଁ ଆଇ ରୁପ୍ ସିଜି, ମିଙ୍ଗିଁ ବେମ୍ରି କିଦେଙ୍ଗ୍ଁ ସେସ୍ଟା କିଜିନାର୍ । ମାତର୍ ମାପ୍ ମି ଲାକ୍ତୁ ଏମେ ସୁସମାଚାର୍ ପ୍ରଚାର୍ ସିତାମାର୍ହାପ୍, ଜଦି ତାନିମାଣାନ୍ ଆଇ ଉନ୍ଣ୍ତ୍ରି ସୁସମାଚାର୍ ମାପ୍ ନିଜେ ମାରି ମୁସ୍କୁପୁର୍ତି ଦୁତ୍ ପ୍ରଚାର୍ କିନାତ୍, ଆର୍ତିଙ୍ଗ୍ ୱାନ୍ ଅବିସାପ୍ ଆପିନ୍ । ମାପ୍ ପୁର୍ବେ ଇକା ଇର୍ହାମାର୍ହାପ୍ ମାରି ଇଲେଇ ନାନ୍ ମାରିଡ଼େସି ଇଜିନା, ମିର୍ ଏମେ ସୁସମାଚାର୍ ମାନାତି ମାନିଦେର୍, ତାନିମାଣାନ୍ ଆଇ ଇନି ସୁସମାଚାର୍ ଜଦି ଏନ୍ ପ୍ରଚାର୍ କିନାନ୍, ଆର୍ତିଙ୍ଗ୍ଁ ୱାନ୍ ଅବିସାପ୍ ଆପିନ୍ ।
ଅଡ଼୍ବିଜ ସୁଡ଼୍ଦୁ, ପ୍ରବୁ ଏସ ନେଗିକାନ୍ । ମି ରକିୟା ଉଣ୍ତିଙ୍ଗ୍ ୱାନ୍ ଏସ ସୁଜୋଗ୍ ସିଜିନାନ୍ । ମା ଲାଡ୍ତି ତଡ଼ାନ୍ ପାଉଲ ବା ମାପୁରୁଦିମାଣୁକୁ ପୟ୍ତିମାନି ବୁଦିଦାନ୍ ମି ଲାକ୍ତୁ ଆୟାୱାଜା ଆକୁ ରାସ୍ତାମାନାନ୍ । ୱାନି ନିଜେଦି ୱିଜୁ ବଇଙ୍ଗାଁ ବା ଇୟାୱିଜୁ ବିସୟ୍ ରାସ୍ସି ଆୟାୱାଜା ୱେର୍ନାନ୍; ଆୟାୱିଜୁଦୁ ଇୟାୱାଜା ଏସ ବିସୟ୍ ମାନାତ୍, ଆମାକାକି ବୁଜାଦେଙ୍ଗ୍ ଆଟ୍ଇକା । ମାରି ଅସିକିତ୍, ଦାନ୍ଦାଆନି ଲୋକୁ ସାସ୍ତ୍ରଦି ଆଇଆଇ ପାଟ୍ ୱାଜା ପାଉଲତି ବଇଙ୍ଗାଁ ବା ତାଗ୍ଇ ଅର୍ତ କିନାର୍ । ଇୟାଉଣ୍ତିଙ୍ଗ୍ ୱାର୍ ନିଜେ ନିଜେଦି ସାନିକା ପାଣି କିଜିନାର୍ ।
ମାରି, ଦାର୍ମୁସାସ୍ତ୍ରଦି ସିକିୟାୱିଜୁ ମା ନେଗି ଉଣ୍ତିଙ୍ଗ୍ଁ ସିଆୟ୍ଆତାମାନାତ୍ । ଆସାଦୁ ତିର୍ ତେବାନି ଉଣ୍ତିଙ୍ଗ୍ଁ ସାସ୍ତ୍ର ମାଙ୍ଗିଁ ସାସ୍ ନି ୱେଡ଼ିକା ସିନାତ୍ ।
ମାତର୍ ୱାନିମାନୁ ବିସ୍ବାସ୍ କିଏନ୍ଣ୍ତା ୱାର୍ ଏଣ୍ତେସ୍ ୱାନିଙ୍ଗ୍ଁ ପାର୍ତନା କିନାର୍ ? ମାରି ୱାନି ବିସୟ୍ତାନ୍ ସୁସମାଚାର୍ ୱେନ୍ଏଜି ୱାର୍ ଏଣ୍ତେସ୍ ବିସ୍ବାସ୍ କିନାର୍ ? ମାରି ପ୍ରଚାର୍ କିଦେଙ୍ଗ୍ ଇଜି ପକାୟ୍ଆଏତିଙ୍ଗ୍ଁ ଅରେନ୍ ପ୍ରଚାର୍ ଏଣ୍ତେସ୍ କିନାନ୍ ? ଇୟା ବିସୟ୍ତାନ୍ ସାସ୍ତ୍ରଦୁ ରାସାତାମାନାତ୍, "ନେଗି ସୁସମାଚାର୍ ପ୍ରଚାର୍କିନିୱାରି ୱାରି ଏସା ୱେଡ଼ିକା !" ମାତର୍ ୱିଜେରେ ଆୟା ସୁସମାଚାର୍ ମାନାଏର୍ । ଆୟାଉଣ୍ତିଙ୍ଗ୍ ଜିସାଇୟ ରାସ୍ତାମାନାନ୍, "ଏ ପ୍ରବୁ, ଏନ୍ ମା ନେଗିକାବୁର୍ ମାଟା ବିସ୍ବାସ୍ କିତାମାନାନ୍ ?" ସୁସମାଚାର୍ ୱେନି ମାଣାନ୍ ବିସ୍ବାସ୍ ଜନମ୍ ଆନାତ୍ ମାରି କ୍ରିସ୍ତଙ୍ଗ୍ଁ ପ୍ରଚାର୍ କିନିକା ନେ ଆୟା ସୁସମାଚାର୍ ।
ଆୟା ସୁସମାଚାର୍ ମୁସ୍କୁ ନା ପୁରା ଆସା ମାନାତ୍ । ଆକା ପାର୍ତୁମ୍ ଜିହୁଦି ଲୋକାମାନୁ ମାରି ୱେନ୍କା ଅଣଜିହୁଦି ବିସ୍ବାସି ଲୋକାମାନୁ ଉଦାର୍ ପାଣି କିଦେଙ୍ଗ୍ ଇଜି ମାପୁରୁଦି ସାକ୍ତି ୱାଜା । ଲୋକ୍ ମାପୁରୁ ଲାକ୍ତୁ ଏଣ୍ତେସ୍ ଦାର୍ମୁତିକାନ୍ ଇଜି ୱେଙ୍ଗ୍ଁଦେଙ୍ଗ୍ ଆଟ୍ନାନ୍, ତେନି ଉପାୟ୍ ଆବେ ତରାୟ୍ ଆତାମାନାତ୍ । ପାର୍ତୁମ୍ତାନ୍ ସାରାସାରି ସାନ୍ଦି ଉଦାର୍ ପୟ୍ନି ଉନ୍ଣ୍ତ୍ରିମାତ୍ର ଉପାୟ୍ ଆଜିନାତ୍, ବିସ୍ବାସ୍ । ବାକ୍ୟ ଇସାବ୍ତାନ୍, "ଜେ ବିସ୍ବାସ୍ତାନ୍ ମାପୁରୁଦି ଲାକ୍ତୁ ଦାର୍ମୁତିକାନ୍ ଇଜି ୱେଙ୍ଗ୍ଁନାନ୍, ୱାନ୍ ଜିନାନ୍ ।"
ଏଣ୍ତେସ୍ ମାପୁରୁଦି ମାଣାନ୍ ମାଙ୍ଗିଁ ଦୟାଦାନ୍ ସିତିମାନି ବିସୟ୍କୁୱିଜୁ ମାଡୁ ନେସ୍ତେଙ୍ଗ୍ ଆଟ୍ନିକା, ଇୟାଉଣ୍ତିଙ୍ଗ୍ ମାଡୁ ଜଗତ୍ତି ଆତ୍ମା ପୟ୍ଏଣ୍ଗା ମାପୁରୁଦି ଆତ୍ମା ପୟ୍ତିମାନିକା ।
ଆଦେଙ୍ଗ୍ ନେସ୍ତିମାନି ବୁଦିଦି ଲୋକା ଲାକ୍ତୁ ନେସ୍ତି ସତ୍ତିକା ୱେର୍ନିୱାଲେ ମାପୁ ଦୁନିଆଦି ବୁଦିଦାନ୍ ମାଟା ଇନ୍ଏପ୍ ମାନାପ୍, ମାତର୍ ଆତ୍ମିକ ବିସୟ୍ୱିଜୁ ଆତ୍ମିକ ବିସୟ୍ଦାନ୍ ବୁଜାକିଜି ପବିତ୍ରଆତ୍ମାଦାନ୍ ନେସ୍ତିମାନି ବାକ୍ୟଦାନ୍ ୱେର୍ନିକା । ମାତର୍ ଦୁନିଆଦି ଲୋକୁ ମାପୁରୁଦି ଆତ୍ମାଦି ବିସୟ୍କୁ ମାନାଏନ୍, ଇରିଙ୍ଗ୍ ଇୟାୱିଜୁ ୱାନି ଲାକ୍ତୁ ମୁର୍କୁ, ମାରି ୱାନ୍ ଆୟାୱିଜୁ ବୁଜାଦେଙ୍ଗ୍ ଆଟ୍ଏନ୍, ଇରିଙ୍ଗ୍ କେବଲ ଆତ୍ମାଦୁମାନି ଲୋକୁ ଆୟାୱିଜୁଦିଙ୍ଗ୍ ବିଚାର୍ କିଦେଙ୍ଗ୍ ଆଟ୍ନାନ୍ ।
ଇରିଙ୍ଗ୍ ମାପୁରୁ ୱାନି ପେରି ଜ୍ଞାନ୍ତାନ୍ ତିର୍ କିତାମାର୍ହାନ୍ ଜେ ଜଗତ୍ତି ଲୋକୁ ନିଜେଦି ଜ୍ଞାନ୍ଦାନ୍ ମାପୁରୁଙ୍ଗୁଁ ନେସ୍ତେଙ୍ଗ୍ ଆଟ୍ଏର୍ । ମାପୁ ପ୍ରଚାର୍ କିଜିମାନି ବାକ୍ୟଦି ତାଗ୍ଇମାଟା ସୁସମାଚାର୍ତୁ ବିସ୍ବାସ୍ କିଜିମାନି ଲୋକାଙ୍ଗ୍ ରକିୟା କିନି ଉଣ୍ତିଙ୍ଗ୍ ମାପୁରୁ ୱେଡ଼ିକା ଆତାନ୍ ।
ଇରିଙ୍ଗ୍ ଜିହୁଦିର୍ ସିନା ପୟ୍ନାର୍, ମାରି ଗ୍ରିକ୍କୁ ବୁଦି ପୟ୍ନାର୍ । ମାତର୍ ମାପୁ କ୍ରୁସ୍ଦି ମୁସ୍କୁ ସାତିମାନି କ୍ରିସ୍ତଙ୍ଗ୍ ପ୍ରଚାର୍ କିନାପ୍, ୱାନ୍ ଜିହୁଦିରି ଉଣ୍ତିଙ୍ଗ୍ ଏରେପ୍ନିୱାଜା ମାରି ଅଣଜିହୁଦିରି ଉଣ୍ତିଙ୍ଗ୍ ମୁର୍କୁଦିୱାଜା; ମାତର୍ ଜିହୁଦି ଆପିନ୍ ମାରି ଅଣଜିହୁଦିରି ଆପିନ୍, ଆମାକାର୍ ଇଚ୍ଛାମାନାର୍, ୱାରି ଉଣ୍ତିଙ୍ଗ୍ କ୍ରିସ୍ତ ମାପୁରୁଦି ସାକ୍ତି ମାରି ମାପୁରୁଦି ଜ୍ଞାନ୍ଦିୱାଜା ।
ଇରିଙ୍ଗ୍ କ୍ରିସ୍ତ ନାଙ୍ଗିଁ ଡୁବନ୍ ସିନି ଉଣ୍ତିଙ୍ଗ୍ ପୋକତାଏନ୍, ମାତର୍ ୱାନ୍ ନାଙ୍ଗିଁ ସୁସମାଚାର୍ ପ୍ରଚାର୍ କିଦେଙ୍ଗ୍ ପୋକତାତାମାନାନ୍; ଆକାବା ଲୋକା ବୁଦିଦାନ୍ ସିଲେ, ଏସ୍ତିୱାଲେ କ୍ରିସ୍ତଦି କ୍ରୁସ୍କାଟ୍ତି ସାକ୍ତି ମାରି ପ୍ରଭାବ ବେକାର୍ ଆଏତ୍ ।
ମିର୍ ଉନ୍ଡ୍ରି ଆସ୍କିଆୟ୍ଆତିମାନି କୁଟୁମ୍, ରାଜାଦି ଜାଜକ ଇଲୁ, ଉନ୍ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍ । ମାପୁରୁ ମିଙ୍ଗିଁ ସିକାଟିଦାନ୍ ନିଜେଦି କାବାଆନି ଜାୟ୍ତୁ କୁକ୍ତାମାନାନ୍ । ମିର୍ ୱାନି କାବାଆନି ପାଣି ୱିଜୁ ୱେର୍ତେଙ୍ଗ୍ ଇଜି କୁକାତିମାନିଦେର୍ ।