Bíblia

16 Maandiko Gang’alile gose gana mhumuzi ya Imulungu, na gofaya kwa kufundizila ukweli, gofaya kuwazuma wanhu, gofaya kugagolosa ago ganyolodoke, na gofaya kuwalanguliza wanhu wawe na ugima unogile mgameso ga Imulungu, 17 avo munhu yomsang’hanila Imulungu yadahe kutenda goya, na yadahe kusang’hana kila sang’hano inogile.

15 Na gweye kojuwa kuwa toka haudodo kugajuwa Maandiko Gang’alile, godaha kukugwaa nzewele zigala ukombola kubitila kumtamanila Yesu Kilisito. 16 Maandiko Gang’alile gose gana mhumuzi ya Imulungu, na gofaya kwa kufundizila ukweli, gofaya kuwazuma wanhu, gofaya kugagolosa ago ganyolodoke, na gofaya kuwalanguliza wanhu wawe na ugima unogile mgameso ga Imulungu, 17 avo munhu yomsang’hanila Imulungu yadahe kutenda goya, na yadahe kusang’hana kila sang’hano inogile.

20 Kubanza gose, mujuwe kamba kuduhu mtula ndagu wa Maandiko Gang’alile yalongile mbuli za ulaguzi kwa kulonda mwenyego. 21 Kwavija kuduhu usenga wa ulaguzi ulawa kwa munhu, lakini munhu kolonga gaja galawile kwa Imulungu kwa kulongozigwa na Loho Yang’alile.

15 Wamba ng’hani kusang’hana ganogile mgameso ga Imulungu na uwe msang’hanaji yeliduhu kinyala kwa sang’hano yake, yofundiza goya usenga wa ukweli wa Imulungu.

2 nokulagiza uwapetele wanhu usenga, uitande kwa kipindi kinogile na kihile, uwalamule wanhu na uwazume na uwagangamize kwa uhole.

13 Mbaka vondanize, sang’hanila kipindi chako kwa kusoma Maandiko Gang’alile mgameso ga wanhu na kuwapetela wanhu na kuwafundiza.

12 Mbuli ya Imulungu ina ugima na nguvu, ng’hali kubanza panga dikanha kuno na kuno. Yokwingila mbaka mgati kuna umoyo na loho kamba panga kali vidikanha mbaka mgati ya maungo na uhongoli. Mbuli ayo yogubula magesa ga wanhu na vija viwolonda mmizoyo yao.

35 Ulanga na isi vobita, lakini mbuli zangu hondazibite ng’o.

4 Lakini Yesu kamwidika, "Maandiko Gang’alile golonga, ‘Munhu hawa mgima kwa kuja kwiiyeka, lakini kwa kila mbuli ilawa mmulomo wa Imulungu.’ "

17 Uwatende wang’ale kwa kweli, mbuli yako ayo kweli.

39 Mogasoma Maandiko Gang’alile kwavija mogesa kulawa mumo moupata ugima wa milele. Na kuno Maandiko gago gago gandika mbuli zangu!

25 lakini mbuli ya Mndewa yosigala siku zose."

Na mbuli ino ayo mbuli inogile ipetigwa kumwenu.

9 Koigendeleza vilihi mbwanga nzila yake ing’ale?

Kwa kutegeleza na kukweleleza mbuli yako.

160 Gose kwa gose kwa mbuli yako awo ukweli,

malagizo gako gose ga haki na gosigala milele.

11 Wanhu wa Beleya wakala otegeleza vinogile ng’hani kubanza wanhu wa Sesalonike. Wauhulika usenga awo kwa kusulukila, kila siku wakala ogalolesa goya Maandiko Gang’alile, one kamba Paulo kakala yolonga kweli.

2 Kamba viyatendaga, Paulo kengila mng’anda ya kumpula Imulungu. Kwa siku ndatu za Kubwihila kalonga na wanhu, kwa Maandiko Gang’alile, 3 kuwalagusila kamba Kilisito Mkombola kalondigwa yadununzike na kuzilibuka kwa wafile, Paulo kawalongela, "Ino Yesu inimsimulila kumwenu, iyo Kilisito Mkombola."

30 Baho Filipo kakimbila behi na mtuka kamuhulika munhu ayo kosoma kitabu cha mtula ndagu wa Imulungu Isaya. Filipo kamuuza, "Vino kogajuwa gago gousoma?"

31 Mkulu ayo kedika, "Nodahaze kugajuwa bila munhu kunifambulila?" Avo kamgoneka Filipo yakwele mumtuka na yakale hamoja nayo. 32 Munhu ayo kakala yosoma hanhu hano mna Gamaandiko Gang’alile,

"Kakala kamba ng’hondolo yogaligwa kuchinjigwa,

kamba mwana ng’hondolo yanyamale tuulu viyokanhigwa mibahila,

halongile mbuli.

35 Filipo kasonga kulonga, kasongela hanhu hano ha Maandiko Gang’alile, kamulongela Mbuli Inogile ya Yesu.

25 Yesu kawalongela, "Mweye mwa wabozi, na mizoyo yenu midala kutogola gose galongigwe na watula ndagu wa Imulungu! 26 Vino, halondigwa Kilisito Mkombola yadununzike kamba avo, abaho yengile muukulu wake?" 27 Yesu kawasimulila gaja galongigwe na Maandiko Gang’alile mbuli yake mwenyego, kusongela mna ivitabu va Musa na maandiko ga watula ndagu wose wa Imulungu.

18 Yesu kawezila, kawalongela, "Nigweleligwa udahi wose wa kuulanga na mwiisi. 19 Avo gendeni mkawatende wanhu wa isi zose wawe wanahina zangu, muwabatize kwa twaga da Tata na Mwana na Loho Yang’alile, 20 na muwafundize wagoge kila kinhu kiniwalagizeni, na niye nokuwa hamoja na mweye siku zose mbaka kukimambukizo cha isi."

7 Mwahachola, wapeteleni usenga uno, ‘Undewa wa kuulanga wammabehi!’

5 Mbuli zose za Imulungu za kutamanilwa,

heyo ayo ngao ya wose omkimbilila.

6 Sikuwengeze mbuli mzimbuli zake,

sambi yakukomhokele na gweye kokoneka kwa mvizi.

Mbuli za kimambukizo

18 Niye nowazuma wanhu wose ohulika mbuli za ulaguzi zili mkitabu kino, munhu yoyose yahongeza kinhu chochose muno, Imulungu nayo komongezela mikubulo yandikigwe mna ikitabu kino. 19 Na munhu yoyose yahasegesa mbuli yoyose kulawa mkitabu kino cha ulaguzi, Imulungu komsegesela hanhu ha fungu mna dibiki da ugima na mna dibuga ding’ala, vilongigwe mna ikitabu kino.

Mbuli imoja Inogile

6 Mweye mong’hanganya, sambi sambi baha, momuleka Imulungu yawakemile kwa ng’hekewa ya Kilisito, na mokweleleza usenga uyagwe ukoneka kamba mbuli inogile. 7 Kulonga ukweli kuduhu mbuli iyagwe inogile. Nolonga vino, kwavija kuna wanhu wayagwe owading’hula na olonda kuigalusa Mbuli Inogile ya Kilisito. 8 Lakini hata kamba imoja wetu hebu msenga wa kuulanga, kowapeteleni usenga uyagwe hauigalile na Mbuli Inogile ituwapetele siye, ayo yaduwiligwe na Imulungu! 9 Siye tulonga, na sambi nolonga kabili, munhu yoyose yowapetela usenga uyagwe hauigalile na Mbuli Inogile imupeteligwe, munhu ayo yaduwiligwe na Imulungu!

15 Molondigwa mujuwe kamba Mndewa kofunga umoyo kwavija kolonda wanhu wakomboligwe, kamba ndugu yetu Paulo vivija viyawandikile kwa nzewele iyagweleligwe na Imulungu. 16 Paulo kandika mbuli zizija mzibaluwa zake zose, kandika mbuli zino. Baluwa zake zina mbuli ziyagwe ndala kuzijuwa, na wanhu wayagwe wabozi na otanga tanga ofambula vihile kamba viwofambula vihile vifungu viyagwe va Maandiko Gang’alile. Avo oigalila magayo gao wenyego.

4 Kila kinhu chandikigwe ako umwaka chandikigwa kutufunza siye, ili kwa kubetela na kuigangamiza tumtamanile Imulungu kubitila Maandiko Gang’alile.

14 Vino ompulaze kamba hawamtogole? Na omtogolaze kamba hawauhulike usenga wake? Na ouhulikaze usenga kamba kuduhu munhu wa kuwapetela? 15 Wanhu opetaze usenga kamba hawatumigwe? Kamba Maandiko Gang’alile vigalonga, "Lola vivinogile kwiza kwa wanhu opeta Mbuli Inogile!" 16 Lakini siyo wose waitogola Mbuli Inogile ya Imulungu. Kwavija Isaya mtula ndagu wa Imulungu kalonga, "Mndewa, nani yautogole usenga wetu?" 17 Avo munhu komtamanila Imulungu kwa kuuhulika usenga, usenga awo okwiza kwa kupetigwa kwa mbuli inogile ya Kilisito.

Udahi wa Mbuli Inogile

16 Siyonela kinyala bule Mbuli Inogile, kwavija ina udahi wa Imulungu wakumkombola munhu yoyose yotogola, tanhu kwa Wayahudi, abaho kwa wanhu haweli Wayahudi. 17 Kwavija Mbuli Inogile yogubula vija Imulungu viyowatenda wanhu wanoge mgameso gake. Mbuli ino yotendeka kwa kutamanila, kusongela haichanduso mbaka kuuhelelo. Kamba Maandiko Gang’alile vigalonga, "Munhu yatendigwe kanoga na Imulungu, kokuwa mgima kwa kumtamanila."

12 Hatubokele bule loho wa wanhu wa isi ino, lakini tubokela Loho yatumigwe na Imulungu, ili tudahe kugajuwa gaja gose tugweleligwe na Imulungu.

13 Avo hatulonga mbuli zifundizigwe na nzewele za wanhu, lakini kwa mbuli zifundizigwe na Loho Yang’alile, vituwafambulila mbuli za loho waja weli na Loho Yang’alile. 14 Munhu yoyose yeliduhu Loho Yang’alile hadaha kubokela vinhu kulawa kwa Loho wa Imulungu. Wanhu wano hawazijuwa mbuli azo, kumwao zokoneka ubozi, kwavija mbuli azo zodahika kufambuligwa kwa kutazigwa na Loho Yang’alile yaiyeka.

21 Kamba viili nzewele ya Imulungu, wanhu wa mwiisi hawadaha kumjuwa heyo kubitila nzewele zao wenyego. Lakini Imulungu kanogelwa kuwakombola waja omtogola kubitila usenga awo utuwapetela na ukoneka kwa wanhu weli na nzewele kamba ubozi.

22 Wayahudi olonda kulola kilaguso, Wagiliki ozahila nzewele. 23 Lakini siye tompeta Kilisito yawambigwe mumsalaba. Usenga uno owagevuza Wayahudi na kwa wanhu haweli Wayahudi okoneka ubozi. 24 Lakini kwa waja wakemigwe na Imulungu, Wayahudi hamoja na haweli Wayahudi, Kilisito ayo nguvu ya Imulungu na nzewele za Imulungu.

17 Kilisito hanitumile niye kubatiza, lakini kanituma niwapetele wanhu Mbuli Inogile, na siyo kwa kutamanila nzewele za wanhu, ili kuitenda ifa ya Kilisito mumsalaba sikuyage bule.

9 Lakini mweye mwa wanhu musaguligwe, walava nhosa wa kindewa na wanhu wa isi ing’alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.