Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
Na Kukuti Tabuna doruna sa na Tamasa sa singonia beto sa poreveveina pana vaivagigalainia, pana ule votunia na sela, pana vatuvisina na tinoni beto pana vaivatavagigalania na uana tuvisina, ko na tinoni tana Tamasa mi ngongo beto mi isongia na boboka maladoruruna pana doru roiti jongadi.
beto ko podalai na koburumu tu qu gigilaria ao sira na kukuti madidi, ko ira na kukuti ira sa qai vatavagigaligo ko qu tekua na inaalo tonai qu rangea na Karisito Jisu. Na Kukuti Tabuna doruna sa na Tamasa sa singonia beto sa poreveveina pana vaivagigalainia, pana ule votunia na sela, pana vatuvisina na tinoni beto pana vaivatavagigalania na uana tuvisina, ko na tinoni tana Tamasa mi ngongo beto mi isongia na boboka maladoruruna pana doru roiti jongadi.
Ba api sa na roroqu sa poreveveina ko mu gigila vatalea sapi. Kepore kai kokorotai pana Kukuti Tabuna sa sa tavavukele pana ona ruruvata gu mekana na tinoni. Ura kepore sa kai kokorotai sa votu lame pana ona nyorogua gu mekana na tinoni, goto na Gagala Tabuna tu sa gaitiria sira na tinoni beto sa qai poja votuniria sira na nongoro qai lagere vei tana Tamasa.
Mu popodeke vivitigia ko na Tamasa mi dogoro veinigo na tinoni tarangemu, na tinoni roiti sa kepore na ona kea beto sa vilasa vatalea na paranga sosotona.
Mu taraenia na paranga; mu turunia na roiti isa na ona totoso babi nake ona totoso; mu uduku votuniria na dia sela, mu tokeria, beto mu paranga vaneqiria pana uana momosona beto pana mua vaivagigalai.
Mu aru tokaria sira na roiti aipira tinganai mana lame kamu ara: na tiro votuna na Kukuti Tabuna, na paranga vaivaneqi beto na vaivagigalai.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Muke doro vakepore veveinaia sapi, ura na paranga tana Tamasa sa na toana beto sa kolea na neqi, beto ko sa gea jolaniria doru benete vaisobe qai gea vaikale. Sa boka suni tome kamua na paranga sa ketakoi qai vaikamu na toa beto na gagala beto ko ketakoi qai vaikamu na gogou pupuda beto na vaijokelai, beto sa pituria na paranga sira na roroqu beto nyorogua jongadi beto nikeredi qai kole pa bulona na tinoni.
Na oka beto na peso sa mai maragutu, ba ira na qua paranga sa maike isongo maragutu,>> sau si Jisu.
Ba sa oea i Jisu sisa, pira sau, <<Sa paranga sa na Kukuti Tabuna,
<Nake bereti gu mekana
sa toania sa na tinoni,
goto doru paranga tu
sa ovelainiria na Tamasa!> sau,>>
sau si Jisu.
Mu vamadiria pa sosoto; na mua paranga sa na sosoto.
Qu tiro vivilotoria agou sira na paranga pa Kukuti Tabuna, ura qu roroqua sa ketakoi kode muna batinia na toa jola qugu, ba ira na paranga qai takuti ketakoi sa qai ululenia sa na veveiqu gu ara.
ba na paranga tana Bangara sa kole jola kamua na kamua,>> sau.
Ko na paranga api sa isa tugu na nongoro jongana sa tei tavavakato tu tamugou.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
Ira na tinoni pa Berea sa sa revanga jolaniria ira pa Tesalonika sa na roqudi, ko qai teku ngangalinia ira sa na nongoro. Beto ko na vaituti rane gu sa qai tiro pepelukainiria ira pa Berea sa na Kukuti Tabuna, ko mai doro vasosotoria sa qai sosoto tugu beka sa na sakasava taqe nongororia pira qarigu.
Ko sa vevei tugu sa roroitinia doru totoso sa i Paula sa lao tadira na tinoni Jiu pa kue rane Minere ko sa kole taleria pa Kukuti Tabuna sira na tinoni Jiu. Sa loji vakakabere vaniria beto sa vabatiniria na sosotona sa na Karisito sa kode mina gosoro vitigi tugu beto mina toa mule tugu pa mate, ko isa na Karisito sa isa tugu i Jisu isa qa korapa taraenia ara tamugou sauniria.
Poni sa abutu tata lao pa totopili si Pilipi sau, poni sa nongoria sa korapa titiroa isa sa na kukuti ti Aisea na tinoni kokorotai, ko sa nanasia, <<Ai vei qu gigilaimua tugu ao na ginuana sisa qu korapa tiroa ina?>> saunia.
Poni sa oe lao sa na iviva isa, <<Qokolo, ko bi mija tu! Kepore kai tinoni bi vakabere vanisiu vei pira, sa ai vei beto mana boka vakaberia?>> sau. Ko sa kukua si Pilipi, poni sa kesa si Pilipi ko sa toqo tavitia pa totopili.
Na kobu kukuti ti Aisea sa kole tiroa isa sa pira sau,
<<Sa kai muqisi podeke vei na sipi sa tatoni lao ko mina takubolo vamate sisa,
beto sa vei tugu na lami sake vaqeu pa moena na tinoni sa ngangabuturia na vurungu sipi,
poni sa isa ba sake isongo vaqeu podeke tugu.
Poni sa podalai vavakato tugu pa titiro api si Pilipi, ko sa vakabere lao vania sa na nongoro jongana na veveina i Jisu.
Poni pira sauniria i Jisu sira karu, <<Qu duduvili sagou ko na roqumiu sa mamavo vivitigi pa vasosotodi ira doru sakasava qai pojaria ira na tinoni kokorotai! Na tanguti vakolena sa na Karisito sa mina gosororia mai sira na vitigi aipira beto sa mina tavalavata!>> sau.
Ego beto sa podalai pa kukuti ti Mosese ko sa kamu pa kukuti tadira doru tinoni kokorotai, sa sa kole ruvata vakabere vaniria isa sira doru sakasava qai tapoja pa Kukuti Tabuna na veveina mekana.
Beto sa rerege tata laoria i Jisu sira, ko sa parangaria, <<Qa tei taiania tu ara sa doru neqi pa noka beto pa peso. Ko sa vei sa mu lao ko mu vasepele vanisiu sira doru puku tinoni, muna paputaisoria pa isongona na Tamana, na Tuna, beto na Gagala Tabuna. Beto ko muna vaivagigalainiria ko mai vataberia sira doru sakasava qa garununigou ara. Beto ko ara sa mana vavaburogou doru totoso, tinganai mina kamua na vinabetona na totoso,>> sau si Jisu.
Mu lao ko mu tarae, pira mugu, <Na binangara pa noka mi togagita gu sau,> mugu.
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Ara Jone sa qa paranga vabalauria sira doru qai nongoria na paranga kokorotai qai kole pana buka api: na tinoni mina vatamo laoniria mule kakiana, sa kode mina tamo lao vania mule na Tamasa pana tana sira na oja qai takuti pana buka api. Beto na tinoni mina teku paleria sira kaki paranga kokorotai qai kole pana buka api, sa mina teku palea tugu na Tamasa pana tana sa na iana pana vuana na gou vaivatoana beto pana gugusu madina qai tavavakato pana buka api.
Qa gabara vivitiginigou ara sagou! Na beko vei tu ko quke ruavo tugu loa palea agou sa na Tamasa isa sa tei kukugou tu pana vairoqu lavata tana Karisito, ko qu tutia mutu agou sa kai goto vaivagigalai qai vagigalania na nongoro jongana. Ba kepore mule sa kai goto nongoro jongana sa sosoto, goto pira qa paranga vei sara ura koledia sira kaki qai korapa vanigou na tapata beto qai nyorogua ngangangulia sa na nongoro jongana veveina na Karisito. Ba vei bi agei na tinoni tagarunumei tu sa vilegei na Tamasa babi kai mateana koko veina tu pa noka sa bi vaivagigalainia sa kai vaivagigalai sa goto pana nongoro jongana qe tei ule vanigou tu agei, poni sa na tinoni isa sa mi gosoriagana tu na vinakilasa tana Tamasa. Ma kai pojanigou mule sa isa vei qe tei ule vanigou tu. Vei bi kai tinoni bi vaivagigalainia sa kai vaivagigalai sa goto pana nongoro jongana qu tei teku vakatapia tu agou ina, poni sa na tinoni isa sa mi gosoriagana tu na vinakilasa tana Tamasa.
Na Bangara sa korapa vera vamomoso, ko na totoso sa korapa vera vamomoso isa sa mu doro veinia na totoso sa korapa vanigou agou ko mu taalo sau. Ko i Paula na turada pana tana Karisito ba sa tei kuti lao vanigou tu pana gigalai sa vania na Tamasa sa na veveina na mule lame tana Bangara. Ko api sa sa tei pojai tu isa pana doru ona leta tonai sa pojai na veveina na lame tana Bangara. Koledia sira kaki sakasava pana ona leta qaike munyala na vakaberedi ko ira na tinoni rururadi beto ira sake matua na roqudi sa qai ruvata vapiruria sira na sakasava pira. Beto ko kaki kukuti pana Kukuti Tabuna ba qai veiniria tugu. Ko na dia roiti vei tugu isa sa qai korapa teku tariniria na vinakilasa pana rane vaituti.
Ko ira doru sakasava qai takuti pana Kukuti Tabuna sa qai takuti ko na vagigalaida gita, ko pana korapana na turu vangaju beto na manoto taqe tekua pana Kukuti Tabuna sa taqe vera gele vatalenia gita sisa sa taringungutinia mina roiti vanigita na Tamasa.
Ego ko na veveidi ira na Jiu sa ira kaki bai paranga, <<Ai mai vei mai boka kiu alili lao pana tana isa qai oqoro vasosotoa sira? Beto ai mai vei mai boka vasosotoa sisa qai oqoro nongoronia? Beto ai mai vei mai boka nongoronia sisa vei minake tatarae sisa? Beto ko ai mai vei mai boka tarae sira vei na Tamasa minake garunu laoniria sira mai tarae? Ura sa tei pojaiona tu na Kukuti Tabuna sa pira sau, <Sa vavagua jola sa na lamedi ira qai pogosia na nongoro jongana!> sau,>> barigu sira kaki. E sa sosoto tugu sisa, ba nake ira doru sa qai vasosotoa sa na nongoro jongana. I Aisea na tinoni kokorotai ba sa tei pojaiona tu, pira sau, <<Bangara, sa doro vei kepore sa kame bi vasosotoa na vavakato tamigei,>> sau. Ko na vinasosoto sa sa pidoko votu lame tonai sa tanongoro sa na vavakato, beto ko na nongoro api sa lame tonai sa tatarae sa na vavakatona na Karisito.
Ara qake keania sa na nongoro jongana na veveina na Karisito, ura isa tugu sa na neqi tana Tamasa qai taalonia ira doru tinoni qai vasosoto, momoe ira na tinoni Jiu beto ira na tinoni karovodi tugu vei. Ura na nongoro jongana sa ulenia sa na tuvisi tana Tamasa, ko na tuvisi isa sa lame tonai sa rangea gu na Karisito sa na tinoni. Sa tei tapoja pikata tu pa Kukuti Tabuna sa pira sau, <<Na tinoni tuvisina mina toania na rarange,>> sau.
Ba gita sa nake gagala tana kasia gusu sa taqe tekua goto isa tu na Gagala sa koko lame pana tana Tamasa, ko sa vei sa taqe gigila vataleria sira na vaivana sa vanigita na Tamasa. Beto ko na vaivana pira sa qe vavakatoniria agei nake pana vaivagigalai tomedi tadira na tinoni gigalai goto pana vaivagigalai tu tana Gagala, tonai qe vilasa vakabereria sira na vaivagigalai sosotodi tana Gagala. Na tinoni sake isongia na Gagala sa sake boka tekuria sira na vaivana tana Tamasa. Qai kepore veveidi sosoto pana tana sira beto sake boka doro vakabereria, ura na sakasa ira sa qai boka tadoro vakabere tonai sa isongia gu na Gagala na tinoni.
Ura na Tamasa sa gigalai jola ko sa vei sa sa vilea isa sa ira na tinoni pa kasia gusu sa maike boka gigilania pana dia gigalai mekadi ira sa na Tamasa. Ko sa vei sa isa tugu na nongoro sa tagigala na goborona qe taraenia agei sa sa vile varoitia ko sa aloria sira qai vasosoto.
Na tinoni Jiu qai tepai kaki roiti vaivagabaradi tu beto mai vasosoto qarigu goto ira Qiriki qai nyaqoa na gigalai tu. Goto agei sa qe taraenia sa na veveina tu na Karisito sa tavamate pa korosi. Ko na nongoro isa sa na patu vaivatatupena tadira na Jiu beto kai sakasa gogoborona tadira na tinoni karovodi; goto tadira sa kukuria na Tamasa, ira na tinoni Jiu beto na Qiriki, sa na nongorona na Karisito sa vatadogoronia sa na neqi tana Tamasa beto na gigalai tana Tamasa.
Ura na Karisito sake garunusiu sara ko mana vaipaputaiso goto qa tagarunu ko mana taraenia tu na nongoro jongana. Ko qa tagarununia ara ko mana taraenia nake pana paranga gigalai tana tinoni sa na nongoro, ura kita na nongorona na korosi tana Karisito mi tavakokoba nona neqi.
Ba agou sa na tinoni tavilemiu, na iama tuti bangara, na puku tinoni liosomiu, beto nona mekana na Tamasa sagou. Agou sa qu taudukunia ko muna vavakato votunia sa na roiti vaivagabaradi tana Tamasa, isa na Tamasa sa kuku votunigou pana rodomo ko sa vavotu lamegou pana ona kabere.