Bíblia

16 အယ်မူကျမ်းစာထဲမာ ရှိဟှူဇာလေ ဂူလောင်းဟှာ ဘုရားသခင် မှုသွမ်းတော်မူရှင်းအားဖြင့် ဖြစ်ဘီး* သြဝါဒပေးဟှို့တွပ်ရော၊ ပြစ်ဟှို ဖော်ပြဟှို့တွပ်ရော၊ မှားပြုပြင်ဟှို့တွပ်ရော၊ ဖြောန့်မတ်ရှင်းနှိုက် ဆောင်းမပဲ့ပြင်ဟှို့တွပ်ရော ကျိုးကျေးဇူးရှိလေဟှယ်။ 17 အယ်ဇာဟှ ဘုရားသခင်ရဲ့လူဟှာ ကောန်းဟှူမှုလေ ဘောန်းဇောင်တွပ် ပြင်ဆင်ရှင်းဟှို ခံရဘီး ပ္လဲ့ဝစောင်လင်ဟှူသူ ဖြစ်ဟှို့တွပ်ဖြစ်ဟှယ်။

15 ယေရှုခရစ်တော်ဟှို ယောင်ကြည်ရှင်းအားဖြင့် ကယ်တန်ရှင်းဟှို ရော့-က်စေဟှူပညာဟှို ပေးနိုင်ဟှူ သမ္မာကျမ်းစာဟှို ငယ်ငယ်ဂဒဲဟှနေ ရင်းနှီးလာဟှားဟှူဇာဟှို နန်သိပါဟှယ်။ 16 အယ်မူကျမ်းစာထဲမာ ရှိဟှူဇာလေ ဂူလောင်းဟှာ ဘုရားသခင် မှုသွမ်းတော်မူရှင်းအားဖြင့် ဖြစ်ဘီး* သြဝါဒပေးဟှို့တွပ်ရော၊ ပြစ်ဟှို ဖော်ပြဟှို့တွပ်ရော၊ မှားပြုပြင်ဟှို့တွပ်ရော၊ ဖြောန့်မတ်ရှင်းနှိုက် ဆောင်းမပဲ့ပြင်ဟှို့တွပ်ရော ကျိုးကျေးဇူးရှိလေဟှယ်။ 17 အယ်ဇာဟှ ဘုရားသခင်ရဲ့လူဟှာ ကောန်းဟှူမှုလေ ဘောန်းဇောင်တွပ် ပြင်ဆင်ရှင်းဟှို ခံရဘီး ပ္လဲ့ဝစောင်လင်ဟှူသူ ဖြစ်ဟှို့တွပ်ဖြစ်ဟှယ်။

20 ကျမ်းစာမာပါဟှူ ပရောဖတ်ပြု ဟောပြောချစ်လေဟှာ ကိုယ့်ဖာသာ နတ်ဓိပါယ်ပေါ်ဘဲဟှူ ကြောန်းဟှို ရင်ဦးဆောင်း သိမှတ်ဂေ့ပါ။ 21 ဖြားဖြစ်ကြောန့်နူးဆိုဟှာ ပရောဖတ်ပြု ဟောပြောချစ်လေဟှာ ဖယ်ခါမှ လူ့ရဲ့ လိုဆန္ဒအားဖြင့် ဖြစ်ပေါ်လာရှင်း မှုဟှ။ ဘုရားသခင်ရဲ့ သန့်ရှင်းဟှူ သူလေဟှာ သန့်ရှင်းဟှူဝိညာဉ်တော်ရဲ့ တိုက်တွန်းတော်မူရှင်းဟှို ခံရဟှူကြောန့် ဟောပြောဂေ့ရှင်း ဖြစ်ဟှယ်။

15 နန်ဟှာ ဘုရားသခင် ရှေ့တော်မာ ယောင်ကြည် စိခ္လရဟှူသူ၊ နှစ်သက်ဖွယ်ကောန်းဟှူသူ တယော့-က်နေနဖြစ်ဖြစ်၊ သမ္မာတရားဟှို ပိုင်းခြားတတ်ဟှူ သူတယော့-က်နေနဖြစ်ဖြစ် ယှစ်ကြော့-က်မှုမှေ့ဘဲဟှူ လောက်သမား တယော့-က်မျိုး ကိုယ့်ကိုယ်ကိုယ် ဆစ်သနိုင်ဟှို့တွပ် ကြိုးစားအားထုပါ။

2 တရားတော်ဟှို ဟောပြောပါ။ ခီရှိဟှူဇာဘဲ့ဖြစ်ဖြစ်၊ ခီမှေ့ဘဲဟှူဇာဘဲ့ဖြစ်ဖြစ် ကြိုးစားအားထုပါ။ စိရှယ်ရှယ်နသွန်သန်ဘီး ပြစ်ဟှိုဖော်ပြဟှူဇာလေ၊ ဒိပေးဟှူဇာလေ၊ တိုက်တွန်းအားပေးဟှူဇာလေဟှို ပြုပါ။

13 ငါလာဟှူ ခီထိ ကျမ်းစာဖတ်ရှင်း၊ တိုက်တွန်း သွီးဆောန်ရှင်း၊ ဆောန်းမ ဩဝါဒပေးရှင်းလေဟှို ကြိုးစားဘီး လောက်ဆောန်ပါ။

12 ဘုရားသခင်ရဲ့ စကားတော်ဟှာ သတ်ရှင်ရှင်း၊ တဂိုးနပြုပြင်ရှင်း၊ သန်လျက်လေထတ် ထတ်ရှင်းမှုန ပ္လဲ့ဇောင်ဟှူကြောန့် သတ်န စိဝိညာဉ်ဟှိုဖြစ်ဖြစ်၊ ရိုးဆစ်န ခြင်ဆီဟှိုဖြစ်ဖြစ် ပိုင်းခြားဘီး ထောက်ချင်းခွမ်းတတ်ဟှယ်။ စိနှလောင်း ကြံစည်လေဟှိုလည်း ထိုးထွမ်းဘီး သိဗြင်နိုင်ဟှယ်။

35 ကောန်းဂန်န မ္လေဂီးဟှာ ကွယ်ပျော့-က်ဟှားလေ့မယ်။ အယ်ဘေမဲ့ ငါ့စကားဟှာ လောင်းဝ ကွယ်ပျော့-က်ဟှားလေ့မယ် မှုဟှ။"

အယ်နေ့ အယ်ခီဟှို ဖယ်သူလည်း သိဘဲဟှူကြောန်း

(မာကု ၁၃.၃၂–၃၇; လုကာ ၁၇.၂၆–၃၀,၃၄–၃၆)

4 အယ်ဘေမဲ့ ယေရှုဟှ "‘လူဟှာ စားဇာတခုဒဲန သတ်ရှင်ရဟှို့ မှုဟှ။ ဘုရားသခင်ရဲ့ စကားတော်အားဖြင့်ဘဲ့ သတ်ရှင်ရမယ်’ ဆိုဇာ ကျမ်းစာဟှ ပြောဟှားဟှယ်" ဆိုဘီး မိန့်တော်မူဟှယ်။

17 သမ္မာတရားအားဖြင့် သူးနို့ဟှို သန့်ရှင်းတော်မူပါ။ ကိုယ်တော်ရဲ့ စကားတော်ဟှာ သမ္မာတရားဖြစ်ဟှယ်။

39 နန်းနို့ဟှာ ထာဝရသတ်ဟှို တွိလေ့မယ် ထန်ဘီး ကျမ်းစာလေဟှို လေ့လာဂေ့ဟှယ်။ အယ်ကျမ်းစာလေဟှ ငါ့ကြောန်းဟှို သတ်သေခံဟှားဟှယ်!

25 ဘုရားသခင်ရဲ့ စကားတော်ဟှာ ကာလစဉ်ဆစ် တည်ဟှယ်။"

အယ်စကားတော်ဟှာ နန်းနို့လေဟှို ဟောပြောဟှူ ဒန်းကောန်းဘဲ့ဖြစ်ပါဟှယ်။

11 ဗေရိဗြို့သားလေဟှ သက်သာလောနိတ်ဗြို့ဟှ လူလေထတ် စိထားမြတ်ဂေ့ဟှယ်။ အယ်ကြောန့် ပေါလုဟောဟှူ တရားဟှို ရရာတိုင်း ကြည်ညိုဟှူစိန နာခံဂေ့ဟှယ်။ သူးနို့ဟှာ ပေါလု ပြောဇာလေဟှာ တကယ်မှန်ဘဲ့လား ဆိုဘီး သိနိုင်ဟှို့တွပ် နေ့တိုင်းကျမ်းစာဟှို လေ့လာဂေ့ဟှယ်။

2 ပေါလုဟှာ သူးနို့ထောင်းဇံရှိဟှူတိုင်း ဝါလယ်ဇရပ်ဟှို သွားဘီးဟှာ ဒန်းနေ့ သောင်းရစ်လောင်းလောင်း ကျမ်းစာဟှို ကိုးကားဘီးဟှာ လူလေန သေးသေချားချာဟှား ဆွေးနွီးဂေ့ဟှယ်။ 3 မေရှိယဟှာ ဒေါက်ခဝေဒနာခံရဟှူ ကြောန်းဟှို ကျမ်းချစ် ထော့-က်ထားလေနတူးဒူ ရှင်းရှင်းလန်းလန်းဟှား ပြောပြဟှယ်။ ပေါလုဟှ "နန်းနို့ဟှို ငါပြောပြနေဟှူ ယေရှုဟှာ မေရှိယဖြစ်ဟှယ်" ဆိုဘီး ပြောဟှယ်။

30 ဖိလိပ္ပုလည်း ပ္လေးဟှားဘီးဟှာ ပရောဖက်ဟေရှာယကျမ်းဟှို အယ်လူဟှာ ဖတ်နေဇာဟှို ကြားဟှူ ခီမာ "နန်ဖတ်နေဇာဟှို နားလည်ဘဲ့လော" ဆိုဘီး မေးလိုက်ဟှယ်။

31 အယ်ရာရှိဟှာ "ရှင်းပြပေးမယ့်လူ မှေ့ဘဲန ဖယ်မျိုးနားလည်ဟှို့နူး" ဆိုဘီး ပ္လန်ဖြေလေဟှယ်။ သူဟှာ ဖိလိပ္ပုဟှို ဗြင်းလှည်းထတ်ဟှို တတ်ခိုင်းဘီးဟှာ သူ့နတူးဒူ ထိုင်ဟှို့တွပ် တိုက်တွန်းလိုက်ဟှယ်။ 32 အယ်လူဖတ်နေဟှူ ကျမ်းချစ်ဟှ

"သတ်ခံရဟှို့တွပ် ဆွဲခေါ်ဟှားဟှူ သိုးမျိုးဘဲ့ သူ့ဟှို ယူဆောန်ဟှားဂေ့ဟှယ်။

မွီးညှပ်မားရှေ့မာ သိုးသားဂန်းဟှားဟှာ

သူ့နှောက်ဟှို ပိဟှားမျိုး သူဟှာ သူ့နှောက်ဟှို ဖွမ့်ဘဲနေဟှယ်။

35 ဖိလိပ္ပုဟှာ အယ်ကျမ်းပိုဒ်နဘဲ့ စပြုဘီးဟှာ ယေရှုကြောန်း ဒန်းကောန်းဟှို ပြောလေဟှယ်။

25 အယ်ဘီးန ယေရှုဟှ "ပရောဖက်လေ ဟောဟှားဇာ ဂူလောင်းဟှို နှလောင်းထဲမာ ယောင်ကြည်ဟှို့ ရရာတိုင်း နှေးကွေးဟှူ လူမိုက်လေ! 26 မေရှိယဟှာ အယ်မျိုးဒေါက်ခခံဘီးန သူ့ရဲ့ဖောင်းသရေထဲဟှို့ ဝမ်စားရမယ် မှုဟှလော။" ဆိုဘီး သူးနို့ဟှို မိန့်တော်မူလေဟှယ်။ 27 အယ်ဘီးဟှာ ယေရှုဟှ မောရှေရဲ့ ကျမ်းလေန ပရောဖက်လေရဲ့ ကျမ်းဂူလောင်းမာ ကိုယ်တော်န ပတ်သတ်ဘီး ရေးဟှားဇာလေဟှို သူးနို့လေဟှို ရှင်းပြတော်မူဟှယ်။

18 ယေရှုဟှာ တဗဲ့တော်လေနားဟှို ကြွလာဘီးဟှာ "ကောန်းဂန်န မ္လေဂီးထတ်မာ ရှိမျှဟှူ ခွမ့်အာဏာလေဟှို ငါ့ဟှို ပေးအပ်တော်မူဘီ။ 19 ✝အယ်ကြောန့် နန်းနို့လေဟှာ သွားဘီး လူဘောန်းဇောင်ဟှို ငါ့တဗဲ့ဖြစ်စေဘီးဟှာ ဖ၊ သားတော်၊ သန့်ရှင်းဟှူဝိညာဉ်တော်ရဲ့ နာမတော်ထဲမာ ဗတ္တိဇံပေးဂေ့ပါ။ 20 နန်းနို့လေဟှို ငါပညတ်ဟှားဇာလေ ဂူလောင်းဟှို နာခံဟှို့တွပ် သွန်သန်ဂေ့ပါ။ ငါဟှာလည်း ကမ္ဘာကူဆောင်းဟှူ ခီထိ နန်းနို့လေနတူးဒူ မြဲဒမ်းရှိနေမယ်" ဆိုဘီး မိန့်တော်မူလေဟှယ်။

7 ✝"သွားဘီးဟှာ ‘ကောန်းဂန်နိုင်ငံတော် တည်ထောန်ဟှို့နီးဘီ!’ ဆိုဘီး ဟောပြောဂေ့ပါ။

နိဂေါင်း

18 အယ်စာစောန်မာပါဟှူ ပရောဖက်ပြုဘီး ဟောပြောဟှူ စကားလေဟှို ကြားရဟှူ သူတိုင်းဟှို ငါ့သတ်သေခံရှင်းလေဟှို ဖယ်သူဘဲ့ဖြစ်ဖြစ် သစ်ပ္လန်ထဲ့မယ် ဆိုဟှာ ဘုရားသခင်ဟှာ အယ်စာစောန်မာ ရေးဟှားဟှူ ဘေးဒန်လေဟှို အယ်သူထတ်မာ ရော့-က်စေလေ့မယ်။ 19 ဖယ်သူဘဲ့ဖြစ်ဖြစ် အယ်ပရောဖက်ပြုဘီး ဟောပြောဟှားဟှူ စာစောန်ထဲမာ စကားလေဟှို ဖယ်ပစ်မယ် ဆိုဟှာ အယ်စာစောန်မာ ရေးဟှားဟှူ သတ်ပန်နရော၊ သန့်ရှင်းဟှူဗြို့ဟှိုရော၊ အယ်သူနဆိုင်ဟှူ ဇာလေဟှိုရော ဘုရားသခင်ဟှာ နုပစ်လေ့မယ်။

တခုဒဲရှိဟှူ ဧဝံဂေလိတရား

6 ခရစ်တော်ရဲ့ ကျေးဇူးတော်အားဖြင့်* နန်းနို့ဟှို ခေါ်တော်မူဟှူသူဟှို အယ်မျိုးဗြန်းဗြန် စွန့်ဘီးဟှာ တခြားဧဝံဂေလိတရားဟှို လတ်ခံလိုက်ဟှူကြောန့် ငါရရာတိုင်း အံ့ဩဟှယ်! 7 မှန်ဆိုဟှာ "တခြား ဧဝံဂေလိတရား" ဆိုဇာမှေ့ဟှ။ ဖြားဖြစ်ကြောန့် ငါအယ်မျိုးပြောရနူးဆိုဇာဟှ နန်းနို့ဟှို ရှုတ်ထွေးအောန်လောက်ဘီး ခရစ်တော်ရဲ့ ဧဝံဂေလိတရားဟှို မှော့-က်လှန်ရှင်ဟှူလူတချို့ ရှိနေကြောန့်ဖြစ်ဟှယ်။ 8 နို့လေဖြစ်ဖြစ်၊ ကောန်းဂန်ဘောင်ဟှနေလာဟှူ ကောန်းဂန်တမန်ဖြစ်ဖြစ် နန်းနို့ဟှို နို့လေဟောပြောဟှားဟှူ ဒန်းကောန်းန တူဘဲဟှူ ဒန်းကောန်းဟှို ဟောပြောမယ် ဆိုဟှာ ဟောပြောဟှူသူဟှာ ဘုရားသခင်ရဲ့ ကီရှင်းဟှို ခံရစေ! 9 နန်းနို့ခံယူဟှားဟှူ ဒန်းကောန်းနတူဘဲဟှူ ဒန်းကောန်းဟှို ဟောပြောမားဟှာ ဘုရားသခင်ရဲ့ ကီရှင်းဟှို ခံရစေ ဆိုဘီး နို့လေပြောဟှားဟှူတိုင်းဘဲ့ ခု ငါထပ်ဘီး ပြောဟှယ်။

15 နို့လေရှစ်ရဟှူ ညီကိုပေါလုဟှာ ဘုရားသခင်ပေးဟှူ ဉာဏ်ပညာအားဖြင့် နန်းနို့လေဟှို ရေးဘီးပေးလိုက်ဟှူတိုင်း နို့လေရဲ့ သခင်ဘုရား သီးခံတော်မူရှင်းဟှာ နန်းနို့လေ ကယ်တန်ရှင်းခံရဟှို့တွပ် ခွမ့်ရေးပေးရှင်း ဖြစ်ဟှယ် ဆိုဇာဟှို မှတ်ယူဂေ့ပါ။ 16 သူဟှာ အယ်ကြောန်းရာလေန ပတ်သတ်ဘီး စီရင်ရေးဟှားဟှူ စာစောန်လေမာ နားလည်ရ ခတ်ခဲမှုလေ ရှိဟှယ်။ သိပညာမှေ့ဘဲဟှူ၊ တည်ကြည်မှုမှေ့ဘဲဟှူ သူလေဟှာ အယ်စာစောန်ဟှနေစဘီး ကျန်ဟှူ ကျမ်းစာလေရဲ့ နတ်ဓိပါယ်ဟှို မှော့-က်လှန်ဘီး ကိုယ့်ကိုယ်ကိုယ် ဖျစ်စီးတတ်ဂေ့ဟှယ်။

4 ကျမ်းစာမာ ဖော်ပြဘီး ရေးဟှားဟှူ ရှိမျှဂူလောင်းဟှာ နို့လေဟှို သွန်သန်ဆောင်းမဟှို့တွပ် ရေးဟှားဇာ ဖြစ်ဟှယ်။ အယ်မျိုး ဖော်ပြရဇာဟှ နို့လေဟှာ ကျမ်းစာတော်မာရရှိဟှူ သီးခံရှင်းန နှစ်သိမ့်မှုလေအားဖြင့် မျှော်လင့်ရှင်းရှိဟှို့တွပ် ဖြစ်ဟှယ်။

14 အယ်ဘေမဲ့ ယောင်ဘဲနနေဟှာ ဖယ်မျိုး ဆုတောန်းနိုင်မယ်နူး။ ဒန်းကောန်းဟှို ကြားဘဲနနေဟှာလည်း ဖယ်မျိုး ယောင်ကြည်နိုင်မယ်နူး။ ဟောပြောဟှူသူလေ မှေ့ဘဲနနေဟှာ ဖယ်မျိုး ကြားနိုင်ဂေ့မယ်နူး။ 15 လူလေဟှို စေလွှတ်ဘဲနနေဟှာ ဖယ်မျိုး ဟောပြောနိုင်မယ်နူး။ ကျမ်းစာတော်ဟှ "ဒန်းကောန်းဟှို သယ်ဆောန်လာဟှူသူလေရဲ့ခေဟှာ ရရာတိုင်းဘဲ့ အသရေရှိဘီး တင့်တယ်လေဟှယ်!" ဆိုဘီး လာလေဟှယ်။ 16 အယ်ဘေမဲ့လည်း ဝန်းမြော့-က်ဇာကောန်းဟှူ အယ်ဒန်းကောန်းဟှို လူတိုင်းနားထောန်ဂေ့ဇာ မှုဟှ ပရောဖက်ဟေရှာယဟှ "အို၊ ဘုရားသခင် ကျွန်တော့်ဟှားလေဟောပြောဟှူ အယ်ဒန်းကောန်းဟှို ဖယ်သူလေ ယောင်ကြည်ကြောန့်နူး" ဆိုဘီး ပြောလေဟှယ်။ 17 အယ်မျိုးဖြစ်ကြောန့် ယောင်ကြည်ရှင်းဟှာ ဒန်းကောန်းဟှို ကြားနာရှင်းအားဖြင့်ဖြစ်ဘီး ကြားနာရှင်းဟှာလည်း ခရစ်တော်ရဲ့ စကားတော် ဟောပြောရှင်းအားဖြင့် ဖြစ်လေဟှယ်။

ဒန်းကောန်းရဲ့ တဂိုးကြောန်း

16 ✝ငါဟှာ ခရစ်တော်ရဲ့ ဒန်းကောန်းတွပ် လောင်းဝ ယှစ်ကြော့-က်မှုမှေ့ဟှ ဖြားဖြစ်ကြောန့်နူးဆိုဟှာ အယ်မူဒန်းကောန်းဟှာ ရင်ဦးဆောင်း ယုဒလူမျိုး၊ နော့-က်မှ လူမျိုးခြားလေထဲမာ ယောင်ကြည်လတ်ခံလာမယ့် သူလေဂူလောင်းဟှို ကယ်တန်ပေးဟှူ ဘုရားသခင်ရဲ့ တဂိုးတော် ဖြစ်ပါဟှယ်။ 17 ဖြားဖြစ်ကြောန့်နူးဆိုဟှာ "ဖြောန့်မတ်ဟှူသူဟှာ ယောင်ကြည်ရှင်းအားဖြင့် သတ်ရှင်လေ့မယ်"* ဆိုဘီး ကျမ်းစာမာရေးဟှားတိုင်း ယောင်ကြည်ရှင်းနှိုက်တည်ဟှူ ဘုရားသခင်ရဲ့ ဖြောန့်မတ်ရှင်းတရားဟှာ ယောင်ကြည်ရှင်းတွပ် အယ်ဒန်းကောန်းအားဖြင့် ထန်ရှားနေပါဟှယ်။

12 နို့လေဟှာ အယ်လောကန ဆိုင်ဟှူ ဝိညာဉ်ဟှို ခံယူဂေ့ဟှူဇာ မှုဟှ။ ဘုရားသခင် ပေးတော်မူဟှူ ရာလေဟှို သိဟှို့တွပ် ဘုရားသခင်နားဟှ ကြွလာဟှူ ဝိညာဉ်တော်ဟှို ခံရဂေ့ဇာဖြစ်ဟှယ်။

13 ဘုရားသခင် ပေးတော်မူဟှူ ရာလေဟှို နို့လေဟှာ လူ့ရဲ့ပညာအားဖြင့် ဟောပြောဟှူဇာ မှုဟှ။ အယ်ဘေမဲ့ သန့်ရှင်းဟှူဝိညာဉ်တော်ဟှာ ဝိညာဉ်န စပ်ဆိုင်ဟှူ ရာ*ဟှို ဝိညာဉ်စကားအားဖြင့် ဖွမ့်ပြဘီး ပဲ့ပြင်တော်မူဟှူ စကားအားဖြင့် နို့လေဟောပြောဟှယ်။ 14 ဇာတိလူဟှာ ဘုရားသခင်ရဲ့ ဝိညာဉ်ရေးရာန ဆိုင်ဟှူ ရာလေဟှို ခံယူဟှ။ ဖြားဖြစ်ကြောန့်နူးဆိုဟှာ အယ်မူရာလေဟှာ သူ့တွပ် မိုက်မဲဟှူ ဇာလေဖြစ်ဟှယ် ဆိုဘီး ထန်မှတ်တတ်လေဟှယ်။ အယ်မူရာလေဟှို ဝိညာဉ်တော်အားဖြင့်ဘဲ့ ပိုင်းခြားဘီး နားလည်နိုင်ဟှူကြောန့် ဇာတိလူဟှာ နားလည်ဟှ။

21 ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့ရဲ့ ဉာဏ်ပညာတော်အားဖြင့် စီရင်ဟှားဟှူကြောန့်၊ လောကသားလေဟှာ သူးနို့ရဲ့ပညာအားဖြင့် ဘုရားသခင်ဟှို သိဘဲနနေဟှူ ခီမာ ဘုရားသခင်ဟှာ ယောင်ကြည်ဟှူသူလေဟှို မိုက်မဲဟှူဒေသနာ ဟောပြောရှင်းအားဖြင့် ကယ်တန်ဟှို့တွပ် စေတနာတော်ရှိလေဟှယ်။

22 ယုဒလူမျိုးလေဟှ နိမိတ်လတ်ခဏာဟှို တောန်းခံတတ်ဂေ့ဟှယ်။ လူမျိုးခြားလေဟှ ဉာဏ်ပညာဟှို ရှာဂေ့လေဟှယ်။ 23 နို့လေဟှ လတ်ဝါးကပ်တိုင်မာ သေခံတော်မူဟှူ ခရစ်တော်ရဲ့ကြောန်းဟှို ဟောပြောလေဟှယ်။ အယ်မူကြောန်းရာဟှာ ယုဒလူမျိုးလေတွပ် မှားယွင်းဟှူကြောန်းဖြစ်ဘီး၊ လူမျိုးခြားလေတွပ်ဟှ မိုက်မဲဟှူကြောန်း ဖြစ်ဟှယ်။ 24 အယ်ဘေမဲ့လည်း ယုဒလူမျိုးဘဲ့ဖြစ်ဖြစ်၊ လူမျိုးခြားလေဘဲ့ဖြစ်ဖြစ် ဝီးကော့-က်ရှင်းဟှို ခံရဟှူသူလေတွပ်ဟှ ဘုရားသခင်ရဲ့တဂိုးတော်န ဘုရားသခင်ရဲ့ ပညာတော်ဖြစ်ဟှူ ခရစ်တော်ရဲ့ တရားဖြစ်လေဟှယ်။

17 ခရစ်တော်ဟှာ ဗတ္တိဇံပေးဟှို့တွပ် ငါ့ဟှို စေလွှတ်ဟှူဇာ မှုဟှ။ အယ်ဘေမဲ့လည်း ခရစ်တော်ရဲ့ လတ်ဝါးကပ်တိုင် တရားဟှို ချည်းနှီးသတ်သတ် ဖြစ်ဘဲနေအောန် လူလေရဲ့ ဉာဏ်ပညာန ယှဉ်ဟှူ စကားဟှို သုံးပြုဘဲ ဒန်းကောန်းဟှို ပြောဟှို့တွပ် ငါ့ဟှို စေလွှတ်ဇာဖြစ်ဟှယ်။

9 ✝နန်းနို့လေဟှာ မှောန်မိုက်ထဲဟှနေဘီး အံ့ဘွယ်ဖြစ်ဟှူ လန်းရောန်ထဲဟှို ခေါ်သွမ်းပေးတော်မူဟှူ သူရဲ့ ဂေါင်ကျေးဇူးလေဟှို ဖော်ပြဟှို့တွပ် ဝီးကော့-က်တော်မူဟှူ မျိုးဖြစ်ဂေ့ဟှယ်။ မန်းစည်းဇိမ်ရှိဟှူ ယဇ်ပုရောဟိတ်မျိုး၊ သန့်ရှင်းဟှူလူမျိုး၊ ပိုင်ထိုက်ဟှူ လူမျိုးတော် ဖြစ်ဂေ့ဟှယ်။