Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
Nyakashi vnyanya kwo zhni Shekwoyi əsnu nu, kwo n apmai lo ntu nyawu ɓo, ntu n gnaknyi ɓo, ntu əza abazhni ɓo n tatai dna n ɓəfyecezhni nabai n Shekwoyi tnutnuyi ɓa myi waa əwohni ye n zhni kaya nunui ntu tnutnu manai zhni dəhodəhoi ɓo.
jesnu ho ye zhni əɓyi nawyi, ho ɓə kwu Nyakazhi Gyigyiyi kpeye, n ɓa ɓá myi ɓa ga ho cece ntu gnyignyi ɓo dna n gaiciyaganunui n Kirisiti Yeisu. Nyakashi vnyanya kwo zhni Shekwoyi əsnu nu, kwo n apmai lo ntu nyawu ɓo, ntu n gnaknyi ɓo, ntu əza abazhni ɓo n tatai dna n ɓəfyecezhni nabai n Shekwoyi tnutnuyi ɓa myi waa əwohni ye n zhni kaya nunui ntu tnutnu manai zhni dəhodəhoi ɓo.
Kpe n aɓo ye tukwo vnyanya, ɓəshishinu fya ɓwa awyega nge, sheɓəgwogna Nyakagyigyiyi nya to lo n kwo ɓə ɓe n sheɓəgwognayi əwohni bmapmyii nu m. Ntuge sheɓəgwogna to lo n kwo ɓə pabye n zanyikwoci ɓəye m, ama sheɓəgwognayi, kwo shikwonyi ɓa ɓə zhni azanyikwoci nu, ɓa ɓə daɓo nu n kwo kwnu n Shekwoyi, shi Zafnu Gyigyiyi ɓə vyi n ɓai.
La əhohni yi ha wu əhohni n Shekwoyi aba ngye əza n wo la wo gwo, tnutnuyi n vnyinkwo taa wo əwo m, n wo shi ɓədagbma gaiciyanunui nya ɓwa cewo.
Zhni waazi ɓədagbma nya; la əhohni ye dna n əsa ɓwa kwo n tna əsa ɓwa; zhni aza aba, gnaknyi aza njesnu ga aza bwugbamyizhi, n bwugbaɓwa yaakwoi ɓədo n nyawui pəceye.
Nya əsa n mi ɓə ɓe, la əhohni ga dna cewo n Nyakagyigyiyi baba gnyi n bəgyé, waazizhni ɓədo n nyawui.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Ntuge Shekwoyi ɓədagbma kwo n wyewyeyi lo jesnu kwoi zhni tnutnu. Kwo gyígyíyi n du əbeyaakwo agbe-abada dəhodəhoi. Kwo byidna kwa gna bwugba ajeya n zafnui, akpi n lómwui; kwo da aɓənubwozhni owa n ədu alui.
Əshe ń əknyii ɓa ɓə la duya, ama əmi aɓədagbma taa duya m nanyinanyi.
Yeisu wa dnaɓəgbe, "Kwo kafyilo: ‘Zanyikwoci taa gyianyì n nyagyii nu gbmanyi m, ama n ɓədagbma dəhodəhoi ń kwo gbmi n Shekwoyi əgbe.’ "
Pmya ɓa n gaiciyanunui; əho ɓədagbma zhni gaiciyanunui nu.
Fye pmi Anyakagyigyiyi n wyenyii ntuge fye zhninubwo nge dna n əkwo nu, n fye ɓa ɓwa wyewyeyi nyalonyalo nya. Anyakagyigyiyi ye nu n kwo nyi, n kwo gbmiɓo tu n əmi tukwo,
ama Dagayi ɓədagbma myignyi lo nyalonyalo."
Njesnu ɓədagbma yi nu nyi n a ɓə zhni fye əkwo waazi nyi.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
Nsayii Abyeriyayi Ayahudiyi ɓə du aza yi n ɓa ɓə fyi n Tasalonika nyi n alu manai; ntuge ɓa ɓə la ɓəda gwo n pwawo yaakwoi jesnu ɓa pmi Anyakagyigyiyi fyegyifyegyi, ɓa kpe kwo ngye əɓo n Bwulus ɓə da nyi, nge kwo zhni gaiciya nu.
She wo ɓə dami woi zhni, Bwulus wa ɓwa Sibyiwyi ngwnu-ata, woi lodna n Ayahudiyibwokwnu, woi zhni ɓənubwo n ɓai dna n Anyakagyigyiyi, woi kna ɓa awyeya jesnu woi wu ɓa nge kwo zhni ɓəshishi nu ge, Kirisiti ɓə gyeazhnì jesnu woi laka n əfyi. Wa gna, "Yeisu ye n mi gnyi mii da fye əwo əɓo nyi, əwo nu zhni Kirisiti."
Nlonu Fyilibwus wa bwusi lo da snukna-dokwo, wa wo əza yi woi ba sheɓəgwognayi Ishaya. Fyilibwus wa nyaɓo, "Ho ɓwa awyega lo ənya n ho ba nyi?"
Wa gna, "Mi ɓa ɓwa awyega n wuna, n əzaho nu to wu mi əkwo awyega ma a?" Ntulonu wa yì Fyilibwus nge wo gwnutu waa sasetu n kwnusnu n woi.
Əɓwi nu nyi n Nyakagyigyiyi n zakakayi ɓə dna woi ba:
"A ɓə lo n woi ngye əknyi nu a znu əsha,
jesnu ngye kwugyasnáyi, n əkwo əyi mwayi aba, n gnyi pyi,
ntulonu wo to ɓə kpe əwo əgbe ya m.
Nlonu Fyilibwus wa ya n əɓwùyi ń nyaka yi ɓə gbmi n Nyakagyigyiyi nyi, wa gna wo nabagyi manai Yeisu nya.
Wa gna ɓa, "Gye fye zhni amama nu, jesnu fye ta pyelo n gaiciyagai ń aɓo vnyanya n sheɓəgwognayi ɓə kwu da nyi! Kwo to ɓə zhni ɓəshishi nu Kirisiti wa gyeazhnì aɓo ye nya, wa kpəlo dna ń əwo latu m?" Nlonu Yeisu wa kna ɓa awyeya ənya n kwo kafyilo n anyakagyigyiyi ntu əwohni ɓo; ənya n kwo ya ń Mwusa kwoi lo Sheaɓəgwognayi aje vnyanya.
Nlonu Yeisu wa ɓe da ɓa wa gna, "A la ikwo ga mi vnyanya n əshemi ɓədo n anyìi. Ntucenu fye lo fye kwu aza zhni amwutuyi n anyì vnyanya, fyee zhni ɓa batizima dna ń Dada əye n Nugwnui n Zafnu Gyigyiyii, jesnu fyee wunya nge ɓa vyi aɓo vnyanya n mi ɓə tu fye əgbe nyi. Ɓəhnihni mi kwnusnu lo n fyei ciici, nya anyìzo sa."
Shi fye lo, fye da ɓəda ye: ‘Əshebemi kwo la ɓe vyivyiwyi.’
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Mi ga zahozahoyi ɓəkwnu n wo wo aɓədagbma sheɓəgwogna əpakpmikpmii ye nya: əza n wa ɓe ənya n ɓa, Shekwoyi ɓə ɓe əza yi ogwnu n a ncei kafyi n əpakpmikpmii ye. Njesnu ndei əzaho wa kwnu aɓədagbma ya n ɓa fyi n əpakpmikpmii sheɓəgwogna ye nya, Shekwoyi ɓə gbmi nyahonyahoi ya n əza yi ɓə kwnu gwo n shnuwna wyewyeyi nya ɓədo n Əzhiyaakwo Gyigyiyii, shi a ncei kafyilo n əpakpmikpmii ye nyi.
Ce wo mi lo shi fye pye n avnu pmyiwu n əza aba n wo ɓə yi fye nge fya gyianyì fyi n Kirisiti shebmyashi, ama fyei pmyiawye wulo nabagyi manai ədo nu gbowo, ɓəhnihnii kwo to zhni nabagyi manai nu m, kpeekpe. Kwo wulo pəipəi nge azaho nu fyi fye ń ajegbmi jesnu ɓai zhni she ɓa ɓá myi nabai ɓaa Kirisiti nabagyi manai pmyibma. Ama kwo əyi kwo maləka n wa gbmiɓe ń əshemi waa zhni waazi nabagyi manai ədo nya, gbowo n ədoi ń yi ɓə zhni nyi, Shekwoyi knyitu ɓa vyi wo! Ngye shi yi kwu shnida nyi, ntulonu nsaiye mi je da: Ngye əzaho zhni fye waazi ədo lo gbowo n ədoi ń fye ɓə gwo nyi, Shekwoyi knyitu kwo la tu ń wo tukwo!
Fye la kwo dna n bwugba nge əyi Dagayi bwugbaɓwa zhni gnyignyi nu n əyi aba, n ɓwasnu she əyido Bwulus wo kwu ka ga fye ce n wyemwai n Shekwoyi ɓə ga wo. Wo vyi zokwo gbmanyigbmanyi nu dna n əwo apaka vnyanya, woi da ɓa aɓo ye. Əwo apaka n aɓəhoi fyilo n ɓa dnaɓo lo n awyega ɓwa ba, ədo n atnagənyikpeyi n azai n ɓa to n myizhi lo m ɓa pmyi ɓa ɓwa ngye she ɓa zhni Anyakagyigyiyi aje nyi, ama n əɓahni agbmazhni.
Ntuge nyahonyahoi ń a ɓə ncei kashi n sapa, kwo ɓə kakpe ntu əyi nyawu əɓo nu. Nabai dna n bwugbaɓwa n əkwo nyawui fyi n Anyakagyigyiyi, jesnu n bwugbakaládnai n kwo ga nyi, n yi ɓa myi ya ɓwa awyetu.
To nsaiye, aza ɓa yi əza n wunanu n ɓa too ga gaiciya dna n wo ma a? Njesnu ɓa ɓá ga gaiciya n əza n wunanu n ɓa to wo əwo əɓo ma a? Njesnu ɓa ɓá wo n wunanu ntna əza n wo ɓa zhni waazi ga ɓa a? Njesnu ɓa ɓá zhni waazi n wunanu to ai tnu ɓa nu ma a? Ngye she kwo kafyilo nyi: "Ho gyelo shi aza yi apita n bmyabmyai n ɓa ɓe n nabagyi manai nyi!"
Ama Aisrailayi vnyanya nu to ɓə gwo nabagyi manai m. Ntuge Ishaya ɓə kwu da, "Dagayi, nyikanu ń la gaiciya ga n əyi ɓədatnu a?" Ntulonu, gaiciyaganunui ɓe n waazi wowoi nu, jesnu a wo waazi dna n ɓədagbma nu ntu Kirisiti ɓo.
Nabagyi manai vnyinkwo ta wo mi lo m, ntuge əkwo nu zhni Shekwoyi kalá n kwo ɓe n gnyignyii n zahozahoyi aba n wo ga gaiciya: kpmisnui n Yahudiyi aba, nlonu lo da Abyedo. Ntuge dna ń nabagyi manai nu ń a la Shekwoyi ɓəfyecezhni kpeyawu; ɓəfyecezhni ń a zhni kwo dna ń gaiciyaganunui, n kwo ya n kpmisnui kwoi lo kpmasnui, n ɓwasnu she a ncei kafyilo: "Ɓəfyecezhniyi ɓa gyianyì n gaiciyaganunui."
Ənya n yi la gwo nyi, kwo to zhni zafnu anyì nya nu m, ama Zafnu n wo gbmi n Shekwoyi aba, nabai ya ɓwa anya awyega n Shekwoyi wo kwu ɓa ga yi n adaada nyi. Əɓo nyi n yi da, toge a wu yi ɓa n zanyikwoci wyemwai nu m, ama n aɓədagbmai n Zafnu nu wu, ai kna zafnu-atnutnu awyeya n aɓədagbmai n Zafnu nu wu. Əza ntna Zafnu, wo taa gwo aɓo n ɓa kwnuɓe n Shekwoyi Zafnu m, ntuge ɓa zhni amama ɓo nu n əwo aba, jesnu wo taa ɓwa əɓa awyega m, ntuge a kpe əɓa ɓəgənyi dna n Zafnu nu.
Ntuge shikwonyi dna n Shekwoyi wyemwa, anyì dna n əkwo wyemwa, to ɓə kpe əwo əye m, kwo ɓə lá Shekwoyi dagbma dna n waazizhni amama əɓo nya, wa gnyi aza yi n ɓa ga gaiciya nyi.
Ayahudiyi ɓa la gyitu nge ɓa ye a wu ɓa aznù, Agirikiyi ɓa zna wyemwa nu shni, ama əyii da yi zhni Kirisiti znuznuidu waazi nu: Ayahudiyi bwonyice kwuta, jesnu amamaɓo n Abyedo aba, ama aza yi ń Shekwoyi wo la ɓa yì nyi, Ayahudiyi ɓədo n Agirikiyi, Kirisiti nu zhni ikwo Shekwoyi nya n wyemwa Shekwoyi nyai.
Ntuge Kirisiti to ɓə tnu n mii nabai ma zhni batizima nu m, ama ma da nabagyi manai; toge n wyemwai n ɓədakpedai m, nabai to ikwo Kirisiti znudu nya kwaa zè gbəloi m.
Ama fye zhni aza aknyiknyiyi nu. Fye zhni abeɓyi nu Pirisiti ofye nya, əbyé gyigyiyi, Shekwoyi nyaɓwa knyiknyii, nabai fya dna əwo cici əwyi n əwo nu ɓə yi fye n wyegbma wa lo fye fyi n əwo bwuznagna bmyabmyai.