Bíblia

A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.

Inspiração divina

Toda Escritura é inspirada por Deus. Homens santos falaram da parte de Deus movidos pelo Espírito Santo.

16 Pathien Lekhabungei murdi hi Pathien phûksân khuma miziek ani sikin chongtak minchuna rang ngei, adikloi rokôkna rang ngei, achâi mindikna rang ngei, le adiktaka lêngna ranga rilnangei rangin mangmunomtak ani, 17 masika han Pathien sintho ngâipu chu sin asa ngei murdi tho ranga achuk tatak le intuo-ira aom theina rangin.

2 Timóteo 3:16,17

15 male nâipangte ni lâi renga Pathien Lekhabu Inthiengngei ni riet sai hah, vârna nang pêk thei ngei Jisua Khrista taksônna jâra sanminringna tienga ruoi ngâi hah ni riettit sikin. 16 Pathien Lekhabungei murdi hi Pathien phûksân khuma miziek ani sikin chongtak minchuna rang ngei, adikloi rokôkna rang ngei, achâi mindikna rang ngei, le adiktaka lêngna ranga rilnangei rangin mangmunomtak ani, 17 masika han Pathien sintho ngâipu chu sin asa ngei murdi tho ranga achuk tatak le intuo-ira aom theina rangin.

2 Timóteo 3:15-17

20 Adadang nêkin Pathien lekhabua chongphuong ngei hih tutên atheiin rilminthâr thei ngâi ni mak iti riettit roi. 21 Dêipuchong chongbe hih miriem jôtna sika suok ngâi ni maka, aniatachu miriemngei hah Ratha Inthieng jêka omin Pathien renga juong suok chong hah an iril ngâi ani.

2 Pedro 1:20,21

15 Sinthopu, Pathien chongtak diktaka mi minchu ngâipu, a sintho inzakpui loi anghan Pathien mitmua pomna tatak na chang theina rangin ranak song roh.

2 Timóteo 2:15

2 thurchi chu misîr tit rangin (azora le azora niloi khomin) tuongdier taka ni minchu ngâi anghan an theiloina minriet ngei inla, rokôk ngei inla, male mohôk ngei roh.

2 Timóteo 4:2

13 Ko hong mâka chu, mipui makunga Pathien Lekhabungei porên, thurchi misîr le mi minchunân no zora le na ranak mang roh.

1 Timóteo 4:13

Poder da Palavra

A Palavra de Deus é viva e eficaz. O céu e a terra passarão, mas as minhas palavras jamais passarão.

12 Pathien chong chu aringa, sin a tho theia, khandai beniknei ngaidak nêkin khom angai uol ani. Ringna le ratha inchunna ngei, rolo le rithingngei dênin a sunkhoi theia. Miriem mulungrîla ôina le mindona khom a riet let ngâi ani.

Hebreus 4:12

35 Pilchung le invân boi a ta, ko chong chu boi no nih."

Mateus 24:35

4 Hannirese, Jisua’n a kôm han, "Pathien Lekhabu’n Miriem hi vâipôl korongin ring no nia, Pathien bâia chong hongsuokin kêng an a ring rang ani," tiin a thuona.

Mateus 4:4

17 Anni ngei hih chongtakin minthâr ngei roh; no chong chu chongtak ani.

João 17:17

39 Asûnga kumtuong ringna aom ti nin sabei sikin, Pathien Lekhabungei ha nin pore ngâi. Male Pathien Lekhabungei han ku thurchi an misîr ani!

João 5:39

25 aniatachu, Pumapa chong chu tuonsôtin aom tit ani," ai ti anghan. Hi chong hih, Thurchi Sa nin kôma an phuong hah ani.

1 Pedro 1:25

Estudar e pregar

Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.

11 Ma taka mingei kai chu Thessalonika mingei nêkin chu an mulungrîl ân ong uola. Thurchi hah atui takin an rangâia, Paul thurchi misîr hah adik le dikloi rietna rangin nîngtin Pathien lekhabu an inchu ngâia.

Atos 17:11

2 Paul’n a tho ngâi balam anghan an kôm a lûta, sabbathnia voithum Pathien lekhabu renga asân a sûtpuiin, 3 Messiah chu dûktonga thina renga ânthoinôk rang piel ani ti a rilminthâra, a minlang ngâia, "Hi Jisua, nin lâia ku phuong hih Messiah ani," a ti sa ngâi.

Atos 17:2,3

30 Hanchu Philip a tâna, dêipu Isaiah lekhabu a pore hah a rieta, no pore hah ni rietthei mo? tiin a rekela.

31 "Ama’n tutên mi rilminthâr pe loiin i angin mo ki riet thei ranga?" tiin a thuona. Hanchu Philip ha tali chunga a kala a kôla insungpui rangin a koia. 32 Pathien lekhabu a pore hah ma hi ani:

"Belri that rang angin belri angin ama hah an tuonga,

Belrite a mul eplâitak khomin a dâirek angin,

Chongbai khat luo ti maka.

Atos 8:30-32

35 Hanchu Philip’n, hi Pathien lekhabua phutin Jisua Khrista Thurchi sa a rila.

Atos 8:35

25 Male, Jisua’n an kôma, "Amo ngei o, dêipungei neinuntin an lei rilngei hah idôra a iem innu mo nin ni? 26 Messiah han ha ngei murdi tuongin a roiinpuina ai lût rang nimak mo?" a tia 27 Hanchu, Jisua’n ama chungroi, Moses lekhabu renga dêipungei lei miziek lekhabungei a rilminthâr pe ngeia.

Lucas 24:25-27

18 Jisua’n ahong nâia, an kôm, "Pilchunga le Invâna rachamneina murdi ko kôm pêk ani zoi. 19 Hanchu, muntina mingei murdi kôm se ungla, ku ruoisîn sin ngei ungla: Pa, Nâipasal le Ratha Inthieng rimingin Baptis ngei ungla, 20 chong nangni ke pêk murdi jôm rangin ril ngei roi. Male Keima zoratin rammuol mong dênin nin kôma om tit ki tih," a tia.

Mateus 28:18-20

7 Se ungla, ‘Invân Rêngram chu anâi zoi!’ tiin va misîr roi.

Mateus 10:7

Revelação e fidelidade

A Palavra do Senhor veio aos profetas. A graça de Deus se manifestou na Escritura para a salvação de todos.

Viver pela Palavra

Não só de pão vive o homem. Nada acrescentes nem diminuas. A Palavra é alimento, guia e espada do cristão.

Chongkhârna

18 Keima, John, tukhom hi lekhabua dêipu leiti chongngei ariet ngei chu inngartakin inningna ki min riet ngei: tumakhatin hi chongngei hih an bôkin chu amapa aninônchu amanu hah hi lekhabua misîra om dûktongnangei hih Pathien’n bôk pe ngei atih. 19 Male tukhom hi lekhabu sûnga dêipu leiti chongngei an paiin chu hi lekhabua misîra om an changrangtum ringna thingkunga theimara le Khopuilien Inthieng renga hah Pathien’n lâkpai pe ngei atih.

Apocalipse 22:18,19

Thurchisa adang ommak

6 Khrista moroina jâra nangni koipu hah irang mo inrangtaka nin mâka, Thurchisa dang nin ipom hih nangni ka kamâm. 7 Maha thurchisa adang viek ni uolma, mi senkhatngei hin nangni minjêlin Khrista thurchisa thûl an bôk kêng ani. 8 Nikhomsenla, keinin mo, invân renga vântîrton khomin mo thurchisa dang an misîr duoiin chu meidîla rang theiloiintumin om rese. 9 Motona kin ti anghan kin ti nôk, nin pomsa thurchisa hah niloia thurchisa dang nin kôm juong misîr an omin chu, ama hah meidîla rang theiloiintumin om rese.

Gálatas 1:6-9

15 Ei Pumapa’n nangni sanminring ranga zoranchum nangni a pêka a tuongdier hah en roi, ei lâibungpa moroi Paul khomin Pathien vârna pêk mangin nin kôm a miziek anga han. 16 A lekhamuthuon murdia ha chonglupui hah a miziekin chu mahah ai ti ngâi ani. A lekhamuthuona neinun senkhat ngei chu a riet ântaka mahah vârloi le detloi mingei Pathien lekhabua rachang dang an itho ngâi anghan dikloitakin an rilminthâr ngâia, masikin an chunga sietna anni nanâkin an mintung ngâi.

2 Pedro 3:15,16

4 Pathien lekhabu’n apêk ngâi sabeina renga tuongdierna le mohôkna ei nei theina rangin Pathien lekhabua lei inziek ngei murdi hah ei inchu rang ani.

Romanos 15:4

14 Nikhomsenla, an iem loi hah i angin mo an ralam thei ranga? An rietloi hah i angin mo an iem thei ranga? Thurchi misîrpu omloiin kho angin mo an riet thei ranga? 15 Itîr niloiin kho angin mo thurchi an misîr ranga? Pathien lekhabu’n Thurchi Sa hong mintungpu ngei chu en ahoi bâk na! ati anghan. 16 Hannisenla, Thurchi Sa hah anrêngin chu pom let mak ngeia, Isaiah reng khomin, "Pumapa kin chongril tumo a iem?" a ti ani. 17 Ma anghan, taksônna hah chong riet sikin ahong oma, chong rietna hah Khrista thurchi misîrna sikin ahong om ngâi.

Romanos 10:14-17

Thurchisa sinthotheina

16 Thurchisa hih inzakpui mu-ung, tukhom a iem murdi sanminringna ranga Pathien sinthotheina ania, aphuta Judangei ta rangin masuole Jentailngei ta rang khomin ahongni. 17 Thurchisa hin taksôn sik vaia Pathien’n mi thei a minchang lam aphut renga amongna tena a juong minlang ani, Pathien lekhabu’n, "Taksôn sika thei intumpu chu ring a tih," tia ânziek anghan.

Romanos 1:16,17

12 Ei man hih rammuol Ratha nimaka; manêkin, Pathien’n neinun mi pêk ngei murdi ei riet theina rangin, Pathien juongtîr Ratha ha kêng ei man ani.

13 Masika han miriem vârna minchûn, misîr ngâi mak mea, Ratha minchûn kêng kin misîr ngâi, rathatienga chongtakngei hah Ratha dônngei kôm kin rilsensâi ngâi. 14 Tukhom Ratha dôn loiin chu Pathien Ratha renga manboipêkngei hah man thei ngâi mak ngei. Ma anga mingei han chu ma neinunngei hah riet thei ngâi mak ngeia; ama ta rangin chu inmôlna vai kêng ani, a luttie hah Ratha’n vai kêng a riet thei sikin.

1 Coríntios 2:12-14

21 Miriemngeiin an vârna mangin Pathien an riet thei khâiloi lehan Pathien vârna thurchi misîr "inmôl tak" manga a iemngei sanminring hah Pathien lungdo tak ani.

1 Coríntios 1:21

22 Judangeiin minthârna rangin sininkhêlngei an zonga, Greekngeiin vârna an zong. 23 Keini rêkin chu Khrista jêmdelna roi kin misîr ngâia, mahah Judangei ta rangin chu inpalna ania, Jentailngei ta rangin mona ani; 24 aniatachu Juda mo, Greek mo Pathien’n a koingei ta rangin chu Khrista hah Pathien sinthotheina le Pathien vârna ani.

1 Coríntios 1:22-24

17 Khrista’n baptis rangin mi tîr maka, Thurchi Sa misîra, ma thurchisa hah miriem vârna mang loia misîr rangin mi tîr kêng ani, Khrosa Khrista thina hah asênaboi achang loina rangin.

1 Coríntios 1:17

9 Ania nangni chu Pathien nam ithang, Rêng ochaingei, nam inthieng, Pathien a mingei, ajîngna renga avâr roiinpuitaka nangni koisuokpu Pathien sintho kamâmruoingei phuong ranga nangni thangsuok ani.