Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
'Iodumu gee 'isilefo-lefoku 'o Buku 'Itebi-tebinoka, ge’ena ma Jo’oungu ma Dutuoka de yaino, de ma faedaa ma ngale 'isidotoko 'iti-tiai, 'isidawanono de 'isikadiai gee koiti-tiaiwasi, de yakidotoko 'o nyawa la yo’ahu moteke ma Jo’oungu ma Dutu wi mau. De ma Buku 'Itebi-tebini ge’ena, 'o nyawa gee wileleani ma Jo’oungu ma Dutu 'idadi yakisitotomo ma ngale 'o sagala manarama yaowa-owa.
De salingou nosi-singina gee ngona ka 'o ngowakosi 'ena nanakokau 'o Buku 'Itebi-tebini. 'O Buku 'Itebi-tebini ge’ena nisibarija so nasahe ma ngale ma Jo’oungu ma Dutu wonisilaha ma ngekomo nongaku ma Kristus Yesusika. 'Iodumu gee 'isilefo-lefoku 'o Buku 'Itebi-tebinoka, ge’ena ma Jo’oungu ma Dutuoka de yaino, de ma faedaa ma ngale 'isidotoko 'iti-tiai, 'isidawanono de 'isikadiai gee koiti-tiaiwasi, de yakidotoko 'o nyawa la yo’ahu moteke ma Jo’oungu ma Dutu wi mau. De ma Buku 'Itebi-tebini ge’ena, 'o nyawa gee wileleani ma Jo’oungu ma Dutu 'idadi yakisitotomo ma ngale 'o sagala manarama yaowa-owa.
'Ifoloiosi niongano-nganono ge’ena naneda: Ma Jo’oungu ma Dutu 'awi besesongo gee ma sira 'o nabii yositota-totara ge’ena koidadiwa niosiwaiti moteke ka to ngini ma sirete nia mau. Sababu koma’iwa 'o besesongo ma Jo’oungu ma Dutuno 'isitotara ka de 'o nyawa ma mau. Ma 'o Ngomasa 'Itebi-tebini 'imanarama 'o nyawaka la yositotara to ma Jo’oungu ma Dutu ma sirete 'awi habari.
Tanu ngona nomariwo nosigou-goungu la ma Jo’oungu ma Dutu woningaku ngona ge’ena gee 'idadi nomanarama ma ngale 'una. Nomariwo la 'uwa nimaeke ma ngale to ngona ni manarama, la 'ena nosidotoko yadae-daene 'o do-dotoko gee 'iti-tiai ma Jo’oungu ma Dutuno.
Ngona salingou nositotara 'o habari ma Jo’oungu ma Dutuno. Salingou nomadudu-duanga la kaitaurika nositotara 'o habari ge’ena ngaro 'o nyawa yooluku yosigisene bolo yosigisene. Nakitawanono de nosikadiai gee koiti-tiaiwasi de 'o nyawa manga singina nosikuata. Nakisidemo 'onaka 'okia naga salingou 'ona yadiai de 'ani sabari 'iamoko gee ma 'orasi nakidotoko.
Ne’enau sigado dua ngoi toboa, salingou kaitaurika ma Jo’oungu ma Dutu wi buku nakidabaca 'o nyawa-nyawaka, de nakibabata de mita nakidotoko.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Ma Jo’oungu ma Dutu 'awi demo ge’ena kaisi’ado-'adonika de posironga de ma kuasaka, 'ena 'ifoloi 'idoto de 'o wase gee ma doto ma biono de ma dudunu. 'O demo ge’ena yodongosama sigado nanga singina de nanga di-dibangika; sigado nanga boboo de nanga kobongo ma nyia-nyiarika, de ya’akunu yalega ma diai 'o nyawa ma di-dibangi de ma du-duaka.
'O diwanga de 'o dunia 'asa 'iisanga, ma 'ai demo-demo dua kaisi’ado-'adonika.>>
'O Yesus wosango, << 'O Buku 'Itebi-tebinoka 'isilefoku, < 'O nyawa yo’ahu duga ka de 'o 'inomuwa, ma mita de ma Jo’oungu ma Dutu wi demo moi-moi gee wosidemokau.> >>
Nakidiai 'ona ge’ena ka to ngona 'Aba, ma ngekomo 'o do-dotoko 'iti-tiai. 'Ani demou 'Aba ge’ena la 'o do-dotoko 'iti-tiai.
Ngini niomadotoko 'o Buku 'Itebi-tebini sababu ngini niongose ge’ena dau ma dodaka 'idadi niamake 'o 'ahu 'ika-kakali. De 'o Buku 'Itebi-tebini ma sirete 'isisakisii ma ngale ngoi.
Duga ma Jou 'awi demo ge’ena kaisi’ado-'adonika.>>
'O demo ge’ena la 'o Habari ma Owa gee nisitota-totarokau nginika.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
'O Bereaka 'ona 'ifoloi manga di-dibangi 'ipelenga ngaro de 'o Tesalonikaka ma. 'Ona yoduaka yosigisene 'o Yesus wi habari. De 'o wange yosinoi-noimi 'o Buku 'Itebi-tebini yolega ma diai la yanako 'o Paulus wi do-dotoko ge’ena yadaene bolo ko’uwa.
So 'o Paulus mita wotagi ma lo-lomu ma woaka ge’ena, 'isoka biasau wodiai nako la naga 'o Yahudioka manga lo-lomu ma woa moi. Ge’enaka de 'una de 'o nyawa-nyawa ge’enaka dau gee 'o dibangi yomakakula ma ngale 'o Buku 'Itebi-tebini ma bo-bula. 'Una wodiai koge’ena Pomaoma-omasa ma Wange ma sa’angeno. Moteke ma bukuoka ma bo-bula 'una wosiwaiti de wosidumutu 'ato ma Koana Wiiri-iriki 'o Nyawa Wosilaha-laha gee ma Jo’oungu ma Dutu wosijajiokau salingou wosangisara deika womomikoli ngaro wosongenukou ma. 'O Paulus wongose, << 'O Yesus gee ngoi tinisiha-habari nginika, 'unau ge’ena ma Koana Wosilaha-laha gee ma Jo’oungu ma Dutu wosijajiokau.>>
So 'o Filipus waika de wosigisene 'o nyawa gu’una wobaca 'o Yesaya 'awi buku. 'O Filipus wosano 'unaka, << 'Aba, nasahe ge’ena nabaca-baca gee?>>
De 'una wosango, <<Kokia ngoi 'idadi tasahe nako komoiwa yosiwaiti ngoino?>> Ge’enaka de 'una wisigaro 'o Filipus wodoa 'o kuda ma gorobade so yomasidogogeruku. Nedau ma Buku 'Itebi-tebini ma bo-bula wabaca-baca gee 'ingose 'ato,
<< 'Una 'isoka 'o domba yatuda ma ngale yatoaka.
De 'isoka 'o domba ma ngowaka koipoakuwa nako ma gogo yaguti,
koge’enali mita 'una kowobicarawa ka 'o betongo moi ma.
So 'o Filipus wagorakoli ma bo-bula ge’ena de wosiwaiti. De ge’enau ma titi wosikurue wositotara 'o Habari ma Owa ma ngale 'o Yesus 'o nyawa ma amokika gu’una.
Ge’enaka de 'o Yesus kawongosekau 'onaka, <<Ngini ma goungu niohaga-haga! Kaifoloi 'isusa niongaku 'iodumu gee 'o nabii yosidemo-demokau! Ko ma gounguawa? 'o Koana 'o Nyawa Wosilaha-laha ma Jo’oungu ma Dutu Wiiri-iriki gu’una salingou 'isira wamoku 'o sangisara ge’ena, 'asa de wisitedene de wopareta de 'awi kumati?>> Ge’enaka de 'o Yesus wosiwaiti 'onaka 'iodumu gee 'isilefoku 'o Buku 'Itebi-tebinoka ma ngale 'una, 'ikurue 'o Musa 'awi le-lefoka sigado 'o nabii 'iregu-regu yolefo-lefo.
'O Yesus womasisori 'onaka de wongose, << 'O sorogaaka de 'o duniaka ma kuasa 'iodumu 'isidukulakau ngoino. Sababu ge’ena niotagi 'o sagala nyawaka 'o dunia niakiloliti, niakidotoko la yodadi to ngoi 'ai do-domoteke. Niaki’osiki de 'o 'Aba wi ronga, wi Ngowaka, de 'o Ngomasa 'Itebi-tebini. Niakidotoko yamoteke 'okia naga gee tinisidemokau. De niongano-nganono, ngoi dua naga de de ngini sigado 'o dunia ma do-dogumika.>>
Niositotara 'onaka ma ngale ma Jo’oungu ma Dutu wacobou wopareta.
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Ngoi 'o Yohanes, tosidemogaroku tosidemo 'o nyawa 'iodumika gee yo’ise-'isenokau 'iodumu gee ma Jo’oungu ma Dutu wosidemo-demokau gee talefokou ma bukuoka ne’ena: nako la naga 'o nyawa yadogo 'o kianikia ma Jo’oungu ma Dutu 'awi demo-demoka ne’ena, ma Jo’oungu ma Dutu 'asa wadogo to 'ona manga hukumani de 'o bahaya gee tosilefo-lefokau ma bukuoka ne’ena. De nako nago’ona yosikurangi 'o kianikia moi ma Jo’oungu ma Dutu 'awi demo-demoka ne’ena, ge’ena ma Jo’oungu ma Dutu mita 'asa wosikurangi to 'ona manga bo-bula gee 'isidemokau 'o buku ma dodaka ne’ena. Ma Jo’oungu ma Dutu 'asa kowakisidabiwa 'ona ya’odomo 'o gota ma sowoko gee 'o nyawa yosi’ahu-'ahu, de kowakisidabiwa yomanoa 'awi kotaka.
Tiniherangi ma sala 'Esa moi riaka dodoto! Ma Jo’oungu ma Dutu wini’asokokau ma ngekomo ma Kristus 'awi singina ma sure, ma ne’ena ngini ma dataiti winimadakau ma Jo’oungu ma Dutu, de niamoteke 'o habari gee 'o nyawa yongose 'ato 'o Habari ma Owa 'ena ko ma Jo’oungu ma Dutunowa. Ge’ena ma gou-goungu ko 'o Habari ma Owawa, duga kayosikawecara sababu yomau yakapulutu ma Kristus 'awi Habari ma Owa. 'O nyawa gee yositotara 'o do-dotoko gee 'imakaregu de 'o Habari ma Owa gee ngomi miositota-totara, ge’ena madaka la ma Jo’oungu ma Dutu wakikorosau. Ngaro ngomi bolo 'o mala’ekati 'o sorogaaku ma. Ma sirasi miosidemokau, ma ne’ena ma moiosi tinisidemo: Nako moikani yosidotoko 'o do-dotoko ma somoa gee 'imakaregu de minisidoto-dotoika, ge’ena ma Jo’oungu ma Dutu wakikorosau!
Nia singinaka 'ato nanga Jou 'awi sabari ge’ena la 'o 'orasi winikula la 'idadi 'o laha niamake. 'O Paulus nanga 'esa moi gee towisiboso-bosono gu’una, wolefokau nginika koge’enali mita. 'Una wolefo ge’ena, de 'o barija gee ma Jo’oungu ma Dutuno wikulaka. 'Awi surati 'iodumu ma dodaka, kaitaurika wolefo ge’ena. Ma goungu naga munuka 'isusa pasahe 'awi surati ma dodaka. De ge’enau yakakilioro 'o nyawa-nyawa gee ko 'okiawa yanako de gee manga ngo-ngaku koikuatuwa. Ma ge’ena kopoheranguwa, sababu 'o Buku 'Itebi-tebini ma bo-bula 'iregu-reguoka mita koge’enali yadiai. 'Okia naga gee 'ona yadiai ge’ena ma duanguku ka 'ona ma sirete yomasitorou.
'Iodumu gee ma sirasi 'isilefokau 'o Buku 'Itebi-tebinoka ge’ena 'imadadi to ngone nanga do-dotoko la de 'o do-dotoko gee 'o Buku 'Itebi-tebinoka ge’ena ngone 'inadiai potongosono de pokuata sigado ngone 'idadi pomasinganono ma Jo’oungu ma Dutuka.
Ma kokia 'o nyawa 'idadi yomasigasoko ma Jouka nako 'ona koyongakuwasi? De kokia 'ona 'idadi yongaku ma Jouka nako 'ona kowigi’isenuawasi? Mita kokia 'ona 'idadi wigi’isene ma Jou, nako komoiwa yositotara? De kokia 'o nyawa 'idadi yo’asa 'o habari ge’ena nako koyakisulokuwa? Ge’enau so 'o Buku 'Itebi-tebinoka 'isilefoku konee, <<Duru 'ena ma sureka 'o nyawa gee 'o Habari ma Owa ma Jo’oungu ma Dutuno yo’asa-'asa manga bo-boa!>> Ma 'o nyawa koiodumuwa yadawongo 'o Habari ma Owa ge’ena. 'Isoka 'o Yesaya wongosekau, <<Jou, nago’ona yongaku 'o habari gee miositota-totara?>> So 'o nyawa yongaku ma Kristusika ge’ena sababu yo’isene 'o Habari ma Owa gee yakisitota-totara 'onaka. De 'o nyawa yo’isene 'o habari ge’ena sababu naga yosihabari ma ngale ma Kristus 'awi habari.
Ngoi ma gou-goungu tongaku 'o Habari ma Owa de dua 'ai singina koi’oguwa, sababu ma ngekomo 'o Habari ma Owa ge’ena ma Jo’oungu ma Dutu womanarama de 'awi kuasa 'ikua-kuata ma ngale wosilaha 'o nyawa 'iodumu gee pongaku-ngaku ma Kristusika, 'ikurue 'o Yahudioka 'asa deika 'o nyawa 'iregu mita. Sababu de 'o Habari ma Owa ge’ena, ma Jo’oungu ma Dutu wosidumutu kokia ma ngekomo ngone 'idadi pomarimoioli de de 'una. Ma ngekomo ge’ena la pongaku ka ma gurueka sigado ma do-dogumika. Gee moteke 'isilefokau 'o Buku 'Itebi-tebinoka konee, << 'O nyawa gee yomarimoioli de ma Jo’oungu ma Dutu, 'ona ge’ena 'asa yo’ahu sababu manga ngo-ngaku!>>
De ngone kowonakulawa 'o dunia ne’ena ma di-dibangi, ma 'ena 'o Ngomasa ma Jo’oungu ma Dutuno, la ngone panako 'iodumu gee ma Jo’oungu ma Dutu wonakulakau.
Sababu ge’ena nako ngomi miosiwaiti 'o nyawa-nyawaka gee 'onaka de ma 'ena 'o Ngomasa 'Itebi-tebini, ngomi miositotara ko de 'o nyawawa ma barija, ma 'ena moteke 'o Ngomasa 'Itebi-tebini ma do-dotoko. 'O nyawa gee 'onaka koi’iwa 'o Ngomasa 'Itebi-tebini, 'ona koya’akunuwa yadawongo 'okia naga gee 'o Ngomasa ge’ena 'isidumutu. Sababu 'okia naga gee 'o Ngomasa 'Itebi-tebini 'isidumu-dumutu ge’ena 'ona yamaoku ka 'o haga-haga bolo ma faedaa koi’iwa. 'Isoka koge’ena dau ge’ena 'idadi yasahe duga ka 'o Ngomasa 'Itebi-tebini yakiriwo.
Sababu ngaro kokia naga bato 'o nyawa manga barija, 'ona koya’akunuwa winako ma Jo’oungu ma Dutu ka de to 'ona ma sirete manga barija. Ma ngano ma Jo’oungu ma Dutu wobarija so wakisilaha 'o nyawa gee yongaku-ngaku 'unaka ma ngekomo 'o habari gee ngomi miositota-totara, gee 'o dunia ma nyawa yamaoku ka 'o ngeluku.
'O Yahudioka yoga’asoko 'o no-nako 'ihera-herangi ma ngale 'isinyata 'ato ma Jo’oungu ma Dutu naga womanarama, de ko 'o Yahudiokawa yosilamo-lamo yanonu 'o barija. Ma ngone ne’ena duga kaposihabari ma Kristus wosongene 'o salipoka. Ma habari ge’enau 'o Yahudioka yomadegese ma ngale. De ko 'o Yahudiokawa 'ona yamaoku ge’ena ka 'o ngeluku. Ma 'o nyawa gee ma Jo’oungu ma Dutu waki’asokokau, 'o Yahudioka bolo ko 'o Yahudiokawa, 'o Habari ma Owa ma ngale ma Kristus ge’ena 'isidumutu ma Jo’oungu ma Dutu 'awi kuasa de 'awi barija.
Ngoi ma Kristus woisuloko ko 'o nyawawa taki’osiki, ma 'ena tosihabari 'o Habari ma Owa ma Jo’oungu ma Dutuno, de ge’ena mita salingou tadiai ko de 'o nyawawa ma barija tosibicara, la ma Kristus wosongene 'o salipoka ma kuasa 'uwa kaiparacuma sababu kayasahewa.
Ma ngini ge’ena ma Jo’oungu ma Dutu 'awi 'umati gee winiiri-irikokau, 'o 'imam-'imam gee ma Koana winile-leleani, 'awi 'umati 'itebi-tebini duga ka ma Jo’oungu ma Dutu winileleani, to ma Jo’oungu ma Dutu ma sirete wi nyawa. Ma Jo’oungu ma Dutu winiiriki de wini’asoko niosupu 'o darusoka la niowosanga 'awi darangika gee posironga 'iletongoka, ma dumutu ge’ena la ngini niositotara 'o habari ma ngale 'awi manarama 'ila-laagomo.