33 Na nithean seo labhair mi ribh, a-chum gum biodh sìth agaibh annamsa. Anns an t-saoghal bidh àmhghar agaibh: ach biodh deagh mhisneach agaibh, thug mise buaidh air an t-saoghal.

9 Nach d’àithn mise dhut? Bi làidir agus ro-mhisneachail; na bi fo eagal, agus na biodh faitcheas ort: oir tha an Tighearna do Dhia leat anns gach ionad don tèid thu.

25 Agus thubhairt Iosua riu, Na biodh eagal oirbh agus na bithibh fo gheilt, bithibh làidir agus biodh deagh mhisneach agaibh; oir mar seo nì an Tighearna ri ur naimhdean uile ris a bheil sibh a’ cogadh.

10 Na biodh eagal ort, oir tha mise maille riut; na biodh geilt ort, oir is mise do Dhia; neartaichidh mi thu; seadh, cuidichidh mi thu; seadh, cumaidh mi suas thu le deaslàimh m’fhìreantachd.

7 Oir cha tug Dia dhuinne spiorad na geilt; ach spiorad a’ chumhachd, agus a’ ghràidh, agus na h-inntinn fhallain.

13 Is urrainn mi na h-uile nithean a dhèanamh tre Chrìosd a neartaicheas mi.

24 Bithibh-se misneachail, agus neartaichidh esan ur cridhe, sibhse uile a chuir ur dòchas anns an Tighearna.

3 Anns an là air an do ghlaodh mi riut, fhreagair thu mi; neartaich thu mi le treòir am anam.

1 Is e an Tighearna mo sholas agus mo shlàinte; cò a chuireas eagal orm? Is e an Tighearna neart mo bheatha; cò a chuireas geilt orm?

27 Ach labhair Iosa riu air ball, ag ràdh, Biodh misneach mhath agaibh; is mise a tha ann, na biodh eagal oirbh.

50 (Oir chunnaic iad uile e, agus bha iad fo bhuaireas.) Agus air ball labhair e riu, agus thubhairt e riu, Biodh misneach mhath agaibh; is mise a tha ann, na biodh eagal oirbh.

48 Agus thubhairt esan rithe, A nighean, biodh misneach agad: shlànaich do chreideamh thu; imich ann an sìth.)

6 Uime sin tha sinn a-ghnàth deagh-mhisneachail, air dhuinn fios a bhith againn am feadh a tha sinn aig an taigh anns a’ cholainn, gu bheil sinn air choigrich on Tighearna:

10 Agus air an treas-là-fichead den t-seachdamh mìos leig e an sluagh air falbh dam bùthan, aoibhinn agus subhach nan cridhe airson a’ mhaitheis a nochd an Tighearna do Dhaibhidh, agus do Sholamh, agus do Israel a shluagh.

7 Bithibh làidir agus bithibh misneachail, na biodh eagal agus na biodh faitcheas oirbh ro rìgh Asiria, no ron t-sluagh mhòr seo uile a tha maille ris; oir is mò a tha leinne na leis-san.

10 Ma dh’fhannaicheas tu ann an là an àmhghair, is beag do neart.

25 Uime sin, fheara, biodh agaibh deagh mhisneach: oir tha mi a’ creidsinn Dhè, gun tachair ceart mar a labhradh rium.

6 Air dhomh a bhith dearbhte as an nì seo fhèin, eadhon an tì a thòisich air deagh obair annaibh, gun coilean e i gu là Iosa Crìosd:

6 Nì anns a bheil sibh a’ dèanamh mòr-ghàirdeachas, ged tha sibh a-nis rè ùine bhig (mas feumail e) fo thùirse tre iomadh buaireadh;

39 Tha slàinte nam fìrean on Tighearna; is esan an neart ann an àm teanntachd;

11 Oir tha dèidh agam air sibhse fhaicinn, ionnas gum pàirtich mi tìodhlac àraidh spioradail ribh, a-chum ur neartachadh;

12 Sin ri ràdh, a-chum gum faigh mi comhfhurtachd annaibhse, tre chreideamh a chèile, ur creideamh-se, agus mo chreideamh-sa.

16 Uime sin chan eil sinn a’ fannachadh, ach ged thruaillear ar duine on leth a-muigh, gidheadh tha an duine on leth a-staigh air ath-nuadhachadh o là gu là.

11 Uime sin thugaibh comhfhurtachd da chèile, agus togaibh suas gach aon a chèile, eadhon mar tha sibh a’ dèanamh.

7 Uime sin, a bhràithrean, fhuair sinn comhfhurtachd dur taobh nar n-uile àmhghar agus theinn, tre ur creideamh-se:

16 Agus fhreagair an sluagh, agus thubhairt iad, Guma fada e uainne an Tighearna a thrèigsinn, gu seirbhis a dhèanamh do dhiathan eile;

17 Oir an Tighearna ar Dia, is esan a thug a-nìos sinne agus ar n-athraichean à tìr na h-Eiphit, à taigh na daorsa, agus a rinn na comharraidhean mòra sin nar sealladh, agus a ghlèidh sinn anns an uile shlighe air an d’imich sinn, agus am measg nan uile shlògh trìd an deachaidh sinn:

11 Oir is aithne dhomh na smuaintean a smaoinich mi dur taobh, deir an Tighearna, smuaintean sìthe, agus chan e aimhleas, a thoirt dhuibh sliochd agus dòchais.