Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
मैं तुसा खे यो गल्ला तेबे बोलिया, ताकि तुसा खे मांदे शान्ति मिलो, दुनिया रे तुसा खे क्ल़ेश ओआ, पर ईम्मत राखो, मैं एसा दुनिया रा सरदार शैतान जीती ला रा।"
याद राख कि मैं ताखे आज्ञा देई राखी, "याओ बानी की पक्का ऊई जा; इजी री खातर ना तो डरना ओर ना कबराणा, कऊँकि जेती-जेती तूँ जाणा, तेती-तेती तेरा प्रभु परमेशर तां साथे रणा।"
तेबे यहोशूए आपणी सेना रे परदाना खे बोलेया, "डरो नि ओर ना ई कबराओ, याओ बानी की मजबूत रओ, कऊँकि यहोवा तुसा रे सबी दुश्मणा साथे एड़ा ई करना जिना साथे तुसे लड़ने वाल़े ए।"
डर नि, कऊँकि आऊँ तां साथे ए, ओरे-पोरे नि देख, कऊँकि आऊँ तेरा परमेशर ए; मां तूँ मजबूत करना ओर तेरी मताद करनी, मां आपणे तर्मी दाँणे आथो साथे तूँ सम्बाल़ना।
परमेशर आसा खे डरपोक नि बणांदा। बल्कि तेसरा आत्मा आसा खे मजबूत बणाओआ, से आसा खे ओरी साथे प्यार करने और सब्र राखणे रे मताद करोआ।
मसीह रे जरिए जो माखे सामर्थ देओआ तिदे आऊँ सब कुछ करी सकूँआ।
ओ प्रभुए पाँदे उम्मीद राखणे वाल़ेयो,
ईम्मत राखो ओर बऊत मजबूत रओ।
जेस दिने मैं ताखे आका पाईया, तेस ई दिने तैं मेरी सुणी ली
ओर तैं माखे तागत देई की मेरी ईम्मत बढ़ाई।
परमेशरो री जोति मेरा उद्धार
यहोवा मेरी जोति ए जो माखे बचाओई।
आऊँ केसी ते नि डरदा।
यहोवा मेरी रखवाल़ी आपू करोआ ओर आऊँ कदी बी चिन्ता नि करदा।
यीशुए तेबुई तिना साथे गल्ला कित्तिया और बोलेया, "ईम्मत राखो, आऊँ ए, डरो नि।"
कऊँकि सब तिना खे देखी की कबराई गे थे, पर यीशुए फटाफट तिना साथे गल्ल कित्ती और बोलेया, "याओ राखो। आऊँ ए। डरो नि।"
यीशुए तेसा खे बोलेया, "बेटिये! तेरे विश्वासे तूँ बचाईती, बेफिकर ऊई की चली जा।"
तो आसे सदा ईम्मत बाने रे राखूँए और ये जाणूंए कि जेबे आसे शरीरो रे रऊँए, तदुओ तक प्रभुए ते लग ए।
सातुए मीन्ने रे तेईए दिने तिने प्रजा रे लोक बिदा कित्ते कि सेयो आपणे-आपणे डेरे खे जाओ ओर सेयो तेसा पलाईया रिया बजा ते जो यहोवे दाऊद ओर सुलैमान ओर आपणी प्रजा इस्राएलो पाँदे कित्ती थी खुश थे।
"याओ बानो ओर मजबूत ओ, तुसे ना तो अश्शूरो रे राजे ते डरो ओर ना तेस साथली सारी पीड़ा ते ओर ना ई तुसा रा मन कच्चा ओ; कऊँकि जो आसा साथे, से बऊत बड़ा ए।
जे तूँ विपत्तिया रे बखते याओ छाडी दे,
तो तांदे तागत बऊत कम ए।
इजी री खातर ओ सज्जनो! ईम्मत राखो, कऊँकि आऊँ परमेशरो पाँदे विश्वास राखूँआ कि जेड़ा मांगे बोली राखेया, तेड़ा ई ऊणा।
और माखे एते गल्ला रा विश्वास ए कि परमेशरे जिने तुसा रे खरा काम शुरू करी राखेया, तेस ई से काम जेबे यीशु मसीह फेर वापस आऊणा तेस दिनो तक पूरा करना।
इजी बजअ ते तुसे मग्न ओए, हालाँकि जरूरी ए कि एबे कुछ दिनो तक कई प्रकारा रिया परीक्षा री बजअ ते उदास रओ।
तार्मिक माणूंए खे यहोवा आपू बचाओआ,
मुसीबता रे बखते से तिना रा मजबूत गढ़ ए।
कऊँकि आऊँ तुसा खे मिलणे री बड़ी इच्छा करूँआ, ताकि आऊँ तुसा खे कोई आत्मिक बरदान देऊँ, जेते कि तुसे विश्वासो रे मजबूत ऊई जाओ। मेरा मतलब ये कि आऊँ तुसा खे और तुसे माखे आपू बीचे एक दूजे खे विश्वासो रे मजबूत करिए। तुसे मजबूत ऊई जाणे कऊँकि तुसे जाणोए कि मैं किंयाँ विश्वास कित्तेया और आँऊ मजबूत ऊई जाणा कऊँकि आँऊ जाणूंआ ए कि तुसे किंयाँ विश्वास करोए।
इजी री खातर आसे ईम्मत नि छाडदे, हालाँकि आसा रा बारला रुप नाश बी ऊँदा जाओआ, तेबे बी आसा रा पितरला रुप हर रोज नया ऊँदा जाओआ।
इजी बजअ ते एकी-दूजे खे औंसला देओ और एकी-दूजे री विश्वासो रे मजबूत ऊणे खे मताद करो, बल्कि तुसे एड़ा करो बीए।
इजी री खातर ओ प्यारे साथी विश्वासियो! आसे आपणी मुसीबत और क्ल़ेशो रे तुसा रे विश्वासो रे बारे रे सुणी की तुसा रा विश्वास यीशु मसीह रे बऊत मजबूत ए आसे शान्ति पाई।
तेबे इस्राएली लोके ज्वाब दित्तेया, "यहोवे खे छाडी की दूजे देवतेया री सेवा आसा कदी नि करनी; कऊँकि म्हारे यहोवा परमेशरे ई आसे ओर मारे बुजुर्ग मिस्र देशो रिया गुलामिया ते निकयाल़ी की ल्याये ओर आसा सामणे बऊत चमत्कार कित्ते। जेबे आसे जिना-जिना जगा रिये ऊँदे ऊए गये तेती तिने म्हारी रक्षा कित्ती।
कऊँकि यहोवे री ये बाणी ए कि जो शान्तिया री योजना आऊँ तुसा रे बारे दे करूँआ, आऊँ तिना खे जाणूंआ, सेयो नुकशाणो रिया नि ए, बल्कि पलाईया रिया ए ओर मां अन्तो दे तुसा री उम्मीद पूरी करनी।
Este artigo te tocou? Faça uma oração!
+581 estão orando agora.
Junte-se à corrente de oração.