Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!"
Kumbuka niye nikulagiza, ugangamale na uwe galu, sikuudumbe na sikuunyawenyawe, kwavija Mndewa Imulungu, Imulungu wako kokuwa hamoja na gweye kokose konda uchole."
Yoshua kawalongela, "Sikumudumbe hebu kunyawanyawa, mugangamale na muwe magalu, kwavija vino vivo Mndewa Imulungu vonda yawatendele iwanhu owehila omuitowa nao."
Kwavija Loho Yang’alile iyatugwee Imulungu hatugela bwembwe, lakini kotugwaa nguvu na unogelwa na kuilongoza wenyego.
Nogadaha gose kubitila Kilisito yonigangamiza.
Mugangamale na mufunge umoyo,
mweye mose mumbeta Mndewa Imulungu!
Siku dija dinikulilile, gweye kunidika,
na kunigangamiza kwa nguvu zako.
Mndewa Imulungu ayo mulenge wangu,
na ukombola wangu,
niye nimdumbe nani?
Mndewa Imulungu ayo ngome ya ugima wangu,
simdumba munhu yoyose.
Bahaja Yesu kawalongela, "Gangamaleni! Iyo nene! Sikumudumbe!"
Wose viwamone wadumba ng’hani.
Bahaja Yesu kawalongela, "Gangamaleni! Iyo nene! Sikumudumbe!"
Yesu kamulongela, "Mwanangu, kutamanila kwako kukuhonya. Chola moyo uholile."
Avo siku zose togangamala. Tojuwa kamba vitukala mzing’huli zino, twa kutali na kae yetu hamoja na Mndewa.
Wahabwela kuchugu mmagazo,
nguvu zako ndodo.
Avo wayangu fungeni moyo! Kwavija nomtamanila Imulungu, golawilila kamba viyanongele.
Nabule shaka kwa Imulungu yaisongile sang’hano ino inogile mmizoyo yenu, koigendeleza mbaka vonda imale mna isiku ya kubwela Yesu Kilisito.
Deng’heleleni kwa mbuli ayo, hamoja sambi kwa kipindi kidodo monyunyuwala kwa kugezigwa vino na vija,
Ukombola wa iwanhu wanogile olawa kwa Mndewa Imulungu,
heyo ayo ngome yao mmagazo.
Nosulukila ng’hani niwone, ili niwatende mumwede kiloho na niwagangamize. Niye ng’hala nifambula vino, wose mweye na niye tuigangamize, tamanilo jangu kwa Imulungu dowagangamiza mweye na tamanilo jenu kwa Imulungu donigangamiza niye.
Lekaavo hatubwela kuchugu. Hata kamba ng’huli zetu zofa, lakini siku zose loho zetu zotendigwa za sambi.
Avo, muigele moyo na kuitaza kamba vimutenda sambi.
Ndugu zangu, hamoja na magayo na madununzo getu gose, mutugela moyo mbuli ya kutamanila kwenu.
Abaho iwanhu wamwidika, "Aka, mbuli ayo ikale kutali na siye, hatudaha kumuleka Mndewa Imulungu na kuisang’hanila imilungu iyagwe, kwavija Mndewa Imulungu, Imulungu wetu katulava siye na iwahenga zetu ako mwiisi ya Misili, kutukalile watumwa, na katenda vilaguso vikulu mgameso getu na katukaliza mna inzila yose itubitile mna ziisi za iwanhu watubitile hagati yao.