Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
Nangu nìnnyaulidile malove alano uchinga mùùve na amani kwa kulundanywa na nangu. Mwenu mùmbebanihwa apano pachilambo, henga likamyange mitima, kwa kuva nangu ǹnichilema chilambo."
Kwa kuva, Umumu Wanaswe watwing’ile Nnungu akee wa kututenda tuyope, ila nni Umumu atwîng’a dimongo na itamwi na ntima ukápundiha.
Nadihulula hali dyammalele kwa kuva, Kilisto àngutaya dimongo.
Upala, Yesu nkuhaula, "Likamye ntima, munayope nni nangu!"
kwa kuva, vammalele pavammwene vániyopa namene.
Henga upala Yesu nkuvahaulila kuchidoni, "Likamyange ntima, nni nangu! Munayope!"
Yesu nkunnyaulila ayula mmahe kuchidoni, "Mwanangu, ing’ulupa yako ìnikulamya, hwena kwa amani."
Bahi maduva lammalele hwetu nanga patutikinyika. Tùnimala kuva patuikala mummili auno, nanga patuikala nkaya yanga Nang’olo.
Bahi mmalangavangu, likamyange mitima kwa kuva, nangu nankulupila Nnungu na ìmbekuva muchi changuhaulidile.
Nangu ngùvele na uhakika kuva, Nnungu atandilihîje madengo lambone mmitima yenu, nang’e àmbelahweneha mpaka lamalilìkè, nniduva alila lya kuuya kwanga Yesu Kilisto.
Mmambo anelo lammalele, mwenu mùnahangalala namene, ikànava kwa hambi mùnilembelewa mùùve nnihindambi kwa uhiku kadiki ing’anya ya kulingwa kwa namuna dyohe.
Kwa kuva, ngùvele na hamu namene ya kwonana na mwenu uchinga ngupate kuyavana na mwenu inudyo ya chinnungu uchinga mupate kuhwinga. Yani ngwàmba uvila, nangu ngukamywe ntima kupitila ing’ulupa yenu na mwenu mupate kukamywa mitima kupitila ing’ulupa yangu.
Bahi ing’anya ya anelo, hwetu tukákata tama. Ikànava miili yetu ìnaondongeka, henga disungu dyetu dìtendwa kuva dyahambi kila liduva.
Bahi kamyana mitima na kudengana muing’ulupa, malinga chimutenda vino.
Bahi mmakukulupila avangu, kubanika na kulaga kwammalele kútupàtà, tùnikamywa mitima na mwenu kwa kupilikana habali dya ing’ulupa yenu.