Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
Nivajovili mambu genaga, muni mvya na uteke mukuwungana na nene. Pamulima yati mwipata mang’ahiso, nambu mkangamala mumitima! Nene niuhotwili mulima!"
Kumbuka nene ndi mwenikulagizi muni usindimala na kuvya na ukekesi! Kotoka kuyogopa amala kudenyeka mtima, ndava nene Bambu Chapanga waku, nivili pamonga na veve popoha pewihamba."
Kangi Yoshua akavajovela manjolinjoli vala, "Mukotoka kuvayogopa amala kudenyeka mtima, nambu muvya mwavakekesi na ngangali, ndava muni Bambu Chapanga akuvahengela chenicho vamakoko vinu voha vemuhamba kutovana navu."
Muni mpungu wetipewili na Chapanga lepi ndava ya kutikita tivya na wogoyi, lepi, ndi Mpungu waki weukutipela makakala na uganu na kujilongosa mwene.
Nihotola kuhenga mambu goha mu njila ya Kilisitu mweakunipela makakala.
Bahapo Yesu akalongela nawu, "Mguna, ndi nene mkoto kuyogopa!"
Voha pavamuweni vayogwipi neju.
Bahapo Yesu akajova nawu, "Mjipolesa mtima. Ndi nene. Mkoto kuyogopa!"
Yesu akamjovela, "Msikana wangu, kusadika kwaku kukulamisi, uhamba na uteke."
Tisindamili magono goha. Timanyili kuvya kutama muhiga iyi lukumbi lwoha ndi kutama patali na Bambu.
Hinu vamtopeswa, mjikamngamalisa mtima ndava muni nikumsadika Chapanga kuvya givya mewawa ngati chenijoviwi.
Hinu nimanya chakaka kuvya Chapanga mweatumbwili lihengu lenili labwina mumitima yinu, yati ayiyendeleza mbaka mu ligono lila la kubwela kavili Yesu Kilisitu.
Mhekelela ndava ya lijambu lenilo, pamonga hinu, kwa lukumbi luhupi, yati mganikiwa kung’ahika ndava ya kulingiwa mu njila ndalindali.
Muni ninogela neju kuvalola na kuhanganila pamonga njombi yeakuvapela Mpungu Msopi muni avakangamalisa. Chenijova apa tavoha tikangamalisanayi, sadika yangu yivakangamalisa nyenye, na sadika yinu yinikangamalisa nene.
Ndava yeniyo nakuvya mumbele, hati ngati higa yitu yilalile, nambu mugati mwitu mipungu yitu tikitiwa vamupya ligono kwa ligono.
Hinu mpolesanayi mitima na kutangatilana nyenye kwa nyenye, ngati chamwikita hinu.
Hinu, valongo vitu mambu getiyuwini kuvala sadika yinu, yikangamalisa mitima mukung’ahika na mang’ahiso gitu goha,
Penapo vandu vakamuyangula, "Katu yati tihotola lepi kuleka kumuhengela Bambu Chapanga na kuyihengela michapanga hingi. Muni Bambu Chapanga, Chapanga witu ndi mweatiwusili tete pamonga na vagogo vitu kumulima wa Misili kwetavii vavanda, tagaweni kwa mihu gitu tavete mambu gachinamtiti geahengili. Akatiyunga mulugendu lwitu lwoha na pagati ya vandu va milima yoha yila yetapitili pagati yavi.