33 Mi mi talemaot ol samting ya finis long yufala, blong bambae tingting blong yufala i save stap kwaet, from we yufala i stap joen gud long mi. Long wol ya bambae yufala i harem nogud tumas. Be yufala i no fraet. Mi mi winim paoa blong olgeta samting blong wol ya finis."

9 Mi mi talem long yu finis. Tingting blong yu i mas strong, mo yu mas stanap strong oltaem. Yu yu no mas fraet, mo tingting blong yu i no mas foldaon, from we mi bambae mi stap wetem yu long weples bambae yu yu go long hem. Hemia tok blong mi, we mi mi Hae God, mi God blong yu."

25 Nao hem i talem long ol kapten ya se, "Yufala i no mas fraet, mo tingting blong yufala i no mas foldaon. Tingting blong yufala i mas strong, mo yufala i mas stanap strong oltaem. Hemia nao fasin we Hae God bambae i mekem long ol enemi blong yumi."

10 !Yufala i no fraet!

!Mi mi stap wetem yufala!

!Mi mi God blong yufala!

!Yufala i no seksek!

!Mi bambae mi mekem yufala i strong!

!Mi bambae mi givhan long yufala!

!Mi bambae mi blokemgud yufala,

mi sevem yufala!

7 Spirit ya we God i givim long yumi, hem i no blong mekem yumi fraet, nogat. Spirit ya i blong mekem yumi gat paoa, i blong mekem yumi lavem ol man, mo i blong mekem yumi naf blong blokem ol samting we yumi nomo i wantem.

13 Mi save mekem evri samting, long paoa blong Kraes ya we i stap mekem mi mi strong.

24 Yufala evriwan

we yufala i putum tingting blong yufala

i stap long Hae God,

yufala i mas strong.

Tingting blong yufala i mas stap strong oltaem.

3 Taem mi mi krae i go long yu,

yu yu harem krae blong mi,

yu mekem mi mi strong moa

long paoa blong yu.

1 Hae God, hem i laet blong mi,

mo hem i stap sevem mi.

Mi bambae mi no save fraet long man.

Hae God i strong ples blong haed blong mi.

Bambae mi no save fraet.

27 Be wantaem nomo, Jisas i talem long olgeta se, "Yufala i no harem nogud. Mi nomo ya. Yufala i no fraet."

50 from we olgeta evriwan oli luk hem, mo oli fraet tumas.

Be wantaem nomo, Jisas i talem long olgeta se, "Yufala i no harem nogud. Mi nomo ya. Yufala i no fraet."

48 Nao Jisas i talem long hem se, "Dota blong mi, bilif blong yu i mekem yu yu gud bakegen. Yu go, yu no moa wari bakegen."

6 Nao from samting ya, tingting blong yumi i stap strong oltaem. Yumi save se taem yumi gat bodi blong yumi yet long wol ya, yumi stap afsaed yet long ples blong Masta* blong yumi.

10 Hemia long manis Etanim,* long namba twanti tu blong hem, mo long nekis dei, king i sanem ol man ya oli gohom. Olgeta evriwan oli luksave we Hae God i mekem i gud tumas long King Deved, mo long King Solomon, mo long olgeta tu, nao oli gohom we oli glad we oli glad tumas, from ol samting ya we Hae God i mekem.

7 "Olgeta. !Tingting blong yufala i mas strong! !Yufala i mas stanap strong oltaem! Yufala i no mas fraet long king ya blong Asiria wetem ol soldia blong hem.

10 Sipos tingting blong yu i no strong long taem blong trabol, hemia i soemaot we yu yu no strong nating.

25 Mo Pol i gohed i talem se, "Ol fren. From samting ya, yufala i no fraet. Mi mi bilif long God, se bambae evri samting oli save kamtru stret olsem we enjel ya i talem long mi.

6 Mo mi savegud se God ya we i statem gudfala wok ya long yufala fastaem, hem bambae i save gohed long hem, gogo i finisim long Lasdei ya we bambae Jisas Kraes i jajem olgeta man long hem.

6 Yufala i save harem gud from ol samting ya. Nating we naoia yufala i mas harem nogud from plante samting we oli stap kam blong traem yufala.

39 Oltaem Hae God i stap sevem ol stret man,

i stap lukaot gud long olgeta

long taem blong trabol.

11 Mi mi wantem tumas blong kam luk yufala, blong bambae God i yusum mi blong givhan long yufala blong yufala i kasem paoa ya we Tabu Spirit i stap givim, blong mekem yufala i strong. 12 Mo bakegen, mi wantem kam joen long yufala, blong bambae bilif blong yufala i save givhan long mi, olsem we bilif blong mi tu i save givhan long yufala.

16 Nao from samting ya, neva tingting blong mifala i kam nogud long ol trabol we i kasem mifala. Maet bodi blong mifala i stap kam nogud moa oltaem, be nating. Evri dei, God i stap mekem tingting blong mifala i niuwan bakegen.

11 From samting ya, yufala i mas stap toktok gud long yufala blong mekem tingting blong yufala i strong, mo yufala i mas givgivhan long yufala, olsem we yufala i stap mekem naoia.

7 Long taem ya we nius blong bilif blong yufala i kamtru, mifala i stap long plante trabol, mo mifala i stap harem nogud tumas, be nius ya i mekem mifala i harem gud tumas.

16 Be ol man oli talem se, "!No gat! Hae God i God blong yumi, mo bambae mifala i no save lego hem blong go biaen long ol narafala god ya. 17 Taem ol olfala blong yumi oli stap wok slef* long Ijip, hem nao i tekemaot olgeta, i mekem yumi evriwan i fri, mo mifala i luk ol merikel ya we hem i mekem long taem ya. Hem i stap lukaot gud long yumi long olgeta ples we yumi pas long hem, mo long fes blong olgeta man we yumi pas long graon blong olgeta.

11 Mi nomo mi save ol plan we mi mekem finis from yufala. Mi mi wantem we bambae yufala i stap gud olwe, trabol bambae i no kasem yufala, mo bambae yufala i stap gogo, yufala i kasem ol samting ya we tingting blong yufala i stap long hem.