33 These thingis Y haue spokun to you, that ye haue pees in me; in the world ye schulen haue disese, but trust ye, Y haue ouercomun the world.

9 Lo! Y comaunde to thee; be thou coumfortid, and be thou strong; nyle thou drede withoutforth, and nyle thou drede withynne; for thi Lord God is with thee in alle thingis, to whiche thou goost.

25 eft Josue seide to hem, Nyle ye drede, nethir drede ye with ynne, be ye coumfortid, and be ye stronge; for the Lord schal do so to alle youre enemyes, ayens whiche ye schulen fiyte.

10 Drede thou not, for Y am with thee; boowe thou not awei, for Y am thi God. Y coumfortide thee, and helpide thee; and the riythond of my iust man vp took thee.

7 For whi God yaf not to vs the spirit of drede, but of vertu, and of loue, and of sobrenesse.

13 Y may alle thingis in hym that coumfortith me.

3 Thou hast vndirstonde my thouytis fro fer; thou hast enquerid my path and my corde.

1 The title of the seuen and twentithe salm. To Dauid. Lord, Y schal crye to thee; my God, be thou not stille fro me, be thou not stille ony tyme fro me; and Y schal be maad lijk to hem, that goen doun in to the lake.

27 And anoon Jhesus spac to hem, and seide, Haue ye trust, Y am; nyle ye drede.

50 for alle sayn hym, and thei weren afraied. And anoon he spak with hem, and seide to hem, Triste ye, Y am; nyle ye drede.

48 And he seide to hir, Douytir, thi feith hath maad thee saaf; go thou in pees.

6 Therfor we ben hardi algatis, and witen that the while we ben in this bodi, we goen in pilgrymage fro the Lord;

10 Therfor in the thre and twentithe dai of the seuenthe monethe he lete the puplis go to her tabernaclis, ioiynge and gladynge on the good that God hadde do to Dauid, and to Salomon, and to his puple Israel.

7 and seide, Do ye manli, and be ye coumfortid; nyle ye drede, nether be ye aferd of the kyng of Assiriens, and of al the multitude which is with him; for many mo ben with vs than with him.

10 If thou that hast slide, dispeirist in the dai of angwisch, thi strengthe schal be maad lesse.

25 For which thing, ye men, be ye of good coumfort; for Y bileue to my God, that so it schal be, as it is seid to me.

6 tristenynge this ilke thing, that he that bigan in you a good werk, schal perfourme it til in to the dai of Jhesu Crist.

6 In which ye schulen make ioye, thouy it bihoueth now a litil to be sori in dyuerse temptaciouns;

11 For Y desire to se you, to parten sumwhat of spiritual grace,12 that ye be confermyd, that is, to be coumfortid togidere in you, bi feith that is bothe youre and myn togidere.

16 For which thing we failen not, for thouy oure vtter man be corruptid; netheles the ynner man is renewid fro dai to dai.

11 For which thing comforte ye togidere, and edefie ye ech other, as ye doon.

7 therfor, britheren, we ben coumfortid in you, in al oure nede and tribulacioun, bi youre feith.

16 And al the puple answeride and seide, Fer be it fro vs that we forsake the Lord, and serue alien goddis.17 Oure Lord God hym silf ledde vs and oure fadris out of the lond of Egipt, fro the hows of seruage, and dide grete signes in oure siyt; and he kepte vs in al the weie, bi which we yeden, and in alle puplis, bi whiche we passiden; and he castide out alle folkis,

11 For Y knowe the thouytis whiche Y thenke on you, seith the Lord, the thouytis of pees, and not of turment, that Y yyue to you an ende and pacience.