Bom dia
Cada manhã é presente de Deus. As misericórdias do Senhor se renovam cada dia. A Bíblia convida a começar o dia com louvor, oração e gratidão ao Criador.
Manhã com Deus
De manhã te apresentarei a minha oração. Pela manhã ouvirás a minha voz — eu te busco ao despertar.
Aganba bumuti numalali binaafin;
ru numuti nikesin bigibugiñe binaafingiua,
aba nerederun agurabei bóunabun.
Ánheinti au, Nabureme, wátina buagu;
iñura numuti nafurieidun bun binaafin.
Agaguduabá nuani;
agagudúa humá, sun tuwuyeri árüpa;
nagaguduba binaafingiua!
Ánheinti au, neremuhaba uremu bun binaafin,
nagúarahaba adimureha luagu bubafu luma bínsiñehabu,
ladüga buguya óunigirubalina,
bóubawagu naramudagua lidan nidiheri.
Ánheinti au, neremuhaba uremu bun binaafin,
nagúarahaba adimureha luagu bubafu luma bínsiñehabu,
ladüga buguya óunigirubalina,
bóubawagu naramudagua lidan nidiheri.
Neremuhaba uremu bun, Nubungiute,
buguya nérebei, buguya óunigirubalina;
buguya Bungiu le hínsiñehabubei nun!
Subudigüdabana libügürü bínsiñehabu binaafin,
ladüga ru naali nemenigin buagun.
Subudigüdabei nun ida luba lan nóuserun,
ladüga buma nálugei le nayumahabei.
Ánheinti au,
buídurügübei nun láurügü narihinibu igibu luma igibu;
lau nadariragun nungua bigibugiñe danme le nagagudún!
Misericórdias renovadas
As misericórdias do Senhor se renovam cada manhã. Este é o dia que o Senhor fez — alegremo-nos e nos regozijemos nele.
Luagu mébeha lan línsiñehabu Wabureme,
ani malouguadungili lareini.
Iseriguati sagü binaafin,
wéiriti ligunfulin!
Aba nariñagun nungua:
«Wabureme, ligía sun káteibei nun;
ligía hemenigi nubéi luagu!»
Luagu mébeha lan línsiñehabu Wabureme,
ani malouguadungili lareini.
Iseriguati sagü binaafin,
wéiriti ligunfulin!
Anihán weyu le ídanbei luadigimarida Aburemei:
Gunda wamá uguñe!
Huguya le gúnfulibei luma Aburemei,
wa humá uremu lun!
Heremuha lun liri le sándubei!
Ladüga murusunrügüñein dan lau lidan ligañi,
ánheinti lareini durati lun súnwandan.
Ánhawa ayahua guñoun,
gúndaabadiwa larugan binaafin.
Ladüga murusunrügüñein dan lau lidan ligañi,
ánheinti lareini durati lun súnwandan.
Ánhawa ayahua guñoun,
gúndaabadiwa larugan binaafin.
íbini ha aganóubaña lidan fulasu díseti libiti ubóu,
adadagaratiña dan le harihini katei buíduburiti le badügübei;
wáguawati lau ugundani buagu
lúmagiñe aban louba ubóu lun luagun le aban.
Buíngüdabawa lau bínsiñehabu dan le lagumeserun weyu,
eremuha wamaamuga lau ugundani lidan sun wabagari.
Louvor matinal
Saciai-nos de manhã com a tua benignidade. Todo dia te louvarei e celebrarei o teu nome para sempre.
Nadimurehaba luagu buéirigun, Nubungiute Nurúeite
nalawahabei biri lun súnwandan.
Seremei nubadibu sagü weyu;
nalawahabei biri lun súnwandan.
Nabureme Íñuguti,
buiti lichugúniwa seremei bun
luma leremuhóuniwa luagu buéirigun!
Ladimurehóun luagu lueirin bínsiñehabu binaafin,
luma luagu bigunfulin guñoun,
Heremuha aban iseri uremu lun Aburemei;
heremuha lun Aburemei, lílana sun ubóu;
heremuha lun Aburemei, alawaha huméi liri;
hadimureha sagü weyu luagu lesefuhan.
Hadimureha luagu luéirigun
luma burí katei buiti le ladügübei
hadimureha luagu hagibugiñe sun néchanigu.
Wéiriti línsiñe barufudahan nun!
Sun weyu nau asaminara luagun!
Wéyuagu, óunaha lumuti Nabureme línsiñehabu nun,
áriebu, meredeti neremuhan
ni nafurieidun lun Lubungiute nibagari.
Wabureme, gudemehabubá woun,
wagía le hemenigibei buagu.
Buagulá wabalacha sagü weyu,
Wesefuragülebá lidan lénrengunga.
Arufudahaali Bungiu nun
lun níchugun dǘgüdaguaü houn ha buchaañabaña uagu.
Adügati lun deregüdagu nan sagü binaafin
lun naganbuni le larufudahabei kei lubudubu.
Graça para o novo dia
O Senhor te abençoe e te guarde. Cada novo dia é oportunidade de viver sob a graça do Deus que nos ama.
«Binilabu Wabureme, góunigi lábume;
gundaalá Wabureme bau, arufudaléime lareini bun;
hínsiñehabula Wabureme bun, ru ligíame darangilaü bun».
Bunabei binadüri binaafin, bunabei giñe rábounweyu, lugundun ibidiñewati kaba lan buídutima, anhein le lubéi bábunubei furumiñe o le lan libiaman o buídubei lan biángubei.
Saratu lubaragiñe larugadun,
aba tíchugun éigini houn tirahüñü luma houn tumusuniña.
Mederegeraguabá bungua lun lidabu aguu,
ladüga bagudemeduba;
agaguduañubá, ítara luba geigin ban saragu.
Lídanbei larihini Bungiu luagu buidu lan larugounga, aba lafanreinraguni larugounga luéi luburiga, aba líchugun liri larugounga «wéyuagu», líchiga liri luburiga «guñoun». Ítara liñati buga lagunfulirun furumiñeti weyu.
Anihein giñe aban katei chóurutimati wama, ligía uganu le habürühabei profetagu. Buiti hadüga lun haturiahani hererun wügüriña hagía, ladüga ítara liña uganu ligía keisi aban lanpu le adunraguti lidan aban fulasu le búrigati darí larugadun, darí táfuridun waruguma to lánina binaafin lun tarugoungadagüdün tau hanigi.
Hilati Hesukrístu wawagu lun wabagaridun úara luma, wínwanñu wagía yebe, hilañu wagía yebe.