O que é bom

31 Agus chunnaic Dia gach nì a rinn e, agus, feuch, bha e ro-mhath. Agus b’iad am feasgar agus a’ mhadainn an siathamh là.

8 Is math agus is dìreach an Tighearna; uime sin teagaisgidh e peacaich anns an t-slighe.

28 Ach is math dhòmhsa teachd dlùth do Dhia. Anns an Tighearna chuir mi mo dhòigh, a-chum gum foillsichinn d’obraichean uile.

1 Is math an nì buidheachas a thabhairt don Tighearna, agus cliù a thabhairt dod ainm-sa, O Thì as àirde;

2 Do choibhneas gràidh a chur an cèill anns a’ mhadainn, agus d’fhìrinn gach oidhche,

3 Air inneal-ciùil nan deich teud agus air an t-saltair, air a’ chlàrsaich le fuaim fhonnmhoir àird.

5 Oir tha an Tighearna math; mairidh a thròcair gu bràth, agus a fhìrinn o linn gu linn.

1 Feuch, cia math agus cia taitneach an nì do bhràithrean còmhnaidh a ghabhail cuideachd ann an aonachd!

2 Oir tha mi a’ toirt dhuibh deagh theagaisg; na trèigibh-se mo reachd.

23 Bidh aoibhneas aig duine le freagradh a bheòil; agus facal na thràth, cia math e!

13 A mhic, ith thusa mil, do bhrìgh gu bheil i math, agus a’ chìr mheala a tha milis dod bhlas.

14 Mar sin bidh eòlas a’ ghliocais dod anam, ma gheibh thu e; agus nuair a thig do chrìoch, cha ghearrar as do dhòchas.

11 Is math gliocas maille ri oighreachd: agus le sin tha tairbhe acasan a chì a’ ghrian.

25 Is math an Tighearna dhaibhsan a dh’fheitheas air, don anam a dh’iarras e.

26 Is math a bhith ann an dòchas, agus feitheamh gu fòil ri slàinte an Tighearna.

8 Dh’fheuch e dhut, O dhuine, ciod a tha math; agus ciod a tha an Tighearna ag iarraidh ort, ach ceartas a dhèanamh, tròcair a ghràdhachadh, agus gluasad gu h-iriosal maille rid Dhia?

12 Air an adhbhar sin tha an lagh naomh; agus tha an àithne naomh, agus cothromach, agus math.

2 Agus na bithibh air ur cumadh ris an t-saoghal seo: ach bithibh air ur cruth-atharrachadh tre ath-nuadhachadh ur n-inntinn, a-chum gun dearbh sibh ciod i toil mhath, thaitneach, agus dhiongmhalta sin Dhè.

16 Air an adhbhar sin na labhrar olc mu ur math.

1 Tha mi ag iarraidh uime sin, ro na h-uile nithean, gun dèanar athchuinge, ùrnaighean, eadar-ghuidhe, agus breith-buidheachais airson nan uile dhaoine:

2 Airson rìghrean, agus airson nan uile a tha ann an ùghdarras: a-chum gun caith sinn ar beatha gu foisneach agus gu sìochail, anns an uile dhiadhachd agus chiatachd.

3 Oir tha seo math agus taitneach am fianais Dhè ar Slànaighear:

4 Oir tha gach nì a chruthaich Dia math, agus chan ion nì sam bith a dhiùltadh, a ghabhar le breith-buidheachais:

5 Oir tha e air a naomhachadh le facal Dhè agus le ùrnaigh.

17 Tha gach uile dheagh thabhartas agus gach uile thìodhlac iomlan on àirde, a’ teachd a-nuas o Athair na soillse, maille ris nach eil atharrachadh, no sgàil tionndaidh.

50 Is math an salann: ach ma chailleas an salann a shaillteachd, ciod e leis an dèan sibh deagh-bhlasda e? Biodh agaibh salann annaibh fhèin, agus bithibh sìochail ri chèile.