31 Ɗa Ka̱shile ka̱ la̱na̱i ili i na u yaꞋin dem, ɗa we enei i ɗa i gaꞋan ta̱ ka̱u. Kulivi ki ta̱ lo, usana wi ta̱ lo: na lo dem a kanna ka̱ ta̱li kaꞋa.

8 Vuzavaguɗu vuza vu usuɓi ɗa, n kasingai kpamu,

u tsu yotsongu ta̱ aza a unushi uye u na o kutono.

28 Ama n tsu va̱,

u laꞋaka mu ta̱ n kugaꞋan n yongo ɗevu n Ka̱shile,

m bonoko ta̱ Vuzavaguɗu Ka̱shile ubuta̱ u kusheɗeku u vu,

adama a na n sala ili i na u yaꞋin ra̱ka̱.

1 Ili singai i ɗa a cikpa Vuzavaguɗu,

a canana ishipa a kula ku Ka̱shile MalaꞋimili.

2 Ili i singai i ɗa a sala ucigi u nu u na u tsu sabaꞋa ba n usana,

ma̱riki ma̱ nu n kayin

3 n ili yi iwashi yi umolu,

n ka̱la̱ka̱tsu ku umolu ku ugaꞋin.

5 Adama a na Vuzavaguɗu vuza kasingai ɗa.

Ucigi u ni u na u tsu sabaꞋa ba

wi ta̱ lo ko wannai,

ma̱riki ma̱ ni kpamu tsukaya n tsukaya.

1 Mayun, ili i singai i ɗa m ma̱za̱nga̱ kpamu

uma a̱ da̱sa̱ngu koɓolo an vuza te.

2 Adama ana n mi ta̱ e kuneke ɗa̱ odoki a singai, ka̱ta̱ i ka̱sukpa̱ ku piꞋisa ku va̱ ba.

23 Yaba dem u tsu pana ta̱ uyoꞋo u wu ushuki u kadanshi kasingai,

ili singai i ɗa a yaꞋan kadanshi ka singai a ayin ana agaꞋin.

13 Maku ma̱va̱, lyaꞋa ishigi, adama i ɗa yi ta̱ n ugain.

kpamu kuɗa̱kpa̱ ku kabashi ki ishigi ko tsu yokpo ta̱ una̱.

14 Yeve an ta ugboji wi a̱ ka̱ɗu ka̱ nu nanai,

ɗa ba ci vu ciya̱i u ɗa, vi ta̱ a kuyongo n a̱pa̱ kelime,

kpamu a̱pa̱ a̱ nu i a ku puwa̱nka̱ ba.

11 Ugboji wi ta̱ n ugaꞋin, ci ili yi uka̱ni,

yi ta̱ n ugaꞋin wa aza a na enei kanna.