31 Gode da Ea hahamoi liligi huluane ba:i dagoiba:le, E da huluane noga:idafa ba:i. Amola daeya asili, hahabe doaga:i, amo eso gafe da baligi dagoi ba:i.

8 Hina Gode da wadela:i hamosu dunu ilia logo moloi

amoga ahoasu hamoma:ne agoane olelesa.

Bai Hina Gode da moloidafa amola noga:idafa.

28 Be amomane, na da Gode gadenenewane esalebeba:le, nodonana.

Na da Ouligisudafa Hina Gode Ea gaga:su lai dagoiba:le, nodonana.

Na da Ea hamoi huluane sisia:i labeba:le, nodonana.

1 Hina Gode Baligili Gadodafa, Dima nodone sia:mu

amola Dima nodone gesami hea:mu da defeadafa.

2 Dia mae fisili asigidafa amo eso huluane hahabe sia:nanumu da defea,

amola Dia didili hamosu hou amo gasia huluane sia:nanumu da defea.

3 Sani baidama amola baidamadafa,

amoga dusa, Dima nodonanumu da defea.

5 *Hina Gode da noga:idafa!

Ea asigisu hou da eso huluane dialumu.

Ea dafawane didili hamosu hou

da eso huluane mae fisili amanewane dialumu.

1 Gode Ea fi dunu da olofole, hahawane gilisili esalea, hahawane bagade ba:sa.

Amo hou da noga:idafa.

2 Na adi olelebe amo da moloi houdafa. Amaiba:le, dili da eso huluane dawa:laloma.

23 Di da dunu eno ilima fada:i sia: sia:musa: dawa:sea, amola ili fidimusa: defele sia:sea, di da hahawane bagade ganumu.

13 Nagofe! Di agime hano amo moma. Amo da dia gona:suga leba:le ba:sea, hedaiwane ba:sa.

14 Amo defele, molole dawa:su sia: da dia da:i hodo amola asigi dawa:su obenasa. Di da molole dawa:su lasea, hahawane esalumu.

11 Esalebe dunu huluane da bagade dawa:su hou lamu da defea. Bagade dawa:su da nana liligi labe defele gala.

25 Hina Gode da nowa dunu amo da Ea hou dafawaneyale dawa:sea, lalegagusia,

amo dunuma hahawane hamosa.

26 Amaiba:le, ninia da Ea fidisu amola gaga:su lamusa:,

gebewane mae momabone ouesalumu da defea.

8 Hame mabu! Hina Gode da hou noga:idafa ninima olelei dagoi. E da nini agoane hamoma:ne hanasa. Ninia moloidafa hou hamone, asigidafa hou hamone, amola fonoboi amola asaboiwane, gilisili ninia Gode amola esalumu, amo hou nini hamoma:ne E da hanasa.

12 Amaiba:le, Sema da hadigi amola hamoma:ne sia:i da hadigi, moloidafa amola noga:i.

2 Dilia osobo bagade dunu ilia hou defele mae hamoma! Be Gode da dilia asigi dawa:su bu afadenene moloidafa hamomusa: hanaiba:le, amo E hamoma:ne, dilia logo fodoma. Amasea, dilia da Gode Ea hanai asigi dawa:su dawa:mu. Dilia da hou moloidafa amola hou amo Gode da hahawane ba:sa, amo noga:le dawa:mu.

16 Dunu eno da hou moloidafa disu dawa:sa, amo da wadela:i sia:sa:besa:le, dawa:ma!

1 Amaiba:le, na da degabo ha:giwane sia:sa. Dilia sia:ne gadosea, dunu huluane Gode da fidima:ne sia:ne gadoma, Godema adole ba:ma amola Godema nodone sia:ma.

2 Hina bagade dunu, gamane ouligisu dunu amola eno ouligisu dunu, amo Gode fidima:ne Godema sia:ne gadoma. Ninia da gebewane, olofoiwane, Godema beda:iwane amola nodoiwane esaloma:ne, agoane sia:ne gadoma. 3 Amo hou da noga:iwane amola Gode ninia Gaga:sudafa da amo hou hahawane ba:sa.

4 Gode Ea hahamoi liligi huluane da noga:i. Ha:i manu afae hihimu da defea hame. Be Godema nodone sia:ne gadolalu, huluane manu da defea. 5 Gode da Ea Sia: amo ganodini defele olelebeba:le, amola amo ha:i manu moma:ne Godema nodone sia:i dagoiba:le, Gode da ha:i manu huluane manu hahawane ba:sa.

17 Ida:iwane iasu liligi huluanedafa da Hebene sogega maha. Gode, amo da muagado gamali huluane hahamoi dunu, E da afadenemu mae dawa:le, gasi hamomusa: sinidigimu hame dawa:. E da iasu liligi ida:iwane gala huluane iaha.

50 *Sali da noga:i gala. Be dasaiba:le, ea hedai fisi ba:sea, ha:i manu amo saliga da habodane hahamobela:?

Dilia dogo ganodini olofosu hou sali agoane dialumu da defea. Dilia fi ganodini olofoiwane esaloma!"