O que é bom

31 O Del dikhľa savoro, so kerďa, a sas oda igen mištes. Sas rat a sas tosara, šovto džives.

8 O RAJ hino spravodľivo the lačho,

vašoda sikavel le binošnenge peskro drom.

28 Ale mange hin mištes te avel pašes paš o Del,

te garuvel pes andro Nekbareder RAJ

a te vakerel savore tire skutki.

1 O žalmos. E giľi pro šabat.

2 Mištes hin te lašarel le RAJES

a te giľavel tire naveske, ó Nekbareder Devla.

3 Mištes hin tosara te vakerel pal tiro verno kamiben

a rači pal tiri vernosť.

5 Bo o RAJ hino lačho;

leskro verno kamiben ľikerel pro furt

a leskri vernosť predžal pal jekh pokoleňje pre aver.

1 Le Davidoskri giľi pro drom upre andro Jeruzalem.

Dikh, sar mištes the šukares oda hin,

sar hine o phrala jekhetane andro smirom!

2 Oda, so tumen me sikavav, hin lačho,

vašoda ma omuken oda.

23 Le manušes hin radišagos, sar odphenel le lačhe laveha;

savo šukar hin o lav phendo ipen akor, sar kampel!

13 Cha, čhavo miro, o medos, bo hino lačho:

Ajso gulo sar o medos andre tiro muj

14 avke hin the o goďaveripen tira dušake.

Te les arakhľal, aveha bachtalo andro dživipen, so tut užarel,

a oda, pre soste tut zmukes, na ela hijaba.

11 O goďaveripen, avke sar o ďeďictvos, hin lačhi veca;

anel chasna olenge, ko dživen pre phuv.

25 O RAJ hino lačho ke ola, ko pes pre leste muken,

ke oda manuš, ko les rodel.

26 Mištes hin te užarel cichones

pre zachrana le RAJESKRI.

8 O RAJ tuke diňa te džanel, manušeja, so hin lačho.

So tutar kamel?

Te keres oda, so hin spravno,

te presikaves o verno kamiben

a te phires andre pokora tire Devleha.

12 Avke o zakonos hino sveto the o prikazaňje hino sveto, spravodľivo a lačho.

2 Ma keren avke, sar kerel kada svetos. Ale domuken le Devleske te čerinel tumen andral a te del tumen nevo gondoľišagos, hoj paľis te džanen, so kamel o Del, so hin lačho, so hin leske pre dzeka a so hin dokonalo.

16 Te na vakeren namištes pre oda, pal soste tumen džanen, hoj hin lačho.

Pal e modľitba

1 Mangav tut anglal savoreste, hoj pes te keren o modľitbi, o mangipena, o prosbi vaš avrenge a the o paľikeribena vaš savore manuša. 2 A modľinen tumen the vaš o kraľa the vaš savore autoriti, hoj te dživas andro smirom cicho dživipen andre savori pobožnosť the svetosť. 3 Kada hin lačho the šukar anglo Del amaro Spasiťeľis,

4 Ale savoro, so o Del kerďa, hin lačho a ňič na kampel te odčhivel het, te pes prilel paľikeribnaha. 5 Bo o chaben pes pošvecinel le Devleskre laveha the la modľitbaha.

17 Savore lačhe veci a dojekh dokonalo daros avel upral le Dadestar, savo kerďa o ňeboskre švetla a hino furt jekh, ov pes na čerinel avke sar o ciňos.

50 O lon hino lačho, ale te o lon imar na ela londo, soha les pale lonďarena? Mi el andre tumende o lon a dživen andro smirom jekh avrenca!"