O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Mutuwade o bobita o Musa walelefo magena lo o bobita itemo upa inatesere de o bobita ḋangodu gena upa potemo ḋatorou, duma magena igogou o Gikimoino so ḋatebi de itiai.
De lo tanu ona o dunia ma bi nyawa Una wihoholu gena manga manara moi-moi yaaaka ngini gena upa niadodomote. Bilasu Una niwisimaha la waaka so nia sininga aku ḋamomuane sidago lo nia gogoho de nia sininga ingalika. La ma ngale ngini aku nianako itiai o kia naga Una wodudupa, ena gena nianako o kia naga ḋaloloha de itotiai la Awi sininga isanangi.
De upa lo o kia naga moi niaoḋo, ngaroko magena niamalo ḋaloloha, nakoso komagena done asa o nyawa o dorouku itura de ngini lo nia ronga ma dorou yogaka.
Ngohi ma noma-noma tabaja de tabeseso o nyawa o Jou Yesus iwipipiricayaka, ma ngale o nyawa yangodu bilasu manga sumbayang de manga sukuru yatide o Gikimoika de lo ona manga gogolo isibicara Unaka. Ma boboloi yosumbayang ma ngale o bi kolano de o bi nyawa ma binuka ipopareta. La nakoso ngone de nanga sininga igogou paaka itotiai maro kia o Gikimoi wodudupa de o nyawa aku yahoromati, de ngone nanga oho ma rabaka isanangi de isohi. Nakoso nanga sumbayang ma ngale o nyawa yangodu gena, ḋaloha de iwisisanangi o Gikimoi, gena to ngone nanga Salamati,
Ngone panakoka o ino moi-moi ḋaloha, sababu o bi moi-moi ḋangodu o Gikimoi wosidadadika gena ḋaloha. So nakoso o nyawa yaoḋo de manga sukuru yatide ḋabolo Unaka, o ino magena upa he ona yaholu. Komagena ona yosumbayangka de o Gikimoi lo wotemo ḋaboloka, so o bi ino ḋangodu gena ḋaloha so aku yaoḋo.
De o moi-moi ḋaloloha de itotiai kanaga ngone inahikeka, ḋangodu magena ma sihino nanga Baba Gikimoino. De lo Una magena Awi sininga de Awi edekati ngoneka gena ingaliwa, so o dorou moi lo upa ngone wonasidumu. Sababu ka Una magena ḋabolo o nita moi-moi isisiwa o dipaka gena, Una wosidadika. De Una gena upa powisitero de o wange, sababu o wange lo done asa itumu de ngone gena o bubutu ma rabaka inadongosaku. Duma o Gikimoi gena asa o orasi isigeto-geto ngone Awi laha wonasidumu, sababu Awi sininga ma edekati ingaliwa.
To ngini nia gogoho imatero de o gasi, sababu de ma faida. So nakoso o gasi magena ḋamiri kawa so ḋahaoka, de niaaka niadodoohasi la aku ḋamiri kali. Komagena lo ngini Ngohi nimomote gena upa nimatekesikokoholu, duma nidadi maro o gasi ḋaloloha la nia oho ma rabaka gena ka cawali o rimoi de o sohi.>>