31 GALA ge kaani ga nii kpein é kpɛtɛai, ti wola ʋagɛ. Kpidii ʋɛɛni, geelaalao: naa ɠɛni ga foloi lɔzitasiɛi.

8 Ɠɔoɠɔ GALAGI ʋagɛ, é zɔle,

naa ɠa é ba, é pelei lɛɛzu la ga kotoba nuiti, ga ti ziɛ la.

28 Nɔ̀un nà, nà-undaanɛɛi ɠa é ga gè ɠɛ GALA kobaʋɛ yeenɔpɛ.

Ungo, gè dɔɔɠuzu ɠiteɠitegi ɓɛtɛʋɛ, Màliɠii Ɠɔoɠɔ GALAGI ʋɔ bɛ,

naa ɠa a kɛ, nii kpein é kɛa, gè ɗa naati bo.

1 Guyei. Dooɠo foloi ma wuyei.

2 Pagɛ ga nu Ɠɔoɠɔ GALAGI maamusɛ,

nu è maamusɛ ga guye wooi, ɗɛi è Anii-Pɛ-Unda!

3 Pagɛ ɓalaa ga nu ɗa-nuɓɔɠɔlai laazeeli vai lɔɔzei sobui nɔ,

ta ɗa-wooɠɛɠiladai laazeeli kpɔkɔi,

5 Mazɔlɔɔ Ɠɔoɠɔ GALAGI ʋagɛ, ná-nuɓɔɠɔlai ɠa ná eyɛsu ɠɔ,

ta ná-wooɠɛɠiladai ɓela ge la ba, yeeɠɛɠalaiti pɛ su.

1 Tɛɛ wo guyei. Davide ná-guyei.

Wɛlɛ, pagɛ, é vizɔ ɠɛɛɠɛlointi ma,

ga ti ɠili ʋa, ti zei ada ɠila!

2 Nà kala pagɔ veezu wo ya,

à mina nà-kala gooiti pili ya.

23 Koozunɛ vaa ʋe zunui ʋɛ, siɛgi zu é ɓɔɠɔ wooɠaaʋotegi veezu la,

ziilɛi faa ʋe, ni kpɔɛi a wona ga bo yeeɠɛɠala!

13 Dòun zunu, kɔin gulɔi ɠɔmɔ, mazɔlɔɔ kɔin gulɔi ʋagɛ,

ma ɲɛmigi ɠa nɛɛ è-laaʋɛ.

14 Ɠitoo su, ga ɠimalai ʋagɛ ɗa-eteai ma vaa ma.

Ni ɗa zoona è ziɛ la, ɗa zoo è ɠoozunɛ ʋelela ʋelei,

ɗa-ɠitogi la ɠoloɠologa.

11 Ɠimalai vizɔgɛ pogani ʋa, ɛsɛ pɛ ná-kulanuma ɠa su.

25 Ɠɔoɠɔ GALAGI laavegɛ ga nuɓɔɠɔlai naama nui ʋɛ nii é ɠitosu ba,

ta zɔi é gaaʋotesu ma.

26 Pagɛ nu maaɠɛ kpɔ,

è Ɠɔoɠɔ GALAGI ná-unmɔɔ fai maaɓɔun.

8 Ee, ɗa ʋe nui, ti è ɠalagɛ ga tuʋa ʋele ʋagɔi,

ta nii Ɠɔoɠɔ GALAGI wɔinni ga è kɛ,

toɠa ga è ziɛ ga sɔledai,

wooɠɛɠiladai nɛɛ è ʋɛ, è ɗa ziɛ la,

è ziɛ ga pagɔ unmaayei zu, ga ɗa-ƓALAGI yiima ʋelei.

12 Naa ɠa é ba, tɔgi ɲadegɛ, devei ɲadegɛ, é zɔle, é ʋa.

2 À mina ʋokɔɠɔ niima eteai zu vaiti ma, kɛlɛ à va bu wo valibo ga wa-ɠisiɛiti niinɛai maaʋele, wa zoo naazu wo GALA ziimai ɠaaɠa, nii pagai, nii nɛai bɛ, nii daazeeliai.

16 Nii pagai è ɠaazu, naa mina ɠɛ tanigaani bɛ ga zaɓui, ti ʋa ɗa woo ɲɔi wo è ma.

1 Faa mɔunpagi nii gè bosu, naa ɠa ga nu wooɠula GALA ma, ga faliiti, maanɛɛnɛiti, naa ʋɛɛ nu maavaiti ba, ta mamagiti, naa ɠɛ nuiti pɛ faa ma. 2 Kɛni de GALA falii ɠɛ masagiti bɛ, ta niiti pɛ ti zeini kundiɠilaiti su, naa ɠa a kɛ de eteai ziɛ gaanɛɛi ta ziilɛigi zu, GALA gaazuluabai pɛ su, ta unfemai ɠɛ de-ziɛ ʋelei zu. 3 Naa ʋagɛ, é zoloo GALA gaazu, de Ɠizo Nui,

4 Mazɔlɔɔ nii kpein GALA ge kpɛtɛai, ti pɛ pagɛ, tanɔpɛ ge la ná, nii nu a ɠɛlɛ ba, ni nɔ nu ɠa seɠezu ga faanɛɛ wuuɠwɛɛgai GALA bɛ, 5 tɔɔzei GALA daawooi ta GALA falii ɠa é ti pɛ ɲadesu.

17 Faanɛɛ ʋagɔi kpein ta vebɛanii kɛɠala la ná, naa pɛ ka zeɠezu geezuʋɛ, GALA pɔ bɛ, é ga wozakalagi ma Ɠɛɛɠɛi. Tɔun pɔ bɛ, falibo ge la ná, falibogi ma maaniini ge la ɓalaa ná.

50 Kpoloi ʋagɛ. Kɛlɛ ni kpoloi ná-ɲɛmigi ɠa ɠulana ba, nu ɠa leʋe ɠale, é ʋa nɛɛ ʋolu? Kpoloi maanɛɛʋɛ é ɠɛ wa ɓɔɠɔi wo-ɠɔlɔ su, naa ʋoluma ziilɛigi ɠɛ wo pɛ wo yɔɠɔzu.»