O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
ଇସ୍ୱରନ୍ ଆନିନ୍ଡମ୍ ଆଗ୍ରବ୍ଡେଲେନ୍ ଅଡ଼୍କୋନ୍ ଆତେ ଆଗ୍ରିଜେନ୍, ଅଡ଼୍କୋନ୍ ଆତେ ଗୋଗୋୟ୍ ମନଙ୍ ରାଙ୍ଡାଏନ୍ । ତି ସିଲଡ୍ଲ୍ଲନ୍ ଅରୁବ୍ଡାଲେ ତଗାଡେନ୍ କି ସାଆରେନ୍ ଆରି ତୁଡ୍ରୁ ଡିନା ଡେଏନ୍ ।
ଇନିଆସନ୍ଗାମେଣ୍ତେନ୍ ଞେନ୍ ଆମ୍ୱେଞ୍ଜିଆଡଙ୍ ମନଙ୍ ଞଙ୍ଞଙ୍ତବେନ୍, ବନାଁୟ୍ବର୍ଞେନ୍ ଏଅମ୍ରେଙ୍ଡଙେ ।
ଅବୟ୍ ମନ୍ରାନ୍ ଆ ତଅଡ୍ଲୋଙ୍ ସିଲଡ୍ ଆଜନାଲଙ୍ ବାତ୍ତେ ସର୍ଡାତନ୍ ଆରି ଆଜାଡ଼ିଡମ୍ ଆବର୍ନେ ଏଙ୍ଗାଲେ ମନଙ୍ ।
ଏ ଡାଙ୍ଗଡ଼ାଅନ୍ଞେନ୍, ଆମନ୍ ଆଡଙ୍ଡାନ୍ ଜୋମା, ଇନିଆସନ୍ଗାମେଣ୍ତେନ୍ ତିଆତେ ମନଙ୍; ଆରି, ଆତଡ଼ାର୍ଡଙନ୍ ଜୋମା, ଇନିଆସନ୍ଗାମେଣ୍ତେନ୍ ତିଆତେ ତଅଡନ୍ ଜବୁଙ୍ ଡେତେ । ଗିଆନନ୍ ପରାନ୍ନାନମ୍ ଆଡଅଙ୍ ତି ଅନ୍ତମ୍ ଗାମ୍ଲେ ଆମନ୍ ଜନାତମ୍; ଆମନ୍ ତିଆତେ ଞାଙେନ୍ଡେନ୍, ଓଞୋଲ୍କୁଜନ୍ ଡକୋନ୍ ଆସନ୍ ଅରାସାନେନମ୍ ଡନେଡନ୍ ଅଡ୍ଡେଏ ।
ଗିଆନନ୍, ଆପେୟ୍ସିଂଙନ୍ ଆନର୍ଜେ ଅନ୍ତମ୍ ମନଙ୍; ଆରି, ଆମେଙ୍ ଆଡ୍ରକୋତନ୍ ଆମନ୍ରାଜି ବୁଡ୍ଡିନ୍ ଆଞନାଙ୍ ଅଗୋୟ୍ ମନଙ୍ଡମ୍ ।
ମୋସାନ୍ ଆ ବନାଁୟ୍ବରନ୍ ମଡ଼ିର୍, ବନାଁୟ୍ବରଞ୍ଜି ଅଡ଼୍କୋନ୍ ମଡ଼ିର୍, ଆଜାଡ଼ିନ୍ ଆରି ମନଙ୍ ।
କେନ୍ ପୁର୍ତିନ୍ ଏଙ୍ଗାଲେ ଞଣ୍ଡ୍ରମ୍ତନ୍, ଏତ୍ତେଲେ ଆମ୍ୱେଞ୍ଜି ଏଞଣ୍ଡ୍ରମ୍ଡଙ୍ନେ, ଇସ୍ୱରନ୍ ଅନିଃୟମ୍ବେଞ୍ଜି ରଙ୍ ଏମ୍ମେଏତୋ ଆରି ମନ୍ନବେନ୍ ମେଡ୍ରନ୍ ଆନ୍ନାଏତୋ । ଏତ୍ତେଲ୍ଡେନ୍ ଇସ୍ୱରନ୍ ଆନିଃୟମ୍ ଇନି ଆଗନିୟ୍ଗିୟ୍ଲୋଙନ୍ ଇନିଜି ମନଙ୍ଡମ୍, ମନଅଁୟ୍ଡମ୍ ଆରି ଆଜାଡ଼ିନ୍ ତିଆତେ ଜନାଲେ ଏରପ୍ତିତେ ।
ଆମ୍ୱେନ୍ ଅଙ୍ଗାଆତେ ମନଙ୍ ଗାମ୍ଲେ ଅବ୍ଡିସୟ୍ତେ, ତିଆତେ ବାତ୍ତେ ଆମ୍ୱେନ୍ ଡୋସାଡଙ୍ବେନ୍ ତଡ୍ ।
ପର୍ତମ୍ମୁ ଞେନ୍ ଅମଙ୍ବେନ୍ କାକୁର୍ତିତନାୟ୍, ଅଡ଼୍କୋ ମନ୍ରାନ୍ ଆସନ୍, ଞେନ୍ ଅନବ୍ଉୟୁବନ୍, କାକୁର୍ତିଞେନ୍, ପାର୍ତନାଞେନ୍ ଡ ଅଡ଼୍କୋ ମନ୍ରାନ୍ ଆସନ୍ ଇସ୍ୱରନ୍ଆଡଙ୍ ସେଙ୍କେତାୟ୍; ତିଆସନ୍ ଅଡ଼୍କୋ ମନ୍ରାଞ୍ଜି ଆସନ୍, ରାଜାଞ୍ଜି ଡ ସୋଡ଼ାମରଞ୍ଜି ଆସନ୍ ପାର୍ତନାନାବା, ଇସ୍ୱରନ୍ଆଡଙ୍ ସେଙ୍କେବା; ଏତ୍ତେଲ୍ଡେନ୍ ଇନ୍ଲେନ୍ ସନୟୁନ୍ ବାତ୍ତେ, ଏରାମ୍ମୁୟ୍ ଗବ୍ରିଲନ୍ ଡକୋଲନ୍ ରପ୍ତିତବୋ । ଏନ୍ନେଗନ୍ ଆ ପାର୍ତନା ଇସ୍ୱରନ୍ ଲଡୟ୍ତେ ଆରି ଜାଜାଲଙ୍ତନ୍ ।
ଇନିଆସନ୍ଗାମେଣ୍ଡେନ୍ ଇସ୍ୱରନ୍ ଇନିଜି ଗବ୍ଡେଲେନ୍ ତିଆତେ ଅଡ଼୍କୋନ୍ ମନଙ୍; ତେତ୍ତେଲୋଙ୍ ସିଲଡ୍ ଅନ୍ନିଙ୍ଆତେ ଆବନାସେ ତଡ୍, ଇସ୍ୱରନ୍ଆଡଙ୍ ସେଙ୍କେଲେ ଅଡ଼୍କୋନ୍ ଆ ତନିୟ୍ତିୟଞ୍ଜି ସର୍ଡାନ୍ ବାତ୍ତେ ଜନାଜାନ୍ ଡେଏତୋ । ଇସ୍ୱରନ୍ ଆମଙ୍ ପାର୍ତନାନ୍ ବାତ୍ତେ ଅଡ଼୍କୋନ୍ ମଡ଼ିର୍ ଡେତେ ।
ଅଡ଼୍କୋ ମନଙ୍ ତନିୟ୍ତିୟନ୍ ଡ ଅଡ଼୍କୋନ୍ ସିଲଡ୍ ମନଙ୍ ତନିୟ୍ତିୟନ୍ ରୁଆଙ୍ଲୋଙନ୍ ଆଡ୍ରକୋତନ୍ ଆପେୟ୍ଲେନ୍ ଆମଙ୍ ସିଲଡ୍ ଅଡ଼ୋତାୟ୍, ଆନିନ୍ ଅଡ଼୍କୋ ସନାଆରଞ୍ଜି ଆ ଗନବ୍ଡେଲ୍ମର୍, ଆନିନ୍ ଆଙ୍ଗିୟ୍ ଅଃବ୍ବାର୍ନେ କି ଆଙ୍ଗିୟ୍ ଉମ୍ମୁଲନ୍ ଅନ୍ତମ୍ ଅଃଡ୍ଡେଏ ।
"ବସିଡନ୍ ମନଙ୍, ବନ୍ଡ ତିଆତେ ମରେଡ୍ ତଡ୍ ଡେନ୍, ଏତ୍ତେଲ୍ଡେନ୍ ତିଆତେ ଏଙ୍ଗାଲେ ମବ୍ରେଡ୍ତବୋ ? ଆମ୍ୱେଞ୍ଜି ବସିଡନ୍ ଅନ୍ତମ୍ ଡେବା, ଆରି ତର୍ଡମ୍ ସୟୁ ଗାମ୍ଲେ ଡକୋନାବା ।"