O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
God El liye ma nukewa ma El orala tuh na wo. Ke safla eku sac na lotutang sikme — pa ingan len se akonkosr.
Ke sripen LEUM GOD el suwohs ac wo,
El luti mwet koluk ke inkanek elos in fahsr kac.
A funu nga, fuka woiya ke nga apkuran nu sin God,
In konauk molela yurin LEUM GOD Fulat,
Ac in fahkak ma nukewa El oru!
Fuka woiya in sang kulo nu sum, O LEUM GOD,
In on ac akfulatye kom, O God Fulatlana.
In fahkak lungse kawil lom ke lotu nukewa
Ac pwaye lom ke fong nukewa,
Wi pusren on ke mwe srital su oasr ah kac,
Ac ke pusra wolana lun harp.
Tuh LEUM GOD El wo,
Lungkulang lal oan ma pahtpat,
Ac oaru lal nu sin fwil nukewa.
Fuka woiya ac fuka insewowoiya
Ke mwet lun God elos tukeni muta ac inse sefanna.
Nga luti kowos ke inkanek wo. Nimet kowos pilesru.
Mwe engan na yohk in konauk kas fal nu ke sripa se lun pacl sac!
Tulik nutik, kom in mongo honey, mweyen arulana wo. Oana ke honey emwem in oalum, ouinge lalmwetmet uh wo nu ke ngunum. Kom fin eis lalmwetmet, na moul lom in pacl fahsru ac fah wo.
Mwet nukewa su moul enenu in lalmwetmet. Mweyen lalmwetmet uh wo oana ke sie mwet el usrui ma wo.
LEUM GOD El wo nu sin mwet nukewa su lulalfongi in El.
Ke ma inge, wo tuh kut in mongfisrasr in tupan molela lal —
Mo, LEUM GOD El fahk tari nu sesr lah mea wo uh. Ma El enenu sesr uh inge: in oru ma suwohs, in moulkin lungse pacl e nukewa, ac in moul in inse pusisel yurin God lasr.
Ke ma inge, Ma Sap uh mutal, ac ma sapkinyuk nukewa loac mutal, suwohs, ac wo.
Kowos in tia etai luman moul lun mwet faclu, a kowos in ekla ke sripen God El arulana aksasuye nunak lowos. Na kowos fah ku in etu ma lungse lun God — ma su wo, ac mwe akinsewowoyel, ac suwoswoslana.
Nik kom oru kutena ma su ac pwanang ma kom nunku mu wo uh in mwe akkolukyeyuk sin mwet ngia.
Ma se meet, nga kwafe tuh mwet uh in sikalani in pre ac fahkak mwe enenu lalos, oayapa pre ke mwet ngia ac sang kulo nu sin God ke mwet nukewa; yokna ke tokosra ac mwet leum nukewa, tuh kut fah ku in moul misla ke wangin mwe lokoalok, ac akfulatye God ac oru ma wo. Pa inge ma wo ac mwe akinsewowoye God, Mwet Lango lasr,
Ma orekla nukewa sin God u wo; wangin ma in pilesreyuk, a mwet uh in eis ma inge ac sang kulo kac, mweyen kas lun God ac pre lalos u ac akwoye ma inge ye mutun God.
Mwe kite wo ac fal nukewa, tuku lucng me; ma inge tuku sin God me su orala kalem nukewa inkusrao, ac su tiana ekyek pwanang lohsr uh tiana sikyak.
Sohl uh wo, tuh fin wangin eman sohl kac, ac fuka oreya in sifil oasr emah?
"Lela sohl lun insese in oasr inmasrlowos, ac kowos in moul in misla yurin sie sin sie."