O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Ego na Tamasa sa doria doru sakasava sa roitiniria sa sa vavagua jola sisa. Ego sa gore sa na vevelu beto sa sae sa na vuvugei- isa sa na rane vinavonomo.
Ego ko na Vavanau sa na liosona beto ko na garunu api sa na liosona, na tuvisina beto na jongana.
Muke vamalumia na uana tana kasia gusu api ko mi kole kuta uanania na miu toa, goto mu vamalumuria tu na miu roroqu ko mai kole tabei vakorega ko mu boka gigilai agou sa na nyorogua tana Tamasa, isa nona nyorogua sa jongana, sa vaivaqera beto sa tuvisi.
Ko muke vamalumia sa na miu roiti jongana ko mi tapoja vivikere.
Na Vavanauna na Vavara
Ego ko sa vei sa, momoe, ara qa paranga vaneqinia ko mu vavara tetepa, vavara vaniria, tetepa tokaniria, beto mu paranga jongana vaniria lao tana Tamasa sira doru tinoni, ira doru babangara beto ira qai aruria na totoqona poreveveidi, ko gita ta isongia na toa bubulena beto na momosona pana doru oda uana pangagana na Tamasa beto na uana tuvisina. Na toa vavara vevei api sa sa jongana beto sa vaivaqera pana dodogoro tana Tamasa na oda inaalo,
Ura doru vinapodaka tana na Tamasa sa na jongadi ko maike takilu pale goto mai tateku pana paranga jongana, ura na paranga tana Tamasa beto na vavara qai vamadiria.
Doru vaivana jojongadi gu beto na puradi gu sa qai lagere vei pa nulu tana Tamasa sa vapodakaria na kabere pa vavagalo eqa. Ko na Tamasa isa sake boka bei babi vavarodomo vei na ongudi na lei pa vavagalo eqa.
Na jongana sa na solo. Ba vei mina maragutu sa na lilingina, sa ai mule muna roiti vei beto muna boka valilingi beia? Mu isongia na solo pa miu toa ko mu mekarai suvere vaibaere vatale,>> sau si Jisu.