31 Gitan-aw sa Dios ang tanan niyang gibuhat ug nakita niya nga maayo gayod kini. Milabay ang kagabhion, ug unya miabot ang kabuntagon. Mao kadto ang ikaunom nga adlaw.

8 Maayo ug matarong ka, Ginoo,

busa ginatudloan mo ang mga makasasala sa pamaagi sa pagkinabuhi.

28 Apan alang kanako,

maayo ang magpaduol kanimo, O Dios.

Ikaw Ginoong Dios ang gihimo ko

nga akong tigpanalipod,

ug isaysay ko ang tanan mong binuhatan.

1 Ginoo nga Labing Halangdong Dios,

maayo gayod ang paghatag ug mga pagpasalamat

ug ang pag-awit ug mga pagdayeg kanimo.

2 Maayo gayod ang pagsugilon sa imong gugma

ug pagkamatinumanon adlaw ug gabii,

3 nga dinuyogan sa mga instrumento

nga adunay mga kuwerdas.

5 Kay maayo ang Ginoo;

ang iyang gugma walay kataposan,

ug ang iyang pagkamatinumanon nagpadayon hangtod sa kahangtoran.

1 Pagkamaayo ug pagkaanindot

kon ang katawhan sa Dios magpuyo nga adunay panaghiusa.

2 Maayo ang akong ginatudlo,

busa ayaw ninyo kini ipakawalay-bili.

23 Malipay ang tawo

kon makahatag siya sa tukma nga tubag.

Samot na gayod kaanindot

kon makahatag siya sa tukmang tubag sa tukmang higayon.

13,14 Anak, maingon nga ang dugos tam-is ug makaayo kanimo,

ingon usab niana ang kaalam.

Kay kon maalamon ka, aduna kay maayong kaugmaon

ug dili mapakyas ang imong mga pangandoy.

11 Ang kaalam maayo, sama kini sa panulondon.

Naghatag kini sa mga nagkinabuhi dinhi sa kalibotan

ug kaayohan nga naglungtad,

25 Ang Ginoo maayo sa mga naglaom

ug nagdangop kaniya.

26 Maayo nga maghulat kita

nga mapailubon sa kaluwasan

nga ihatag sa Ginoo kanato.

8 Gitudloan na kita sa Ginoo kon unsa ang maayo.

Ug mao kini ang iyang gusto nga ipatuman kanato:

Himuon nato kon unsa ang matarong,

palabihon nato ang pagkamaluloy-on ngadto sa uban,

ug mapainubsanon kitang mosunod sa Dios.Ginoo

12 Ang Kasugoan balaan, ug ang tanang mga sugo niini balaan, matarong, ug maayo.

2 Ayaw kamo pagsunod sa mga gawi sa mga tawo niining kalibotana. Tugoti ninyo ang Dios nga mobag-o sa inyong huna-huna, aron masayran ninyo ang kabubut-on sa Dios, kon unsa ang maayo, hingpit, ug ang makapahimuot kaniya.

16 Ayaw itugot nga ang maayo alang kaninyo isipon sa uban nga daotan.

1 Busa labaw sa tanan, nanghangyo ako kaninyo nga i-ampo ninyo ang tanang mga tawo. Dad-a ninyo sa Dios ang inyong mga hangyo alang kanila uban ang pagpasalamat. 2 I-ampo ninyo ang mga hari ug ang tanan nga adunay taas nga katungdanan sa gobyerno aron nga mahimong hapsay ang atong pagpuyo ug gawasnon kita sa pagsunod sa Dios subay sa husto nga pamatasan. 3 Maayo kini nga buhaton ug malipay ang Dios nga atong Manluluwas.

4 Ang tanan nga gibuhat sa Dios maayo. Busa walay butang nga angay balibaran kon dawaton nga adunay pagpasalamat. 5 Kay gihinloan kini pinaagi sa pulong sa Dios ug sa pag-ampo.

17 Kay ang tanan nga maayo ug hingpit nga gasa naggikan man sa Dios. Siya mao ang naghimo sa tanan nga atua sa langit nga naghatag ug kahayag dinhi sa kalibotan. Ug bisan mausab ang ilang kahayag ug mabalhin ang ilang landong, ang Dios dili gayod mausab.

50 "Ang asin mapuslanon, apan kon ang asin mawad-an ug kaparat, wala nay mahimo pa aron mobalik ang kaparat niini. Ug kon giunsa nga ang asin makatabang kanato, kinahanglan sama usab kamo sa asin nga mapuslanon, ug adunay maayong relasyon sa usag usa."