31 UNkulunkulu wakubona konke lokho ayesekwenzile, njalo kwakukuhle kakhulu. Kwabakhona ukuhlwa lokusa, usuku lwesithupha.

8 UThixo ulungile, uqotho;

ngakho weluleka izoni ngezindlela zakhe.

28 Kodwa mina kimi kuhle ukuba seduze loNkulunkulu.

Sengenze uThixo Wobukhosi isiphephelo sami;

ngizafakaza ngazozonke izenzo zakho.

1 Kuhle ukudumisa uThixo

lokuhlabelela ebizweni lakho, wena oPhezukonke,

2 ukumemezela uthando lwakho ekuseni

lokuthembeka kwakho ebusuku,

3 ukutshaya iziginci ngomhubhe wezintambo ezilitshumi

lemvungamo emnandi yechacho.

5 Ngoba uThixo ulungile lothando lwakhe lumi kuze kube phakade;

ukuthembeka kwakhe kumi kuzozonke izizukulwane.

1 Bheka kuhle, kuyabukeka kangakanani

nxa abazalwane behlezi ndawonye ngokuzwana!

2 Ngilipha izifundo ezipheleleyo;

ngakho lingalahli imfundiso yami.

23 Umuntu uyathokoza ngokupha impendulo eqondileyo

yeka kuhle kangakanani ukuzwa ilizwi elifaneleyo!

13 Dlana uluju ndodana yami, ngoba lulungile;

uluju olujuluka ekhekhebeni lumnandi luyanambitheka.

14 Yazi njalo ukuthi ukuhlakanipha kumnandi emphefumulweni wakho,

aluba ukuzuza ikusasa lakho lilethemba elihle,

njalo ithemba lakho aliyikudaniswa.

11 Ukuhlakanipha, njengelifa, kuyinto enhle

njalo kuyabasiza bonke abaphilayo.

25 UThixo ulungile kulowo omethembayo,

kulowo omdingayo;

26 kuhle ukulinda ngokuthula,

ukulindela insindiso kaThixo.

8 Ukutshengisile wena muntu okuhle.

UThixo ufunani kuwe na?

Ukwenza okulungileyo lokuthanda umusa

kanye lokuhamba ngokuzithoba loNkulunkulu wakho.

12 Ngakho-ke, umthetho ungcwele, lomlayo ungcwele, ulungile njalo muhle.

2 Lingavumi futhi ukulingisa umhlaba lo, kodwa liguqulwe ingqondo zenu zibe zintsha. Lapho-ke lizakwenelisa ukuhlola lokwamukela lokho okuyintando kaNkulunkulu, intando yakhe elungileyo, ethokozisayo lepheleleyo.

16 Ungavumi ukuba lokho wena ocabanga ukuthi kuhle kuthiwe kubi.

1 Ngakho-ke, phezu kwakho konke ngiyakhuthaza ukuba izicelo, lemikhuleko, lokukhulekela abanye kanye lokubonga kwenzelwe abantu bonke, 2 amakhosi labo bonke abaphethe amandla ukuze sihlale ngokuthula empilweni enhle kukho konke ukumesaba uNkulunkulu lobungcwele. 3 Lokhu kuhle njalo kuyamthokozisa uNkulunkulu uMsindisi wethu

4 Ngoba konke uNkulunkulu akudalayo kulungile njalo akulalutho okumele lulahlwe nxa lusamukelwa ngokubonga 5 ngoba kungcweliswe yilizwi likaNkulunkulu lomkhuleko.

17 Zonke izipho ezinhle lezipheleleyo zivela phezulu, zehlele phansi zivela kuYise wezibane zasezulwini, ongaguqukiyo njalo ongelathunzi lokuphenduka.

50 Itswayi lilungile, kodwa nxa lingalahlekelwa yibumunyu balo, ungalivuselela njani na? Wobani letswayi ngaphakathi kwenu, lihlalisane ngokuthula."