31 Nyasaye nongʼiyo gik moko duto mane osechweyo kendo noneno ni gibeyo ahinya. Piny noyuso kendo noru, ma en chiengʼ mar auchiel.

8 Jehova Nyasaye ber kendo yorene oriere tir;

mano emomiyo opuonjo joricho yorene.

28 An to berna ka an but Nyasaye.

Aseketo Jehova Nyasaye Manyalo Gik Moko Duto kar pondona,

kendo abiro lando gik moko duto mitimo.

1 Pako Jehova Nyasaye en gima ber kendo wero wende mapako nyingi

bende ber, yaye Nyasaye Man Malo Moloyo,

2 hulo herani gokinyi

kod adierani gotieno,

3 kiwer gi nyatiti matin

ma tondene apar ka wer ridore gi nyatiti maduongʼ ber adier.

5 Nimar Jehova Nyasaye ber kendo herane osiko nyaka chiengʼ;

adierane ochwere e tienge duto.

1 Mano kaka en gima ber kendo malongʼo,

ka jowete odak kanyakla gi kwe!

2 Puonj mara mamiyou beyo,

omiyo kik ujwangʼ puonjna.

23 Ngʼato yudo mor e dwoko mowinjore,

to mano ber manade kuom wach mochopo e sa midware.

13 Wuoda, cham mor kich, nimar ober;

mor kich moa e pedni mar kich nigi ndhandhu mamit.

14 Ngʼe bende ne rieko mit ni chunyi;

ka iyude, nitie geno mar ndalo mabiro kuomi,

to genoni ok nongʼad oko.

11 Rieko ber mana kaka girkeni, en gima ber

kendo en ohala ne joma mangima.

25 Jehova Nyasaye ber ne jogo ma genogi ni kuome,

kendo ne ngʼatno madware,

26 en gima ber

rito warruok mar Jehova Nyasaye.

8 Osenyisi gima ber yaye dhano.

To angʼo ma Jehova Nyasaye dwaro ni itim?

Odwaro ni iti gadiera kendo iher kecho ji

kendo iwuoth mobolore e nyim Nyasachi.

12 Omiyo Chik ler, kendo chike moketi bende ler, kendo nikare, to kendo ber.

2 Kik koro ulu kit ngima pinyni, to lokreuru ka parou doko manyien pile, eka unubed gi nyalo mar pimo kendo ngʼeyo dwach Nyasaye, ma en dwache maber, mowinjore kendo malongʼo chuth.

16 Omiyo kik iyie mondo gima ikawo ni ber, ji wuoye kaka gima rach.

1 Wach mokwongo ma jiwo en ni ji duto mondo oter kwayogi e nyim Nyasaye ka gilamo kendo ka gigoyo erokamano ni Nyasaye 2 ne ruodhi gi joma nitie e loch duto mondo eka wadag gi kwe maonge tungni, ka waluoro Nyasaye kendo ka wan jomaler chuth. 3 Mani ber kendo moro Nyasaye Jawarwa,

4 Nikech gik moko duto ma Nyasaye ochweyo beyo, kendo ok owinjore wakwer chiemo moro amora ka wachame gi erokamano, 5 nikech osepwodhe maler gi wach Nyasaye kod lamo.

17 Mich moro amora maber kendo malongʼo aa malo e polo, koa kuom Wuoro manochweyo ler marieny e polo, kendo ma ok lokre ka tipo ma osiko kalokore.

50 "Chumbi ber, to ka ndhathe orumo to ere kaka dichak imi obed gi ndhathe kendo? Beduru ka ndhath chumbi un uwegi, kendo beduru gi kwe ngʼato gi ngʼato."