O que é bom

31 तब परमेसर ह अपन बनाय जम्मो चीज ला देखिस, अऊ येह बहुंत बढ़िया रिहिस। अऊ सांझ होईस, फेर बिहान पहा गीस—ये किसम ले छठवां दिन हो गीस।

8 यहोवा ह बने अऊ ईमानदार अय;

एकरसेति ओह पापीमन ला अपन तरीका ले सिखाथे।

28 पर जहां तक मोर बात ए, परमेसर के लकठा म रहई बने बात ए।

मेंह परमपरधान यहोवा ला अपन सरन-स्थान बनाय हंव;

मेंह तोर जम्मो काम के बखान करहूं।

1 यहोवा के परसंसा करई

अऊ हे सर्वोच्च परमेसर, तोर नांव म बाजा बजई बने बात ए,

2 बिहनियां तोर मया

अऊ रथिया तोर बिसवासयोग्यता के घोसना करई,

3 दस तारवाला बाजा

अऊ बीना के सुघर राग बजई बने बात ए।

5 काबरकि यहोवा ह बने अय अऊ ओकर मया हमेसा बने रहिथे;

ओकर बिसवासयोग्यता ह जम्मो पीढ़ी म बने रहिथे।

1 येह कतेक बने अऊ खुसी के बात होथे

जब परमेसर के मनखेमन एकता बनाके एक संग रहिथें!

2 मेंह तुमन ला उत्तम सिकछा देथंव,

एकरसेति मोर सिकछा ला झन छोंड़व।

23 सही उत्तर देय म मनखे ला आनंद मिलथे—

अऊ सही समय म कहे गे बात ह बने होथे।

कहावत 26

13 हे मोर बेटा, मंधरस ला खा, काबरकि येह बने अय;

मधु-छत्ता के मंधरस ह सुवाद म मीठ लगथे।

14 ये बात ला घलो जान ले कि बुद्धि ह तोर बर मंधरस के सहीं अय:

यदि येह तोला मिलथे, त भविस्य म तोर बर एक आसा हवय,

अऊ तोर आसा ह नइं टूटही।

11 बुद्धि ह एक उत्तराधिकार के सहीं बने बात ए

अऊ येकर ले धरती के जम्मो मनखेमन ला फायदा होथे।

25 यहोवा ह ओमन बर बने अय, जऊन मन ओकर ऊपर आसा रखथें,

जऊन मन ओकर खोज म रहिथें;

26 यहोवा के उद्धार बर

चुपेचाप इंतजार करई ह बने बात ए।

8 हे मरनहार मनखे, ओह तोला देखाय हवय कि का ह बने अय।

अऊ यहोवा ह तोर ले का चाहथे?

नियाय के काम करव अऊ दया करे बर झन छोंड़व

अऊ अपन परमेसर संग नमरता से चलव।

12 एकरसेति, कानून ह पबितर अय, अऊ हुकूम ह घलो पबितर, धरमी अऊ बने अय।

2 तुमन ये संसार के मनखेमन सहीं झन बनव, पर तुमन के मन ह नवां हो जाय के कारन, तुम्हर चालचलन घलो बदल जावय। तब तुमन परमेसर के ओ ईछा ला परखके जान सकहू जऊन ह बने, मनभावन अऊ सिद्ध अय।

16 जऊन बात ला तुमन सही समझथव, ओकर बारे म कोनो मनखे ला खराप गोठियाय के मऊका झन देवव।

अराधना के बारे म निरदेस

1 एकरसेति, सबले पहिली ये अनुरोध करत हंव कि बिनती, पराथना, निबेदन अऊ धनबाद जम्मो मनखे बर करे जावय— 2 राजा अऊ जम्मो ऊंच पद के मनखे बर ये करे जावय, ताकि हमन सांत अऊ सुख के जिनगी भक्ति अऊ पबितरता के संग जीयन। 3 येह बने बात ए अऊ येह हमर उद्धार करइया परमेसर ला भाथे।

4 परमेसर के बनाय हर चीज ह बने ए, अऊ कोनो घलो चीज अस्वीकार करे के लईक नो हय, यदि ओला परमेसर ला धनबाद देके खाय जाथे। 5 काबरकि ओह परमेसर के बचन अऊ पराथना के दुवारा सुध हो जाथे।

17 काबरकि हर एक बने अऊ उत्तम बरदान स्वरग ले आथे अऊ परमेसर ददा, जऊन ह अंजोर ला बनाईस, ओकर कोति ले, ये बरदान ह मिलथे, अऊ ओह बदलत छइहां सहीं नइं बदलय।

50 "नून ह बने ए। पर कहूं येह अपन सुवाद ला गंवा देथे, त तुमन कइसने येला फेर नूनचूर कर सकथव? अपन म नून के सुवाद रखव, अऊ एक-दूसर के संग मिल जूरके रहव।"