O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
ପାର୍ମେଶ୍ୱାର୍ ଆୟାଃ ବାଇୟାକାଦ୍ ସବେନାଃକେ ନେଲ୍କେଦା, ଓଡ଼ୋଃ ଆୟାଃ ଆୟାର୍ରେ ସବେନାଃ ପୁରାଃ ବୁଗିନ୍ଗି ନେଲ୍ୟାନା। ନେ’ଲେକା ସିଙ୍ଗି ହାସୁର୍କେଦ୍ତେ ନୁବାଃୟାନା ଓଡ଼ୋଃ ସେତାଃୟାନ୍ତେ ତୁରିୟା ହୁଲାଙ୍ଗ୍ ହବାୟାନା।
ଚିଆଃଚି ଆଇଙ୍ଗ୍ ଆପେକେ ବୁଗିନ୍ ଇନିତୁକ ଏମାକାଦ୍ପେୟାଇଙ୍ଗ୍ ଏନାତେ ଆଇଁୟାଃ ଇନିତୁକେ ଆଲପେ ବାଗିୟା।
ଆପାନ୍ ମଚା ରେୟାଃ କାଜିରୁହାଡ଼୍ ହରାତେ ମିଆଦ୍ ହଡ଼ ରାସ୍କାଅଃଆ। ଓଡ଼ୋଃ ଏନ୍ କାଜି ଠାଉକା ଦିପିଲିରେ କାଜିରେ ରାସ୍କା ନାମଃଆ ଓଡ଼ୋଃ ଏନା ବୁଗିନ୍ ତାନାଃ।
ହେ ଆଇଁୟାଃ ହନ୍, ଆମ୍ ହୁରୁମ୍ସୁକୁ ଜମେମେ, ଚିଆଃଚି ଏନା ବୁଗିନ୍ ତାନାଃ ଓଡ଼ୋଃ ହୁରୁମ୍ସୁକୁ ତାଇନ୍ତାନ୍ ଘରାକେ ଜମେମେ ଏନା ଆମାଃ ମଚାକେ ହେଡ଼େମ୍ ବାଇୟାଃ। ଏନାମେନ୍ତେ ସାରିମେ ଜେ ସେଣାଁ ଆମାଃ ଆତ୍ମା ନାଗେନ୍ତେ ଏନ୍ଲେକାଗିୟା, ଏନା ଆମ୍ ନାମେରେ, ଆମାଃ ଆୟାର୍ ଜୀଦାନ୍ ଆସ୍ରା ତାନାଃ ଓଡ଼ୋଃ ଆମାଃ ଆସ୍ରା କା ଟଟାଃନା।
ସେଣାଁ ପୁର୍ଖା ଆପୁକଆଃ ନାମାକାଦ୍ ଆକ୍ତେୟାର୍ ଲେକା ବୁଗିନ୍ କାଜିତାନାଃ । ଆଡଃଗି ସିଙ୍ଗିକେ ନେଲ୍ତାନ୍, ଜୀନିଦ୍ ତାଇନ୍ ହଡ଼କ ନାଗେନ୍ତେ ଏନା ପୁରାଃଗି ଲାଭ୍ ଲେକାନ୍ କାଜିତାନାଃ ।
ଆନ୍ଚୁ ପାବିତାର୍ଗିଆ, ଏନାରେୟାଃ ସବେନ୍ ଆନ୍ଚୁ ପାବିତାର୍ଗିଆ, ଠାଉକାନ୍ଗିୟା ଆଡଃ ବୁଗିନ୍ଗିୟା ।
ନେ ଅତେଦିଶୁମ୍ରେ ଆପେ ନେ ପାରିୟାରେନ୍ ହଡ଼କ ଲେକା ଆଲ୍ପେ ହବାଅଃଆ । ପାର୍ମେଶ୍ୱାର୍ ଆପେୟାଃ ମନ୍କେ ବାଦ୍ଲାଅକେଦ୍ତେ ପୁରାଗି ଆପେୟାଃ ମନ୍ଭିତାର୍ରେୟାଃ ଉଡ଼ୁଃକ ନାୱାଲେକା ହବାଅଃକା । ଏନାରେ, ପାର୍ମେଶ୍ୱାର୍ଆଃ ଇଛାସାନାଙ୍ଗ୍ ଚିନାଃ ତାନାଃ, ଆୟାଃ ଆୟାର୍ରେ ଅକ କାଜିକ ବୁଗିନାଃ ତାନାଃ, ଆଇଃକ୍କେ ସୁକୁଆନ୍ ଆଡଃ ପକ୍ତାଃଅତେୟାଃ ତାନାଃ, ଏନା ଆପେ ଆଟ୍କାର୍ଉରୁମ୍ ଦାଡ଼ିୟାଃପେ ।
ଆପେ ଅକ୍ନାଃକେ ବୁଗିନ୍ ମେନ୍ତେପେ ଆଟ୍କାରେତାନା, ଏନ୍ ହରାତେ ଆପେୟାଃ ନୁତୁମ୍ ଆଲକା ଏତ୍କାନଃକା ।
କାଲିସିୟାରେ ପ୍ରାଭୁକେ ସେୱାଇରାଃ ଇନିତୁ
ଆଇଙ୍ଗ୍ ସିଦାତେ କାଜିଗରଙ୍ଗ୍ ତାନାଇଙ୍ଗ୍, ସେୱାତାନ୍ ଇମ୍ତା ସବେନ୍କ ନାଗେନ୍ତେ ପାର୍ମେଶ୍ୱାର୍ତାଃରେ ବିନ୍ତି, ଏଟାଃକ ନାଙ୍ଗ୍ ବିନ୍ତି, ଆଡଃ ଧାନ୍ୟାବାଦ୍ ଏମେପେ । ନେ’ଲେକାଗି ରାଜାକଆଃ ନାଙ୍ଗ୍ ଆଡଃ ଆକ୍ତେୟାର୍ ନାମାକାଦ୍କ ନାଙ୍ଗ୍ ବିନ୍ତିପେ, ଜେ’ଲେକା ପାର୍ମେଶ୍ୱାର୍କେ ବରଭାକ୍ତିତାନ୍ଲଃ ସାଲ୍ସାନ୍ତ୍ଗିବୁ ତାଇନା ଆଡଃ ଏଟାଃକଲଃ ସୁକୁଜୀଉରେ ଜୀଦାନ୍ବୁ ବିତାଅ ଦାଡ଼ିୟା । ନେ’ଲେକାନ୍ ବିନ୍ତି ଆବୁଆଃ ଜୀଉ ବାଞ୍ଚାଅନିଃ ପାର୍ମେଶ୍ୱାର୍ଆଃ ଆୟାର୍ରେ ବୁଗିନ୍ ଆଡଃ ସୁକୁଆନ୍ଗିୟା ।
ଚିୟାଃଚି ପାର୍ମେଶ୍ୱାର୍ ବାଇୟାକାଦ୍ ସବେନାଃ ବୁଗିନ୍ଗିୟା, ଆଡଃ ପାର୍ମେଶ୍ୱାର୍କେ ଧାନ୍ୟାବାଦ୍ ଏମ୍କେଦ୍ତେ ବିନ୍ତିତାନ୍ଲଃ ତେଲାଏରେଦ ଜେତ୍ନାଃ କା ଗେନାଆତମଃଆ । ଚିୟାଃଚି ପାର୍ମେଶ୍ୱାର୍ଆଃ ବାଚାନ୍ ଆଡଃ ବିନ୍ତି ହରାତେ ଏନା ପାବିତାର୍କାନା ।
ସବେନ୍ ବୁଗିନ୍ ବାର୍ଦାନ୍ ଆଡଃ ସବେନାଃଏତେ ପୁରାଃ ବୁଗିନ୍ ଦାନ୍ ସିର୍ମାରେନ୍ ଆପୁ ପାର୍ମେଶ୍ୱାର୍ତାଃଏତେଗି ହିଜୁଃଆ । ଇନିଃ ସିର୍ମାରେ ମାର୍ସାଲେତାନ୍ ସିଙ୍ଗି, ଚାଣ୍ଡୁଃ, ଇପିଲ୍କକେ ବାବାଇନିଃ ତାନିଃ । ଇନିଃ ଉମ୍ବୁଲ୍ ଲେକା ବାଦ୍ଲାଅଃନିଃ ନାହାଁଲିଃ ।
"ବୁଲୁଙ୍ଗ୍ ବୁଗିନାଃ, ମେନ୍ଦ ଏନା ସାବାଗଃରେଦ, ଏନା ଚିଲ୍କାତେ ଆଡଃମିସା ସିବିଲ୍ରୁହାଡ଼ଃଆ ? ଆପେରେ ଦୁପୁଲାଡ଼୍ରାଃ ବୁଲୁଙ୍ଗ୍ ତାଇନଃକା, ଆଡଃ ଆପେ ମିହୁଡ଼୍ ଆଡଃମିହୁଡ଼୍ଲଃ ସୁକୁରେ ତାଇନ୍ପେ ।"