O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Ga’a ngoi to doto’o ngini nena-ne 'i la-la,
sababu gena-ge na sito-to’u awa.
Matengo i’a 'o sanangi madutu sababu 'o pula’a sa-sangoro,
re rousu masala na’o 'ai demo-demo pasi-pasi enanga ma 'orasa!
'Ari ngowa’a nau’u no oromo madu, sababu gena-ge 'i rousu;
re madu ga’a 'i 'uisi toma enanga ma ngi’i ino basono lai mami.
No balasu waro 'akala soro’unu 'i rousu di’a 'ani 'ahu;
Na’o na sanga gena-ge tantu ḏua 'ani 'ahu toma biono i’a rousu re la
re 'ani ngo-nganono gena-ge 'i iranga ua.
Dadi Musa 'ai hukumu ma 'asala ra Ma Jou’ongu Madutu tala re parenta mo-moini ga’a ri silefo toma hukumu gena-ge, ma 'asala ra Ma Jou’ongu Madutu tala ḏi’i. Dadi mo-moini gena-ge 'i 'adili re la-la.
Ni mete’e ngowa’a manga tabeata rawara ga’a nana’o ua Ma Jou’ongu Madutu. Siḏibo ḏi’i, sieanga i’a Ma Jou’ongu Madutu 'o si’a’a ngini ninga fikirana su-sungi singadolo ninga tabeata 'i dadi su-sungi. Ḏua ngini nga’unu ni waro Ma Jou’ongu Madutu 'ai 'akala ma mau: 'oru 'i la-la, 'i ti-tiai re ḏi’i 'i sisanangi 'Ai 'akala re sinyingara.
Sababu gena-ge, awa ngini ni siḏagi 'oru ḇato ga’a la-la mete’e ngini; mada’a ninga ioronongoḏu ngo-ngaku rimoi 'o kanau, "Gena-ge 'i cira."
Sababu gena-ge, siḏa-siḏa ngoi to babata mode-mode’e ra ngini di’a ngini ni golo’o ra Ma Jou’ongu Madutu, la 'A sitailako ninga paralu matengo re matengo, re ni manyiata di’a ngowa’a lelegu manga paralu, re ni sibere ie murasa ma la ra Ma Jou’ongu Madutu mangale 'oru ga’a Unanga 'a si’a’a ḏua ra ngini matengo re matengo. Ngini ni manyiata ḏi’i di’a ngowa’a mo-moini: di’a 'olana-'olana re ngowa’a la-lamo’o, la ngini ninga 'ahu toma dame re sanangi ma dara re sijumu ninga 'ahu ga’a 'i loasa re banari ra Ma Jou’ongu Madutu, re si’a’a ḏi’i 'ori i’a ma la-la toma ngowa’a mo-moini. Manyiata so’o gena 'i rousu masala re sisanangi Ma Jou’ongu Madutu 'ai 'akala re sinyingara, Unanga ga’a nanga Salamata ma Cimi.
'Ori i’a mo-moini ga’a Ma Jou’ongu Madutu 'a sidadi, gena-ge rousu. Sababu gena-ge, na’o wa dawongo ḏua re sibere ie murasa ma la ra Ma Jou’ongu Madutu, rimoi i’a mai ua enanga 'i haram. Sababu mete’e Ma Jou’ongu Madutu 'ai demo re wo manyiata so’o gena-ge, ngo-ngoromo gena-ge 'i dadi wosono ua.
Bu-bula’a ma la-la bolo ti-tiai mo-moini, gena-ge ma 'asala toma soroga ino 'i 'uci da’u ra Ma Jou’ongu Madutu tala. 'Ori i’a ga’a ta-tarangi toma diwanga gena-ge Ma Jou’ongu Madutu 'ai do-dadi. 'Ori i’a ta-tarangi gena-ge 'i ngali tau-taunu, mada’a Ma Jou’ongu Madutu kama ngali-ngali ua. Unanga gena-ge sou moi nyangu 'o pula’a bu-bula’a ma jira.
G̱asi 'i la-la, mada’a na’o enanga 'i rasa riwara. Sanga ua, 'i dadunu rasa moju? Ngini balasu ni dadi sa’olo g̱asi: ni 'ahu ma’u 'aro’o la matengo re matengo."