Buscar a Deus
Buscar a Deus é o chamado mais urgente da Bíblia. Buscai primeiro o Reino de Deus. Os que buscam de todo coração encontram — porque Ele se deixa encontrar pelos que o procuram.
Buscai ao Senhor
Buscai ao Senhor enquanto se pode achar. Buscai e achareis. O Senhor recompensa os que o buscam com diligência.
Áluaha huméi Aburemei lau gayaraagili lan hadariruni,
háwaha lun luagu yarafagili lan.
Áluaha huméi Aburemei lau gayaraagili lan hadariruni,
háwaha lun luagu yarafagili lan.
Hadurun mabuchahatiña
Lariñahare Bungiu:
«Ha buga mamuriahangiñabaña ni kata numa,
hagía ñǘbuinbaña numoun;
ha buga máluahanbalina, hagía adarirubalina,
houn gürigia ha máluahanbalina nariñaga: "Anahán ya".
Ruti erei lun le buchaalibei uagu,
ru ligía lanwoun lere le uánimabei.
Gayaraati labuchadun hawagu nibureintiña,
íbini ha héretimabaña ábürühatiña,
gama lumoun ha hemenigibaña luagu Aburemei,
súnwandan hibihuba lan iseri erei,
gayaraabei háhamahan kei ágila;
gayaraabei héibaagun gama lumoun mabuchabei hawagu,
gayaraabei héibugun ani gaguraasunmémebaña.
Ñübuin humá lumoun Aburemei,
áluaha huméi lubafu;
ñübuin humá lumoun Aburemei súnwandan.
Ñübuin humá lumoun Aburemei,
áluaha huméi lubafu;
ñübuin humá lumoun Aburemei súnwandan.
Buguyati Salomón, niráü. Subudibéi Bungiu le Habungiute bagübürigu, seriwibéi tau sun banigi luma lau ugundani, lugundun ariha lumuti Bungiu sun aritaguni, subudi lumuti sun le lídanbei wasaminan. Anhein lubeiti báluaha Bungiu, badarirubei; gama lumoun ánhabu adireira luéi, lígirubadibu lun súnwandan.
ánhaña ǘnabudaguagüda numutuniña houngua, lun hafurieidun nun, lun háluahanina, lun hígiruni luriban hóuserun, naganbubaña siélugiñe, feruduna nubéi hafigoun, ábame náguyugüdüni awanseruni lun hageira.
aba láfuridun lubaroun Asá lun lariñagun lun:
—Aganbabána buguya Asá hama sun lílana Hudá luma Benhamín! Húmañein Wabungiute anhein lúmañadün lubéi. Anhein háluaha hadarirubei; gama lumoun anhein hígira, lígirubadün giñe.
Larufudahan Asá libügürü relihión
Aba lebelurun lani Wabungiute Sífiri lidoun Asaríasi le liráü Owedi, aba láfuridun lubaroun Asá lun lariñagun lun:
—Aganbabána buguya Asá hama sun lílana Hudá luma Benhamín! Húmañein Wabungiute anhein lúmañadün lubéi. Anhein háluaha hadarirubei; gama lumoun anhein hígira, lígirubadün giñe. Lǘhaña Ísüraelina úouga Wabungiute le tímatimaati hama, mafadiriniga, lun larufudahaba lan houn. Gama lumoun dan le háluahani Lubungiute Ísüraeli lidan lénrengunga houn, arufudaguati lungua houn. Lidan burí meha dan ligía úati meha darangilaü ni ka un, luéidigia saragu nidiheri houn lílana fulasu. Heredera meha néchanigu luma uburugu ageindagua hámagua áfaragua houngua, ladüga ládahani Wabungiute hadoun ítara lau sun luwuyeri lamiselu. Gama lumoun huguya ganigi humá, mábürühala harüna, lugundun gafayeiruahabei huádigimari.
Dan laganbunbalin Asá luganute profeta le, aba lárügüdün anigi, aba lagumuchun hau sun guáriua iyereehabútiña ha lumúanrugubaña Hudá luma Benhamín hama ha lídanbaña líbiri burí uburugu le lagañeirubei láraabuterugu Éfürain, aba laranseruni latarü le tigibugiñebei rumu lánina ebelaagülei tidoun litenpulun Wabungiute. Lárigiñe aba lóundaruniña sun Hudaana hama lánigu Benhamín hama terencha ha hámabaña ha lílana Éfürain, Manasési luma Simeón, kei gíbeeña lubéi buga lánigu Ísüraeli ásügürütiña lumoun Asá lau harihini luagu ñeinñein lan Wabungiute le Lubungiute luma.
Aba hóundaragun Herusalén lidan lǘrüwan hati lidan irumu keinsi le lánina larúeihan Asá, aba hadagaragüdün lun Wabungiute lidan weyu ligía: Sedü-san bágasu hama sedü-milu mudún, hádangiñe ha hanügübaña hawéi háganiñu. Lárigiñe aba hadügün aban daradu luagu háluahabei lan Wabureme le habungiute hagüchagu tau sun hanigi. Aba füramase hamá luagu furumiñeguarügü lan le máhati láluahani Wabureme le Lubungiute Ísüraeli, wéiyaali, ñǘraügili, wügüri o würi, lasiadirúba lan lun lounwen. Adüga hamuti fiñún ligibugiñe Wabungiute lau umalali reinti agúaraheina lau ugundani íñaaheina fidu luma liganchun bágasu. Aba hagundaarun sun Hudaana lau fiñún le hadügübei, lugundun tau sun hanigi háfiñura, ani lau sun hanarün háluahei Wabureme, aba ladariraguagüdün lungua houn, ru ligía darangilaü houn hama sun habesinanigu.
Gidá lumuti giñe urúei Asá ubaraü keisi urúei úguchuru tuéi Maaká to lagütü ladüga bugaha tadügagüdün aba liyawa Asera. Aba lagünrinchagunu Asá iyawaü tuguya; aba lamurudaguagüdünu aba lágudunu lidan liraüraü duna le lani Sedurón. Lau sun magidarún tan burí hatenpulun gibe tubungiutegu Ísüraeligiñe, úaraguamemeti bugaha ligaburi Asá, ru lumuti sun golu luma pülata litenpulunrugun Wabungiute le lanúadirubei dandu ligía kei lúguchi lun Wabureme. Úati wuribu darí irumu darandi-seingü lidan larúeihan Asá.
De todo o coração
Buscar-me-eis e me achareis quando me buscardes de todo o coração. O Senhor é bom para os que o buscam.
Háluahabadina ani hadarirubadina ladüga háluahabadina tau sun hanigi.
Háluahabadina ani hadarirubadina ladüga háluahabadina tau sun hanigi.
—Anhein gewenedü aban profeta aban uénedü, ariñagalá luagu aban lan uénedü, gama lumoun anhein leresibira nererun, adimurehalei keisi lubudubu! Siñati warufuduni ifei kei türigu. Ítara liña nererun kei watu gemeti, kei aban marüdiyu le añügürihati dübü. Au, le Aburemei ariñagubalin.
Gama lumoun anhaün agúara luagu Aburemei le Hubungiute ñein tau sun hanigi luma tau sun huani, hadarirubei.
Fuleseiwatiña ha etenirubaña lun lugumadin
áluaha haméi tau sun hanigi;
Fuleseiwatiña ha etenirubaña lun lugumadin
áluaha haméi tau sun hanigi;
Áluaha numutibu tau sun nanigi,
mígiraba lun nadireirun luéi bugumadin.
Ñaraguniña lidan láguirana igarigu;
íderaguabana deregüdagu náamuga,
kei füramase bani!
Ítara luba gayara lan nabagaridun séfuñu,
ladüga falá naali bugumadin.
Ñübuin humá lun Aburemei,
áluaha huméi lubafu;
áluaha huméi súnwandan.
Ñübuin humá lun Aburemei,
áluaha huméi lubafu;
áluaha huméi súnwandan.
Tariñahare nanigi nun:
«Áluahabei liñúarü Aburemei»
náluahañadibu lubeiti Nabureme.
Bungiu tugundanbei uani
Nabureme, buguya Nubungiutebei,
wéiriti lanarime náluahanibu.
Mágürabutu nuani bun,
sun núgubu megei lumutibu,
ítara kei lemegeiruni múa mábeiti duna.
Buscar e encontrar
Pedi e dar-se-vos-á. O Senhor está perto de todos os que o invocam em verdade. Quem o busca não ficará insatisfeito.
Aganba lumuti Bungiu wamuriahan luma
«Hamuriaha, ábame lichugún hun; háluaha, ábame hadarirun, daün humá luagu bena, ábame ladaarúniwa hubá.
Nariñahare lubeiti hun: Hamuriaha, ábame líchugun Bungiu hun; háluaha, ábame hadarirun; hadaünha luagu bena, ábame ladaarúniwa hun. Ladüga sun le amuriahati, ibihati; le áluahati, dariti; le adaünhati luagu bena, darawati lubá.
Nariñahare lubeiti hun: Hamuriaha, ábame líchugun Bungiu hun; háluaha, ábame hadarirun; hadaünha luagu bena, ábame ladaarúniwa hun.
Áluaha huméi lubeiti larúeihan Bungiu furumiñe, ábame líchuguni sun le hemegeirubei hun.
Ligía niábinbei ubouagun, au le Wügüri Garaüwarügüti, lun náluahaniña luma lun nasalbaruniña ha yebe féridihañabaña.
Aburemei,
ha subudihabúbaña bun, hemenigitiña buagu,
ladüga mágurun bumutiña ha áluahabalibu.
Aburemei,
ha subudihabúbaña bun, hemenigitiña buagu,
ladüga mágurun bumutiña ha áluahabalibu.
Agúahatina lun Nabureme,
aba lóunabunina gidaléi sun anufudei nuéi.
Rédeitiña ha rísibaña gudemeñu,
áfaga hagía ilamaü,
ánhaña ha áluahabalin Aburemei,
memegeirúnbaña ni kata.
Gundaabá le tímatimaati lidan Aburemei,
ábame lagunfuliruni tayumahan banigi.
Ariha lumutiña Aburemei gürigia siélugiñe
lun larihin anhein anihein lubéi aban hádangiñe
le gunfurandati hadan lun láluahani Bungiu.
Subudi lumuti Bungiu sun katei
Nabureme, ariha báadina buidu
ani subudi bumutina;
subudi bumuti sun namufurun;
íbini dísegiñe,
gefentibu luagu le nasaminarubei.
Aburemei le Lubungiute gürigia ligía,
labinirubei, ru ligíame irichaü lun.
Lunti ítara hamá ha áluahabalin Aburemei,
ha áluahabaña lun liñúarü hamá Lubungiute Hakobu.
Força na busca
Buscai o bem e não o mal. Sede fortalecidos no Senhor. A busca por Deus traz renovação e plenitude de vida.
Ítara liña lariñagun Wabureme houn Ísüraelina:
«Ñübuin humá numoun, gabagari humaamuga.
Ítara liña lariñagun Wabureme houn Ísüraelina:
«Ñübuin humá numoun, gabagari humaamuga.
Áluaha huméi buiti, mama wuribati,
ábame gabagari humá;
ítara luba inarüni lan le hariñagubei:
Luagu anihein lan Wabureme Suntigabafu huma.
Amuriahatina luma Bungiu lun líchugun erei luma ubafu hun según lueirin ubafu le lúmabei, lun hidin hubaruaguóun lau Sífiri Sandu le hídanbei.
Hadaüragun lisudaranigu Bungiu
Guentoti niduheñu, here humá lídanñu aban luma Wabureme, lau lubafu le mébehabei.
Amuriahatiwa luma lun líchugun erei hun lau lueirin lubafu lun gayara lan hawanduni sun katei lau saragu gurasu luma ugundani;
Ladüga míchugunti Bungiu aban Sífiri lánina anufudei woun, aban Sífiri lánina ubafu, ínsiñeni, luma ragüguaü unguaü líchugubei woun.
Ani siñati lagundaarun Bungiu wau anhein mafiñen wabéi luagu, lugundun lun wayarafadun lun, gasu wafiñerun luagu anihein lan ani líchuguba lan hafayeiruáha ha áluahabalin.
Ani siñati lagundaarun Bungiu wau anhein mafiñen wabéi luagu, lugundun lun wayarafadun lun, gasu wafiñerun luagu anihein lan ani líchuguba lan hafayeiruáha ha áluahabalin.
Gama lumoun danme le liabin Sífiri Sandu huagun, hibihuba ubafu lun gefén humá nuagu, dandu Herusalén kei sun lóubawagu Hudéa, Samaria, chülǘ lumoun lidise-agei fulasu ubouagu.
Fáyeilei Wabungiute bun! Rula Wabureme, le Lubungiute Ísüraeli, le úmabei báluaha ídemuei bafayeiruaha luagu sun le badügübei!
Ábati liabin lani Wabureme Sífiri luagun Sansón, aba lapiisihani Sansón liñún ligía lau lúhabu kamá hamuga aban liraüraü gábara; gama lumoun mabahüdagun lumuti houn lagübürigu.
Ábati lafurieidun Sansón lun Wabureme, lariñaga lun:
—Nabureme, ayumuraguatina bun lun baritagun nuagun ábanraüya wéiyaasu, lun bíchugun erei nun lun nafayeiragüdüniña Filistéana luagu hasagaruni nagu.
Buítimati lemenigidun luagu Aburemei
sügǘ lau lemenigidúniwa luagu gürigia.
Buítimati lemenigidúniwa luagu Aburemei
sügǘ lau lemenigidúniwa hawagu gürigia wéirigutiña.
Hagamaridun gürigia,
kéigubeirügü hadariruni lubuidun-agei katei;
arufuda lumuti lira luagu buidu lan Bungiu hama gürigia.
Ítarameme luba libimen basandiruni lichú aau luma subudi;
anhein badarira, buídubei lidin bun,
ani meferidirunbei bemenigin.