A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
Awase ni bagye ipu kikpiye kozalabi ni yotu wa soza ni ikpiye oni ya doka ni; awase ni ke bagye ipu ko Omaku ni yotu wa soza ni Omaku ya doka ni.
Otu kino ozalabi wikwu, otu ni ke ya do Omaku oye ni wolayi kpomene. Otu kozalabi womonyekwotu ko Owuso. Oya geyagye dono ko Owuso lo, oke ya gege ya geyagye danu lo. Awino geyagye dikpiye kozalabi wa ba gege ko sho Owuso otu lo.
Ala ke bagye ipu kikpiye kozalabi lalo, ipu ko Omaku la, owoni Omaku ko Owuso yipu kala. Kweyi ase ni gbo Omaku ko Okristi lo, owa ko Okristi lalo.
Mani oni, awase ni bipu ko dudu kpo Okristi Oyesu aba kwuwepwo lo, koni bwebe ko Oyesu Okristi ono ko Omaku kolayi yun ngma shono kozalabi kpikwu. Ozani ono gboshu ko ya lo ikweyi koni ikpiye kozalabi yoshu bize ni, Owuso yi ya. Oto Oyi nu oleho wa kpikpiye bya kasuse ni ya yozalabi ni, kowa yozalabi bize. Owuso ya mani shini oza neshi ni ono ya doka ni na gya ipu ka aha, ni bagye ipu ko Omaku ni, wipu kikpiye kozalabi lalo.
Owoni ala ba yoza ni ikpiye kozalabi ya yimu ni, ala ba gekwu; owoni ala ke yoko bibi kikpiye ngmo bwebe ko Omaku, ala ba gbolayi. Ikweyi koni awase ni Omaku ko Owuso ya kpuwogwu ni wayi ko Owuso la.
Oni ngye kamo ono mani ya yoko: ishini nyya yimu ko yoza neshi, ozalabi kin pini otu hin ya ze ko yoya la. Koni nyya shotunehe kpo ono ko Owuso bwipu kotu hin. Nke mono oye gogo ya yoko ikpiye hin, ono ni ya nonu kpono notu hin ze ni; Oyun wase ni ayishetu do ono kozalabi niya yoko ikpiye ni.
Owoni imu kikpiye kpala ogwu, Imu ko yozalabi ya yoko ipu kikpiye ka, kweyi gwejeji koza yoya wikwu la
Omoma kikpiye wikpiye la, omoma ko Omaku ke wo Omaku la.
Oza ni ya dase olayi ni wo Omaku, ikpiye gboshu oyoye lo. Ela ni nka dala mani nwonwu kpo Omaku kpo olayi.
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
Nyya kamo ala sho Omaku bita na kpala ogwu, owoni ala ya mani ala ba gbimu kikpiye lo.
Oko kikpiye ya teba lo: ebaboba, obwa, ozayoya shushuku, geyagye deka, oloha rore, onu, afu yoya, otu yoya, yimu kiyo, awashu tota, ikpo koko kpa anya yoya; inyi gwogwa, igiga kowu yoya, kpa ashini koza mani. Nyya pyala akpaha byoni nkwobonu pyala akpaha ni: awino yawoza mani ba rogwu ko obula ko Owuso lo.
Awase ni wa ko Okristi Oyesu ni kwobonu yikpiye wa kozalabi yi ngmo oshi kpoza kpiri ni ikpiye ya yimu ni.
Ala ke, ayene hin, Owuso yala ogwu shini ala ka wo oshe lo. Ala ka yabo bo shini na woza ko yala yo ozalabi lo, ala ke yoko diyikala ipu kimu.
Ase ni toza ipu kikpiye, bwebe kikpiye oya kyikwu, aseni ke toza ipu ko Omaku, bwebe ko Omaku oya kyo olayi ko gbogbo-gbogbo.
Ojoji ni wa kese, ozalabi ni ase ba yimu ni, wo oza ni ase ma kweyi ba showu, kpo ojoji kese ni ase ba gwabotu kpa anu ni, oyoye wa bwebe ka Ada lo; kpiri wa kese mani la.
Ipu ko Okristi ala le byawase ni ashuwofu ni, wa kasuse la lo, ke wo ni Okristi yaya ni la, shini ana ngmala shoko kikpiye kozalabi,
Ala gbeho kpi inarigwu, shini ala ka gbo ipu ko omama lo. Ko kwokwoshi omaku ya yimu, ikpiye ke sha!>>
Ayene hin, oza ni nyya ka dala ni yoma, oza ni aya ikpiye kpoyi ba rogwu ko Obula ko Owuso lo, kweyi oza ni wa ko gekwu ni, owoni ogekwu lalo oya rogwu ko Obula ko Owuso lo.