A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
amboh ata nza ma a bu na agohsoh ika ata kyangwri mboh reh, maka a gu kohnoh amoh a fi a na na kohnoh ata itoh. amboh ata nza ma a bu na kohnoh ata huru reh, maka a gu agohsoh amoh a fi a na na andromboh ata Huru nza a kira reh. amboh ata nza ma a keh kira na kohnoh ata ikpi amoh reh, ma a nati kwo, kyangwri amboh ata neh nza ma a kohnoh ma ikpi Huru zanana ata Nnoh nza a kira reh ma a nati a bu na fene na Nnoh. Ma a nati a bu na tuma alindeh nimeh amoh. Kyangwri ma a nati a fi Nnoh ma tohmoh, nza ma a bu na kohnoh ata ikpi amoh reh; ma a sohroh a tufa akpi Nnoh reh kpeh, tasa ma a zizi ma a nati a wina tufa akpi Nnoh reh kpeh. Kyangwri amboh ata nza ma nga kira na kohnoh ata itoh reh, ma a nati a wina lisa andromboh la Nnoh ta a nza nana amoh kpeh.
mohnoh neh ni sohroh tuma noh na biroh itoh kyangwri kpeh, ni bu noh amboh tuma Huru ata Nnoh mi, nza la Huru Nnoh a buti tuma ma agohsoh amohnoh reh. Akyo ata nza a bu na Huru Kristi kpeh, a sohroh bu Kristi a ŋoh kpeh.
Nehnehreh Lofona a yama kpeh na amboh ata nza ma a bu nimeh Kristi Yeso reh. Nza ni bu nna Yeso Kristi reh, Huru Nnoh reh a nati a nga noh fene afeh, Huru zanana reh a nati a de fene anzoh tasa za ta a sa noh a hwana. Kpakpana tasa kwo a nati a bu na wuwana ma ikpi anzoh za kpeh. Andromboh ata akpi nza a wina lisa kpeh reh, tsifa la kyangwri tana a bu na wuwana kpeh, Nnoh tana a lisa. A nasa kpakpana kyangwri ma aki tohmoh Amehreh a ŋoh, ata nza a ba tswanza kyangwri kpakpana ta a ba ba a hwara kpakpana ambohroh mboh. Nnoh a lisa dehreh tsifa la ndohmoh alindeh mboh reh tasa tsana ata nza ma a bleh la mata a lisa reh ta a su na ambohroh, Mbohroh nza meh bu na kohnoh ika ata kyangwri mboh reh kpeh, a bu kohnoh ata huru ma.
Nza la ni tuma noh na mgba itoh kyangwri, ni nati kwo nnoh; nza neh ka a bu na mgba Huru ni kǝ yi kpakpana anzoh mboh nza ni kǝ lisa reh ta, ni nati bu na fene. amboh ata Huru Nnoh nza a wa mboh a tsana aki reh, ma a bu mara Nnoh mboh.
Neh meh kǝ nza la, akpi a bu ti te ndohmoh; nza meh kira la meh ti lisa andromboh ata nza a zohhoh reh, neh meh kǝ nza la agugu reh ata meh kpeh. Nza a bu nimeh agohsoh amya, meh kira na akpi Nnoh reh. Mya neh meh gyuru nza akpi afeh anyi atsi te ndohmoh nimeh itoh amya, akpi wohroh reh a leh a mla na na akpi ata mya nza ni kira reh. A lafa meh tswanza ahwra ata kpakpana ata nza a leh a te ndohmoh nimeh itoh amya reh.
Nza meh hende na mgba agohsoh kyangwri, akpi tana a de kohnoh abibi mboh a ba reh ma agohsoh ambohroh mboh. Tsifa wohroh, itoh ambohroh reh ka a nati a de reh a te meh ti kpakpana gaga. Ma trina ŋoh ka a nati bu kwo.
Andromboh ata kyangwri nza a mara reh a bu kyangwri, ata huru nza a mara neh ka a bu huru a ŋoh.
A bu huru ka a de fene a ba. Itoh a bu na wuwana ata lisa andromboh kpeh. Tsifa mboh ata mya nza ni leh bleh noh reh ma anyi na huru, tasa za ma a nati a nga noh fene.
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
Andromboh ata mya nza ni bleh reh a bu la, tuma noh tswanza huru Nnoh nza a tsana noh reh, nza ni lisa noh dehreh, ni nati sohroh tufa nnoh akeki kpakpana reh kpeh.
Kira ata awumu ika ata itoh nza a ka a kira reh a bu inziyo ma: Tsifa leh ahohndoh, inyo tasa kira nza nana ata nza a ka a te na isa kpeh. Tasa tufa nnoh ata wusu, tasa amboh shifa, tasa leke itoh amoh, tasa mlana, tasa vene, tasa gofo, tasa kira ikpi, tasa gafana, tasa wuwa ikpi, tasa vene tasa te ifiya, tasa mgbiri kpakpana mboh dehreh za. Meh kpi nnoh ashotoh tswanza meh ti kǝ ikpi nnoh na ikpikpi reh la, amboh lisa ika wohroh ma a nati a sohroh a hunji gohmoh ma akpo afya Nnoh kpeh.
amboh ata nza ma a bu Yeso kristi a ŋoh maka a tufa kohnoh ikata abibi nza a kira reh za kpeh, meh za lisa awumu abibi ata agohsoh ambohroh nza a kira reh za kpeh. Mbohroh meh kǝ mla biroh kohnoh wohroh kwo ma gbohrohgboh.
Tama a fi noh mohnoh atsi mboh la ti nvara nnoh; Kama gu nnoh tuma ikpi amohnoh reh ta a bu noh aki lisa awumu abibi ata inziyo kpeh, kǝ kira nnoh na itoh amohnoh ti kǝ te noh ndohmoh ma itoh amohnoh.
Akyo ata nza a biya nimeh inzi ata kira itoh, a nati a fira kwo ma ikpi a ŋoh; nza ni biya nnoh nimeh huru Nnoh, anyi nimeh huru Nnoh reh ni nati fira nnoh fene ata tuma atono ma inza.
Awumu mboh nza ma a bu ma inziyo reh nambri, tswanza mira iyo na awumu ata itoh nza a kira, tasa te iyo, tasa va ivoh ma agohsoh na awumu inziyo reh. Awumu amboh areh ma a sohroh anyi na Ada kpeh, ma anyi inziyo mi.
Nimeh dohsoh ikpi na Kristi reh tama shimba nnoh kpa, bu biroh shimba kpa ikata kyangwri reh kpeh, neh ka a bu nashi mba kpa ikata Kristi nza a lisa nnoh reh, ta a tsana la ni bu noh Nnoh a ŋoh mi, ma a sa noh a hwana anyi na wuwana kpakpana ata itoh ata areh.
<<Were nnoh iyo, ti kwere nnoh Nnoh la akyo ta kama a tsara nnoh kpeh. Huru reh a kira dehreh neh, itoh a bu luhutu ma.>>
ambohroh amboh nga agohsoh mboh, meh kira ti wina noh la Mbohroh meh nati sohroh wina nna inza, atsi ata Nnoh nza a bu Agohmoh ma ikpi awumu nambri na itoh ambohroh ata inziyo areh kpeh, la itoh ambohroh a nati a sohroh a tuma atono kpeh. A nati a kwo ta a hwina.