A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
Meets shunon beyiruwotsi meets keewo, Shayiri shunok’on beyiruwotsmó Shayiri keewe bogawiri. Meets keewu gawo k’ire b́ doweti, Shayiri gawirúwok’on wotoonmó kashonat jeenone b́imeeti. Meets keew gawo Ik’oke shit’eek b́wottstse Ik’i nemosh bíalerawotse, kewewono maawre, Meets keewosh kéweyirwots Ik’o geneúsho falatsne.
Itmó Ik' S’ayn shayiro ititse beyiruwe wotiyal Shayiri shúnona bako meets shunon beeratste, Krstos Shayiro deshaw ashonúwere Krstos jiraliye.
S’ayn shayiron jisheyar beewo
Mansh Iyesus Krstosn beeyruwots and boats angshetuwo deshatsno. Iyesus Krstosn datsetuwo kash imetu S’ayn shayri nemo, morronat k’ir dowet nemotse nas’o taan kishre. Ash doyo maawk b́ wottsatse tuutson nemo s’eentsosh b́ falawo Ik’o k’alre, b́took na’onowere morrets meets aron morri jangosh woshat b́ meetson morro angshon ok b́ bazi. Man b́k’aluwere meets shunon b́ woterawo no’atsitsi Shayiri shuntsok’on ananiruwotsats noats nemi tzaziy ariko bí b́s’eentsitwok’owe.
Meets shunok’on it beyal k’iritute, ernmó S’ayn Shayiri angon it meets fino it úd’iyal kashon beetute. Ik' Shayiron jisheyru jamwots Ik' nanaúwotsiye.
Eshe nemo finats b́jine bek’etuwe, sheeng keewo tgeefere gond keewo tik’altwok’o taan b́woshiri Tgitsi atson Ik’i nemon geneúwituwe. Wotowa eree nibots nemonton k’efefetst ti’atsotsi kayuwotsitse finiru morri nemosh tipetso taan woshiru k’osho azeewon taan jeep’iruwo ti atsi kayuwotsitse b́ beyok’o bek’iruwe.
Meets shunon ananat noteshor nemon tuwiru morri tewuno k’irosh shuwo noshuwish noatsi kayutsitse finefe b́teshi.
Meetsatse shuwetso meetse, Shayiron shuwetsonmo Shayire.
Kasho imetwo Ik’i shayire, ash angonmó egoshoru woteratse, taa itsh t aap’tso shayire, manwere kashe,
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
Shayironat meets beewo
Eshe haniyak shayiron jisheyar it betka wotiyal, meets tewno s’eentsk’ayere.
Meetsi finwots daneknee, boowere wido, kiimwoto, shiraats jintsi woto, Woteraw ik’wotsi ik’iyo, atetsi woto, balangar woto, mooshewo, fayo, okooro, b́took shuno, k’aleyo, weeri gondo, ash een shit’o, másho, weral t’oola, hanotsi artswotsiye, haniyere shin itatso korde’ere tiettsok’on andoor aaniyi it atso korde’ere etirwe, hanotsk’o wotts keewwotsi finit ashuwots Ik’i mengtstu naaratsne.
Krstos Iyesusk wotts ashuwots meetso b́gusiyontonat b́tewnonton mesk’eliyats jitk’rerne.
Tí eshwotso! it nas’o keshtswotsi it wotish s’egerte, ernmó iko k’oshosh shunon finowa bako nas’o it keshaan meets tewno s’eentsosh wotk’aye.
B́ meetso gene’úshosh shookirwo b́meetsatse k’iro k’es’etwe, shayiro geneúshosh shooketwo shayiratse dúre dúri kasho k’es’etwe.
Datsuatse beyru jamo meets tewuno, ááw mirac’o, b́ beewon it’o datsatsika bako Ik’o nihokikaliye.
Bín it amantsosh gofo amrte, it gof amanwere morrets it meets doyo baziyosh Krstosn fiineka bako ash kishon fiinekaliye.
Fadewots it kindrawok’o kup’de’er Ik’o k’onwere, shayiro arikon k’andek’kee, meetsonmó maawke.»
Eshuwotso! itsh tkeewirwo haniye, meetsonat s’atson Ik’i mengsto naaratse, mank’owere k’irr t’afit atso t’afrawu kashets atso naaratse.