A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
Tɔɔzei niiti ti ziɛzu ga ti-ɓusɛi yiimai, naati ta ɗa ɠaaɓa kpusɛi yiimaiti nɔ ma, kɛlɛ niiti ti ziɛzu ga Zɛnvu Ɲadegai yiimai, naati ta ɗa ɠaaɓa naa nɔ ma, nii Zɛnvui bosu ti ma. Ni ɗa ɠaaɓaana è-ɓusɛi yiimaiti nɔ ma, naa ɠaaɠaaɓela ga saai, kɛlɛ ni ɗa ɠaaɓaana Zɛnvu Ɲadegai yiimai ma, naa ɠa é ga zɛnvui ta ziilɛigi. Mazɔlɔɔ kpusɛi yiimaiti ta GALA daalɔɠɔma, tɔɔzei kpusɛi la ɠoloa GALA ná-tɔgi ʋɛ, é la vɔlɔ ziaa naa wu pɛ. Tama niiti ti ɠiliai ti-ɓusɛi yiimaiti ba, naati ti la zooga ti ʋa GALA ɛnɛkɛ.
Kɛlɛ wɔun, wo la mɔ eteai ziɛzu ga wo-ɓusɛi yiimaiti, wa niina eteai ziɛzu ga Zɛnvu Ɲadegai yiimai, tɔɔzei GALA Zɛnvui ɠa zeini wo-yiimaʋɛ. Zɔi nɔpɛ Kilista ná-zɛnvui la zea, naa la ga tɔun nɔnɔ.
Deɠɛmu niizu, peelala vaa nɔpɛ ge la mɔ naati ba, niiti ti ɠiliai Yesu Kilista ʋa. Mazɔlɔɔ Zɛnvu Ɲadegai ná-tɔgi, nii é zɛnvui veezu nui ya, a ɠili Yesu Kilista ʋa, naa è viega, é è ɠula kotoi ta saai ta-lɔgi ya. Mazɔlɔɔ nii Moize ná-tɔgi la ɓena zoo é ʋa kɛ, tɔɔzei kpusɛi kɛɛni ga zɛbɛsulala ani, GALA ge naa ɠɛɛni. GALA ge kotoi ʋeelalani kpusɛi zu, ná-Doun Zunui leʋe fai zu, é ɠula ga kotoba ɓusɛi ɠɛʋelei, é kotoi zeɠe ná. GALA ge naa ɠɛɛni ga tɔgi ma lelebodai laazeeli ade ʋɛ, dɛiti de la mɔ ziɛzu ga kpusɛi yiimai, kɛlɛ kɛni Zɛnvu Ɲadegai yiimai.
Ni wa eteai ziɛna kpusɛi yiimai zu, wa za. Kɛlɛ ni wa wo-ɓusɛi ná-kɛɛwotiiti paana, Zɛnvu Ɲadegai zɛbɛi zu, wa zɛnvui wo. Mazɔlɔɔ zɔiti kpein GALA Zɛnvui losu ti luɠɔ, naati ta ga GALA dointi.
Nà kaazu naazu ga toɠa mà eɠɛ tɔ ga siɛgi zu gè pɔ ga gè faa ʋagɔi ɠɛ la, faa ɲɔi ɠa ɠatasu nɔ̀un ba. Mazɔlɔɔ GALA ná-tɔgi nɛɛʋɛ bɛ̀ zìimaʋɛ, kɛlɛ nà tɔgi taɠili kaazu ɓusɛi ʋaalobazuʋɛti, nii é nà-kisiɛi ná-tɔgi zakpesu. Naa ɠa kɛ̀ɛzu ga kotoi ná-duɔi, é kpùsɛi ʋaalobazuʋɛti.
Mazɔlɔɔ siɛgi zu de ɠɛni zɛnvui wosu la ga kpusɛi yiimai, kotoi ɠɛɛ wɔin nii tɔgi ɠɛni de liizu ma, naa ɠɛni botii ɠɛɛzu de-ɓusɛi ʋaalobazuʋɛ pɛ su, ma ɠulanumai ɠɛ ga é de lɔ saai zu.
Zɔi sɔlɔɔgai ga kpusɛi maaʋele, naa ɠa ga kpusɛi. Zɔi ma é zɔlɔɔsu ga Zɛnvu Ɲadegai maaʋele, naa ɠa ga zɛnvui.
GALA ná-zɛnvui ɠa é zɛnvui veezu, tosu la kpusɛi ʋa. Wooi niiti gè ti wogai wo ma, ta zɔlɔɔsu Zɛnvu Ɲadegai ya, tama ta zɛnvui veezu.
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
Wɛlɛ deɠɛmu, nii gè bosu wo ma: À va bu, GALA Zɛnvui lo wo luɠɔ wa-eteai zu, wo la ziaa ga kpusɛi yiimaiti naazu.
Tama kpusɛi ɠɛɛwotiiti kulaʋɛ kɛlɛma, tiya ɠa ti ga niiti: koloɠologi, kɔzɔba vai, ɓaaɠulama vai, kɔɔɠɔ gani kɔɔ vai, zoɠo vai, maayobalabɛ vai, kpɔɛ vai, tolo ɲɔi, ziiɠulagi, maaɠɔɔ fai, zeeɠaaɠwɛɛ vai, balima vaiti, gaazuɠulapɔi, dɔɔzodai, ziimaɠɛɛ lateʋegai, ta naa ɠɛɠala vaiti. Nà wo lɛnɛsu niina, eɠɛʋelei gè boni la wo ma, zɔiti ti naama vaiti kɛɛzu, ti la GALA ná-masadai zɔlɔɔga.
Zɔiti ti ga Yesu Kilista nɔnɔiti, naati ti ti-ɓusɛi ɓadɔa saa wului ma, naa ʋɛɛ ná-ɓɔɠɔyiimai ta ziima vai ʋa.
Wɔun, kɛ̀ɛleaiti, GALA ge wo loligɛ ga wo ɠɛ ga wɔɔlɔiti. Kɛlɛ à mina wɔɔlɔyai naa ɠɛ ga zaɓui, wa ɠɛ eteai ziɛzu la ga kpusɛi yiimaiti. Kɛlɛ à ɓɔɠɔ ɠɛ ga botiɠɛ nui ɛsɛ pɛ bɛ ga nɛɛbɛi maaʋele.
Zɔi é fazai wosu ga kpusɛi yiimai, kpusɛi ná-fai ma lɔnɔgi ɠa ve zea ga saai. Kɛlɛ zɔi é fazai wosu ga Zɛnvu Ɲadegai yiimai, Zɛnvu Ɲadegai ná-fai ma lɔnɔgi ɠa ve zea ga ɠɔoɠɔ zɛnvui.
Mazɔlɔɔ nii dɔin é eteai zu, naa ɠa é ga, ɓɔɠɔyiimaɠɛɛ wɔin, nu ɠaazuʋɛ ná-gaazuɠulapɔi, ta eteai ziɛ vai ma wasogi, naa ta la ʋaani é ʋa zeɠe Ɠɛɛɠɛ ʋɔ, kɛlɛ ta zeɠezu eteai nɔ zu.
Wa-ɠilibalai zu wa Kilista, wo latigɛ pɛlɛʋolu. Tatipɛlɛʋolui naa la ga nii nuiti ti kɛai ga yeei, kɛlɛ toɠa ga tatipɛlɛʋolui nii é zeɠezu Kilista ʋɔ bɛ, é nu unmɔɔsu, é kula kotoba ɓusɛi ná-zɛbɛi ya.
À ɠaazuɓa, wo GALA fali, wo mina ʋa loozu tɛgai zu. Nui yɛnvui laavegɛ ga kisiɛ ʋagɔiti, kɛlɛ zɛbɛ la kpusɛi ʋa.»
Kɛ̀ɛleaiti, à wɛlɛ nii gè pɔ gè bo, toɠa ga: Nii kpɛtɛai ga kpusɛi ta ɲamai, naa la zooga é ʋa nɔnɔ zɔlɔɔ GALA ná-masadai zu. Zɔi ma é ga duula gelei, naa la zooga é ʋa duulalala gelei zɔlɔɔ.