5 Taksa lamma kasi mi ngaikha’n taksa imanuon lamma inring, halli Ratha lamma kasi mi ngaikha’n Ratha imanuom lamma inring. 6 Halli taksa sik-ah kangaidon mi khachu thina eii, takkha Ratha lamtiang kangaidon mi khachu ringna khat-um kadai kha eii. 7 Khawajarra taksa lungdouwa kasi mikha Pathian inhalna eii. Ajarchu inmani’n Pathian Dan kha juimua eii halli inmani’n inthiangnga jui-um juimatornunu. 8 Halli taksa lamma kaom mi ngai’n Pathian kha mintai matornunu.

9 Khale inruoiya nangni’n thaksa ah ringmakchujei, takkha ratha ah ningringjei, Pathian Ratha kha nangnidiang omjei keengnga, Christa ratha kaneimak miring kha Christa mi emak.

1 Han atuunna inphut Christa Jisule karingsuom mi ngaikha chongtansik ommak. 2 Ajarchu Christa Jisu makheiya ringna kanapeii Ratha Dan khan *keihi thina khat-um manu Dan makheiya anamasuojei. 3 Taksa kha asuol jarra Dan in ithomatormak kha Pathian in athojei. Halli Pathian in manu kha minmang nasik-ah Asapa takkha miring omchanna ajuotir. Asapa kha manu minmang nasik-ah eini manu karoon miring omchanna aleijuo. 4 Khawajarra taksa imanuom dungjuiya kasi emak-ah, Ratha dungjuiya kasi einidiang kadik Dan in iminthozoot kha huui mintungphit nasik-ah Pathian in ileitho ejei.

13 Ajarchu ningni’n taksa omchan dungjuiya ningring inchu ningthi sik eii, takkha Ratha’n ajar eya nangni taksa chuonkha ningminthi inchu ringna ningmusik eii. 14 Khat-um Pathian Ratha’n inakeiruoi mi rakip chu Pathian sa ngai ning eii.

21 Khawale inruoiya kei’n Dan chuontho kha kamu, itichu kei’n katha kathozoot kaalkhan kathamak kha keile inruoiya aom. 22 Kei kamalung sungnga Pathian Dan kha kamanuom. 23 Takkha aleiilaak Dan inkhat-in kei kapum saram rakip-ah chuon tho-ah kaom kei’n kamu, halli inmani’n kei kamalungnga kaom Dan khale inhalpuiya raal inthoa inom, halli kei kadiang manu Dan in nasurra kapum suungnga chuon inthoa inom.

5 Ajarchu eini’n taksa imanuomma nileiomlai, Dan khan nipumma chuon hongthoa taksa imanuom kha hongminngarra halli nitho ngai rakip kha thina ajuo inchang jei.

6 Taksa ah inneikha taksa eii, halli Ratha ah inneikha ratha eii.

63 Ringna kanape kha Ratha eii, taksa hichu iteii nemna ommak. Kei’n nangnidiang kileiril chong ngaikha ratha khat-um ringna kha eii.

16 Kei’n hiwahi kinarilpi eii: miring taksa manuom mintung maknasik, Ratha khan ningringkhuo lam nakeipi rase.

19 Miring taksa omchan chuontho khachu hin thoa inlar. Khawa ngai khachu, zool-inthai, inthiangmak halli chuonkathamak ngai katho; 20 inbool pathian ramil chubei katho halli dooile ai kachoi. Mi inhalpui ngai, insuol-inkhal, kara-ot, karaang, atheinuosik kangaidon khat-um rup li rahooi kakhoithen; 21 phamrai kase, ju-inrui, jurui saakkhop katho, halli hiwa ka-ang aleiilak omchan ngaihi intho eii. Matiangnga angnga, kei’n tuunnum nangnidiang kinaminjet eii. Hiwa ngai omchan katho ngaikhan Pathian Rengram kha mununu.

24 Halli Christa Jisu ta ka-eii mi ngai khachu inmani miring taksa manuom le rangaina sengkha inminthisuo jei.

13 Nangnisik achu, ulenai ngai, nangni chu ningle-nuomma kaomsik ah inakoi ning-eii. Takkha hiwa nangni ninglenuom hin ningtaksa manuom matorna kha min-e maru, khawa rathuulla inkhat li inkhat minriangna tiangkhan sepa inthoru.

8 Nang in nataksa manuom muchi kha nawor inchu, khawa khanna inphut thina kara kha narakhoolsik eii, halli nang in Ratha muchi kha nawor inchu, Ratha ah inphut kumsoot ringna kara kha narakhoolsik eii.

16 Manmasituolla kaom rakip hichu taksa imanuom, mit imanuom khat-um in-or ringkhuo hi eii, hiwa rakip hi Pa Pathian diangnga inphut kajuo emak takkha manmasituol makheiya eii.

11 Amadiang miring kut-ah intan wuntan ka-emak-ah wun ningtan kha ejei. Christa in wun natan nakhan nangni’n manu taksa kha ningmathaan kha ejei.

41 Nangni’n matheemna khan ningchulmak nasik, inringchak inlang niru; ratha inchu athozoot, takkha taksa inchu asuol."”

50 Ule naingai, hiwahi kei’n nangnidiang kanati: taksa li thisen khan Pathian rengram mutheinuni, kathisik khan kathimaksik khan luuttheinunu.