A carne

5 Wanhu okala kwa kulukweleleza lukuli otawaligwa na magesa ga lukuli. Lakini wanhu okala kwa kukweleleza viyolonda Loho Yang’alile, otawaligwa na magesa ga Loho Yang’alile. 6 Kwavija kulongozigwa na magesa ga lukuli kogala ifa, lakini kulongozigwa na Loho Yang’alile kogala ugima na tindiwalo. 7 Wanhu okweleleza vilulonda lukuli oihila na Imulungu. Kwavija hawagagoga Malagizo ga Imulungu na hawadaha kugagoga. 8 Wanhu okweleleza vilulonda lukuli hawadaha kumnogeza Imulungu.

9 Lakini mweye, kamba Loho wa Imulungu kokala mgati mmwenu, hamulongozigwa na lukuli, ila molongozigwa na Loho. Kamba munhu yoyose kabule Loho wa Kilisito, munhu ayo heli wa Kilisito bule.

Ugima kubitila Loho

1 Avo wanhu wose weli wa Yesu Kilisito honda watagusigwe kuwa wabananga. 2 Kwavija kubitila Yesu Kilisito malagizo ga Loho yogala ugima, gotulekesa na malagizo ga nzambi na ga ifa. 3 Kija hakidahike kutendigwa na Malagizo ga Musa mbuli ya kunyolila kwa unhu wa wanhu, Imulungu kasang’hana kwa kumtuma Mwanage mwenyego, yezile mulukuli luigalile na ng’huli zetu siye wene nzambi. Avo kazitagusa nzambi zili mulukuli lulo. 4 Imulungu katenda vivo ili gaja galondeke mna Gamalagizo ga Musa gatendeke mgati mmwetu, siye tukala muugima wa Loho Yang’alile, na siyo lukuli lumemile nzambi.

13 Avo mwahakala kamba vizilonda ng’huli zenu, mofa, lakini kamba mozileka nzambi zenu kubitila Loho, mokuwa wagima. 14 Kwavija wanhu olongozigwa na Loho wa Imulungu wao wana wa Imulungu.

21 Avo nyona kuna kinhu chogendelela, nahalonda kutenda ganogile, nzambi ya behi yangu. 22 Mgati muumoyo wangu nogadeng’helela Malagizo ga Imulungu. 23 Lakini nokona kuna lagizo diyagwe dosang’hana mgati mmwangu, lagizo ajo dogomba na malagizo gotogoligwa na nzewele zangu, na donhenda niye niwe mfungwa wa nzambi zisang’hana mgati mmwangu.

5 Vitukalile tokala kuno tolongozigwa vija vilulonda lukuli, usulukilo wa nzambi, uding’huke kwa lagizo usang’hana mzing’huli zetu, mbuli zose zitutendile zihelela mwiiifa.

6 Munhu koleligwa kwa lukuli na tatake na mamake, lakini koleligwa kiloho na Loho Yang’alile.

63 Loho wa Imulungu ayo yomgwaa munhu ugima, nguvu za munhu hazidaha kinhu chochose. Mbuli ziniwalongeleni ni za Loho wa Imulungu na zogala ugima.

Gaja goyolonda Loho na gaja gotulonda siye

16 Avo, nolonga vino, mbuli zenu zimsang’hana zilongozigwe na Loho wa Imulungu, na aho honda mukweleleze usulukilo wihile uli mgati mmwenu.

19 Sang’hano za wanhu okweleleza usulukilo wihile uli mgati mmwao zijuwika goya, ugoni na uchafu na ugoni ubanzile ng’hani, 20 na kuvitambikila vinyago na uhawi na kuihila na ndwagi na kuyonela migongo na ng’hasiliki na ugila na kuiding’hula na kuigola mna ivibumbila, 21 migongo ibanzile na kukoligwa na nyimwilinyimwili ya kukoligwa na mbuli ziyagwe kamba azo. Sambi nowazuma kamba viniwazumile aho haichanduso, wanhu wose otenda mbuli azo honda wengile Muundewa wa Imulungu.

24 Wanhu wose wailumbile na Yesu Kilisito wauwamba unhu wao wa nzambi uli na usulukilo wihile na magesa gehile.

13 Mweye ndugu zangu, mukemigwa ili mulekesigwe. Lakini kulekesigwa kuko sikukuwe kilamuso cha kutenda chochose kimulonda mweye wenyego, ila molondigwa muisang’hanile kwa kuinogela.

8 Munhu yohanda kuzinogeza nzambi zili mgati mmwake, mumo kosenga ifa, lakini yahahanda kumnogeza loho wa Imulungu, mumo kosenga ugima wa milele.

16 Kwavija vinhu vose vili mwiisi ino, kusulukila kwa lukuli, vinhu visulukiligwa na meso ga wanhu, kuitapa kwa munhu kwa kija kiyali nacho na kija kiyotenda, havilawa kwa Tata, ila volawa mwiisi ino.

11 Kwa kuilumba na Kilisito mweye mwingila kumbi, kumbi jenu haditendigwe kwa makono ga wanhu, ila ditendigwa na Kilisito kwa kuwatenda wanhu wakomboligwe kulawa muunhu wa kutenda nzambi.

41 Kaleni meso mumpule Imulungu sikumwingile mna ukugezigwa, moyo wa munhu olonda kutenda ganogile, lakini lukuli lwabule nguvu."

50 Ndugu zangu, nolonda mujuwe kamba, kija kili na lukuli na damu hakidaha kuwa na fungu Muundewa wa Imulungu, na kija kinangika chaduhu fungu da kija kileka kunangika.