5 Wadya wose wakwikala enga viya mili yawe ikuunga, wekailwa ni fanyanyi zo mwili. Mna wadya wakwikala enga ivo Muye ywa Mnungu akuunga wekailwa ni fanyanyi za Muye. 6 Kwaviya fanyanyi zikwikailwa nu mwili zegala file, mna fanyanyi zikwikailwa ni Muye ywa Mnungu zegala ugima no utondowazi. 7 Kwaivo fanyanyi zikulongozwa nu mwili zanda mnk’hondo kwa Mnungu, kwaviya mwili haukuzumila miko ya Mnungu naho kindedi hazikudaha kuitimila. 8 Wadya wakulongozwa nu mwili hawakudaha kumwelela Mnungu.

9 Mna nyuwe Muye ywa Mnungu akwikala mndani mwenyu, hamkulongozwa nu mwili, vituhu vakwe mwalongozwa nu Muye ywa Mnungu, uneva mnt’hu yeyose heena Muye ywa Kilisito uyo hiyo mnt’hu ywa Kilisito.

1 Elo, hauhali usengelo wa masulumizo kwa wadya walungane na Yesu Kilisito. 2 Kwaviya mwiko wo Muye uyo akukik’ha ugima kwa kulungana na Kilisito Yesu, inink’ha ulekelwa kulawa mwo mwiko wo wavu ne file. 3 Mbuli idya idundugwe nu Mwiko wa Musa enk’higwe ni Mnungu, kwo usokezi wo mwili, Mnungu kaidamanya kwa kumtuma Mwanawe mta mwili, enga mwili wo wavu, vileke ausengele wavu mwo mwili. 4 Mnungu kayadamanya aya vileke kiya kiungigwe nu mwiko kikint’hizwe mndani mwetu kikwikala kwa kulongozwa na Muye ywa Mnungu, na hiyo kwa mwili wo wavu.

13 kwaviya mnekala mkatimila imili ikindedi nombanike, mna mnekala kwa kulongozwa ni Muye mwaukoma udamanyi wenyu wo wavu, ivo nomnde wagima. 14 Kwaviya wose wakulongozwa ni Muye ywa Mnungu, nawo wana Mnungu.

21 Ivo nabunk’hula miko ino, kugamba kiyuko kikunikindila, umwo haunga nidamanye mbuli iyedi, aaho nadamanya mbuli ihile. 22 Nauonela kinyemi umwiko wa Mnungu mndani mwo moyo. 23 Mna naona kugamba kuna kint’hu kituhu kikudamanya ndima mwo mwili wangu, u kint’hu kikuhigana na kiya kizumilwe nu ubala wangu, yanitenda kunda mtumwa kwo mwiko wo wavu ukudamanya ndima mwo mwili wangu.

5 Kwaviya umwo chandile kikalongozwa ni mili yetu, kumunk’hwamunk’hwa kwiihile kwa wavu kukasongelezwa ni miko, nokudamanya ndima mwe mili yetu na yose kidamanye yaheela mwe file.

6 Mwili weleka mwili mna Muye weleka Muye.

63 Kikugela ugima ni Muye ywa Mnungu, mnt’hu hana udahi wowose. Mbuli nimigambileni nuwo ugima, na Muye ywa Mnungu.

16 Haluse nagamba ivi, lugendo lwenyu lulongozwe ni Muye, niho msekutimila naho kumunk’hwamunk’hwa kwiihile kwili mndani mwenyu.

19 Naho udamanyi ukulawa mwo kumunk’hwamunk’hwa kwiihile umanyika, naho ni uno, uhabwasi na wikazi wiihile ne kilanga. 20 Miviko ya mahili na usai na unk’hondo na nk’humbizi na finju na maya na ugila, kupangana na vivulujungu vikuhigana, 21 kwiihiya na ukozi na fugo zimemile ukozi na uhabwasi na mbuli nt’huhu enga izo. Nawakanyani nyuwe enga ivo nawakanyaga aho nk’hongo, wose wakudamanya ayo hawande na hant’hu mwo Useuta wa Mnungu.

24 Want’hu wa Kilisito Yesu wauwamba wiihi wili mndani mwawe hamwenga no kumunk’hwamunk’hwa kwiihile kwimndani hengi.

13 Mna nyuwe wandugu zangu, nomwitangwa mnde walekelwa. Mna ulekelwa wenyu use kuwalekela mwikailwe ni kumunk’hilwa kwiihile kwili mndani mwenyu, kiya mkuungwa ni kwambizana kwa lukunde.

8 Akuhanda mwe kubwedeza kumunk’hwamunk’hwa kwiihile kwili mndani mwakwe, kulawa umwo naavune ubanangi, mna akuhanda mwe kumbwedeza Muye ywa Mnungu, naavune kulawa kwa Muye ywa Mnungu, ugima wa ulo na ulo.

16 Vint’hu vose va mwe isi no kumunk’wamunk’wa kwiihile kwo mwili no kumunk’wamunk’wa kwa meso no kukefenyela kunda na ugoli. Aya yose hayakulawa kwa Tate, mna yalawa mwe isi.

11 Mwe kulunganywa na Kilisito nyuwe nomvinilwa, mna hiyo uvini ukudamanywa ni want’hu, mna ni udya ukudamanywa ni Kilisito mwenye, uyo akudamanya ndima yo kukombola want’hu kulawa mwe chotoko cho wavu.

41 Indeni meso, naho mlombeze Mnungu mnase kwingila mo kugezigwa. Moyo wa mnt’hu waungisa kudamanya vedi mna umwili uhwa."

50 Iyo huwagambilani wandugu zangu nagamba, umwili wa mnt’hu haukudaha kwingila kwo Useuta wa Mnungu, naho cho kubanika hakikudaha kunda enga kiya hekikubanika.