A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
ತ್ಯುನಾ ಮನಕ್ಹೊ ಶಾರಿರಿಕನಿಯೊ ಚಾಳಿಯೊ ನಿಂಗತ ಜಿವ್ನಾ ಕರಾಲಾ ಮನಕ್ಹೊ ತ್ಯುನಾ ಮನಕ್ಹೊನಾ ಸ್ವಭಾವನಿಯೊ ಚಾಳಿಯೊ ಸಂಗತಿಯೊನಾ ಹುತಿ ಯಕ್ಕಜ಼ ವಿಚಾರ ಕರಸ. ತೆನೈಸೊ ಆತ್ಮಾ ಕದಲ ನಿಂಗತ ಜಿವ್ನಾ ಕರಾಲಾ ಮನಕ್ಹೊ ತ್ಯುನಾಕ್ಹು ಆತ್ಮಾ ಆಸ ಕರಾನಾ ಕಾಮೊನಾ ಹುತಿ ವಿಚಾರ ಕರಸ. ಯಕ್ಲಾನಿ ವಿಚಾರ ತಿನಾ ಪಾಪನಾ ಸ್ವಭಾವ ನಿಂಗತ ರ್ಹಯುಮ ತಿನೆ ಆತ್ಮಿಕ ಮೌತ ಥಾವಸ. ತೆನೈಸೊ ಯಕ್ಲಾನಿ ವಿಚಾರ ಪವಿತ್ರ ಆತ್ಮಾನಾ ಹತ್ಮಾ ರ್ಹಯಲ ರ್ಹಯುಮ, ತಿನಾಮಾ ಜ಼ಲಮ ಸಮಾದಾನ ರ್ಹವಸ. ಕಾಕದ್ಯಾಮ ಯಕ್ಲಾನಿ ವಿಚಾರ ತಿನಿ ಪಾಪನಿ ಚಾಳಿನಾ ಹತ್ಮಾ ರ್ಹಯಲ ರ್ಹಯುಮ, ತೆ ಕ್ಹುದಾನೆ ವಿರೊದ ಥಯೊಸ. ತೆ ಕ್ಹುದಾನಿ ನಿಯಮನೆ ವಿಧೆಯ ಥಾತೊ ನೈ, ವಿಧೆಯ ಥಾವಾನೆ ಸಾದ್ಯಾಜ಼ ನತ್ತಿ. ತ್ಯುನಾ ಪಾಪನಾ ಚಾಳಿಯೊ ನಿಂಗತ ರ್ಹವಾಲಾ ತೆ ಮನಕ್ಹೊ ಕ್ಹುದಾನೆ ಮೆಚ್ಚಸಾನೆ ಸಾದ್ಯಾಜ಼ ನತ್ತಿ.
ತೆನೈಸೊ ತುಮೆ ತುಮಾರಾ ಪಾಪೊನಾ ಸ್ವಭಾವ ನಿಂಗತ ನತ್ತಿ. ಕ್ಹುದಾನಿ ಆತ್ಮಾ ತುಮೊಮಾ ಕ್ಹರಿಬಿ ರ್ಹಯಲ ರ್ಹಯುಮ, ತುಮೆ ಆತ್ಮಾನಾ ಹತ್ಮಾ ಛೆ. ಕಿನಾಮಾಬಿ ಕ್ರಿಸ್ತನಿ ಆತ್ಮಾ ನೈ ರ್ಹಯುಮ, ತೆ ಕ್ರಿಸ್ತಮಾ ರ್ಹಯಲವಾಲೊ ನ್ಹವೈ.
ತಿನಾಹುತಿ ಹಮ್ನಾ ಕ್ರಿಸ್ತ ಯೆಸುಮಾ ರ್ಹವಾಲಾ ಮನಕ್ಹೊನೆ ಅಪರಾದಿಯೊ ವ್ಹೈ ಕೈನ ಫೈಸಲೊ ನೈ ಥಾತೊ. ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ಛೆ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ್ಯುಸ. ಧರಮಶಾಸ್ತ್ರ ತಾಕತ ನೈಸೊ ವ್ಹತ್ತು. ಕಾಕದ್ಯಾಮ ಅಪ್ನಾ ಮಾನವ ಸ್ವಭಾವನಿಯೊ ಚಾಳಿಯೊಜ಼ ತಿನೆ ತಾಕತ ನೈಸೊ ಕರ್ಯು. ಇಮ್ಮ ರ್ಹತಾಮಾ, ಧರಮಶಾಸ್ತ್ರ ನೈ ಕರಾನು ಕ್ಹುದಾ ಕರ್ಯೊ. ಕ್ಹುದಾ ತಿನಾ ಸ್ವಂತ ದಿಕ್ರಾನೆಜ಼ ಪಾಪನಾ ಚಾಳಿಯೊನಾ ಮನಕ್ಹನಾ ಚಾಳಿಯೊಮಾ ಪಾಪನೆ ಪ್ರಾಯಶ್ಚಿತ ಥೈನ ವಳೈನ ದಿದ್ಯೊ. ತಿನಾಹುತಿ ಕ್ಹುದಾ ಪಾಪನೆ ಮೌತನೊ ಫೈಸಲೊ ದಿವಾನೆ ಮನಕ್ಹನಾ ಚಾಳಿಯೊನೆ ಉಪಯೊಗ ಕರ್ಯೊ. ಹಮ್ನಾ ಅಪ್ನಾ ಚಾಳಿಯೊ ನಿಂಗತ ಜಿವ್ನಾ ಕರ್ಯಾವಾಚಿ ಪವಿತ್ರ ಆತ್ಮಾ ಕದಲ ನಿಂಗತ ಜಿವ್ನಾ ಕರಾಲಾ ಅಪೊಮಾ ಧರಮಶಾಸ್ತ್ರನಾ ನಿಯಮೊ ಥೌ ಕೈನ ಕ್ಹುದಾ ಇಮ್ಮ ಕರ್ಯೊ.
ತುಮಾರಿ ಪಾಪ್ನಿ ಸ್ವಭಾವ ಛಾಳಿಯೊ ಆಸ ಕರಾನಿಯೊ ಕೆಟ್ಟ ಕಾಮೊ ಕರಾನಾಹುತಿ ತುಮೆ ತುಮಾರಿ ಜಿವಿತ ಉಪಯೊಗ ಕರ್ಯಾಮ, ತುಮೆ ಆತ್ಮಿಕಮಾ ಮರೊಸಿ. ತೆನೈಸೊ ತುಮೆ ತುಮಾರಿ ಅಂಗನಾ ಮುಕಾಂತರ ಕರಾನಾ ಕೆಟ್ಟ ಕಾಮೊ ಪವಿತ್ರ ಆತ್ಮಾನಿ ಸಹಾಯಾಕ್ಹು ಹುಬ್ರಾಡ್ಯಾಮ ಜಿವ್ತಾ ರ್ಹವೊಶಿ ಸು?. ಕುನ್ನ ತ್ಯುನೊನೆ ಕ್ಹುದಾನಿ ಆತ್ಮಾ ಚ಼ಲಾವಾನೆ ವಪ್ಸಿನ ದಿವಸ. ತ್ಯುನೆಜ಼ ಕ್ಹುದಾನಾ ಬಚ್ಚಾ಼ ಥಯಾಸ.
ಇಮ್ಮ ರ್ಹತಾಮಾ, ಮಿ ಎ ನಿಯಮ ಶಿಕ್ಯೊಸ; ಮಿ ಚೊ಼ಕು ಕರಾನೆ ಜಾ಼ತಾಮಾ, ಕೆಟ್ಟ ಮಾರಾಮಾ ರ್ಹವಸ. ಮಾರಾ ಅಂತರಂಗಮಾ ಕ್ಹುದಾನಿ ನಿಯಮನಾ ವಿಷಯಮಾ ಮಿ ಖುಶಿ ಥೌಸ. ತೆನೈಸೊ ಮಿ ಮಾರಾ ಅಂಗಮಾ ಬಿಜು಼ ನಿಯಮ ಕಾಮ ಕರಾನು ಮಿ ದೆಕುಸ. ಮಾರು ಅಂತರಂಗ ವಪ್ಪಿಲಿವಾನಾ ನಿಯಮನೆ ವಿರುದ್ದ ಥೈನ ತೆ ನಿಯಮ ಹೊರಾಡಸ. ಮಾರಾ ಅಂಗಮಾ ಕಾಮ ಕರಾನಾ ತೆ ಬಿಜು಼ ನಿಯಮಜ಼ ಪಾಪನು ನಿಯಮ ಭಾಂದಸ. ತೆ ನಿಯಮ ಮನೆ ಪಾಪನು ಗುಲಾಮ ಕರಸ.
ಅಪ್ನಿ ಮಾನವ ಸ್ವಭಾನಾ ನಿಂಗತ ಅಪೆ ಜಿವನಾ ರ್ಹತಾಮಾ, ಧರಮಶಾಸ್ತ್ರಕ್ಹು ಹುಟ್ಟಲ ಪಾಪನಾ ಆಸೊ ಅಪ್ನಾ ಅಂಗೊಮಾ ಕಾಮ ಕರಾಡಾಸ, ವರಿ ಅಪೆ ಎ ಕ್ಹಾರು ಮರೆ ಲಕ್ಕಾ ಕರೆಸ.
ಅಂಗ ಯಕ್ಕ ಮನಕ್ಹೊ ಶರಿರಮಾ ತಿನಾ ಮಾ ಬಾ ಕ್ಹು ಹುಟ್ಯೊಸ. ತೆನೈಸೊ ಆತ್ಮಿಕಮಾ ತೆ ಆತ್ಮಾ ಕ್ಹು ಹುಟ್ಯೊಸ.
ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
ತಿನಾಹುತಿ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ಪವಿತ್ರ ಆತ್ಮಾನೆ ಚಾಲಿಂಜಾ಼ವಾಲಾ ಥಾವೊ. ತೆಳಾಮಾ, ತುಮಾರಾ ಅಂಗನಿ ಆಸ ವಿಚಾರ ಕರಾನು ಕೆಟ್ಟ ಸಂಗತಿಯೊ ತುಮೆ ಕರತಾ ನೈ.
ಅಪನು ಅಂಗ ಆಸ ಕರಾನು ಕೆಟ್ಟ ಕಾಮೊ ದಿಕ್ಹಿನ ಆವಸ. ವ್ಯಭಿಚಾರ, ಅನೈತಿಕ ಸಂಭಂಧ ಅಶುದ್ಧ, ಸುಳ್ಳ ದೆವಸ್ತಾನೊನಿ ಆರಾಧನಾ, ಮಾಟಾಮಂತ್ರ, ದ್ವೆಶ, ಲಡೈ, ಸಂಗಟ, ಘನ್ನಿ ಸಿಟ್ಟ, ಸ್ವಾರ್ಥ, ಸಿಟ್ಟ, ಹಿನಾವಾನು, ಲಬಾಡ್ತನಾ, ಪಿದೊಡಿತನಾ ಹವಾ ಘನ್ನಾ ತರಾನಾ. ಮಿ ತುಮೊನೆ ಪೈಲಾಜ಼ ಹುಶಾರ ಕರಲ ನಿಂಗತ ಹಮ್ನಾ ಬಿ ಕರಾನಾ ಮನಕ್ಹೊ ಕ್ಹುದಾನಿ ರಾಜ್ಯಮಾ ಮಳಾನೆ ಥಾತು ನೈ.
ಕ್ರಿಸ್ತ ಯೆಸುನಾ ಮನಕ್ಹೊ ತ್ಯುನು ಅಂಗನು ಆಸನೆ ಶಿಲುವಿಪರ ಚ಼ಡಾಯಾಸ. ತ್ಯುನೆ ತ್ಯುನಾ ಪೈಲಾನಿ ಸ್ವಾರ್ಥನಿಯೊ ಆಸೊ ವರಿ ತ್ಯುನೆ ಕರು ಕೈನ ಕೈಲಿದಲ ಕೆಟ್ಟಕಾಮೊ ಛೊಡಿನೆ ದಿದಲವಾಲಾ ಥಯಾಸ.
ಮಾರಾ ಭಾಯೊ ವರಿ ಭೆನೊ, ತುಮೆ ಸ್ವತಂತ್ರ ಥೌ ಕೈನ ಕ್ಹುದಾ ತುಮೊನೆ ಬಲಾಯೊಸ. ತೆನೈಸೊ ಪಾಪ ನೈ ರ್ಹಯಲ ತುಮಾರಿ ಚಾಳಿಯೊ ಮೆಚ್ಚಿಸಾನಾ ಹುತಿ ತುಮೊನೆ ರ್ಹಯಲ ಸ್ವತಂತ್ರನೆ ನ್ಯೆವಾ ಕರೊ ನಕೊ. ತೆನೈಸೊ ಮಯಾಕ್ಹು ಯಕ್ಲಾನಿ ಸೆವೆ ಯಕ್ಲೊ ಕರೊ.
ಯಕ್ಲೊ ತಿನಾ ಅಂಗನಿ ಆಸ ಪುರಾ ಕರು ಕೈನ ಪಾಪನಾ ಕಾಮೊ ಕರ್ಯೊಮ ತಿನಿ ಅಂಗನಿ ಆಸ ತಿನೆ ಹಮೆಶಾ ಹಾಳ ಕರಸ. ತೆನೈಸೊ ಯಕ್ಲೊ ಪವಿತ್ರ ಆತ್ಮಾನೆ ಮೆಚ್ಚಸಾನೆ ಹುತಿ ಚೊ಼ಕಾ ಕಾಮೊ ಕರತೊ ರ್ಹಯುಮ, ತೆ ಪವಿತ್ರ ಆತ್ಮಾಕ್ಹು ಹಮೆಶಾನು ಜ಼ಲಮ ಪಡ್ದಿಲಿವಸ.
ಜಗತಮಾ ರ್ಹಯಲ ಕೆಟ್ಟ ಸು ವ್ಹೈ ಕದ್ಯಾಮ; ಅಪೊನೆ ಪಾಪೊ ಕರು ಕೈನ ಮನಸ ಜಗ್ಗಾನಾ ಕಾಮೊ, ಅಪೆ ದೆಕಾನು ಪಾಪೊನು ಸಾಮನ ಅಪೊನೆ ಮಳು ಕೈನ ಆಸ ಕರಾನು, ವರಿ ಅಪೊಕನ ರ್ಹಯಲ ಸಾಮನೊಮಾ ಸ್ವಕ್ಕ ಕರಾನು. ತೆನೈಸೊ ಇವ್ನೊಮಾ ಕಯುಜ಼ ಕ್ಹುದಾ ಕಂತು ಆತು ನೈ. ಎ ಕ್ಹಾರು ಎ ಜಗತಮಾತು ಆವಸ.
ಕ್ಹುದಾ ತಿಮಾ ಮನಕ್ಹೊನಾ ಹತೆನೈಸೊ ಥಾವಾನು ಖತ್ನಾ ಕರ್ಯೊಸ. ಕ್ರಿಸ್ತನಿ ಸುನ್ನತಿ ಶಾರಿರಿಕ ಥಯಲ ಪಾಪ್ನಿಯೊ ಚಾಳಿಯೊ ಕಾಡಿಪಾಡಾನುಜ಼ ವ್ಹೈ.
ಶೊದನೆಮಾ ಮ್ಹೈ ಥಯಾ ಬಗರ ಹುಶಾರ ರ್ಹೈನ ಪ್ರಾರ್ಥನಾ ಕರೊ; ಆತ್ಮಾ ಸಿದ್ದ ಥೈಸ ತೆನೈಸೊ ಅಂಗ ಬಲಹಿನ ಥಯುಸ ಕೈನ ಕದ್ಯೊ.
ಮಯಾನಾ ಭಾಯೊ ಭೆನೊ, ಮಿ ಕವಾನು ಸುವ್ಹೈ ಕದ್ಯಾಮ, ಹಾಳ ಥಾವಾನು ಅಂಗ ಕ್ಹುದಾನಿ ರಾಜ್ಯನೆ ವಶಮಾ ನೈ ಕರಸಕ್ತು; ತಿನಾನ ನಿಂಗತಜ಼, ಹಾಳ ಥೈನ ಜಾ಼ವಾನು ಅಮರತ್ವನೆ ಬಾದ್ಯ ಥಾವಾನೆ ಸಾಧ್ಯಾ ನತ್ತಿ.