10 ሃራሶን ሺ ጋላስ ዴኣናፔ

ጾሳ ኬን

ኢሲ ጋላስ ዱሲ ሎኦ፤

ኢታታ ዱንካኔን ዳናፔ

ጾሳ ኬ ዛጎን

ዛቤ ጊዴ ታስ ሎኦ።

4 ታኒ ጎዳ ኢሲ ሚሽ ኦይቻይስ፤

ሄሲካ ታኒ

ታ ዴኦ ላይ ኡባን

ጎዳ ኬን ዴኣናሳ፤

ታኒ ጎዳ ቦንቾ ሎኦቴ ቤኣናሳ፤

ኢዛ ኬንካ

ኢዛ ኮያሼ ዴኣናሳ።

4 ኔኒ ዶሪዳዴይኔ

ኔናራ ዳና ማላ

ኔ ዱቡሻኮ ሺሻ

ኤኪዳዴይ ኣንጄቲዳዴ፤

ኔ ጌሻሶዛፔኔ

ኔ ዱንካኔ ኣንጆዛፔ

ኑ ካላና።

1 ኢስቲ ታና፥

«ኣኔ ጎዳ ኬ ቦስ» ጊን

ታኒ ኡፋዬታዲስ።

6 ኔ ኪያቴኔ ኔ ማሮቴይ

ታ ዴኦ ላይ ኡባን

ታና ካላና፤

ታኒ ጎዳ ኬን ሜርናስ ዳና።

8 ጊዶ ኣቲን ኣጪዛ

ዎጋራ ሚ ማላ

ታኒ ጾሳ ኬን ኣጫይስ፤

ኢዛ ሜርና ሲቆን ታኒ

ሜሪ ሜርናስ ኣማኔታይስ።

9 ታኒ ኔ ኬስ

ሚሼቲዛ ሚሾይ

ታና ታማ ማላ ጹጌስ፤

ኣሳይ ኔና ጫዪዳ ጫሻይ

ታና ጋኪዴስ።✝

12,13 ሄሳፌ ጉዬ ዬሱሲ ጾሳ ኬ ጌሊዲ ጾሳ ኬ ካሬ ጊዶን ጋን ባይዚዛይታኔ ሻሚዛይታ ጎዲዴስ። ሚሽ ላሚዛይታ ጻራጴዛታኔ ሃራጴ ባይዚዛይታ ኦይዴ ሺሪ ሺሪ ዬጊዲ፥ « ‹ታ ኬይ ዎሳ ኬ ጌቴቴስ› ጌቴቲዲ ጻፌቲዴስ፤ ኢንቴ ቃሴ ቦንቂዛይታ ጎንጎሎ ሂስቲዴታ» ጊዴስ።✝

13 ኣይሁዳታ ፓዚጋ ባኣሌይ ማቲዳ ጊሻስ ዬሱሲ ዬሩሳላሜ ቢዴስ።✝ 14 ጾሳ ኬ ጊቤ ጊዶን ቦራታ፥ ዶርሳታኔ ሃራጴታ ባይዚዛይታ ቃሴካ ሚሼ ላሚዛይቲ ሚሼ ላሚሺን ዴሚዴስ። 15 ሄሳ ቤኢዲ ዎዶሮ ጹርቃፌ ዶቂ ኤኪዲ ኣሳኔ ቦራታካ ጾሳ ኬ ጊቤፌ ኬሲዴስ፤ ሚሽ ላሚዛይታ ሚሻካ ርጪዲ ኢስታ ጻራጴዛታካ ሺሪ ሺሪ ዬጊዴስ።

16 ሃራጴ ባይዚዛ ኣሳካ፥ «ሃይሳ ኡባ ጌዴ ዲጊቴ! ታ ኣዋ ኬ ዛልኤ ኬ ሂስቶፍቴ» ጊዴስ። 17 ሄ ዎዴ ኢዛ ካሊዛይቲ፥ «ኔ ኬ ሚሻይ ታና ታማ ማላ ጹጌስ» ጌቴቲ ጻፌቲዳ ቃላ ቆፓ።✝

19 ኢንቴ ኣሳቴይ ኢንቴ ጋን ዲዛ ጺሎ ኣያናስ ዱሳሶ ጊዲዳይሳ ኢንቴ ኤሬኬቲ? ሄ ኣያናይካ ኢንቴ ጾሳፌ ኤኪዳይሳ፤ ኢንቴካ ኢንቴስ ጊዴኬታ።✝

15 ታ ሃኖ ኔስ ጻፊዛይ ታ ጋምኢዛ ጊዲኮካ ኣሳይ ጾሳ ኬን ዋኒ ዳናኮ ኔ ኤራና ማላ ጋዳኮ! ኬይ ዴኦ ጾሳ ዎሳ ኬ፤ ሄሲካ ቱሙ ቱሲኔ ጻጶ።

6 ኪርስቶሲ ጊዲኮ ጾሳ ኬ ቦላ ኣማኔቲዳ ና ማላ። ኑኒካ ኢዛ ቦላ ኣማኔቲዛ ኡፋይሳይኔ ጬቄቲዛ ሂዶታ ሎኤ ኦይኪኮ ኑ ኢዛስ ዱሳ ኬ።

44 «ጾሲ ሙሴ ቤሲዳ ሌሚሶዛ ማላኔ ኣዛዚዳይሳ ማላ ኦሴቲዳ ጾሲ ኣሳራ ጋጊዛ ዱንካኔያ ኑ ኣዋታራ ባዞ ቢታን ዴኣዱስ።✝ 45 ኑ ኣዋቲ ዱንካኔዮ ኤኪዳይሳፌ ጉዬ ጾሲ ኢያሶ ካሌን ካሴ ኢስታ ጎዲዳ ዴሬታ ላቲዳ ዎዴ ዱንካኔዮ ኤኪ ጌሊዳ፤ ዳዊቴ ዎዴ ጋካናስ ዱንካኔያ ሄ ቢታን ዴኣዱስ።✝ 46 ዳዊቲካ ጾሳ ሲንን ቦንቾ ዴሚዲ ያቆቤ ጎዳስ ኣቆሶ ጊጊሳናስ ዎሲዴስ።✝ 47 ጊዶ ኣቲን ሶሎሞኔይ ኢዛስ ኣቆሶ ኬጺዴስ።

48-50 «ጊዶ ኣቲን ዎጋ ጎዳይ ኣሳ ኩሼይ ኬጺዳ ኬን ዴና፤ ሄሲካ ናቤይ ካሴ ጌሻ ማጻፋን ጻፊዳ ማላ፥

« ‹ሳሎይ ታ ኡቲዛ ኣልጋ፤

ቢታይካ ታኒ ቶሆን ዬዛሶ፤

ሂስቲን ኢንቴ ታስ

ኣይ ማላ ኬ ኬጼቲ?

ዎይኮ ታ ሼምፓናሶይ

ኣዋይሴ?✝

ሃይሳ ኡባ ታ ኩሼይ

ኦቤኔ?›

ጌስ ጎዳ ጾሳይ።

1 ጎዳይ፥ «ሳሎይ ታስ ኣራታ፤

ሳኣይካ ታስ ዬዛሶ፤

ሂስቲን ኢንቴ ታስ

ኬጻና ኬኔ

ታ ሼምፓና ሶይ ኣዋይሴ?✝

2 ሃይታ ኡባ

ታ ኩሼይ ኦቤኔ?

ሃይቲ ቤታና ማላ ኦዳይ

ታና ጊዲኪና?

ታኒ ኣሽኬ፤

ዎዚናይ ሜቂዳዴኔ

ታ ቃላስካ ኮኮሪዛዴኮ

ታ ጼላይስ።✝

16 ያቆቤይ ስኮፌ ቤጊዲ፥ «ታኒ ኤራቤኬፌ ኣቲን ጎዳይ ቱሙ ሃይሳን ዴስ» ጊዴስ። 17 ኢዚ ባቢዲ፥ «ሃይሲ ኣይ ማላ ባቢሲዛሶ! ሃይሲ ጾሳ ኬፌ ኣቲን ሃራሶ ዴና፤ ሃይሲ ሳሎ ፔንጌ» ጊዴስ።