12 ኮታዘንከረ የሱስ ሳብታ ጭል ኤሄናር አርደዴ፥ ኮታረረ ኦስ ሰንድባብከስምኬ ፈንክ ሰንት ተይድን ኤድንከስም ሙዳ ዉችሴ። ብረን ኦግድባብከስም ጣርጰዘንከስምኬ ዎለን ሰንድባብከስተረ ጎንገንከስም ቡከልሴ፥ 13 " ‘እስታ ኤሄና ምክስ ኤሄ ጋይምዴ’ ጋይምሶ ጭል ማጻፍናር ጻፍምቴ፥ የታ ማቼ ቡረንባብከስታ የረሳ ማስሰቴ!" ከትም ጋይሴ።✝

13 አይሁድንከስታ ፋስጋ ባአል የልሳንኦል የሱስ የሩሳሌማር አይሴ፥✝ 14 ሳብታ ጭል ኤሄናረረ ገዝምንከስም፥ ቆልንከስምኬ ዎለንከስም ሰንድባብከስምኬ ብረን ኦካኦንግድባብከስ ዶቅሶ ከት ጋበን ጋብድንካ Ꮊፍሴ። 15 ኮታይᎺካ ዝራፍ ምርስንደትከ ኤድንከስም ሙዳ፥ ቆልንከስምኬ ገዝምንከስምካ ክክን ሳብታ ጭል ኤሄናርንካ ከትም ዉችሴ፥ ብረን ኦግድባብከስመረ ብረን ከታ ይጭሴ፥ ከታ ገበትንከስመረ ባልት ኦይቼ። 16 ዎለን ሰንድን ኤድንከስመረ "ኮም ሙዳ ኦስ ተይከቴ! እስታ ባበንታ ኤሄን የንታ ዛለታ ኤሀ Ꮊይማሰቴ!" ከደር ጋይሴ። 17 ኮታይካ ክታ ካርንካ ጎርስምድባብከስ "የስታ ኤሄንጎካ እስታ ዶቅድን ቀምስና እም አተርዝዴ" ጋይምሶ ጻፍምሳን ገቀርሰኬ።✝

19 የንታ ኤደትቼና ሳብዘንካ የ ተያንደትኬ የንታ ዋረረ ዶቅድንዳ አያን ጭልንታ ጭል ኤሀ ማትንተን የታ ኤዝደት ካዮ? ይና የታ ሳብተት ዳት የንታ ማታ ካንታ ካየቴ።✝

15 እ ጋምእስንዳ ማቼ ዶቅንት ሳብንታ ምክስ ኤሄንኬ ዶፈን ቱስንታ የድ ማቻን ሳብታ ኤሀ ኤድንከስታ ዋሪ ኤድንከስ Ꮊራ ከትም ይ ዝግዝዳ ማቼረ የስ ኤስተርንግንዳ ኮም የስ ጎርስምተርንግንዳ ጻብድቴ።

6 ክርስቶስ ማቼ ሳብታ ኤሄናር አሜንምስባብ ክትማቻንዳ ይንችግንዳ ማትሴ፥ ኤሄነረ ዎቶቴ፥ ክታ ኤሀ ዎ ማድንደረ ዎ አሜንምድን ሪንኬ ዎ ጋይሪምድን ጉርምንም ዳቅስሶ ዎ የጃን ማቼ ማዴ።

44 ዎንታ ባቤንከስታ ዴል ቆቼናር ማርካትቻ ዱንካንና ከታ Ꮊቄ፥ ኮትኮ ዱንካንንመረ ሳብ ክትም ኬዛንግንደኬ ክትም ሰችሳን ግንዳ ኮትም ኡርስባብ ሙሳ Ꮊቄ።✝ 45 ሳብ ከታ እሪንካ ከትካንታ ዳይስባብ አይሁድ ማታክባብከስታ ፍጨን ከታ ይ ተያንደትካ ዎንታ ባቤንንከስ ኮትኮም ይ ተያን ዱንካንን ኢያስካ ክክን ኦኮታር አርችሰኬ፥ ዳውትታ ስለን የለልታ ኦኮታር ዱንካንና ዶቅሴ።✝ 46 ዳውተረ ሳብታ እሪ ጎፍስ Ꮊፍሶ ያይቆብታ ጮይስን ሳብንካንታ ገችንተታ ካሪ ማድንደትም ኤሀ ዎድካንታ ምክሴ።✝ 47 ኬዛርካ ማቼ ሳብካንታ ኤሄን ዎጅባብ ሶሎሞንዬ።✝ 48 ማችንከረ ሙደንዘንካ ስግ ሳብና ኤታ አንካ ዎድምሳን ኤሄታዋር ኖ ዶቃዬ፥ ኮነረ ሳብዘንካ ኤስርሶ ኬዝባብ ኩንጋየሮ ጻፍሳንደትግንዴ፥

49 ጭለና እ ባንችምሶ ዶቅድን ጎንጌ፥

ፍጨነረ እስታ ዱትንታ ሙክንትንዴ

ይና እካንታ Ꮊስግንዳ ኤሄንት ዎተራ?

እ ኡክንድን ካርና Ꮊስግንደረ? ጋይዴ ጮይስ።✝

50 ኮም ሙዳ እታ እስታ አንካ እ ፍክሳንዳ ካዮ? ጋይዴ ሳብ።