10 Tontomea o raja mopadhana ipilimu, e Aulataʼala,

kamatamea o rouna mia mopadhana ilantimu to katangkesina uumatimu.

4 Tangkanamo saangu iemaniku i KAWASANA OPU,

siitumo ipeeluku,

mamudhaakana kumboore i nuncana Bhanuana KAWASANA OPU

saʼumurua dhadhiku,

to kukamataaka kalapena KAWASANA OPU

tee kupengkaabha-abha i nuncana Bhanuana Momangkilo.

4 Wakutuuna dosamami alabhi o katamona minaaka i kakaamami,

Ingkoomo moʼamponina kasalahamami.

1 Laguna ziarana Daud.

Iaku kukaunde-unde wakutuuna o mia apogau tee iaku,

"Mai talingkaaka i Bhanuana KAWASANA OPU!"

6 Kalape tee kaasi molagina bheaoseaku

saʼumurua dhadhiku,

tee iaku bhekumboore i nuncana Bhanuamu

saʼumurua.

8 Akamata incia sumai, mia mobanara bheamaeka tee amente,

kasiimpo apotawaikiko,

9 Iaku mboomo dhaga to manga witinaiku,

tee bhari-bharia witinaiku aabhiaku mia moumba.

12 Kasiimpo Isa apesua i aroana Baitulla tee apadhencu bhari-bharia mia mopoali poasona i aroana Baitulla. Incia apabhancule mejana manga pande bhasina doi tee kurusiina manga pande asona manu-manu jarajara. 13 ✝Kasiimpo apogau, "Padhamo atoburi, 'Bhanuaku bheatosarongi bhanuana doʼa,' maka ingkomiu upamembalia tampana buniakana mia manako."

13 ✝Wakutuuna eona raraeana Paska miana Yahudi amakasumo, Isa apene i Yerusalem.* 14 I Baitulla Incia apokawa tee pia mia moasona sapi, dumba, tee manu-manu jarajara. Dhaangia uka pia mia pande bhasina doi uka tangasaana auncura iwe sumai. 15 Kasiimpo Isa akarajaa kasambi minaaka i rabuta tee apadhencu manga incia minaaka i Baitulla sumai apobhawa-bhawa tee dumba tee sapina manga incia. Incia uka antalesaka manga tibhana doina manga pande bhasina doi sumai tee abhancule manga mejana. 16 Kasiimpo apogau tee manga pande asona manu-manu jarajara, "Alea tee ulingkaakea bhari-bharia minaaka iwe sii, bholi upamembalia to tampana paraasoa o bhanuana Amaku." 17 ✝Sumaimo atoudhanimo manga murina, ande padhamo atoburi i nuncana Kitabi, "Iaku kumaasiaka Bhanuamu, e Aulataʼala, tee kaasiku sumai mboomo waa motununa ngangarandaku."

19 ✝Buaka ingkomiu inda umataua ande o badamiu satotuuna mboomo Kamara Momangkilo tampana mbooresana Rohina Aulataʼala, tee o Rohi momboorena i nuncana karomiu satotuuna o Rohina Aulataʼala itarimamiu minaaka i Aulataʼala, Jadi o badamiu mencuanamo pewauamiu?

15 mamudhaakana ande kukabusi tee ande indapo kukawa, ingkoo bheumataumea tuaapa o laengana mia mamudhaakana amembali adhadhi i nuncana rumatanggana Aulataʼala, siitumo o jamaʼana Aulataʼala modhadhi, momembalina ariina tee fondasina kabanara.

44 ✝"Kema Momangkilo* sumai adhaangia i wakutuuna manga opu-opuata i tana matuu sumai. Kema sumai akarajaaia apokana mboomo iparintaakana Aulataʼala to Nabii Musa, bhanguna apokana tee kema ipatokamataaka i incia. 45 Kema Momangkilo sumai atarimaia manga opu-opuata tee abhawea iwe sii wakutuuna manga incia apobhawa tee Yosua arampasi tana sii minaaka i manga lipu mosagaanana ipadhencuna Aulataʼala i aroana manga opu-opuata. Mboomo sumai sakawana i zamanina Nabii Daud. 46 Daud apotibhaaka rahumati minaaka i Aulataʼala. Rampaakanamo sumai incia aemani mamudhaakana aundaakea to apakaro saangu bhanua to Aulataʼalana Yakub. 47 Maka o Nabii Sulaiman mopakarona bhanua incia sumai to Aulataʼala.* 48 Maka o Kawasana Opu Momalanga inda amboore i bhanua ikarajaana maanusia. Hali incia sumai atoburi i nuncana Kitabi Momangkilo mboomo ipakawaakana alaloi nabiina,

49 'Kawasana Opu afirimani, 'Laiana o kauncuramakaku

tee o alamu o polandakaku.

Bhanua tuaapa buaka bheipabhangumiu to Iaku,

atawa i tampa iapai Iaku bhekuponiunto?

50 Maka udhania, ande o limaku mopadhaangiana bhari-bharia sumai!' "

16 Kasiimpomo abhangumo Yakub minaaka i kolena, pogauna, "Satotuuna, KAWASANA OPU aumba i tampa incia sii tee iaku inda kumataua." 17 Incia amaekamo kasiimpo apogau, "Akokabarakati mpuu tampa incia sii! Sii tantumo Baitulla! Sii bhamba lawana sorogaa!"