Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
ဗိမာန်တော်ဟှို ကြွတော်မူဟှူကြောန်း
ယေရှုဟှာ ဗိမာန်တော်ဟှိုဝမ်ဘီး အယ်နေရာမာ ရောန်းဝယ်နေဟှူ လူလေဟှို နှန်ထုတော်မူလေဟှယ်။ ကိုယ်တော်ဟှာ ကပ်လဲမားလေရဲ့ ဗွဲလေန ချိုးငှတ်ရောန်းမားလေရဲ့ ထိုင်ခေါင်လေဟှိုလည်း မှော့-က်ပစ်လေဟှယ်။ အယ်ဘီးဟှာ ကိုယ်တော်ဟှ "‘ငါ့အီတော်ဟှို ဆုတောန်းဟှူ အီတော် ဆိုဘီး ခေါ်ဝေါ်ဂေ့လေ့မယ်’ ဆိုဘီးဟှာ ကျမ်းစာမာ ရေးဟှားဟှယ်။ အယ်ဘေမဲ့ နန်းနို့လေဟှာ အီတော်ဟှို မ္လလေတွပ် ခိုအောန်းဟှူ နေရာ ဖြစ်စေဂေ့ဘီ!" ဆိုဘီး မိန့်တော်မူလေဟှယ်။
ယေရှုဟှာ ဗိမာန်တော်ဟှို သွားဟှူကြောန်း
ယုဒလူလေရဲ့ ပသခါပွဲ နီးလာဟှူကြောန့် ယေရှုဟှာ ယေရုရှလင်ဗြို့ဟှို သွားလေဟှယ်။ ကိုယ်တော်ဟှာ ဗိမာန်တော်ထဲမာ သိုးလေ၊ နွားသားဂန်းလေ၊ ချိုးငှတ်လေဟှို ရောန်းဝယ်နေဟှူ လူလေန ကပ်လဲပေးမားလေဟှာ သူးနို့ရဲ့ စားဗွဲလေမာ ထိုင်နေဇာဟှို တွိဟှယ်။ အယ်ကြောန့် ကိုယ်တော်ဟှာ ကြိုးလေန ကြာပွတ်ဟှို လောက်ဘီးန သိုးလေ၊ နွားလေ ဂူလောင်းဟှို ဗိမာန်တော်ထဲဟှ နန်ထုဘီးဟှား ကပ်လဲမားလေရဲ့ ဗွဲလေဟှိုလည်း မှော့-က်လှဲဘီးန သူးနို့ရဲ့ ဒန်းဂါးလေဟှို ဖ္လဲဖ္လဲစင်အောန် လောက်လေဟှယ်။ အယ်ဘီးန ကိုယ်တော်ဟှာ ချိုးငှတ်ရောန်းဟှူ လူလေဟှို "အယ်ပစ္စည်းလေဟှို ယူဟှားဂေ့! ငါ့ဖရဲ့ အီတော်ဟှို ဆေးဖြစ်ဟှားအောန် လောက်ဂေ့န!" ဆိုဘီး မိန့်ပေးလိုက်ဟှယ်။ ကိုယ်တော်ရဲ့ တဗဲ့တော်လေဟှာ "အိုဘုရားသခင်၊ ကိုယ်တော်ရဲ့ အီတော်ဟှို ရှစ်ခင်တွယ်တာမှုဟှာ ကျွန်တော်ထဲမာ မီးမျိုး လောန်ကျွမ်းနေဟှယ်" ဆိုဘီး ကျမ်းစာဟှ ပြောဟှားဇာလေဟှို အော့-က်မေ့လာဂေ့ဟှယ်။
ဖြားဖြစ်ကြောန့်နူးဆိုဟှာ နန်းနို့လေရဲ့ ကိုယ်ခန္ဓာဟှာ ဘုရားသခင်ပေးသနားဟှူ ဝိညာဉ်တော်ဖြစ်ဟှူ နန်းနို့ထဲမာ ကီးဝပ်ဟှူ သန့်ရှင်းဟှူဝိညာဉ်တော်ရဲ့ ဗိမာန်တော်ဖြစ်ဟှူကြောန်းန နန်းနို့လေဟှာ ကိုယ့်ကိုယ်ကိုယ် ပိုင်ဘဲဟှူကြောန်းဟှို သိဂေ့ဟှလော။
နော့-က်က္လနေမယ် ဆိုဟှာ နန်ဟှာ ဘုရားသခင်ရဲ့ အီတော်မာ ဖယ်မျိုး ကျင့်ကြံ လောက်ဆောန်ရမယ် ဆိုဇာဟှို သိရဟှို့တွပ် အယ်စာဟှို ငါရေးဘီး ပေးလိုက်ဟှူဇာဖြစ်ဟှယ်။ အယ်အီတော်ဟှ သတ်ရှင်တော်မူဟှူ ဘုရားသခင်ရဲ့ သင်းတော်ဖြစ်ပါဟှယ်။ အယ်သင်းတော်ဟှ သမ္မာတရားရဲ့ မှီတကဲဖြစ်ဟှူမျိုး သမ္မာတရားရဲ့ မဏ္ဍိုင်လည်း ဖြစ်ပါဟှယ်။
ခရစ်တော်ဟှာ ဘုရားသခင်ရဲ့ အီတော်ဟှို စိုးရဟှူ သားတော်နေန အောက်စိုးဘီး သစ်စာစောန့်တော်မူဟှယ်။ နို့လေဟှာ ရဲရင့်ရှင်း၊ မျှော်လင့်ရှင်းလေန ဝါကြွားဝန်းသာဘီး ဆောင်းထိ ယောင်ကြည်စိခ္လရှင်းရှိမယ် ဆိုဟှာ နို့လေဟှာ ကိုယ်တော်ရဲ့ အီတော်ဖြစ်လေဟှယ်။
"နို့လေရဲ့ ဘိုးဘေးလေတွပ် တောကန္တာရမာ သတ်သေခံဟှူ တဲတော် ရှိဟှယ်။ မောရှေဟှို ဘုရားသခင်ပြဟှားဟှူ ပေါင်ဇံတိုင်း သတ်သေခံဟှူ တဲတော်ဟှို ဆော့-က်ဂေ့ဟှယ်။ နို့လေရဲ့ ဘိုးဘေးလေဟှာ သူးနို့ရဲ့ ဖလေနားဟှနေ အယ်တဲတော်ဟှို မွေဆစ်ခံဘီးဟှာ ဘုရားသခင် နှန်ထုဟှူ လူမျိုးလေရဲ့ ပြည်ဟှို ယောရှုနတူးဒူ ချီတတ်ဘီးဟှာ သီးပိုက်ဂေ့ဟှူ ခီမာ အယ်တဲတော်ဟှို သယ်ဟှားဂေ့ဟှယ်။ အယ်တဲတော်ဟှ ဒါဝိဒ်မန်းဂီး လတ်ထတ်ထိ ရှိနေဟှယ်။ ဒါဝိဒ်ဟှာ ဘုရားသခင်ရှေ့မာ မျစ်နှာသာရဟှူလူ ဖြစ်ဟှယ်။ အယ်ဘီးဟှာ ယာကုပ်ရဲ့ ဘုရား ကိန်းဝပ်ဘီးနေဟှူ ဗိမာန်တော်ဟှို ဆော့-က်ရဟှို့တွပ် ဘုရားသခင်ဟှို တောန်းရှော့-က်ဟှယ်။ အယ်ဘေမဲ့ ဘုရားသခင်ရဲ့ ဗိမာန်တော်ဟှို ဆော့-က်ခွမ့်ရဟှူ လူဟှ ရှောလမုန်မန်းဂီး ဖြစ်လေဟှယ်။"
"အယ်ဘေမဲ့ ဗြစ်ဆောင်းဖြစ်ဟှူ ဘုရားသခင်ဟှာ လူလတ်န ဆော့-က်ဟှားဟှူ အီမာ ကျိန်းဝပ်ဟှ ဆိုဘီး ပရောဖက်ဟှပြောဟှယ်။"
ဘုရားသခင်ဟှ " ‘ကောန်းဂန်ဘောင်ဟှာ ငါ့ရဲ့ ပလ္လင်ဖြစ်ဟှယ်။
မ္လေဂီးဟှာ ငါ့ရဲ့ ခေတန်ခေါင် ဖြစ်ဟှယ်။
နန်းနို့ဟှာ ဖြားအီမျိုး ငါ့တွပ် ဆော့-က်ဂေ့ဟှို့နူး။
ငါကျိန်းဝပ်နေဟှူ နေရာဟှာ ဖယ်မာနူး။
ငါကိုယ်တိုင်ဘဲ့ အယ်ဇာလေဟှို
ဖန်ဆင်းဇာ မှုဟှလော’ "
ဆိုဘီး မိန့်တော်မူလေဟှယ်။