Casa de Deus

10 तुमच्या अंगणात घालविलेला एक दिवस,

इतर कुठेही घालविलेल्या सहस्र दिवसांपेक्षा उत्तम आहे;

दुष्टाईच्या मंडपात राहण्यापेक्षा,

माझ्या परमेश्वराच्या भवनाचा द्वारपाल होऊन राहण्यात मला अधिक आनंद आहे.

4 मी याहवेहला एक याचना केली,

हीच माझी आकांक्षा आहे:

मी आयुष्यभर याहवेहच्या

भवनात वस्ती करावी जेणेकरून

मी याहवेहचे सौंदर्य बघून त्यांच्या

मंदिरात ध्यान करावे.

4 तुमच्या अंगणात येऊन राहण्यासाठी

तुम्ही ज्यांची निवड केली, ते धन्य!

आम्ही तुमच्या मंदिरातील पवित्रस्थानाच्या

उत्कृष्ट पदार्थांनी संतुष्ट होऊ.

1 मी हर्षित झालो, जेव्हा ते मला म्हणाले,

"चला आपण याहवेहच्या मंदिरात जाऊ."

6 खरोखर चांगुलपणा व करुणामयप्रीती

मजबरोबर आयुष्यभर असतील,

आणि मी याहवेहच्या,

घरात सदासर्वदा राहीन.

8 परंतु मी तर परमेश्वराच्या आश्रयाखालील

जैतून वृक्षाप्रमाणे सुरक्षित आहे;

परमेश्वराच्या अक्षय प्रीतिवर मी

सदासर्वकाळ विसंबून आहे.

9 तुमच्या मंदिराविषयीच्या आवेशाने मला ग्रासून टाकले आहे,

आणि त्यांनी केलेला तुमचा अपमान माझ्यावर पडला आहे.

मंदिरात येशू

12 येशू मंदिराच्या अंगणात गेले आणि तिथे खरेदीविक्री करणार्‍या सर्वांना त्यांनी बाहेर घालवून दिले. पैशाची अदलाबदल करणार्‍यांचे मेज आणि कबुतरे विकणार्‍यांची आसने त्यांनी उधळून लावली. 13 ते त्यांना म्हणाले, "असे लिहिले आहे, माझ्या घराला प्रार्थनेचे घर* म्हणतील पण तुम्ही याला लुटारूंची गुहा केली आहे."*

येशू मंदिर शुद्ध करतात

13 त्यानंतर यहूद्यांचा वल्हांडण सण जवळ आला असताना येशू वर यरुशलेमास गेले. 14 तिथे त्यांनी मंदिराच्या अंगणात गुरे, मेंढरे व कबुतरे विकणारे आणि पैसे बदलून देणारे लोक यांना पाहिले, 15 तेव्हा त्यांनी दोर्‍यांचा एक चाबूक तयार केला आणि त्या सर्वांना मेंढरे आणि गुरे यांच्यासहित मंदिराच्या परिसरातून बाहेर घालविले आणि नाणी बदलून देणार्‍यांचे मेज पालथे करून त्यांची नाणी उधळून टाकली. 16 मग जे कबुतरे विक्रेते होते त्यांना ते म्हणाले, "यांना येथून काढा! माझ्या पित्याच्या घराची बाजारपेठ करू नका!" 17 तेव्हा शिष्यांना हा शास्त्रलेख आठवला: "तुझ्या मंदिराविषयीच्या ईर्षेने मला ग्रासून टाकले आहे."*

19 तुमचे शरीर परमेश्वराने तुम्हाला दिलेल्या पवित्र आत्म्याचे मंदिर आहे आणि ते तुमच्यामध्ये राहतात, हे तुम्हाला माहीत नाही काय? तुम्ही स्वतःचे नाही;

15 जर माझे येणे थोडेसे लांबले, तर परमेश्वराचे घर म्हणजे जिवंत परमेश्वराची मंडळी जी सत्याचा खांब व आधारस्तंभ आहे, त्या परमेश्वराच्या घरात कसे वागले पाहिजे, हे तुला समजावे.

6 परंतु विश्वासू पुत्र म्हणून परमेश्वराच्या घरावर ख्रिस्ताची नेमणूक झाली होती. जर आपण खरोखर आपला विश्वास आणि गौरवाची आशा शेवटपर्यंत टिकवून ठेवली तर आपण त्यांचे घर आहोत.

44 "आपले पूर्वज रानातून जाताना त्यांच्याबरोबर कराराच्या साक्षीचा निवासमंडप होता. परमेश्वराने मोशेला दिलेल्या निर्देशानुसार व नमुन्याप्रमाणे त्याची रचना करण्यात आली होती. 45 जेव्हा परमेश्वराने इतर राष्ट्रांना त्यांच्या समोरून हाकलून दिले तेव्हा त्यांनी त्यांची जमीन ताब्यात घेतली आणि आपल्या पूर्वजांनी यहोशुआच्या नेतृत्वाखाली जो निवासमंडप त्यांच्याबरोबर आणला तो त्या जमिनीवर दावीद राजाच्या काळापर्यंत तिथेच राहिला. 46 दावीदाने परमेश्वराची कृपादृष्टी अनुभवली आणि त्याने याकोबाच्या परमेश्वरासाठी निवासस्थान बांधता येईल का अशी विचारपूस केली. 47 परंतु तो शलोमोन होता ज्याने परमेश्वरासाठी भवन बांधले.

48 "तथापि, सर्वोच्च परमेश्वर मानवी हातांनी बांधलेल्या घरांमध्ये राहत नाहीत. ज्याप्रमाणे संदेष्टा असे म्हणतो:

49 " ‘स्वर्ग माझे सिंहासन आहे,

आणि पृथ्वी माझे पादासन आहे.

तर तुम्ही माझ्यासाठी कशाप्रकारचे घर बांधणार?

असे प्रभू म्हणतात.

माझे विश्रांतिस्थान कुठे असणार?

50 माझ्या हाताने हे सर्व घडवले नाही काय?’*

न्याय आणि आशा

1 याहवेह असे म्हणतात:

"स्वर्ग माझे सिंहासन आहे

आणि पृथ्वी माझे पादासन आहे.

तुम्ही माझ्यासाठी निवासस्थान बांधणार ते कुठे आहे?

माझे विश्रांतिस्थान कुठे असणार?

2 माझ्या हाताने हे सर्व घडवले

आणि म्हणून ते अस्तित्वात आले नाहीत काय?"

अशी याहवेह घोषणा करतात.

"ज्यांच्यावर मी प्रसन्न होतो ते असे असतात:

जे लीन व भग्न आत्म्याचे आहेत,

आणि जे माझ्या वचनांनी कंपित होतात.

16 मग याकोब झोपेतून जागा झाला, त्याने विचार केला, "निश्चितच याहवेहची उपस्थिती या ठिकाणी आहे, पण मला हे माहीत नव्हते. 17 तो भयभीत झाला आणि म्हणाला, हे किती अद्भुत स्थळ आहे! हे परमेश्वराच्या भवनाशिवाय दुसरे काहीही असू शकत नाही; हे स्वर्गाचे द्वार आहे."