Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
Ge’enaka de 'o Yesus wowosama ma Jo’oungu ma Dutu wi Woa ma ginitarika, de wakikokiginiiki gee yomawuku-wukunu de yo’ija-'ija ge’enaka dau. De wakokileoto pagara 'o pipi yosita-tagali manga meja, de 'o pombo yomawuku-wukunu manga go-gogere. Ge’enaka de 'o Yesus wakidongose, << 'O Buku 'Itebi-tebinoka ma Jo’oungu ma Dutu wongose: <To ngoi 'ai Woa dua yosironga 'o lahidoa ma ngii.> Ma ngini niadiai 'isoka 'o kago’ora ma ngii.>>
Gee 'o Yahudioka manga wange ma amoko 'isoriokau ge’ena la yosingano-nganonie Wakisisupu ma Wange, de 'o Yesus wotagi wosikaie 'o Yerusalemude. 'O Yerusalemuoka ma Jo’oungu ma Dutu 'awi Woa ma ginitaroka 'o Yesus wakimake 'o sapi de 'o domba de 'o pombo yomawuku-wukunu, de mita 'o pipi yosita-tagali ge’enaka yogogerie. 'O Yesus wodiai 'o be-besana moi 'o gumini de ge’enau wakisikiniiki yomawuku-wukunu go’ona de manga sapi de ma domba 'iodumu gee ma Jou wi Woa ma ginitaroka. 'O pipi yosita-tagali manga meja waleoto pagara so manga pipi ma 'ipiakorika. Ge’enaka de wongose 'o pombo yowuku-wukunika, <<Nia’aikika 'iodumu ne’enaka dau. 'Ai Dea 'awi Woa 'uwa niadiai nimawuku-wukunu ma ngii!>> So 'awi do-domoteke yonganonie 'o Buku 'Itebi-tebini ma bo-bulaka 'ingose konee, << 'Ani Woa posironga toduaoka. 'Ai du-duaka 'ai singina ma dodaka ge’ena matero ka 'o 'uku 'ilala-lala.>>
Ngini nianakokau 'ato 'ania roese ge’ena 'o Ngomasa 'Itebi-tebini ma ngii. 'O Ngomasa ge’ena 'imanoa nginioka, de ma Jo’oungu ma Dutuou ma sirete wokula 'o Ngomasa ge’ena nginika. 'Ania roese ge’ena ko to nginiwa nia rongamoi. Ge’ena to ma Jo’oungu ma Dutu.
la kogee katoto’ingonikia ma ngona nanakokau ma Jo’oungu ma Dutu 'awi ngowa-ngowaka ge’ena salingou kokia po’ahu. Ma Jo’oungu ma Dutu 'awi ngowa-ngowaka ge’ena la ma Jo’oungu ma Dutu wowango-wango 'awi jamati, 'o do-dotoko 'iti-tiai ma guata.
Ma ma Kristus ge’ena la ma Jo’oungu ma Dutu 'awi Ngowaka, 'una ge’ena tatapu wajaga ma Jo’oungu ma Dutu 'awi 'umati. De ngone ne’ena ma Jo’oungu ma Dutu 'awi 'umati, nako ngone sigado ma do-dogumika tatapu pomo-moroini de pomagae pongaku de pomasinganono ma Kristusika.
'O woa ma dingoono gee ma Jo’oungu ma Dutu woboa-boa 'o nyawano ma ngii, gee to ngone nanga edete de nanga dotumu ya’asa-'asa 'o tonaka 'ika-kakasaka, 'o woa ge’ena yodiai moteke ma Jo’oungu ma Dutu wi pareta 'o Musaka. De moteke ma dulada gee ma Jo’oungu ma Dutu wosidumutokau 'o Musaka. Ge’enaka de 'o woa ge’ena nanga edete de nanga dotumu ya’asali ma 'orasi 'ona de 'o Yosua yotagi ya’ese 'o daeraa gee ngone podo-dogogere ne’ena. 'Ona ya’ese 'o nyawa ma somoa manga giama ma soatoka, gee ma Jo’oungu ma Dutu wakiginiiki nanga edete de nanga dotumu manga bionoka. 'O woa ge’ena, ge’enaka dau sigado 'o Dautu wopareta. 'O Dautu ma Jo’oungu ma Dutu wi singina wasanangi. De 'una woga’asoko ma Jo’oungu ma Dutuka la wosidabi 'o woa moi wosigoko, ma ngale to ma Jo’oungu ma Dutu gee 'o Yakub wisuba-suba. Ma ka 'o Salomo wodiai ma woa ge’ena, ma ngale to ma Jo’oungu ma Dutu. Duga ma Jo’oungu ma Dutu gee woku-kumati ma sala kowodogogeruwa 'o woaka gee 'o nyawa yodi-diaiku, 'isoka naga 'o nabii manga bukuoka 'isilefoku konee:
< 'O diwanga ge’ena 'ai go-gogere 'ika-karamati,
de 'o dunia ge’ena 'ai dou ma ba-bangini.
'O woa gee kokia niomau niditiai gee yadaene tomanoa?
De 'o ngii kiaka ma ngale ngoi tomaomasa?
Ngoiou todiaiku 'okia sonaa moi-moi!>
Ma Jo’oungu ma Dutu koge’ena wongose.