Casa de Deus

10 Ta’reb e rran ni yira par u Tempel rom

ma kabfel’ nga bbiyu’ e rran nni par u bang;

kug ba’adag ni nggu sak’iy u langan e garog ko naun rok e Got rog

ko bin ni nggu par u tafen e girdi’ ni kireb.

4 Kug wenignag ta’a ban’en ngak SOMOL;

ta’a ban’en e gu ba’adag,

nggu par u lan e naun rok SOMOL u n’umngin nap’an e yafos rog,

mu’ug ngat’ nga feni fel’ SOMOL,

mu gog ngak ngi i pow’iyeg.

4 Ba felan’ e pi’in ni kam mel’egrad,

ni kam fekrad ni ngar pired u lan e naun rom nib thothup!

Bayi gaman u wun’mad e pin’en ni bfel’ ni bay ko naun rom,

ni aram fare Tempel rom nib thothup!

Sorok ni yibe pining ngak yu Jerusalem

1 Gu felfelan’ nnap’an ni lungurad ngog,

"Ngdarod ko naun rok SOMOL!"

6 Fel’ngim ngog nge fanag t’uf rom e rib muduwgil ni bayi un ngog u n’umngin nap’an e yafos rog;

ma naun rom e bayi mang tabinaw rog u nap’an e yafos rog.

8 Me gag e gu bod bake gek’iy ni olive ni galunglung u lane naun rok Got;

Ke pagan’ug ko t’ufeg rok ni dabi mus ni manechibog ko pi chibog.

9 Rogon feni pasigan’ug ni nggu tiyan’ug ko Tempel rom e be gak’ u lan ngorongoreg ni bod ba nifiy;

thin ni kireb ni yibe yog ngom e be kun ngog.

Jesus ni yan nga Tempel

12 Me yan Jesus ngalan e Tempel me tuluf urngin e pi’in yad be chuway’ ban’en nge pi’in yad be folchuway’ nga ban’en u lan e Tempel; me thikiy e tebel ko girdi’ ni be thiliyeg e salpiy, nge chiya rok e pi’in yad be chuway’ ko bulogol, 13 me ga’ar ngorad, "Bay ni kan yoloy u lan e babyor nib thothup nike ga’ar Got, Naun rog e bay nog nib naun ntafen e meybil. Machane gimed be tay ni bangi n’en nma mith e moro’ro’ riy!"

Jesus ni yan nga Tempel

13 Ngiyal’ nem e ke chugur ko madnom ni Paluk’af rok yu Israel, ma aram me yan Jesus nga Jerusalem. 14 Me pir’eg e pumo’on u lan e Tempel ni yad be chuway’ ko garbaw, nge saf, nge bulogol, ma ku errogon e pi’in yad ma thiliyeg e salpiy ni yad bay u tebel rorad. 15 Me ngongliy fen e dimow u yu yil’ i gaf nge tuluf urngin fapi gamanman ngar chuwgad u lan e Tempel, ni saf nge garbaw; me thikiy e tebel rok e pi’in yad ma thiliyeg e salpiy nge wear e salpiy rorad ni wasey u but’; 16 me ga’ar ngak fapi cha’ ni yad be folchuway’ ko bulogol, "Mfeked e pi bulogol nir ngam chuweged u roy! Dab mu ted tafen e Chitamag nib market!" 17 Me yib ngan’ pi gachalpen ni bay ko babyor nib thothup nike ga’ar, "Rogon ni gu be tiyan’ug ko naun rom, i gur Got, e be yik’ u fithik’ag ni bod ba nifiy."

19 Mogned, da mu nanged ni dowmed e Tempel ko fare Kan Nthothup, ni ir e be par u fithik’ i dowmed, ni fare Kan Nthothup ni Got e ke pi’ ngomed? Ere gathi gimed e mmil famed ngomed, ya Got e mmil famed ngak;

15 Machane fa’anra gu sowath, ma re gi babyor ney e bay yog ngomed rogon pangidad ni nge par nrogon girdi’en e tabinaw rok Got, ni aram fare galesiya rok fare Got ni be par nib fos, nre galesiya nem e ir e duga’ me ir e be dunubiy fare thin nib riyul’.

6 Machane Kristus e ba yul’yul’ nrogon Fak Got, ni ir e bmil fan e naun rok Got ngak. Ma gadad e naun rok, ni fa’an gadad ra par nge mada’ ko tomur ni gadad be athamgil ma ba pagan’dad ko n’en ni ir e ke l’agan’dad ngay.

44 "Ma pi chitamangidad e immoy fare Tent u p’eowchen Got ngorad u rom u daken e gi ted ni desert nem, ni kan ngongliy ni bod rogon ni yog Got ngak Moses ni nge ngongliy, ni bod rogon ya’an ni yib i dag Got ngak Moses. 45 Pi chitamangidad ni pi’ pi chitamangirad e re tent nem ngorad, e tomur miyad fek nge un ngorad ko fa ngiyal’nem ni fa’anra uned ngak Joshua ngar feked fa gi nam ni i par girdi’en bo’or e nam u daken me tulufrad Got riy. Me par u rom nge mada’ nga nap’an David. 46 Me fel’ David u wan’ Got, me wenig David ngak Got ni nge pag nge ngongliy ba naun ni nge tafnay e Got rok Jakob. 47 Machane Solomon e ir e toy e re naun rok Got nem.

48 "Machane i Got ni ir e ba Th’abi Tolang e der ma par u lan e naun ni girdi’ e toy; ni bod rogon ni yog e profet ni ga’ar:

49 I Somol e be ga’ar, ‘Tharmiy e ir e tagil’ig,

ma fayleng e tagil’ e magif ko rifrif u eg.

Ere bmit i mang naun e ngam toyed ni nggu tafnay?

Bu uw e gin’en ni ngug gif ngay?

50 Gathi gag faram e gu ngongliy urngin e pin’ey?’

I SOMOL ni bayi pufthinnag e pi nam

1 Be ga’ar SOMOL, "Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?✝ 2 I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

16 Me od Jakob me ga’ar, "I SOMOL e riyul’ ni bay u roy, ma da ug nang." 17 Me tamdag, me ga’ar, "Rib kandugwen e gin’ey! Dabisiy ni naun rok Got ma garog nga tharmiy."