Céu

2 Bivinga kele mingi na yinzo ya Tata ya munu, mpe mu ke kwenda yidikila beno kisika. Mu zolaka zabisa beno yawu ve, kana yawu vwandaka ve ya tsyelika.

Nkembo ya Nzambi na yinza. Musiku ya Yave

1 Mukunga ya mfumu ya miyimbidi. Mukunga ya Davidi.

2 Mazulu ke na kusamuna nkembo ya Nzambi.

Dizulu nyonso ya kuyalumuka ke na kulakisa bisalu ya maboko ya yandi.

5 samu ti, kukwikama ya nge me luta mazulu,

mpe butsyelika ya nge ke kumaka tii na matuti.

8 Lusalusu ya beto kele na Nkumbu ya Yave,

yina yidikaka zulu na ntoto.

25 Nani dyaka kele na mazulu?

Awa na ntoto, mu ke kaka na nsatu ya nge.

Nzambi yidikaka zulu na ntoto

1 Na mbandukulu Nzambi yidikaka zulu na ntoto.

2 Ntoto vwandaka ya kuyilama ve, mpe yawu vwandaka ya mpamba. Maza vwandaka fuka nyonso, mpe kitombe vwandaka fuka maza ya kusunda. Mpeve ya Nzambi vwandaka pepa na zulu ya maza.

6 Nzambi tungaka yinzo ya yandi na dizulu.

Yawu ke fukaka ntoto mutindu muludi.

Yandi ke bokilaka maza ya mubu

mpe yawu ke mwanganaka na ntoto nyonso.

Nkumbu ya yandi kele Yave.

24 Ya kele na muntu yina lenda bumbama kisika yina mu lenda tala yandi ve?

Ni Yave me tuba yawu.

Mu kele ve bisika nyonso na zulu mpe na ntoto?»

Ni Yave me tuba yawu.

17 «Aa! Yave Mfumu, ni nge salaka zulu na ntoto na ngolo ya nge ya mingi mpe na lulendo ya nge ya nene. Ata dyambu me lutila mpasi samu na nge.

20 Kasi beto, beto kele bantu ya mazulu, kisika ke katuka Muvuukisi ya beto, Mfumu Yesu-Klisto, yina beto ke na kuvingila.

Bimvwama ya tsyelika

19 «Beno kutika ve bimvwama na yinza yayi kisika banselele mpe mbungi ke bebisa yawu, mpe kisika miyibi ke mwangisa myelo samu na kulaba. 20 Kasi beno kutika bimvwama ya beno na mazulu kisika banselele mpe mbungi lenda kubebisa yawu ve, mpe kisika miyibi lenda ve kumwangisa myelo samu na kulaba.

14 Na yina, Yesu zabisaka bilandi ya yandi: «Beno bika bana ya fyoti kwiza na sika ya munu. Beno yimina bawu ve samu ti Kimfumu ya Mazulu kele ya bantu yina kele mutindu bawu.»

21 Yesu zabisaka yandi: «Kana nge zola kuvwanda ya kulunga, kwenda kutekisa bima nyonso yina kele na nge, mpe kabula mbongo na bamputu. Na yina, nge ke kuzwa bimvwama na mazulu. Na manima, kwiza mpe landa munu.»

35 Zulu na ntoto ke zimbana, kasi mambu ya munu ke zimbana ve.»

2 Beno sosa bima yina kele na mazulu, kasi bima yina kele na ntoto ve.

16 Beto ke kuwa makelele yina ke zabisa beto ti ntangu yango me lunga. Makelele yango, ni ndinga ya mfumu ya bambazi mpe muningu ya kulumenta ya Nzambi. Na yina, yandi mosi Mfumu ke katuka na zulu mpe ke kulumuka. Bayina kufwaka na kusala kiminu na Klisto* ke vumbuka ntete na lufwa. 17 Na manima, beto yina ke vwanda ntete moyo na ntangu yina, Nzambi ke katula beto na ntoto, mpe ke nata beto na kati ya matuti kintwadi na bawu samu na kubwabana Mfumu na mazulu. Ni na mutindu yina, beto ke zinga ya mankululu na Mfumu.

2 Bampangi ya munu ya luzolo, ntangu yayi beto kele bana ya Nzambi. Kasi beto zaba mbote ve wapi mutindu beto ke vwanda na mantwala. Beto zaba kaka ti ntangu Klisto ke talana, beto ke vwanda mutindu yandi, samu ti beto ke tala yandi mutindu yandi kele. 3 Konso muntu yina kele na Kivuvu yina, ke vedisaka ntima ya yandi mutindu Yesu-Klisto kele ya kuvedila.

18 Mfumu ke kuula dyaka munu na mambu nyonso ya yimbi, mpe ke kotisa munu na Kimfumu ya yandi na mazulu. Bika ti nkembo kuvwanda bantangu nyonso ya Mfumu! Ameni.

Yesu nangukaka na zulu

50 Na manima, Yesu nataka bawu pene-pene ya mbanza Betani. Kuna, yandi nangunaka maboko, mpe sakumunaka bawu. 51 Ntangu yandi vwandaka sakumuna bawu, yandi bikaka bawu, mpe nangukaka na zulu.

9 Na manima ya kuzonza mambu yina, Yesu nangukaka na zulu ntangu bawu nyonso vwandaka tala yandi, mpe matuti bumbaka yandi.

12 Beto ke na kunwana ve na bima ya kimuntu. Kasi beto ke na kunwana na bima ya kimpeve: bamfumu, bayina nyonso kele na lulendo, bantinu ya yinza yayi ya kitombe, mpe bampeve ya yimbi yina kele na kati-kati ya zulu na ntoto.

7 Ntangu beto kwizaka na yinza, beto kwizaka maboko mpamba, mpe ntangu beto ke bika yinza, beto ke kwenda maboko mpamba. 8 Na yina, kana beto kele na madya mpe bilele, yawu me lunga.

9 Mutindu mazulu me lutila ntoto na kuzangama,

ni mutindu mosi mpe nzila ya munu kele ya kuzangama na zulu ya banzila ya beno,

mpe mabanza ya munu kele ya kuzangama na zulu ya mabanza ya beno.

Konso dyambu na ntangu ya yawu

1 Nyonso kele na ntangu ya yawu, konso dyambu kele na ntangu ya yawu awa na ntoto.

15 Yina mpe kele dyambu ya yimbi mingi. Yandi ke vutuka kaka mutindu yina yandi kwizilaka! Wapi ndandu yandi ke kuzwa na manima ya kusala kisalu ya mpamba?